KURI Cafe

營業中

休息中

之前都黎過依間寵物友善餐廳今次再黎個陣發現多左Ian生日應援全間餐廳都佈置得好靚 好有心思每個角落都搵到Ian既痕跡連餐牌 菜式名都為Ian而設全部都用Ian既歌黎做名鍾意Ian既朋友記得抽時間黎打卡啦我地都試左好多款野食唔係得個樣為左打卡味道都好過其他出名既cafe擺盤都有d心機

下一站嚟到大埔試新一間🐨生日應援cafe～ 之前喺社交平台睇過cafe profile，大概知道依間本身係一間以刺蝟做主題同售賣自家製精品嘅cafe 🤓 依次可以順便嚟試試啦～🍽 地球上最後一朵花 (煙三文魚墨汁意大利飯) 😋😋😋😋喺黑色墨汁嘅「地球」意大利飯上有煙三文魚砌成嘅「一朵花」🌹 視覺效果上有強烈嘅對比 😎 意大利飯唔會好硬，鹹鹹地，調味啱啱好，內裡有切半嘅車里茄同切片蘑菇～ 煙三文魚都好嫩滑，增加鹹鮮味～☕️ 仍在嘆啡 (意大利芝士餅味咖啡) 😋😋😋😋奶泡面灑上有🐨嘅卡通插畫，咖啡帶有tiramisu嘅甜酒味，味道濃郁 ☺️午餐 💵💵💵💵 約港幣$180/人💁🏻‍♀️ 到目前為止，依間係小編今年去過佈置得最靚嘅cafe 😍 特別係門窗上🐨號嘅玻璃貼，係近期較少見嘅～ 而每張枱都貼上🐨嘅作品QRcode，仲會播放🐨嘅歌曲，真係好有心機！👍🏻 生日應援期間有限定餐點，平日lunch set都會暫停～🙆🏻‍♀️ 最後，喜歡嘅話，歡迎follow @foodirectory.hk ！

鮮果Waffle配雪糕個樣都幾靚同埋味道都好，佢可以揀兩個口味嘅雪糕，我就揀咗雲呢拿同埋Cookie Cream，Waffle質素都唔錯，外脆內軟而且夠香，啲雪糕質素亦都唔錯，唔會得個甜字，拌碟嘅士多啤梨粒粒同埋藍莓粒粒都唔錯。Scone又係整得唔錯，jam同clotted cream份量都幾多，一啲都唔孤寒，夠搽滿個Scone有凸。本來諗住飲咖啡，不過原來個tea set轉咖啡要加$12 ，所以就飲唔使加錢嘅伯爵茶同埋茉莉茶，竟然用T字頭名牌子茶包，都OK啦。

整間店以淺色木紋為主，感覺好乾淨同溫馨，店內坐位好闊落，門口有個坐既打卡位，安排幾特別。今日試左個香草蕃茄醬牛柳粒意大利飯，Risotto係一道意大利既傳統食物，同港式燴飯唔一樣，一般會用短粒米，用湯汁烹煮至飯熟，但米中心有咬勁，呢點KURI做到了。反而個牛柳粒過熟，有點鞋，整個餐個味道都唔錯，而且份量唔少。我額外加左件煙三文魚，廚房幫我捲成１朵花放飯面，我覺得好靚，令我個午餐生息不少，三文魚偏咸咗少少。

今日特登過去食Lunch，簡左豬扒。前菜正常，豬扒就正到不得了。豬扒有成吋厚，但肉質好嫩，好Juicy，好好味。豬扒大細望落係跟一般餐廳一樣，但因為好厚，我呢個成年男人太飽食唔晒。

