GREEN

之前食完一直想寫，但成日都唔記得。其實佢呢間服務都環境都好好，但食物質素我覺得就有點失望，相較之下，中菜廳天外天會較合我歡心。一坐低就有麵包食，不過啲麵包好硬，我咬咗一啖已經唔太想食。我叫既係未來漢堡，其實感覺幾普通，好似只係整熟d野夾埋一齊咁，本身蕃薯條應該幾好食，但佢唔脆又唔夠熱😩，扣分。而媽媽叫既煎魚居然韌到切唔開，無可奈何之下，唯有叫侍應幫我哋換一碟。佢哋其實都好好，話不如換烚魚俾我媽，魚肉會嫩啲，所以都可以接受。榴槤甜品聽聞係招牌，的確好濃榴槤味，但對我而言有啲過甜，都係藍莓芝士蛋糕比較好食。話失望真係會有，希望之後會再表現會好啲。