恆河咖喱屋 (已結業)

今日去筲箕灣坐小巴去沙灘玩，熱都爆...行下行下見到咖喱，正喎！～仲要男人話恒河咖喱吾錯好味道，因而我地4個一齊去食個午餐先再坐小巴入 去。去到都有一半人坐係度食，位置比較迫左少少同待應都少，所以叫野食都要不停找人黎。我地4個人叫左3個餐，每個都係＄50左右都抵（有湯，咖喱， 飯／2片薄餅，飲品）。今次叫左羊，牛和雞，仲有大中小辣選擇，當然食辣的我們叫左2個中辣和試一試個大辣黎挑戰下！～啤酒只有青島純生細枝裝，叫了2枝夠皮...(因為咖喱太辣了）湯係類似薯仔湯的東西，偏甜，飲落吾錯，但一定記得吾好飲晒，因為要留之後解辣用！！！咖喱3款都好入味，肉不硬，香料足夠所以香口又有不同層次的味道！～正！！ 但大辣有少少苦味，但食左一口之後味覺仲KEEP到耐個辣度。所以都係中辣最好味！～飯／2片薄餅，飯竟然有少少咸味，好味道。而2片薄餅有原味和䓤選擇，最後我們每款要一片，有咬口之餘包味重，而2片薄餅底部有少少燶，好脆口， 好好味，推介！！飲品都係咖啡奶茶果類，味道正常。以＄50左右有這個質素的咖喱午餐十分抵食，只係待應同位置就一般。