Bistro Bon Bon

營業中

休息中

位於佐敦庇利金街< 𝐁𝐢𝐬𝐭𝐫𝐨 𝐁𝐨𝐧 𝐁𝐨𝐧 >, 一間新開咖啡店, 裝潢以綠色為主, 環境舒適, 由於新開張, 所以推出咖啡買一送一, 頗划算呢。48°ᴄ ꜱʟᴏᴡ ᴄᴏᴏᴋᴇᴅ ꜱᴀʟᴍᴏɴ ᴡɪᴛʜ ɢᴜᴀᴄᴀᴍᴏʟᴇ ᴏᴠᴇʀ ʀɪᴄᴇ $⁹⁸48°C慢煮挪威三文魚牛油果醬丼, 選用刺身級挪威三文魚, 以慢煮方式烹調, 肉質相當嫩滑, 配搭奶香牛油果醬, 很滿足呢。ꜱᴘᴀɢʜᴇᴛᴛɪ ᴡɪᴛʜ ᴘʀᴀᴡɴꜱ, ꜱᴀᴋᴜʀᴀ ꜱʜʀɪᴍᴘꜱ, ᴄʜᴇʀʀʏ ᴛᴏᴍᴀᴛᴏᴇꜱ ᴀɴᴅ ꜱᴘɪᴄʏ ɢᴀʀʟɪᴄ ꜱᴀᴜᴄᴇ $⁸⁸大蝦蒜油鮮茄櫻花蝦意大利麵, 麵條軟硬度適中, 整體味道相當惹味。ꜱ.ᴏ. ᴄʜᴏᴄᴏʟᴀᴛᴇ ⁽⁺$¹⁸⁾單品朱古力, 放上可愛拉花, 味道濃郁帶點酒香。ɪꜱʟᴀɴᴅ - ᴍᴀᴛᴄʜᴀ ᴘᴇᴀᴄʜ ᴛᴏɴɪᴄ ⁽⁺$³²⁾島嶼 -抹茶白桃通寧, 漸層很美, 梳打水放入白桃果醬, 再帶點茶香。ᴄʜɪᴄᴋᴇɴ ꜱᴏʏᴍɪʟᴋ ꜱᴏᴜᴘ ᴀɴᴅ ꜱᴀʟᴀᴅ ⁽⁺$²⁰⁾豆乳雞湯及沙律, 材料十足。Bistro Bon Bon (佐敦) 📍佐敦

行經佐敦，今次晴美帶媽媽去試法國料理來慶祝母親節。呢間「Bistro Bon Bon」是一間法國小酒館，內裡是Tiffany Blue的裝潢，充滿情調是適合慶生/紀念日的好地方。最近咖啡仲做緊買一送一，最平$15飲到添！溫泉蛋牛肉丼牛肉帶有豐富的肉汁和口感，溫泉蛋用慢煮方式製成更加絲滑，中間有海苔層，令整個飯更有層次，飯用粒粒珍珠米 。48度慢煮挪威三文魚牛油果丼慢煮半熟三文魚，這樣三文魚口感更加嫩滑、入口即溶 ，牛油果🥑醬份量很多，十分細滑，聽聞是店家自己每日攪拌，中間有加柚子醋，少少酸味增加層次感，三文魚籽多。邦邦拿鐵是用博士茶加燕麥奶而成，意外地般配。好濃奶茶香，但無咖啡因，適合晚上避免飲啡的朋友島嶼 是抹茶🍵蜜桃🍑湯力，有上綠下紅的美麗分層，攪拌剎那igable ！有抹茶的甘夾雜蜜桃果汁的甜美，仲有蜜桃果肉。十分驚喜的調配！

最近同朋友去佐敦搵野食，經過見到一間門口好有法國色彩嘅餐廳。感覺唔錯，當然要試下新野啦！呢間門口係Tiffany Blue啲嘅法國小酒館🥂環境裝修好有特色，店員勁nice 💕我地order左幾個餐。 我自己想試個炸雞，但見佢係配飯嘅，多口問句店員，唔食飯有冇其他選擇? 佢好好，即時幫我轉左個牛油果沙律底。，估唔到問一句就有。今時今日咁嘅服務態度先會有回頭客！ 俾個like呢度嘅服務🫶🏻而且個炸雞脆卜卜得嚟唔油膩，配埋清新牛油果沙律，減少罪惡感。好味😋 我地一人一個套餐，賣相同味道都唔錯。好鐘意佢跟餐加配嘅甜品，有煙肉🥓脆脆配海鹽芝士蛋糕，好夾呀，口感層次豐富。非常唔錯。聽講個Cake經常會轉，每次嚟都可能有驚喜。期待嘅🥰🥰呢度嘅氣氛好好 ，好適合三五知己，食下飲下傾下計。當日仲見到人慶生，氣氛都唔錯🥰

