影片
更多
2016-11-29
499 瀏覽
朋友轉新工，說要好好慶祝一番，想定了去吃西餐，所以問我有何推介。 我印象中很多朋友推介過Eddy chu，但咁耐以黎都未有機會一試，所以便順水推舟，趁這個機會試下。可以原來book位都頗難，晚上的時間都好full，所以等左成個星期先有位去食。亞士厘道之前去過一次食放題，感覺很差，所以曾經講過短時間唔會返去呢度食野，但原來Eddy chu就係同一大廈的19樓，命運呀~ 大家相約準時8點現身，餐廳唔算大，但都佔左全層，座位分開2部份，裝修是走簡約路線，擺設並不多。餐廳廚房是對正門口，一出lift，chef stage已經夠搶眼。門口仲貼有大大小小的報章報導，可見Eddy受歡迎並非浪得虛名。侍應安排我地坐近門bar枱位。 成個bar枱櫃都放滿不同種類的紅白酒，全男班的侍應，因為晚市開始，已經忙個不停。我地坐低無耐，人越來越多，半個鐘之內竟然座無虛席。我們不好酒，所以聽侍應哥哥推介要左jar迷幻假期，外加一份沙律、一份脆包、一份魚柳及2份主菜。 迷幻假期原來係special drink，唔係drink list，主要由新鮮strawberry、blueberry、ras
大家相約準時8點現身，餐廳唔算大，但都佔左全層，座位分開2部份，裝修是走簡約路線，擺設並不多。餐廳廚房是對正門口，一出lift，chef stage已經夠搶眼。門口仲貼有大大小小的報章報導，可見Eddy受歡迎並非浪得虛名。侍應安排我地坐近門bar枱位。
成個bar枱櫃都放滿不同種類的紅白酒，全男班的侍應，因為晚市開始，已經忙個不停。我地坐低無耐，人越來越多，半個鐘之內竟然座無虛席。我們不好酒，所以聽侍應哥哥推介要左jar迷幻假期，外加一份沙律、一份脆包、一份魚柳及2份主菜。
迷幻假期原來係special drink，唔係drink list，主要由新鮮strawberry、blueberry、raspberry及cranberry搾汁再加入雪碧混合而成，入口是微酸帶甜，好fresh好開胃。鮮紅色的外表，十分迷人!!當中還加入了台式飲品常見的爆珠，口感好過癮。侍應哥哥話呢個特飲可因應客人要求而換成有酒精版本，$128(jar)/$50(杯)，而無酒精的便是$98(jar)/$40(杯)。
燒牛脷熱脆包Grilled OX-Tongue with Crispy Bun $88
法包先來，外皮焦脆，但包身仍然鬆軟。慢煮牛脷好稔，但卻不失咬口，呈嫩粉紅色，配上芥末沙律醬，每一啖咬落去都有足料的牛脷同埋creamy的沙律醬，好好味。伴碟附上新鮮菠蘿及Basil!食完麵包，食粒菠蘿清清口腔內的芥末，好貼心的食法，兩者配搭，味道很夾，其他餐廳少見。
洋葱凍蝦沙律Cold Prawn with chopped Onion Lemon Olive Oil $158
洋葱切成碎粒，以檸檬汁和橄欖油撈勻，配上大大隻凍蝦，蝦腸已經預先去除，這點令人好surprised。凍蝦大大隻，肉質結實有彈性，食得出是新鮮出品。沙律好fresh好清新，輕怡清新之選。
香脆鮮魚柳配蝦片Deep - Fried Fresh Fillet of SeaBass $138
來到魚柳，外皮炸得金黃，外皮香脆但肉身卻滑嫩多汁，配上自家製沙律醬，已經是穩陣之配搭，但驚喜的是沙律醬中加入了爆珠，令成件事唔同晒，增加左口感之餘又多左份新意，加埋蝦片，變成了一菜兩食，見得出餐廳係食物方面的心思。
來到主菜，香燒正宗法國羊腩(Grilled Lamb Belly $158)，羊腩預先已經煎香，上面灑上了香脆的麵糠，因為麵包糠比平時食開的香脆帶蒜香，所以一食落去就食到分別。羊腩好正，正到無朋友，肉質肥美，但唔係滿口肥膏嗰種，係層皮連住少許脂肪，再配上彈牙的羊腩肉。感覺就如食緊一件係由薄豬皮連少少肥膏痴住肥美豬肉的感覺，但成件事係變左羊，有羊的羶味但完全唔過份地羶，鍾意食羊的朋友真心不能錯過。
橡果級黑毛豬(Gilled Iberico Bellota Pluma $498)，呢個又係正野黎。侍應哥哥上菜前叮囑我地一定要食左個伴碟菠蘿先，清清個味蕾，然後先再食件黑毛豬。大大件的黑毛豬，你肉眼望唔出肥美，但切的時候，你會見到肉質結實而有彈性，食落口，完完全全就似係度食緊件肥美的豬頸肉。單食又得，配上黑椒汁食又有另一番風味。食到漏，食件菠蘿再食塊Basil，清清喉嚨，又可以再食。食肉食得咁正咁爽，呢度真心正呢!!
埋單心裏有數都覺得過千先落到樓，點知一千蚊有找，真的很意外。比想像中平了，所以覺得性價比高之餘，呢度服務又好，而且物超所值。臨尾時，Eddy仲出黎問下食客有何評價，好nice，可惜當我地準備好表逹我地的讚不絕時，佢有要事先走，飲恨~~~今餐食得好滿足，一定encore的一間西餐，實惠的價錢，但高質素的西餐，Eddy chu你係得嘅!!!
張貼
