享慢煮泰 (已結業)

成日搭車經過，都畀呢間餐廳精美嘅裝潢吸引，今次終於約咗友人嚟撑枱腳🤩餐廳嘅入口位於街巷，黃銅招牌加上小拱頂，有一種去secret club嘅感覺。一入門口，燈光柔和，空間唔侷促，斯文嘅店員上前招待，每一句都會加上唔使客氣，欣賞佢哋嘅態度，梳化同靠背椅都有厚身靠枕，座位舒適，感受到餐廳營造交談環境嘅用心，值得一讚👍🏼Menu選擇唔算繁瑣，主要分All Day Set同Gathering 4-Course Dinner，今次同友人揀咗4個course-燒美國生蠔配泰式醬汁 肉身結實，入口先咸後甜，醬汁以酸味為主，餘韻帶有輕微辣味，同海鮮鹹味好夾，唔會主導味覺，唔係出面食到嘅整法，能夠刺激味蕾，係唔錯嘅starter。-西班牙粟飼豬頸肉厚身切片，整齊疊好。味香而冇燒焦味，咬落亦有肉汁。-真空慢煮和牛面頰配瑪莎文咖喱汁經慢煮後肉質非常軟嫩厚綿，牛味重，骨膠豐富，完全冇肥膩感，配搭嘅咖喱汁質地稀身，有淡淡花生香同椰香。一碟有五塊厚切牛面頰，份量好足，下次絕對會encore 。-慢煮挪威鮮三文魚冬蔭燴飯 酸酸甜甜好開胃，濕但唔會糊，每粒飯仍然粒粒分明，三文魚肉油香十足。-CHALAWAN PALE