影片
更多
2021-05-05
15 瀏覽
《正宗印度風味🇮🇳》———————————————-#印度皇 👑-香港地印度菜嘅選擇唔多，估唔到原來喺中上環就有間咁具正宗風味嘅小店。門口細細地好隱世，上到樓上先發現超有特色。老闆同店員都好好客親切，相當用心服務，介紹咗好多啱香港人口味嘅印度菜式，重點係價錢仲好親民添😝-前菜嚟咗個炸洋蔥花圈同香辣鬆化胡椒餅，Papadam香脆嘅薄餅帶點鹹香，同洋蔥粒好夾，都幾開胃。炸洋蔥花圈大大碟，即炸至金黃色，香酥可口～-🍛 印度菜最經典嘅當然係咖哩，我哋點咗招牌嘅香滑馬沙拉雞，雞肉係燒烤過嘅，口感香口。佢嘅辣味慢慢滲出嚟，香料搭配十分巧妙出色，醬汁香濃但唔肥膩，沾烤餅或者配飯食都咁一流！特別抵讚嘅係印度香米形狀細長，炒得口感粒粒分明。-飲品方面，地道之選一定要飲芒果酸奶🥭同新鮮椰青🥥都好醒胃解辣添，用料新鮮，入口滑溜！老闆全餐都當我哋朋友咁招呼，超nice，臨走前仲一齊飲咗兩shot Fireball Whisky，肉桂味出，人情味仲出😊-⭐ 參考價錢︰香滑馬沙拉雞 Chicken Butter Masala：$98蒜蓉炒什菜Garlic Fried Mixed Veg：$85Pullau Ric
———————————————-
#印度皇 👑
-
香港地印度菜嘅選擇唔多，估唔到原來喺中上環就有間咁具正宗風味嘅小店。門口細細地好隱世，上到樓上先發現超有特色。老闆同店員都好好客親切，相當用心服務，介紹咗好多啱香港人口味嘅印度菜式，重點係價錢仲好親民添😝
-
前菜嚟咗個炸洋蔥花圈同香辣鬆化胡椒餅，Papadam香脆嘅薄餅帶點鹹香，同洋蔥粒好夾，都幾開胃。炸洋蔥花圈大大碟，即炸至金黃色，香酥可口～
-
🍛 印度菜最經典嘅當然係咖哩，我哋點咗招牌嘅香滑馬沙拉雞，雞肉係燒烤過嘅，口感香口。佢嘅辣味慢慢滲出嚟，香料搭配十分巧妙出色，醬汁香濃但唔肥膩，沾烤餅或者配飯食都咁一流！特別抵讚嘅係印度香米形狀細長，炒得口感粒粒分明。
-
飲品方面，地道之選一定要飲芒果酸奶🥭同新鮮椰青🥥都好醒胃解辣添，用料新鮮，入口滑溜！老闆全餐都當我哋朋友咁招呼，超nice，臨走前仲一齊飲咗兩shot Fireball Whisky，肉桂味出，人情味仲出😊
-
⭐ 參考價錢︰
香滑馬沙拉雞 Chicken Butter Masala：$98
蒜蓉炒什菜Garlic Fried Mixed Veg：$85
Pullau Rice 印度皇飯︰$48
香辣鬆化胡椒餅Masala Papadam：$21
炸洋蔥花圈 Onion Bhajee：$56
千層餅 Paratha：$34
椰青：$42
芒果酸奶：$36
🍌 抵deal 指數：8/10
張貼