大元街市平台呢間cafe，一開始我覺得“都係食cafe個啲嘢囉” 但食完發現性價比好高。原來仲可以帶狗狗來一齊食嘢，本身冇養寵物的我現在都好喜歡來，因為食物好吃，員工又友善，特別見到佢哋對狗狗好nice,讚！👍今次見佢地有聖誕餐，即刻約埋屋企人一齊來食個聖誕大餐，又係性價比超高！仲有可愛聖誕薑餅人特飲。burger好大份，個包又甜甜地幾好食，再配埋蕃薯條！我最愛😍我地又叫咗龍蝦意大利飯，仲有比目魚，都係好好食，絕對唔係街市貨色。另外一份龍蝦配牛柳，龍蝦焗得剛剛好，肉質好滑好甜，如果個牛柳可以配少少汁就perfect !🤗

食物 環境 都要俾100分👏🏻一入座餐廳職員已經擔心🐶會太熱好細心咁俾咗把小風扇佢吹💖餐單亦有多款寵物食品🦴🐶 煙三文魚碎蛋牛角包🐶 白酒忌廉青口配多士🐶 炸軟殼蟹蒜香辣茄意粉🍹 凍榛子咖啡🍹 凍蜜桃冰茶🌟價錢貼地，無論飲品同食物都質素高👍🏻一坐低已經撞到朋友帶兩隻狗狗黎放假鬆一鬆。小妹先點了🥐，煙三文魚加碎蛋沙律已經迫爆個牛角包，旁邊仲有新鮮沙律菜伴碟，搞到🍗都好想食😂炸軟殼蟹蒜香辣茄意粉味道濃，軟殼蟹炸到好鬆脆而且好大隻，差啲大到遮住啲意粉🍝加多個白酒青口，粒粒都好飽滿，加埋白酒忌廉配蒜蓉包，ummm…yummy😋不過我要特別推介餐廳嘅飲品，全部都用心調配，有我最愛嘅榛子咖啡，而且焦香咖啡豆味，好岩我口味🥰食完仲可以係入口嘅打卡位影相，你地睇雞髀🍗笑到好開心😁😁😁

第二次幫襯大元平台呢間cafe 喺呢個平台佢價錢算唔平，特別係旁邊開左出名以本傷人既撒利亞，更加有比較今次叫左個海鮮意大利飯，菠蘿梳打欣賞佢意大利飯既口感，唔係港式燴飯，除咗上面兩隻青口同蜆，飯入邊都仲有魷魚同埋蝦仔，份量不少。而且個汁濃縮左入去個飯入面，十分滿足菠蘿梳打，我叫咗少甜，味道啱啱好👏之後仲叫咗個蛋糕，size細左啲，味道正常，食完個飯唔夠飽，食埋件蛋糕就啱啱好！呢度既環境好，乾淨，服務友善，店員都好細心同會吹下水。食物絶對好過撒字頭，可以話係呢區最出色既西餐！

約左一班狗狗黎大元邨玩，順便黎食個下午茶😄餐廳係pet friendly, 但會安排有寵物既客人坐埋一邊🫶🏻唔會影響其他客人～.✨Kuri炸物拼盤✨有雞軟骨、炸雞塊、炸魷魚圈、薯條、炸蕃薯仔😁最好食係炸蕃薯仔，脆脆地甜甜地咁🍠其他主要都係來貨野啦，奇怪係配沙律醬😅個人覺得茄汁會夾d, 問左店員另外攞✨牛油白酒蜆肉扁意粉✨呢個意粉有種喺屋企整出黎既味道🤣唔差既，蜆仔細細粒咁但無沙👍🏻係個意粉煮得over左少少，有dd糊口✨抹茶牛奶、泡沫咖啡✨正常發揮既cafe飲品🙂

大元邨街市樓上早排開咗間Pet-friendly嘅cafe，今日終於有機會嚟試吓～佢門口仲有個打卡位俾狗狗們打卡添☺️ 店鋪係木系風格，播住輕鬆嘅音樂，weekend嚟呢度食個brunch都悠閑☺️⭐️ 班尼迪克蛋配煙三文魚 ($72) ❤️7.8睇落份量好似唔多，但原來有成四大塊煙三文魚！荷蘭醬調得幾惹味，蛋黃半熟唔算好流心，如果可以流心啲更好～沙律菜幾新鮮，再多少少份量會開心啲🙊 整體都可以俾好耐冇食egg benedict嘅我過吓口癮～⭐️桂花咖啡 (+$12) ❤️8.0雖然係QR code落單，但依然有得揀少甜同脫脂奶，好貼心☺️ (雖然如果可以走甜更好🤣）桂花味好清香，咖啡亦幾香滑，大家可以試吓！

