火土燒肉

K11開咗間以露營為主題嘅燒肉餐廳，裝修佈置頗有特色，四周圍都放置唔少露營用品，例如帳幕、露營櫈、戶外燒烤爐等，連餐具都係露營專用嘅不鏽鋼碗筷，好有camping feel，啱晒來打卡！全牛特選拼盤🐮 $458啱晒我依啲有選擇困難症嘅人🤣，拼盤有齊多款招牌牛肉，包括薄切香蔥牛舌、牛肋肉、牛胸腹、雪花牛小排同埋牛三筋，每款有四片，份量兩個人share啱啱好。整體而言，牛肉質素唔錯，油花均勻，牛味濃郁👍🏻味噌蟹肉田羅燒🦀 $88 (4/5)鍾意蟹膏嘅朋友仔千祈唔好錯過，非常足料，燒完後充滿鮮味，對得住呢個價錢！月見醬燒飯團🍙 $38外型非常吸睛，打卡一流，飯團上檯時已經燒好左，微帶焦香，撈埋蛋黃更加滋味😋醬油帆立貝🦪 $88帆立貝大大粒肉夠厚，雖然味道有啲淡，但更能品嚐出海鮮本身嘅鮮甜蒜蓉牛油金菇🧈 $38呢個配搭一定冇伏🤣，夠晒惹味，大愛❤️牛油粟米🌽 $38粟米粒燒完後牛油味香濃，又可以解吓膩😝鯛魚燒🎏 $48細細件非常可愛，餡料係雲呢拿吉土，外皮燒完後變得煙煙韌韌，口感好似麻糬咁，非常好味！