PokéToké

營業中

休息中

想健康啲就揀左食poke💪🏽朋友唔食魚生，聽聞有依到有熟食丼飯，所以今次去旺角嘅Poketoke。晚市去到已經有幾個係前面排隊🫢裝修木質為主，有高枱有餐枱，鋪頭偏細，大家要坐得迫夾少少😂Poke有set同自選，價錢都係$98-$138。熟食丼飯平價啲，有咖喱、吉烈豬扒、牛丼等日式料理選擇。仲可以加錢要埋是日小菜同湯😗Poke bowl size正常，個人認為魚生分量相對少。

餐廳無論Openrice定Google都係寫一至日11:30am開門，但去到11:32am，過曬鐘都仲拉緊閘，一男一女係入面出緊餐，但啲外賣員就可以出出入入拎餐，講真如果做唔到堂食，你都放個牌係外面講人知。入去舖頭入面問，都唔講個地拖水桶放路中心，擺明連清潔都未做好，禮貌問一句堂食幾點開始，個男嘅仲要話：「我都唔知幾點開到堂食，你係出面等下啦」 不知所謂，我唔知你係打工定係老闆，但啲咁嘅餐廳用埋啲咁嘅人，完全唔洗考慮👎🏻👎🏻👎🏻👎🏻

PokéToké係一間位於旺角嘅poke碗專門店。今次我試咗佢哋嘅加洲風味碗同埋自選風味碗，後者我揀咗吞拿魚、中華沙律同埋青瓜辛辣蛋黃醬。要用現金付款，總體嚟講，味道一般，唔可以話係好好食。
首先講下加洲風味碗，佢主要係由壽司飯同埋啲基本嘅poke配料組成。壽司飯嘅質地幾好，幾新鮮，但係就咁食可能會覺得有啲單調。佢上面嘅配料都算係基本款，滿足到想食poke碗嘅基本需求，但係就唔係好出色。
再嚟就係自選風味碗，我揀咗吞拿魚、中華沙律同埋青瓜辛辣蛋黃醬。吞拿魚嘅份量適中，幾新鮮，但係口感同味道就一般。中華沙律同青瓜辛辣蛋黃醬都幾夾，帶嚟啲唔同嘅口感同味道，但係成碗嘢食落去都係覺得差啲啲，可能係因為配料同醬汁嘅配搭仲有進步空間。
總言之，PokéToké嘅poke碗雖然唔係難食，但係都唔係特別出色。如果想試下poke碗，呢間舖頭都可以試下，但係期望唔好太高。另外，佢哋而家淨係得壽司飯同沙律菜，建議可以加多啲選擇，例如糙米飯，咁樣可以滿足到更多客人嘅需要。

我落錯單，之後即刻打去諗住cancel 再落單，負責人話入左電腦唔可以改😅😅要去總公司改，單照出左😅😅呢d 係乜野系統或超級機密資料改唔到，唔怪得個個番晒大陸消費，食店老闆你自己有冇番個大陸了解下人地嘅服務、質素，起馬你呢一間我black list 先，食店步向衰退都係自己一手造成，而家大陸叫野食取消一個order ，大陸即刻退錢，我仲要唔係取消order, 我係cancel 再落番，你都話唔得，真係令我呢個最後留港消費嘅一批都唔會再點消費

平時都鐘意食得健康啲 所以都多食唔同舖頭既poke bowl/salad呢個組合係我既至愛: (自選)三文魚 再加豆腐 車厘茄 雞蛋絲 (汁另上)個日都比較夜去到舖頭食 (ard 9:15pm) 我估係最後一枱 因為點餐前店員都有提到用餐時間好快話到雖然係最後個枱 但三文魚都係新鮮冇話就黎收工食材冇咁新鮮既問題👍🏻👍🏻

PokéToké @poketoke_hk 📍：香港旺角廣華街3號百利達廣場地下1號舖🚗：旺角地鐵E出口 步行8分鐘📞：+852 6436-4429💲：~HKD69-128/head for dinnerFood quality👌🏼：大滿貫、自選波奇、前菜+三文魚豆腐昆布湯總結：🤔香港波奇嘅始祖店之一 特別在於有冷熱蓋飯提供 冷就波奇 熱就類似吉x家嘅日式蓋飯 款式都頗多👍🏼🤔有選擇困難症嘅朋友可以㨂大滿貫 有齊三文魚🍣吞拿魚 中華沙律 雜錦香菇 牛油果 蛋絲 蟹籽配以山葵蛋黃醬 紫菜絲 木魚絲同黑白芝麻 都頗足料 但刺身唔夠新鮮🤔另外+$18加咗前菜同三文魚豆腐昆布湯 正常發揮🫡🤔我哋都有自選波奇 揀咗壽司飯+沙律菜 八爪魚 泡菜 酸蘿蔔 雜錦香菇與山葵蛋黃醬 個人覺得八爪魚🐙係食波奇首選 但都係普通😨好多人都坐得頗逼 衛生有改善空間🥲堂食但用外賣盒笑咗

