小蓉麵家

營業中

休息中

星期六走到了太子剪頭髮，剪完都接近天黑，去揾小蓉醫肚。 店面比起一般雲吞麵店寬闊，無擠迫感，而且牆上壁畫，帶來一點古色古香的小清新。 點了個水餃雲吞雙拼湯麵和招牌的XO醬豉油皇牛腩撈麵，外加炸雲吞和炸黃金魚角。 上菜快，轉頭雲吞已到。大大2隻水餃，3粒雲吞，夠足料。水餃餡主要有木耳絲、鮮蝦及豬肉，雲吞就鮮蝦為主，兩者都爽口彈牙。鮮蝦大大隻，爽脆新鮮。 麵底無鹼水味，而且有彈性，拉到長長都唔會斷開。食得出係有誠意的一碗雲吞。 牛腩撈麵啲牛腩好稔好入味，腩汁夠濃，撈埋麵食夠晒惹味，食落啖啖葱香、芝麻香。 另外點左個招牌炸雲吞和黃金魚角，魚角係薄切，但同樣爽口彈牙。雲吞香脆可口，食到大大粒蝦肉係入面。 雖然都係啲中式野食黎，但環境比一般雲吞麵店舒適典雅，食物又有heart，所以值得推介的一間小店。