影片
更多
2021-09-03
60 瀏覽
9 0 後 的 味 蕾 .細個食明將紅豆軍艦，大個先知咩叫日本美食！😶🌫️.上網見到尖沙咀開左間logo以富士山為特色，好吸晴既日本料理餐廳，我呢啲發掘好西既港女foodie忍唔住要豪洗一下。.餐廳主打兩set omakase Course，價錢由$880-$1180，中等價錢，料理高質🤩，亦都有其他散叫食物選擇。.🌞晴Hare $880 ，食物如下：1️⃣水母配三文魚籽紫菜水母爽脆、醬汁酸酸開胃、配埋卜卜聲既魚籽、口感一流、紫菜增添健康感覺.2️⃣ 鮫鰈魚右口魚既中間部份、極滑、食完仲有少少膠感、配清甜醬汁、加蔥花、入口先有魚油香味 、尾位再有蔥花香、大讚👍🏻.3️⃣煙燻鯖魚 入口強烈煙燻味、非全熟、中間保留刺身質感、令到肉質滑身有咬口、零「鞋口」、打破對鯖魚既認知、大讚👍🏻.4️⃣炙燒大拖羅手卷特製芥辣醬、面上撒鹽、配搭適宜、帶出拖羅油香、紫菜好脆、索索聲、好正.5️⃣ 汁煮魚鮫大根、香菇、蒟蒻吸哂醬汁精華、魚質感似三文魚、魚油味香.6️⃣ 6貫壽司鯛魚、深海池魚、拖羅、牡丹蝦、海膽、炙燒北寄貝。手握壽司刺身新鮮、魚味濃烈。鯛魚配柚子同韓式辣醬，味道特別大讚牡丹蝦，蝦味清甜，肉質細綿，有膠質口感，輕輕黏口
.
細個食明將紅豆軍艦，大個先知咩叫日本美食！😶🌫️
.
上網見到尖沙咀開左間logo以富士山為特色，好吸晴既日本料理餐廳，我呢啲發掘好西既港女foodie忍唔住要豪洗一下。
.
餐廳主打兩set omakase Course，價錢由$880-$1180，中等價錢，料理高質🤩，亦都有其他散叫食物選擇。
.
🌞晴Hare $880 ，食物如下：
1️⃣水母配三文魚籽紫菜
水母爽脆、醬汁酸酸開胃、配埋卜卜聲既魚籽、口感一流、紫菜增添健康感覺
.
2️⃣ 鮫鰈魚
右口魚既中間部份、極滑、食完仲有少少膠感、配清甜醬汁、加蔥花、入口先有魚油香味 、尾位再有蔥花香、大讚👍🏻
.
3️⃣煙燻鯖魚
入口強烈煙燻味、非全熟、中間保留刺身質感、令到肉質滑身有咬口、零「鞋口」、打破對鯖魚既認知、大讚👍🏻
.
4️⃣炙燒大拖羅手卷
特製芥辣醬、面上撒鹽、配搭適宜、帶出拖羅油香、紫菜好脆、索索聲、好正
.
5️⃣ 汁煮魚鮫
大根、香菇、蒟蒻吸哂醬汁精華、魚質感似三文魚、魚油味香
.
6️⃣ 6貫壽司
鯛魚、深海池魚、拖羅、牡丹蝦、海膽、炙燒北寄貝
。手握壽司刺身新鮮、魚味濃烈
。鯛魚配柚子同韓式辣醬，味道特別
大讚牡丹蝦，蝦味清甜，肉質細綿，有膠質口感，輕輕黏口既感覺，配埋蟹膏，提升整個層次，蝦蟹氣味混和一體，充滿整個口腔
。海膽非常鮮甜
。炙燒北寄貝令人驚喜，爽口，咇汁，炙燒完都有甜甜口味，完全唔會乾錚錚😋
.
7️⃣櫻花蝦吞拿魚茸手卷
櫻花蝦爽脆、添加口感，吞拿魚茸香
.
8️⃣蜆湯
湯清味濃，仲有隻好靚既海帶蝴蝶，相當吸引
.
9️⃣日本哈蜜瓜配自家製蕨餅
哈蜜瓜極甜又多汁，蕨餅柔軟又綿、淋上黑糖，滋味享受
.
我地另外都散點左啲炸物同炙燒壽司🍣
.
🤩粟米天婦羅 （一定要食！）
粟米勁甜、超爆甜、炸粉薄身、保持食材原汁原味
.
📸鹽酥炸九州小鰈魚
心機之作、將成條魚片起、再切成一小塊，炸成天婦羅，再撒上鹽酥粉調味，鹽酥味唔強烈，令到食到魚鮮味、零腥味
.
📸炙燒拼盤
炙燒火力控制得適宜，件件入口都好香炙燒味，右口魚邊炙燒過之後油脂溢出，好香。
.
個人覺得食物質素對得住個價錢，師傳將食材配搭得宜，待應加茶速度快，仲好細心換碟，環境舒適清靜，配埋柔和音樂，加埋新裝修，食得好享受😎
張貼
