磯幸 (已結業) 查看

去完旅行番黎，個人好空虛啊，只有食物能慰藉我嘅心靈，所以男朋友就帶我去食好野喇，個人即刻開心番曬~預先訂咗枱，所以可以坐吧枱，望住啲廚師係到準備啲食材，就可以知道啲材料有幾鮮，燒蝦同燒龍蝦都係新鮮係水槽拎出黎，仲識郁嫁!!!首先黎嘅緊係最鮮嘅刺身拼盤啦，分別有北海道海膽、北海道牡丹蝦同象拔蚌刺身，一黎到枱面，我真係眼都突埋，因為嗰兩隻牡丹蝦真係超大隻同肥美，水潤亮麗嘅蝦肉真係好吸引，食落味道好鮮甜，微微彈牙，口感一流啊。另外海膽都無腥味，可以食到淡淡嘅海水味，唔洗點醬油同芥茉。最後就係象拔蚌，佢用咗赤貝嘅殼黎載住，食落爽口彈牙，好有嚼勁，我個人好鍾意食之後黎嘅係幾款前菜小食，先有燒香嘅大啡菇，除咗菇肉之外，呢到連莖都一齊燒埋，跟住仲好貼心，將大啡菇分成各小舊，方便食用，菇肉超多汁，唔會燒到乾硬咁另一款小食係成日睇漫畫都會見到啲日本大叔點黎送酒食嘅毛豆，哈哈~ 平時我係一啲豆都唔會食，因為我唔係好鍾意啲草青味，但係毛豆就唔太有呢隻味，所以停不了手，係咁夾，都停不了口，係咁食，清清地，可以食到原本嘅豆香，唔錯最後一個小食就係炸櫻花蝦，好多粒細小嘅櫻花蝦被炸到香脆，但係就咁食炸蝦就會覺得有啲