影片
更多
2019-09-18
836 瀏覽
成日都好想去食一間高質嘅放題，可以和牛食到飽，今次終於有機會了！朋友約我食一間響佐敦嘅高級放題！$4xx未加一聽見都覺得有啲貴，不過間唔中豪一次都無所謂啦！最緊要好食同埋值回票價！其實佢位置有啲難搵，佢係響油麻地同佐敦中間，我自己都行到過咗龍其實佢係響白加士街垃圾站前返少少又未到佳佳甜品，地下有少少難搵同埋招牌唔算注目，不過上到樓上就完全唔係咁講。入面嘅裝修華麗同埋非常日本風，仲有大大隻 “響”字在上面，好有氣勢，而且座位一啲都唔迫，我同朋友兩個，佢都安排四人座位俾我哋，有別於一般嘅放題超逼坐得不舒服，這𥚃係非常之鬆動，令你坐得好舒服，果然高級放題係唔同啲。🤣嘢食方面一坐低佢哋就會奉上刺身拼盤同埋燒肉拼盤俾我哋，食完第一輪之後就可以繼續無限添加，刺身非常新鮮，三文魚吞拿魚帶子甜蝦生蠔等每一樣都好鮮甜，最正係有超級鮮甜嘅海膽不過呢個就唔係任食，應該係按人頭送的，但我都已經好開心，因為刺身新鮮就已經覺得好足夠！除咗刺身，一般放題嘅熟食佢都有例如天婦羅，沙律，前菜，串燒，炸物等，而且出菜都好快，仲不會漏單，所以響仲未燒肉之前已經食到好開心😃除咗海膽之外，以上所有嘢都可以encore再enco
成日都好想去食一間高質嘅放題，可以和牛食到飽，今次終於有機會了！朋友約我食一間響佐敦嘅高級放題！$4xx未加一聽見都覺得有啲貴，不過間唔中豪一次都無所謂啦！最緊要好食同埋值回票價！
其實佢位置有啲難搵，佢係響油麻地同佐敦中間，我自己都行到過咗龍其實佢係響白加士街垃圾站前返少少又未到佳佳甜品，地下有少少難搵同埋招牌唔算注目，不過上到樓上就完全唔係咁講。入面嘅裝修華麗同埋非常日本風，仲有大大隻 “響”字在上面，好有氣勢，而且座位一啲都唔迫，我同朋友兩個，佢都安排四人座位俾我哋，有別於一般嘅放題超逼坐得不舒服，這𥚃係非常之鬆動，令你坐得好舒服，果然高級放題係唔同啲。🤣
嘢食方面一坐低佢哋就會奉上刺身拼盤同埋燒肉拼盤俾我哋，食完第一輪之後就可以繼續無限添加，刺身非常新鮮，三文魚吞拿魚帶子甜蝦生蠔等每一樣都好鮮甜，最正係有超級鮮甜嘅海膽不過呢個就唔係任食，應該係按人頭送的，但我都已經好開心，因為刺身新鮮就已經覺得好足夠！
除咗刺身，一般放題嘅熟食佢都有例如天婦羅，沙律，前菜，串燒，炸物等，而且出菜都好快，仲不會漏單，所以響仲未燒肉之前已經食到好開心😃
除咗海膽之外，以上所有嘢都可以encore再encore，我食咗兩三轉刺身和熟食之後，就轉戰燒肉了。
燒肉方面真係不得不提，佢呢度幾肉有超級多款而且仲要係高級嘅，好似澳洲和牛西冷，肉眼扒和腹胸，淨係和牛都有咁多個部位。和牛真係入口即溶非常之有牛味，我全部都係燒10秒8秒就食，好好味呀😭😭😭👍👍👍我無諗過可以和牛食到飽😭😭👍👍，另外仲有日本豚肉西冷和腩片，一口牛，牛舌，雞片，豬頸肉和雞翼等等全部都好高質。燒肉真係無得輸，我同朋友都食到好滿足。
食到咁上下，我哋就去沖啲茶同埋食杯雪糕中和一下，雪糕是我至愛的movenpick!!!我食左三杯😍佢呢度嘅茶包都非常之有心思，有玫瑰花茶茉莉花茶同玄米茶等等茶包，飲品也有不少，就連清酒都有分好多款，有梅酒又有柚子酒等。
總括而言我食到捧腹而回，非常盡興滿足的一頓高質放題🤗😋👍正
______________________________
店名：響 - Hibiki 日本燒肉
環境🏝：8.5/10
服務💁🏼♀️：8.4/10
價錢💰：7/10
食物質素🍝: 8.5/10
整體🙆🏻♂️：8.3/10
地址：
佐敦白加士街101號珀軒1樓
張貼
