影片
更多
2022-05-31
113 瀏覽
《玩味霓虹燈西餐💈》———————————————-尖沙咀山林道出咗名好多特色小店，之前已經上網search定知道呢間係西餐廳，裏面有個燈牌大大隻字寫住「全院滿座」，咁就梗係要訂定位去食啦😂-餐廳牆上掛住霓虹燈，非常吸睛，雖然地方唔算大，但坐得都算舒服，喺燈光嘅映襯之下別具格調🥰-🥗 Juster Cobb Salad聽店員介紹食咗呢個新推出嘅科布沙律，係一款傳統美式沙律，顏色鮮艷，令人特別開胃🤤 沙律超足料，大大碟，採用進口有機食材，配料好豐富，包括咗雞胸肉、雞蛋、牛油果、車厘茄、青瓜、煙肉、生菜🥬 連醬汁都有4款可以揀，我哋就揀咗胡麻醬，略帶點日式風味，口感清新～-🍝 黑松露牛肝菌醬卡邦尼意粉卡邦尼意粉好creamy，麵質煙韌，十分掛汁，上面佈滿黑松露醬，味道香濃，配搭牛肝菌口感豐富🖤 -🐽 焗多汁豬仔骨配薯條豬仔骨做到燶邊效果，焗到焦脆，黏住微甜帶黏嘅燒烤醬，可以用手拎住直接啃骨咁食🍖 薯條係番薯條，都夠香脆🙌🏻-佢啲飲品名稱都好得意，呢杯曲奇馬上瘋 其實係Oreo Milkshake，打得好綿密，曲奇味香濃🍪 而星爆氣流斬改EX 就係波子汽水梳打特飲，賣相極佳，打卡一流🦋-⭐
———————————————-
尖沙咀山林道出咗名好多特色小店，之前已經上網search定知道呢間係西餐廳，裏面有個燈牌大大隻字寫住「全院滿座」，咁就梗係要訂定位去食啦😂
-
餐廳牆上掛住霓虹燈，非常吸睛，雖然地方唔算大，但坐得都算舒服，喺燈光嘅映襯之下別具格調🥰
-
🥗 Juster Cobb Salad
聽店員介紹食咗呢個新推出嘅科布沙律，係一款傳統美式沙律，顏色鮮艷，令人特別開胃🤤 沙律超足料，大大碟，採用進口有機食材，配料好豐富，包括咗雞胸肉、雞蛋、牛油果、車厘茄、青瓜、煙肉、生菜🥬 連醬汁都有4款可以揀，我哋就揀咗胡麻醬，略帶點日式風味，口感清新～
-
🍝 黑松露牛肝菌醬卡邦尼意粉
卡邦尼意粉好creamy，麵質煙韌，十分掛汁，上面佈滿黑松露醬，味道香濃，配搭牛肝菌口感豐富🖤
-
🐽 焗多汁豬仔骨配薯條
豬仔骨做到燶邊效果，焗到焦脆，黏住微甜帶黏嘅燒烤醬，可以用手拎住直接啃骨咁食🍖 薯條係番薯條，都夠香脆🙌🏻
-
佢啲飲品名稱都好得意，呢杯曲奇馬上瘋 其實係Oreo Milkshake，打得好綿密，曲奇味香濃🍪 而星爆氣流斬改EX 就係波子汽水梳打特飲，賣相極佳，打卡一流🦋
-
⭐ 參考價錢︰（另收加一）
Juster Cobb Salad: $128
黑松露牛肝菌醬卡邦尼意粉︰$112
焗多汁豬仔骨配啤酒薯條︰$138
曲奇馬上瘋︰$47
星爆氣流斬改EX︰$45
🍌 抵deal 指數：7/10
💰 人均消費：$260
張貼