去佐敦買嘢。發現JD mall 後街開咗間新餐廳。門面用藍色裝修。帶有法國小店感覺。入去食個lunch先。我哋兩個人叫咗2個set lunch, 感覺唔錯😊辣蒜油大蝦意大利麵$98有3隻大蝦🍤。初初諗住㗎，蒜油會好油膩。但係佢原來只係落好少油。所以食落唔會油，但又有🧄蒜香味。意粉佢用1.4mm 日本意大利麵，所以煮出嚟嘅意大利麵口感特別彈牙，配埋爽彈有冇房？紫蘇木魚湯大蜆魚大利麵$98好多大蜆。食落有淡淡紫蘇味。同様都係用1.4mm日本意大利麵。有咬口。好味。 +$35 Cheesecake - Sea Salt Caramel cake**芝士蛋糕上面有焗咗嘅煙肉。配合cheese cake一齊食。帶有小小鹹香。好夾好味。+$20 bon bon Peach Tea (Rocbos Tea)白桃冰茶（博士茶）博士茶做茶低，夠清新又健康+$20 CHICKEN SOYMILK SOUP AND SALAD **豆乳雞湯及沙律，材料十足又新鮮。

Bon在法文有「好」的意思佐敦新開的法式小餐館Bistro Bon Bon兩個Bon有Bon voyage與Bon appetit的意思合在一起就變成了聽起來有夠萌的「Bon Bon」第一次經過吸引我的是餐廳前的coffee grab & go 位置快速買了杯咖啡，感䚁不錯二訪就來看看食物水準不得不說食物價位定很親民48度慢煮三文魚牛油果醬丼用料是刺身級挪威三文魚慢煮烹調肉質嫩得入口即溶日式食法配米飯與牛油果醬不由來地有種家常的暖意另外pasta是偏惹味的大蝦蒜油鮮茄櫻花蝦欣賞麵條做到軟硬口感剛好大蝦與櫻花蝦的咸香表現出色鮮有地那晚還來了趟夜啡用博士茶沖Latte倒是第一次喝到茶感出奇地突出把同場的matcha latte比下去了奉上一趟好旅程與味蕾享受或許是試業中，餐廳的餐牌沒很驚豔的菜式但食物質素反映餐廳挺有潛力做得更多是值得介紹朋友來的小店加油！Bon Bon。

雖然定位係西餐 不過咖啡比想像中高質（仲有靚靚拉花😍）而且環境都幾靚 店員們都非常有禮貌呢午餐有五款主食選擇 最特別係佢嘅餐湯居然係豆乳雞湯！大推大蝦蒜油鮮茄櫻花蝦意粉 個蒜油好香又唔會好油 另外見到有牛油果三文魚丼好似幾正又叫黎試下 不過如果係醋飯就更好啦 🤤 依家佢哋新開業仲做緊咖啡買一送一優惠 大家經過都可以試吓✨⁡⌕ 大蝦蒜油鮮茄櫻花蝦意大利麵 ᴴᴷᴰ⁸⁸⌕ 慢煮挪威三文魚心牛油果醬丼 ᴴᴷᴰ⁹⁸⌕ BonBon 白桃冰茶 ʷⁱᵗʰ ˢᵉᵗ ᴴᴷᴰ²⁵⌕ Latte ʷⁱᵗʰ ˢᵉᵗ ᴴᴷᴰ¹⁵ ⁡

超有心思嘅新店呢間新開cafe樓底好高，裝修都好精緻，座位都好寬敞，坐得好舒服～辣蒜油大蝦意大利麵 $98賣相超吸引！雖然望落油油的但食落完全唔會覺得好油！一上檯已經勁香蒜味！食落都好惹味！大蝦煎得幾爽口彈牙～蛋黃漬蔥吞拿魚茸三文魚子丼＄108本身冇跟豉油仲驚會好淡味～不過撈埋個蛋黃漬就啱啱好！吞拿魚茸撈飯真係一流！味道就正正常常～如果想試Cafe嘅質素，下次都係試吓其他意粉先！P.s. LUNCH MENU +$20轉套餐個人認為係必加！豆乳雞湯飲落好舒服，好似日式小店飲到嘅餐湯咁🤣沙律加咗櫻花蝦都幾特別！

久違了的新店探訪✿❥ 辣蒜油大蝦意大利麵 $𝟿𝟾賣相很好啊！夠香口惹味 意粉軟硬度很合心意大蝦口感很夠爽口彈牙 ( ˶ˊᵕˋ)੭♡❥ 蛋黃漬蔥吞拿魚茸三文魚子丼 $𝟷𝟶𝟾份量不少的 味道正正常常ʟᴜɴᴄʜ ᴍᴇɴᴜ +$𝟸𝟶轉套餐：：：會有豆乳雞湯 & 沙律湯有點驚喜 不錯喝的雞肉亦好吃！❥ ғʟᴀᴛ ᴡʜɪᴛᴇ❥ ᴍᴀᴛᴄʜᴀ ʟᴀᴛᴛᴇ飲品有-$𝟸𝟶優惠拉花很美 又是一個意外收穫💚🜚 店子雖然不大 但環境算舒服店員熱情友善 食品製作有誠意性價比不錯 ❣︎