叫咗$128嗰個魚生飯，一嚟到個賣相幾靚，讓人對佢充滿期待。雖然係用紙碗，感覺有啲麻麻哋，但我仍然希望味道能夠彌補呢個不足。然而，食食吓之後，我漸漸覺得越嚟越唔對路。首先，三文魚的味道幾乎冇，完全冇咩三文魚嘅油脂味，吞拿魚有一種淡淡的腥味，讓我有啲失望。再者，牛油果居然仲係好生好硬，咬落去冇咗應有的滑溜感，甚至有啲難嚼。至於啲飯，基本上冇醋味，食落去都冇咗魚生飯應有嘅清新感。越食越覺得啲飯仲硬，像一塊塊嘅顆粒，完全無法融合在一起，整體口感實在唔好，讓我對呢個價位的魚生飯感到不值，心中不禁嘆息。希望下次喺其他地方可以試到真正美味的夏威夷魚生飯。

自選蓋飯自選蓋飯真係健康又好食！🥗 可以自由配搭新鮮刺身、蔬菜同醬汁，啱晒鍾意DIY嘅你！🐟 我揀咗三文魚同牛油果，口感creamy得黎又清新，仲有啲脆脆嘅紫菜同芝麻，食落去好有層次感！👌食完真係覺得自己充滿能量！🌺 南蠻炸雞丼 估唔到食Poke bowl嘅地方居然有炸物食，而且仲幾好食😋炸雞外皮酥脆，內裡多汁，配上酸甜嘅南蠻醬，味道層次豐富到爆！😋 丼飯吸收咗醬汁嘅精華，每一啖都係滿足感滿分！炸雞丼仲配有味增湯添！

暴飲暴食完一輪係時候要（扮）減吓肥啦，呢件Poke Bowl開喺旺角，有招牌同自選Menu，選擇多元化，仲有多款熱食，炸物同飲品供應。食物色彩繽紛之餘，食落健康又飽肚，絕對係唔少Keep Fit人士醫肚嘅好選擇～經典雞肉包含慢煮雞肉、蟹柳、玉子絲、豆腐、凱撒沙律醬、紫菜絲、木魚絲同黑白芝麻。蓋飯底可以自選跟壽司飯、沙律菜、二合一或冷麵。雞肉嫩滑唔嚡口，蟹柳同玉子絲帶淡淡香氣，豆腐可補充蛋白質，滿足感UP。熱食要咗咖喱牛丼飯，呢款反而有驚喜，咖喱偏甜唔辣，醬汁足以撈飯，牛肉大塊薄身，仲有粒粒薯仔增添口感，若可以加飯就好啦🤣 炸物有魷魚圈，炸至金黃酥脆，唔算好油膩、而飲品係士多啤梨奶昔，甜度適中，飲落開胃。

覆診完過嚟食lunch，好方便Poke Bowl 係一個較健康嘅選擇望住呢啲鮮艷顏色嘅食物都開胃啲用QR Code 落單，menu有好多選擇，除咗有凍食嘅poke bowl外，仲有啲熱食嘅蓋飯和炸物小吃添因為空腹複診關係，完事後好肚餓所以點了一個自選Poke Bowl + 炸蟹鉗 + 牛油果香蕉奶昔我嘅自選內容包含：吞拿魚、酸黃瓜、中華沙律、枝豆、紫菜絲墊底唔想食咁多飯，所以我加了$15轉拉麵底醬汁都有好多款，仲可以另上我揀咗芥末蛋黃醬唔好睇樣樣細細粒濕濕碎，其實食落真係好滿足佢哋做到食材唔會濕轆轆，唔會有多餘水份知道大大粒又光滑拉麵底爽口彈牙，都唔會有多餘水份另外都有點沙律菜墊底，很細心的，連沙律菜都切到細小，非常方便進食蟹鉗嚟到後有點意外，跟poke bowl追加$38，但我想不到是有五隻之多，好耐冇食過蟹鉗，即叫即炸，外皮脆卜卜熱辣辣Poke bowl 是凍，又食下熱嘅炸蟹鉗，好正另外，牛油果香蕉奶昔係無添加，完全沒有落到糖漿或糖水等甜味，絕對是生果本身的香氣和香蕉的微甜，好鐘意！提提大家：舖頭只限收取現金日

