大都烤鴨 (已結業)

k11有活動拎左$900 蚊k dollars ，梗係拎嚟食貴餐廳🍴🌟片皮鴨(半隻)$298第一眼見碟鴨心諗好細碟，皮同肉仲要分開哂，賣相好一般。配料有4款蜜瓜條,紫蘿蔔條, 青瓜條,京蔥，可蘸京醬/砂糖食。荷葉餅好薄捲好哂所有野放入口，有驚喜到，好好食！皮好脆，鴨肉味濃，餅皮柔軟，配料清爽。🌟小籠包 $55又一個震驚位，小籠包皮好薄，筷子🥢夾個摺疊位會無甘易穿，一咬滿滿一大口湯汁，溫度合適唔會燙口🌟酸魚 (配飯及飲品） $80睇中文以為係酸菜魚，英文就係炸魚嚟，所以估係咕嚕魚之類，點知真係估啱左，啖啖魚肉，唔厚粉，佐飯一流不過茶介每位$20算偏貴，但睇在食物質素係中上水平，都接受既