PokéToké

營業中

休息中

琴日落完場大雨，今日幾好天，便約朋友出街行下，順路試埋bookmark已久的PokeToke🤤之前見有片介紹呢間碗飯店覺得好吸引，想試好耐啦。兩點黎到都仲要等位，真係好受歡迎呀，大概等左十分鐘左右有位了。雖然係門口排隊個陣已睇定餐牌，入去到掃Qr code落單發覺好多餐都賣完了😂再睇下食咩好先。⭐加州風味碗自己揀左刺身飯加洲風味碗，大大塊三文魚粒，全部係腩位好肥美🤤一大堆配菜顏色好睇得黎食得又滿足，仲有至愛麻醬做醬汁，好好味呀😍⭐南蠻炸雞丼朋友揀左炸雞飯，佢本身想叫雞胸碗但賣晒，哈哈，炸雞都係雞啫，無問題😋即炸的炸雞入口超燙，雞肉嫩滑，塔塔醬好味，朋友話多醬撈飯勁正😆⭐香蕉奶昔 & oreo曲奇奶昔飲品叫左香蕉奶同曲奇奶，前者無加糖，係純香蕉嘅甜味，香甜好飲🤤後者係oreo餅打成，oreo本身已經夠甜，打出黎好重oreo味，但就比香蕉奶昔甜好多，但都好好飲呀😍叫得呢杯冰梗係鍾意oreo個甜味啦。食到兩點幾三點，店內人潮漸散，輪到員工開餐，唔知佢地食咩呢，廚房傳黎好香嘅味道🤤

有冇人都好鍾意食Poke呀🙋🏻‍♀️ 有時食得太滯太肥膩，想食健康啲就會想食Poke，可以食多啲菜，又有豐富嘅蛋白質，真係健康之選！今次介紹呢間Poke店位於旺角，位置方便～ 有幾款signature bowl，又可以自選，仲有熱飯系列，真係任君選擇😆🔸加州風味碗 $98 加牛油果16叫咗呢個招牌蓋飯，材料有三文魚、青瓜、蛋絲、三文魚籽、車厘茄，配日式胡麻醬，再另加牛油果🥑 揀咗壽司飯同沙律菜做底～ 呢度嘅三文魚都幾肥美，同埋切得偏大件，啖啖肉😂 青瓜、車厘茄新鮮爽脆，呢個配搭新清新開胃，都幾好食！牛油果都新鮮，如果再creamy啲就更好食！個碗略為唔夠大，食嘅時候要小心啲以免食物跌出嚟🤣🔸親子丼 $78估唔到幾有驚喜！雞肉份量超多，煮得嫩滑，唔嚡口，又夠入味！滑蛋香甜，個汁甜鹹度恰到好處，撈飯食幾正！唔鍾意食凍嘢嘅朋友仔推薦試吓親子丼👍🏻🔸前菜 + 三文魚豆腐昆布湯 +$18套餐加配，前菜係螺肉，正常味道～ 昆布湯幾足料，而且煮得夠味，唔錯！🔸草莓奶昔 $40幾好飲！唔會覺得膩，又唔會太甜～ 有草莓味又有奶香🍓*只收現金

帶朋友去完位於旺角煙廠街嘅韓國店買我超鍾意嘅紫菜牛肉飯卷之後，經過見到呢間poke bowl 店，朋友話不如試試畢竟宜家係冬天，大家都想有少少熱食落肚，所以 自選蓋飯 同 丼飯 都各order 一個嚟share🔸自選蓋飯(自選 Poke Bowl)Build My Own Bowl 有5項自選項目:飯底、主食、配菜、自家醬料 & 伴菜1️⃣ 飯底 【4選1】揀咗”Half-Half 壽司飯及沙律菜”揀嘅時候覺得飯加沙律好似有啲奇怪，但估唔到連埋自選醬撈埋一齊食，效果又出奇地好喎～如果飯同菜嘅比例可以自選(e.g. 1:2, 1:3)就更perfect喇2️⃣ 主食 【8選1】掙扎緊要 虎蝦仁 定 吞拿魚最後揀咗後者，因為發覺配菜嘅選擇都有 虎蝦仁3️⃣ 配菜 【23選3】配菜選擇豐富，有菜，有菇，有魚生，仲有水果添～肉肉獸嘅我哋揀咗3款魚生🦐虎蝦仁 +$10(雖然，主食嘅虎蝦仁係大size，而配菜嘅虎蝦仁只係中size，不過，中size 都已經幾滿足)🦀蟹肉 +$10🧡三文魚籽 +$84️⃣ 自家醬料 【8選1】揀咗嘅主食同配菜都係刺身style ，醬料揀隻有山葵成份嘅”山葵蛋黃醬” ，仲有得揀 多