近排先新開嘅西餐廳,老闆係一個好有熱誠嘅話人❤️店員講餐廳背後嘅意義真係超有意思的!!而食物嘅材料都唔敷衍😚🔺豆乳雞湯及沙律🥗第一次飲豆乳湯,豆乳很濃配料有雞肉,冬菇🍄‍🟫沙律就不過不失~🔺大蝦蒜油鮮茄櫻花蝦意大利麵 $88個人大愛❤️‍🔥超級香炸蒜再加上用蒜油炒所以真係好香蒜味🧄作為蒜控真係超滿意!!而櫻花蝦都幾多令成個意粉更加惹味🦐大蝦煎得幾香又彈牙但要注意意粉會有少少辣✨🔺墨魚汁魷魚意大利麵 $88超濃厚墨魚汁又creamy,愛墨魚汁要試🖤意粉上面有蟹籽口感更好,魷魚一共有5舊也不錯🦑意粉偏creamy關係所以會少滯~🔺焙茶拿鐵 +$22焙茶味很濃而且唔會好甜,值得一試🥰🔺摩卡 +$28朱古力用咗單品朱古力會偏酸一點同苦一點🍫而咖啡係果酸的所以整體酸味較重👀🤤好味度 : 8/10🔙回頭率 : 8/10

佐敦新𝓬𝓪𝓯𝓮咖啡買一送一 最平$15飲到！？雖然身居鬧市 但店內環境唔嘈主食選擇唔算多 但幾抵食 餐湯沙律連咖啡$100內埋到單！食物份量算多 味道亦不錯啦＾o＾.大蝦蒜油鮮茄櫻花蝦意大利麵 $88.48°C慢煮挪威三文魚牛油果醬丼 $98.西西里咖啡 +$32西西里咖啡充滿夏日感 𝖤𝗌𝗉𝗋𝖾𝗌𝗌𝗈伴隨檸檬香 微酸清新.Bon bon latte +$22特調𝘽𝙤𝙣 𝘽𝙤𝙣 𝙇𝙖𝙩𝙩𝙚採用博士茶沖製 好濃奶茶香 但原來無咖啡因！雖然唔係走打卡路線 但整體發揮也𝙤𝙠～價錢親民 市區嚟講定價算好佛心啦

中午經過佐敦見到幾個大大的金字:Bistro Bon Bon, 內部裝修以米黃色灰色為主，低調而奢華，於是進去醫肚！大蝦蒜油鮮茄櫻花蝦意大利麵🍝意大利麵比較幼，吸收了各種配料的味道非常香辣，有香郁的蒜香也有櫻花蝦的濃郁而豐富的海鮮風味，大蝦鮮甜與蒜油的香味完美融合，好美妙的滋味。慢煮挪威三文魚🐟牛油果醬丼三文魚經過慢煮後肉質十分柔嫩，仲有多粒珍珠般的魚籽爆在口中好滿足！牛油果泥加入紫菜和芝麻，滑順而奶香的口感又有紫菜香味，口感豐富令人難以抵擋的美味。抹茶拿鐵好靚的飛馬拉花，抹茶的味道帶有一絲苦甜，滋味濃郁而不會過於甜膩，令人回味！由於新開張，咖啡買一送一真是好抵啊！白桃冰茶🍵茶葉的香氣與白桃的甜香相互交織，形成一種和諧的味道組合這間餐廳的風格和味道都好心意❤️，下次會再來！

前幾日行過見到呢間新餐廳，星期六決定去試吓！溫泉蛋牛肉井：呢道料理結合了溫泉蛋和牛肉，溫泉蛋在低溫下慢煮，令蛋黃保持濕潤又具有絲滑質地。牛肉帶有豐富的肉汁同口感。食到底有小小dry,多一點醬汁更捧!48度慢煮三文魚牛油果井：慢煮可以保持三文魚的嫩滑和美味。配埋牛油果泥，增添左奶油質地和健康脂肪。係一個豐富、美味又營養既料理。Mikan Blackccino：帶有柑橘酸甜風味既咖啡 呢款飲品品質很高，朋友大讚Hand Drip：揀左fruity豆, 好香好好味呢家新開的店有令人期待的美食同飲品。聽講係試業中，希望保持水準！🍽️☕

前幾日經過見到呢間新餐廳，喺外面望下餐牌，職員友善要請幫趁，但因為食左飯就冇入去。今日就有機會試一試，選擇都幾少，午餐好似得5個選擇，冇其他野食，但飲品（跟餐減20蚊）都幾多選擇。新餐廳唔抱期望，隨便叫左個慢煮三文魚牛油果醬飯同墨汁意粉，估唔到又幾好食，推介三文魚牛油果醬飯。野飲選了Flat White同焙茶Latte,好飲喎服務方面，都幾好招呼同有禮貌。最驚喜係唔駛加一服務費。會encore!慢煮挪威三文魚牛油果醬丼 98墨魚汁魷魚意大利面 88flat white 加 12焙茶latte 加 18