恆河咖喱屋 (已結業)

聽講好出名不過都係虛名，芝士酥餅烤到燶晒食唔到芝士味，咖哩汁都可以不過好稀完全掛唔到汁，燒雞味道唔錯不過肉質梅梅地，最後追加串燒半打賣相嚇死人，黑蚊蚊又乾淨淨炸到邊都脆，可想像肉質已俾炸乾

長話短說，上次食過覺得差左，有辣無味，今次出開港島東就再試試昔日至愛。不枉我再俾機會佢同自己，咖哩羊腩中辣跟飯，有返4年前既味道，咖哩該香既香，該辣既辣，羊腩少肥，多肉，唔鞋，有4舊足料而家好少o係街食飯食得晒d飯，滿足另外一提早班waiter哥哥對住隔離台2個問題多多既婆婆都好有耐性

以前吃的恆河，是一流的咖哩餐廳，可是慢慢人流多，輪候時間大增，食物水準大降，叫左份咖哩牛腩，份料合理，香料味濃烈，辣既味係拿口腔的，咖哩算不錯，但做不到以前的水準，雖然好吃，但退步了。另外有個蕃茄湯，香濃，帶點點辣，NAAN實在大退步，表面唔香脆、沒有燶面，再且還見到小小粉，失望。

今日去筲箕灣坐小巴去沙灘玩，熱都爆...行下行下見到咖喱，正喎！～仲要男人話恒河咖喱吾錯好味道，因而我地4個一齊去食個午餐先再坐小巴入 去。去到都有一半人坐係度食，位置比較迫左少少同待應都少，所以叫野食都要不停找人黎。我地4個人叫左3個餐，每個都係＄50左右都抵（有湯，咖喱， 飯／2片薄餅，飲品）。今次叫左羊，牛和雞，仲有大中小辣選擇，當然食辣的我們叫左2個中辣和試一試個大辣黎挑戰下！～啤酒只有青島純生細枝裝，叫了2枝夠皮...(因為咖喱太辣了）湯係類似薯仔湯的東西，偏甜，飲落吾錯，但一定記得吾好飲晒，因為要留之後解辣用！！！咖喱3款都好入味，肉不硬，香料足夠所以香口又有不同層次的味道！～正！！ 但大辣有少少苦味，但食左一口之後味覺仲KEEP到耐個辣度。所以都係中辣最好味！～飯／2片薄餅，飯竟然有少少咸味，好味道。而2片薄餅有原味和䓤選擇，最後我們每款要一片，有咬口之餘包味重，而2片薄餅底部有少少燶，好脆口， 好好味，推介！！飲品都係咖啡奶茶果類，味道正常。以＄50左右有這個質素的咖喱午餐十分抵食，只係待應同位置就一般。

平時鍾意食開日本咖喱今日想試下新風味 去到東大街食呢間老字號入到門口已經見好多剪報張貼左係櫥窗上面因為呢間咖喱屋都算區內著名餐廳入到去叫左個招牌菜“帝皇炒飯” 另外叫多左幾樣菜式咖喱羊肉：咖喱好有印度地道風味 同日本咖喱好大分別味道偏辣同濃羊肉略嫌唔夠滑沙嗲雞肉串燒：餐前小食 雞肉串燒沙嗲醬非常獨特比平時街邊食既沙嗲醬有特色好多雞肉亦都燒得好好味 肉汁豐富 唔會燒得太乾帝皇炒飯（雞／羊）：幾傳統同著名既印度菜式有雞同羊兩種口味選擇 我就揀左雞黎試下炒飯飯粒好有口感 咖喱汁亦唔會太辣非常好食既一碟炒飯不過份量偏少 擺得耐好快攤涼左蒜蓉烤餅：應該係印度薄餅 雖然唔同名冇乜特別 點咖喱汁食好味好多不過筆者推介烤餅應該配白咖喱會好食d整體感覺好好 味道好正宗下次想試埋白咖喱 同其他招牌菜