呢間夏威夷蓋飯之前都食過～估唔到而家舖頭仲多咗熟食丼添！即刻去trytry！厚切鹽燒海苔牛舌溫泉蛋丼GRILLED THICK BEEF TONGUE HALF BOILED EGG RICE POKE牛舌份量超級多！睇落雖然唔碊但咬落油脂感都重，唔會好乾，配埋溫泉蛋就好惹味好滑！另外就揀咗自選build your own bowl！三文魚同沙律菜都幾新鮮👍🏻配料份量都唔少～食完好滿足！估唔到今次熟食丼反而有驚喜！

約了朋友在旺角吃下午茶（其實是late lunch），所以大家都需要吃飽😂這裡主打日式蓋飯，冷的熱的都有。叫主食可以加配麵豉湯和日式前菜，還可以追加不同的小食。我點了山姜豚肉燒蓋飯，最意想不到是有一片片的生姜！薄薄的姜片甜甜辣辣的，很好吃😋配上豚肉和惹味的醬汁，正。冷的蓋飯每款都配料豐富，目不暇給。朋友點了夏威夷蓋飯，有吞拿魚、海帶、紫洋蔥、蟹籽、枝豆，還加了她最愛的牛油果。賣相很漂亮，色彩繽紛，吞拿魚混合不同配料一起吃，味道和口感相當豐富。我們還追加了小的炸物拼盤，有薯條、炸雞、炸蟹鉗、炸蝦、炸芝士、炸魚手指，炸物香脆卻不會乾淨淨，份量小一點很適合我們。最後還試了Oreo 曲奇奶昔。奶昔打得幼滑，甜度剛好，而且不會太凍（矛盾的女生總會著眼這個，想喝凍飲，但太凍喝了會不舒服🙈）

間嘢裝修幾企理，門面餐牌睇落都唔錯價錢入得去食就要接受，呢度就各人唔同啦。QR code 落單， 堂食用紙碗膠兜（匙羹叉可重用）， 魚生一般， 完全靠配料味（紫菜，木魚）麵豉湯啲豆腐個心仲係冰凍鰹魚醬油鹹都hi hi 最大鑊係個飯，冇調味可能係正常，但唔熟就真係講唔通。配料擺盤嗰啲自己睇相各花入各眼自己感受最後可能係我個人體質問題食得太多味精會頭痛（程度大約食杯麵飲晒啲湯）食完呢餐飯隔咗冇耐我個頭痛到hi hi 完全諗唔明利申：呢個係今日第一餐

阿女今日在附近比賽完奧數，俾自己輕鬆一下獎勵一下自己,去咗旺角間日式poke餐廳食午餐。阿女至愛三文魚，選了自選蓋飯，加上三文魚子木魚絲同中華海草,色彩超美,仲有夠多配料!淋咗佢哋特製嘅麻醬汁, 三文魚肥美,加壽司飯。阿仔食和風牛肉飯,配搭嗰個溏心蛋 ( 唔見咗隻蛋? 因為未及影相就已經給他們吃光了) 我個人如果食牛肉飯的話我就會去吉野家，但係小朋友鍾意冇辦法啦，加埋啲牛肉汁實在好餸飯， 溏心蛋yummy yummy睇返個餐牌做參考吧我的自選蓋飯選了大蝦，毛豆，蟹子+半碗壽司飯+半碗沙律大蝦好鮮甜，毛豆超多，我好鍾意食毛豆半碗飯已經夠飽肚!酷熱嘅天氣,飲咗杯清新宜人嘅柚子梳打,細細氣泡嘅感覺好舒服,淨化咗我地嘅味蕾。呢間餐廳窗口大大的,陽光直射落來,十分舒適輕鬆，小朋友都食得好飽好開心。