以輕食為主的店舖，空間濶，走寵物或親子路線。這個半熟香煎吞拿魚沙律多士味道得宜，賣相不錯。而且多士香脆，感受到用心製作的誠意。至於凍棒子鮮奶咖啡，客人可選擇甜度及冰度，預期之內的口味，咖啡豆是即磨制作，但未有驚艷之處。是個放鬆好地點，比起連鎖式經營的咖啡店更溫暖。

餐廳係Pet Friendly 食店見到職員會盡量安排有寵物同無寵物既客人簡單分隔坐，讚👍🏻食物叫左卡邦尼意粉同新推出既辣肉膠Pizza，食物水準Okay，下次會再來試其他😋

在4月谷友介紹的寵物友善 Cafe🐶🐱，和朋友光顧了好幾次。但近月內兩次的體驗愈來愈失望，十分可惜，食物質素嚴重下降。🥺和朋友點了軟壳蟹意粉和蜆肉意粉，兩份意粉味道偏鹹，蓋過其他食物味度，軟壳蟹身有些苦，可能未處理好腮部，外觀也十分差，看不出是軟壳蟹，朋友説炸得有點像小強曱X😖😰，大埔也有很多Cafe有這款，這算是我們見過貌相最差的，不知店主和廚師有沒有煮軟壳蟹經驗，而我點蜆肉意粉内有碎壳，食起來要小心，非常不便。😞朋友沒有心情打卡，只有我發給老公的相片參考，實物比相片還差。😅原先想一同外賣給家人，但老公和女兒看見食物相片，説相片好像拍得霉霉黑黑，意粉貌相像茶餐廳款式😓，問我這款是否煎太陽蛋意粉？😅最後表明不用買了。我還記得早期有紅菜頭的意大利飯、煙三文魚花意粉，卡邦尼烏冬等等款式都是味度不錯具特色的，貌相也吸引，朋友以前會影相打卡，現在款式少了，更愈來愈似薩X亞，味度品質也是。😣除了食物質素下降，咖啡也好像沒有以前好喝，多了陣霉味，感覺少了人光顧，但員工服務是周到的👏，雖然她們説話有時給人不耐煩服務你和沒禮貌的感覺。希望店主和廚師用心一點處理好食物味道和感觀，評語有點嚴厲😠，但由一個

寵物有善餐廳 在 大埔 大元村 吃早餐 整體普通，不過裝潢擺盤價格都可以，我哋叫了一個早餐加一杯飲品連加一$102.3/2人。好似過左早餐時間星期六日有最低消費額。吞拿魚沙律牛角包 ，牛角包都鬆化，蔬菜都新鮮，吞拿魚份量都多。2杯咖啡味都偏弱小小，泡沬咖啡(+$12)泡沬口感可以，另買約$33朱古力咖啡拉花都ok，朱古力味淡但幸好不甜。空間感都可以，坐得都舒服，有寵物可坐係近窗，門口又有寵物公園整體感覺都可以。

今日同屋企人去左大埔大元邨街市上面嘅平台食早餐，見到樓上開咗間刺蝟做主題嘅餐廳就決定入去試下，overall質素唔錯，又平又抵食，服務態度好好，我地係度坐左一個朝早，好chill，下次可以再黎試下呢度嘅lunch～精選早餐（$88）種類好多，好豐富，味道唔錯👍三文魚碎蛋牛角包🥐（$58）相當大份，好抵食，仲跟左個沙律，同事話係橙油醋，好fresh好清新，同個牛角包好夾～焦糖咖啡（跟餐+12）咖啡好香，好飲！