本身係街坊, 由細細個睇呢間野睇到大(呢間野起碼20年了...)以前中學時成日同同學一起去食, 好記得由30幾蚊加價加到而家50幾XDDDD但因為工作, 時間唔夾, 同埋本身唔係咁食得辣的關係, 變相少食, 一少就成10年...尋日心血來潮下決定食番次 (其實朝朝早係附近食野都捕住佢, 總有一日要食番次)去到見到老闆娘, 已經唔認得本人XDmenu都係冇變, 都係咖哩羊, 雞, 牛, 炒飯等等 (不過以前的白咖哩冇左了)叫左個咖哩羊肉同印度炒飯食, 等得唔係好耐, 4個字就有菜來了,想不到日即使10年過去, 味道都係10年前果隻味, 好勁~  (如果第家就肯定保持唔到10年的質素,分分鐘師傳轉人或QC唔同等等)羊肉肉味濃而不蘇, 淡淡都係肉, 掂~咖哩汁有咖哩味(唔係茶記或高級餐廳果D汁式咖哩,而係一pat pat的醬式咖哩), 正, 感覺自已真係食緊咖哩而唔係撈飯的汁...而炒飯就唔會淋pat pat, 而係有咬感同爽口的飯味...好爽好正!沾一點咖喱汁, 咬一口薄餅, 可以話爽到神仙都企唔癮餐湯就還是以前果種湯味, 一時羅白湯, 一時就白湯, 都係果種新鮮的薯仔味湯...好懷念,

本來尋晚同frd去筲箕灣諗住食對面間德國菜但要等位，所以就去左恆河，就咁奶左野！我點左咖哩牛腩，我個frd點左咖哩魚，其實味道係真係幾好食，我地兩個都叫左烤餅，大大份，送咖哩食食到勁飽。正因為食得太多咖哩，食完之後本身都無乜野，但凌晨三時點幾就肚痛醒左，嘔到無野嘔但勁反胃又肚疴，全身無力，一路到今日中午都仲肚痛同肚疴，仲發埋燒，醫生話腸胃炎（疑似食物中毒），而我個frd尋晚淨係食左幾啖我既咖哩牛腩，都有話肚痛，但無我咁嚴重⋯　

今日去攝太歲，黎之前已經睇定有咩好野食，之但係東大街咁長，2邊都係食店，點揀呀叫人😂行完晒成條街之後決定食呢間😂👏Lunch時間未見排隊，但都坐滿晒人，除左香港人之外仲有2台外國人，我同S先生都係第一次黎，其實呢，我本身唔係好食日本咖哩以外既咖哩，因為印度咖哩好大陣味.....入到去店員都好醒目即刻招呼，有禮貌，我地一個點雞，一個點牛，都係要小辣，第一次黎唔知辣度，但食落可以要中辣😅原來lunch係跟湯架，今日係蓮藕忌廉湯，蓮藕打碎晒，黑椒味好濃，好飲wo,仲好香tim,S先生轉眼似晒😰咖哩雞-S先生問點解可以一滴油都冇？係wo,好少食咖哩冇油，仲要雞wo,點都有d,但呢道冇，雞仲係冇骨，好滑，好入味，辣度岩岩好，咖哩都好香。咖哩牛牛-同雞既咖哩唔同，我呢個更加香咖哩味，各有各好味啦，睇個人口味，牛腩好冧，但食到有碎骨，我地都覺得雞肉好食好多。原味烤餅-嘩，真係超級好味😋真係冇諗過咁好食，好鬆軟，好香麵粉味，好大一份餅，好夠飽，連宇宙黑洞S先生都話飽（嘩，咁份量真係好夠）其實我想買多幾塊餅番屋企食😂不過S先生話唔好，會變硬石頭😂食緊果陣有2個印度師傅行出黎，難怪咁好食啦。今餐真係好滿足

恆河咖哩屋-果然係好味又抵食的咖哩餐，聞名已久，今天經過終於一試，午餐是套餐，有湯，有不同咖哩飯或印度薄餅和餐飲，先來一個熱湯，有雞肉薯仔洋葱，味道不錯；選了牛尾咖哩和燒牛肋條，兩種不同咖哩，一紅一黃，紅咖哩有甜酸的香草咖哩，黃咖哩有少辣但味道香濃，不論配上印度薄餅或飯也好好好味，正；加15蚊就可以改選印度特色飲品，芒果沙冰和芒果乳酸奶，好好味喎，值得試試啊^^

差不多一年無去，難得平日放假心cc又想去重溫一下，以前由佢未有星食到有星再食到滅星都仍然支持。一去到12點未有人等位即入，見到一年前既四眼哥哥仔仲o係度做有d surprise(以前哩度換waiter超快，因為老細要求太高)，另外有位中年姐姐，老闆同經理未返就係佢主力招乎人客，既有禮貌又有效率，隔離台問佢拎叉，佢唔係擺低就算，而係拎埋去叫o個位先生再遞比佢，o個位先生聽唔到佢都無擺低，繼續叫，叫左2次叫到佢聽到再親手遞比佢，抵讚!講完服務，講食物，餐牌同以前有輕微唔同左，一向最愛既羊今日唔太想食，於是叫牛，以前係叫咖哩牛仔腩，而家無左個"仔"字，只係普通牛腩，都殺啦，中辣跟飯。個餐湯依舊好飲，牛腩黎到，有好多舊，今時今日d餐聽黎計多到有點誇，但d牛腩真係非常普通，同o係街任何人間茶記咖哩腩既牛腩係一樣，食印度野配哩種腩好似港式左少少，唔韌，但又未算"淋"...總之普通，同以前牛仔腩差遠了。個人認為一個好既印度咖哩其實齋汁都已經夠殺，肉反而只係配料。至於期待的咖哩汁，一食，第1個感覺係夠中辣，濃度keep到，夠撈飯，但。。。真係同早幾篇食評講一樣，得個辣字，印度咖哩應有既味道完全欠奉。。