出街食飯都想盡量食得健康啲同朋友搵到呢間主打Signature Bowl嘅餐廳仲有多款配料可以自己配搭✨夏威夷波奇 揀咗壽司飯同沙律菜墊底滿滿一碗好有份量吞拿魚．海帶．紫洋蔥．枝豆等食材淋上鰹魚醬油．味道更豐富多款熱食飯都好吸引✨ 雞肉親子丼厚厚嘅雞肉．肉質厚嫩加上雞蛋令口感更Juicy蛋香滲入每粒米飯之中✨ 炸物拼盤揀咗個小拼盤．有齊多款小食薯條．吉列炸蝦．黃金炸蟹鉗．魷魚圈．沖繩炸芝士即叫即炸．香脆熱辣辣✨ Oreo奶昔口感奶滑．加入OREO餅乾碎味道唔會太甜．係必點嘅飲料

旺角健康高蛋白夏威夷蓋飯☀️餐廳設有多款特色夏威夷蓋飯，每款都非常高蛋白質，非常豐富蛋白質，非常健康，充滿不同種類的蔬菜食材，適合健身的人士！夏威夷蓋飯可選擇壽司飯、沙律菜、蕎麥麵做底，另外食材也可以自選！這次叫了夏威夷波奇$88食材包括有吞拿魚，海帶，紫洋蔥，蟹籽，枝豆，鰹魚醬油，紫菜絲，木魚絲，黑白芝麻，超級豐富！另外餐廳更設有熱食蓋飯。咖哩吉烈豬扒飯 $79炸豬扒是即叫即炸，非常新鮮脆口！咖喱汁亦非常香濃，亦有配蔬菜！另外加$18，追加每日前菜+和三文魚豆腐昆布湯。特色飲品也非常吸引！Oreo曲奇奶昔必叫！不會太甜，奶味香濃！連支裝烏龍茶也是日式的！

【生薑豚肉燒】豚肉切片薄厚均勻，經過生薑與調味醬汁的細心醃製後，煎燒至微微焦香，生薑的辛香與豚肉的油脂香氣相互交融，酸酸辣辣令味道更有層次。搭配壽司飯的柔軟與豚肉的鹹香很開胃。【嘻蝦波奇】配料豐富，色彩繽紛，無論視覺還是味覺都令人滿足。虎蝦仁鮮嫩彈牙，輕微調味突顯自身的鮮甜。中華沙律與柚子沙律醬增添了清新的酸甜味道。車厘茄多汁酸甜，枝豆則清新脆口，紫菜絲與木魚絲更是日式料理的靈魂調味。【草莓奶昔】奶昔質地細滑，草莓的天然果香與濃郁的奶香完美融合，甜而不膩，口感輕盈又順滑。【小炸物併盤】每款炸物都有一款，香脆可口熱辣辣，但比較熱氣。

我同朋友都係正值減肥時期想食健康啲🤝🏻食poke就係最好既選擇啦依家仲有埋熱食，正😆🛎 $98 加州風味碗 三文魚鮮嫩🍣搭配清脆既青瓜同埋玉子絲，仲有卜卜脆嘅三文魚籽，口感一流😘日式胡麻醬好白，同紫菜絲、木魚絲好夾！口感層次分明，食落去真係好享受🥒🍅🛎 $78 雞肉親子丼 雞肉超嫩滑，搭配香甜嘅醬汁同煙韌嘅米飯😘真係一流呀🍚🍳🛎 $40 Oreo 曲奇奶昔 奶昔幾滑順～Oreo同曲奇就不嬲都超夾架啦😋甜度適中，仲大大杯，值得一試

呢間PokéToké(旺角)真係令人失望到爆,啲飯竟然用個超細既紙兜裝,一撈就跌到周圍都係,搞到成個枱都污糟。份量少到可憐,食完完全唔飽,味道更加冇乜特別,平平無奇,完全唔抵 個價錢。老實講,爭鮮一個50蚊既壽司飯都好過佢啲嘢食。至於 熱食,質素真係連吉野家都唔夠格,但竟然好意思收你七八十蚊,真係匪夷所思!另外,仲要cash only,呢樣嘢真係好唔方 便,令人氣到火滾。原本諗住同尖沙咀嗰間係一樣,點知原來係老翻黎,差天共地!總之係一次超級差既體驗,唔會再幫襯!