間唔中會想食吓健康碗，之前食過兩三間都唔覺得特別好食，但今次呢間比到驚喜我👍除咗有唔同已經幫你set好咗嘅選擇之外，仲有唔少親子丼可以選擇, 同埋不同嘅炸物同小食 選擇相當豐富. 嚟到呢度梗係要食返個即叫即制嘅自選蓋飯。我揀咗三文魚 糖心蛋 牛油果 秋葵 做配搭，醬汁選擇柚子沙律醬。就算我已經叫咗小飯份量都非常多。唔止我 隔離兩台女仔都話份量好足料😳 值得讚賞嘅喺 呢度三文魚好新鮮 配合柚子沙律醬 清新得來 唔會太膩 撈飯一啖接一啖。最鍾意係佢哋有秋葵呢個配菜 比較少見。我另外嗌咗杯招牌牛油果香蕉奶昔中size都已經好夠飽。口感唔算太杰，水感比較重，係個非常滿足嘅健康餐👍📍PokéToké (旺角)旺角廣華街3號百利達廣場地下1號舖

超Flash 🥗 旺角健康夏威夷蓋飯大大粒三文魚同吞拿魚，啖啖肉，再配合野味醬汁，仲有好多日式嘅配菜，可以揀壽司飯再加埋沙律菜，非常健康。撈埋一齊食，大啖大啖咁轟落去，唔同嘅口味喺口入邊爆發🔥🌋厚切鹽燒海苔🐮牛舌溫泉蛋丼👅大大塊，厚切，鹽燒食到牛舌鮮味，又有咬口，溫泉蛋撈埋又唔會好乾👍🏻Oreo奶昔，有少少沙冰嘅感覺，而且唔會好甜，但係有濃濃嘅Oreo味😘📍旺角廣華街3號百利達廣場地下1號舖推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：9⭐️環境（10⭐️滿）：7.5⭐️賣相（10⭐️滿）：8⭐️味道（10⭐️滿）：8.5⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #香港必食 #假日好去處 #相機食先 #美食推薦 #食評分享 #美食博客 #美食分享 #美食しい #食左先講 #852ig #hkiger #hkkol #抵食 #winsomelai

好少寫食評，睇多為主，但真係忍唔住。寫壽司飯結果係白飯，少少醋味都冇；柚子沙律醬0柚子味；成碗只係沙律醬溝菜同飯，無喇。我都怕食雞肉，頂唔順陣腥味，依個慢煮雞肉portion算係咁，又未到慢煮應有嘅嫩，肉腥叫還好。要問先知等陣先上，waiter唔會話你知，廚房上菜可以溝通得好啲。唯二讚嘅係魚生唔腥，同埋上得算係快。依個價位完全無可取之處，要更好有更好，未話係難食，但真係唔好食😶。另外，位窄，要夾硬攝入去。

個飯食到一半，侍應要求我轉枱，因為有兩個客入黎話佢地三個 (但就仲有一陣先到)。轉都算，重要企喺度幫住你自己將個托盤移去隔離，佢d位已經好拆，你要找我轉，你假假地扮幫手都好，企係度成碌木咁做咩。仲有叫少醬，冇少醬到，搞到好似食沙律醬咁，個飯好酸。如果唔睇人選擇咩option，咁不如唔好整呢個option比人選擇算。另外，雞肉好一般，少雪味。壽司飯硬嘅。食物質素真係幾一般。對唔住個價錢。餐廳環境都唔見得有咩好似欣賞，d枱擺到好逼，食客出入一定會頂到後面。冇下次。