自從有老鼠出現後，人客已比以前少好多了！上幾星期有同事resign，選擇了來這兒吃Farewell lunch! 但我真心勁失望! 覺得佢完全辜負了 「咖哩屋」這名稱！先來餐湯，唔香，唔好味，只有咸味，而且不夠熱呀！咖哩牛腩，無牛味，有點韌。咖哩只有辣，完全無香味。咖哩牛尾，整個咖哩汁基本上跟咖哩牛腩如出一轍。只是牛尾比牛腩稍為「林」少少。烤餅算是比較好吃了！有好香牛油味！熱呼呼的送到。把咖哩牛尾/牛腩放上烤餅夾著吃~ 不錯！咖哩雞的咖哩汁比咖哩牛尾及咖哩牛腩好吃多了！這個汁甜甜的，很香椰味。

点了咖哩牛尾,咖哩牛腩和豬頸肉午餐set首先來個莧菜湯,無菜味,有点稀,頗咸咖哩牛尾牛尾很韌,牛腩夠林但無牛味,可能給咖哩汁蓋過?咖哩汁得個辣字,5夠香,無層次油穌餅很厚(來不及拍照) 豬頸肉,本是不辣的,但店員(可能是老闆)說給我弄個辣的,不過亦只得個辣味沒有香味雖然服務態度很好,可惜食物一般

I went to this restaurant with others, not knowing what style of food it was going to be.Halfway through the meal, I was told that it was an Indian restaurant and at first didn't believe it.I have eaten in Indian restaurants in India, Australia, the the UK, US and Canada, all countries with significant Indian populations. And many other Indian restaurants in Hong Kong.The food at Hin Ho tasted like generic Asian curry, there was nothing indian about it besides it having flat bread. If anything i

早上去了舂坎角，我和友人便順路在香港島吃飯。我提議小西灣或筲箕灣東大街，最後因為順路和認為店子組合更多合適選擇，我們去了筲箕灣東大街。 停車場附近找到了恆河咖哩屋。店家門口有很多剪報推介，最吸引的是，這是一家米芝蓮餐廳。因為我們少去筲箕灣東大街，想先打一個轉，但一直走我們就一直想吃咖哩，繞了一圈又回來。 繞了一圈的後果是，店家已經滿座。侍應著我們企在門邊等。到後面來的人，他們要在門外街上排隊...熱死了。友人看著餐牌研究，我卻對放在門邊櫃上，那發光般的紅色天書-米芝蓮  很有興趣，一直在看。這恆河咖哩屋很厲害，兩家店都曾是榜上有名! 很期待...我再逐頁看有那些米芝蓮餐廳，為什麼好像有一半都已經去過? 看了10分鐘左右已經有卡位臺。 書仔旁就是薄餅師傅的廚房。卡位臺的梳化已經破掉，地方不算大，感覺親民。  先上免費的薄餅，由此我本身不太喜歡脆的薄餅，所以沒多吃。 串燒沙嗲牛肉，半打, $50。在印度餐廳吃到牛肉比較少有，這就是加了香港風味吧。因為串燒比較厚身，所以肉質有咬口，不算多肉汁。香料灑滿牛肉表面，所以有啖啖香料味，補救了沒有炭燒味的不足。 旁邊沾點用的沙嗲醬帶有甜味，質感粗糙，

二年無來，今次星期日中午再來。十二點半來排左15min， 叫左二個lunch set。1. 烤雞, 仍然頂級，不太乾身味道夠， 一咬仲有些少汁，不過有一小部份燒燶左， 影響不大。 咖哩羊，中上質素， 咖哩份量都夠撈飯同薄餅。葱油薄餅， 熱辣辣加上夠多， 食唔晒。仲有個甘筍湯好好飲。聽到西灣河貴租無做都有少少失落， 希望呢間做到la, 第二區找唔返!!