影片
更多
2022-10-30
4520 瀏覽
今日趁住放假去左觀塘「極尚大瀛喜」食午市日式放題，話時話都有起碼兩三年無食日式放題，本身諗住閒日午市無咩人食放題，點知居然接近全場滿座，非常出乎意料。午市$228/位，呢度採用半自助形式，近門口位置有一個自助取餐區域，包括大量飲品、甜品雪糕雪條、 中西式湯品、熟食如章魚小丸子、熟蝦，以及涼菜如手拍青瓜等等，選擇非常多；另外亦有用手機落單，即點即煮嘅一品料理、刺身、壽司、手卷、揚物，以及麵食等等，基本上多到唔會食得曬。為減低罪惡感，我都係飲餐廳自製嘅無糖冷泡茶算。除此之外，亦有大量不同嘅道地茶飲、樂天忌廉溝鮮奶、可樂雪碧芬達、維他飲品、鴻福堂飲品，擺滿曬四五個大雪櫃。花之戀壽司有大量蟹籽、沙律醬，仲有鮮甜嘅三文魚，幾好食，影落好大件，但其實細細件，飯量唔多，食多幾件都唔驚好快飽，始終係放題，反而愈少飯愈好刺身第一輪仲放埋乾冰黎擺盤，視覺效果一流。刺身普遍厚切，三文魚、油甘魚、吞拿魚等全部都係大大塊又夠厚，三文魚雖然唔係貴野，但就好鮮甜，我自己都食左十塊八塊；油甘魚肉質較爽實，帶微微油香；帶子刺身嫩滑，同樣鮮甜；虎蝦刺身仲蘸左少少泰式醬汁，都幾惹味。壽司選擇都唔少，但由於唔想食咁多飯，所以
午市$228/位，呢度採用半自助形式，近門口位置有一個自助取餐區域，包括大量飲品、甜品雪糕雪條、 中西式湯品、熟食如章魚小丸子、熟蝦，以及涼菜如手拍青瓜等等，選擇非常多；另外亦有用手機落單，即點即煮嘅一品料理、刺身、壽司、手卷、揚物，以及麵食等等，基本上多到唔會食得曬。
為減低罪惡感，我都係飲餐廳自製嘅無糖冷泡茶算。除此之外，亦有大量不同嘅道地茶飲、樂天忌廉溝鮮奶、可樂雪碧芬達、維他飲品、鴻福堂飲品，擺滿曬四五個大雪櫃。
花之戀壽司有大量蟹籽、沙律醬，仲有鮮甜嘅三文魚，幾好食，影落好大件，但其實細細件，飯量唔多，食多幾件都唔驚好快飽，始終係放題，反而愈少飯愈好
刺身第一輪仲放埋乾冰黎擺盤，視覺效果一流。刺身普遍厚切，三文魚、油甘魚、吞拿魚等全部都係大大塊又夠厚，三文魚雖然唔係貴野，但就好鮮甜，我自己都食左十塊八塊；油甘魚肉質較爽實，帶微微油香；帶子刺身嫩滑，同樣鮮甜；虎蝦刺身仲蘸左少少泰式醬汁，都幾惹味。
壽司選擇都唔少，但由於唔想食咁多飯，所以都係點左幾款試下，油甘魚腩及三文魚腩嘅油香比刺身重少少，但就細塊啲，而且多左舊飯，所以食刺身抵食啲；火灸左口魚入口即化，味道雖好食，但偏細塊，加埋舊飯，難以食回本。所以食壽司都算係"GIVE AND TAKE"嘅一個迷思，我個人會食幾件壽司，主攻刺身......
虎蝦天婦羅唔錯，炸粉唔厚，蝦肉亦夠爽滑鮮甜，我追加左幾次。
北海道黃金醬燒虎蝦，醬汁香甜，又加左芝士，非常香口惹味，虎蝦肉亦夠爽彈。
蒜燒帆立貝Juicy嫩滑，蒜香亦夠重。
鹽燒牛舌香口，牛味適中，肉質夠爽，有肉汁唔乾。
一品料理仲有酒煮鮑魚，唔食多幾件回本點得? 鮑魚軟腍得黎，亦夠爽口，帶香甜酒香，都幾好食。
鍾意食榴槤嘅要試下炸榴槤，外脆內軟，煙煙韌韌，咬落去仲爆曬漿，榴槤味重，香甜美味。
一品料理嘅辣酒翡翠螺都唔錯，大大粒唔似花螺咁少肉，醬汁辛香，味道夠濃郁，所以螺肉都夠入味。
張貼
