Pancake 專門

營業中

休息中

同朋友行完銅鑼灣，諗住食啲甜品就返屋企，路過見到呢間甜品店號稱有攞獎嘅拿破崙甜品，即刻入嚟試吓。熟成芒果麻糬雪糕拿破崙 拿破崙有三層，入邊有麻糬、雪糕、忌廉同埋芒果，影完相之後切落去已經感覺到好酥脆。拿破崙嘅層次好豐富，每層都食到杏仁味，層層分明，口感好似食緊十幾層杏仁薄脆😋未試過呢種口感嘅拿破崙，真係有冠軍風範。和栗MONTBLANC呢個亦都係熱門甜品之一，可以自行選擇雪糕同埋pancake嘅味道。我哋就揀咗栗子味雪糕同抹茶味pancake。除咗顏色好吸睛，每一層都有獨特嘅風味，栗子味雪糕很香，有種自然焦糖香氣🌰飲品方面叫咗焙茶雪山同椰子咖啡。焙茶雪山唔太甜，亦都好重焙茶味，厚重又不膩。椰子咖啡清爽，微甘嘅咖啡配甜品，可以清理味蕾，係最佳拍檔！店內嘅裝修用咗可愛嘅Mofusand貓同日式園藝元素，係銅鑼灣比較少見，幾寫意。整體嚟講，拿破崙係必吃選擇，如果下次再去會試吓其他口味嘅拿破崙。