近年清新健康夏威夷蓋飯越嚟越興✨餐廳提供多款Poke Bowl 仲有全新Hot Bowl同小食添 種類多多 總有一款啱心水💗.📌雞肉親子丼 $78雞肉用左雞柳 肉質嫩滑 雞味濃🐔半熟炒滑蛋好香滑🍳米飯用左珍珠米 粒粒飽滿🍚蛋液+甜洋蔥絲+燒肉汁撈勻成個飯 好滋味😋食材調味唔重 保留番原味道 好有住家飯感覺 好幸福🏠.📌自選蓋飯 $88upPoke bowl絕對係夏日之選☀️最正係呢到可以DIY🙌🏻飯底揀左壽司飯及沙律菜 用咗珍珠米 但似白飯 冇加醋調味🍚沙律菜新鮮爽脆 冇草青味🥗主食揀咗帆立貝(+$10) 厚肉肥美 味道鮮甜🤍另追加辣味虎蝦仁(+$35) 結實爽口帶微辣🦐配菜揀左雜錦香菇, 溏心蛋(+$8)同三文魚籽(+8) 菇嘅種類好多 口感爽嫩🍄‍🟫溏心蛋熟度啱啱好 蛋黃好香滑🥚三文魚籽新鮮脆口冇腥味🍣醬汁揀咗柚子沙律醬另上 柚子果酸味突出 清新順滑🍊伴菜揀左紫菜絲, 木魚絲同蒜碎 增添口感味道 仲令賣相更吸睛🧄.📌草莓奶昔 $40奶昔奶味濃郁 口感順滑🥛甜度剛好 味道天然 感覺冇額外加糖 但士多啤梨味就唔夠濃🍓

🌟一直都好鐘意食夏威夷poke碗，清新得黎又多選擇，仲好健康😋最近天氣開始熱，又係時候要食拉。🌟呢間廣華街的poketoke, 除左poke碗，現在仲有熱飯食！可以同朋友share 一個熱一個凍😋🌟餐廳清新風格，播住輕快節奏歌🎶🐟加州風味碗$98吾使自己唸，已經配搭好晒😋三文魚，青瓜，玉子絲，三文魚子，車厘茄，日式胡麻醬，紫色絲，木魚絲及黑白芝麻。飯底可以轉沙律菜，岩晒我😍醬汁都可以要求另上，可以控制食量😋食材都好新鮮。🍚厚切鰻魚丼$108有成條鰻魚，厚身，肉質彈牙😋燒得好香，成碗飯仲鋪滿玉子絲，淋上燒汁，每一啖都食到所有配料。🥤Oreo 奶昔幾大杯，滿滿的Oreo 味，奶味都好濃，飲完好飽肚😆🌟🌟健康都可以食到飽，營養豐富又好味😋

Poke has become increasingly popular over the years as it offers a healthy and customizable meal option for any taste preference. Also, it provides convenience as a quick meal that can be taken to go or enjoyed as a main dish!discovered an awesome poke place in ymtIt offers a wide variety of bowls and shakesIncluding both hot and cold-seared cheese burger steaks rice burger patties smothered in a rich and luxurious mushroom gravy sauce , topped with melting Cheddar Cheese, extremely flavourful -

上星期去咗旺角廣華街嘅PokeToke食晚餐。我地大約7點半去到，等咗陣先入得座。餐廳裝修開揚，整體以木系為主，令人感覺舒適。座位方面有卡位同高枱位，坐得幾舒服。餐廳主打健康夏威夷蓋飯，既有固定set好咗嘅蓋飯外，亦有俾食客自己揀選食材嘅DIY蓋飯。而近期餐廳仲有熱食，例如漢堡扒定食同親子丼等。🔻DIY自選蓋飯（虎蝦仁+車厘茄+枝豆+溏心蛋）價錢：$88+$8（溏心蛋）味道：8/10虎蝦仁份量幾多，大隻彈牙，味道幾鮮甜。另外車厘茄和枝豆味道都新鮮。而加錢嘅溏心蛋蛋黃晶凝通透，一咬落去就流出半熟嘅蛋黃！飯方面就揀咗壽司飯，配上鰹魚豉油，整體味道都唔錯。🔻日式芝士漢堡扒丼價錢：$88味道：8/10漢堡扒共有兩塊，肉質厚實，食落幾多肉汁。面頭更有燒融咗嘅芝士，十分惹味。再配上日式燒汁，非常惹味。🔻Oreo曲奇奶昔價錢：$40味道：7/10幾多曲奇碎，奶香味濃同有朱古力味道但唔會太甜！