大家樂 (新城市廣場一期)

營業中

休息中

今餐減咗997碳🤩劉媽成日都帶細細👶🏻出去食飯除咗要食得健康之餘仲會為地球環保出一分力🤗今日試咗 最新推出嘅「葡汁焗素魚柳飯」素魚柳係選用含高蛋白質及膳食纖維之 OMNI 純植物製新魚柳由非基因改造大豆獨有配方製成咬落去同樣鮮嫩Juicy無論味道或質感都同真嘅魚柳差唔多而且無真魚柳嘅魚腸味簡直完美重現魚柳嘅口感😋最「營」係配上高纖嘅紅米炒飯底軟硬適中、粒粒分明仲有香濃馥郁嘅葡汁令到👩🏻👶🏻越食越覺得好滋味記得用手機App儲餐印儲10個就可以免費食一餐

今日06：55在沙田新城市廣場一期四樓購買魚柳包餐(皮蛋粥+雪菜米)，平時自己按機39蚊，今日排收銀打飛卻是43蚊，話我應該講粥先，要取消單再來過，咁樣比我更好的理由冇下次，以後唔會再來，當人傻的，一樣的餐點，不同價錢！

大家樂的粟米汁炒紅米雞胸飯真係一個適合做gym人士嘅恩物！🏋️‍♂️💪唔止價錢平，味道都唔差，仲係一個營養豐富嘅選擇。加多舊雞胸都只係$15，超扺！呢碟飯用咗紅米，富含纖維同營養價值高。加埋雞胸肉，低脂肪高蛋白質，正好係健身人士嘅好朋友。最重要嘅係佢嘅粟米汁，令整碟飯嘅味道唔會咁單調。總括而言，大家樂嘅粟米汁炒紅米雞胸飯係一個價錢平、味道唔差同營養豐富嘅選擇。如果你追求健康飲食同做運動嘅平衡，呢碟飯絕對值得一試！👍😋

有一次我放去附近一間去食、入去時都覺得服務態度差差地、但都算啦、因為始終都係集團式快餐店、但都不唔至、簡單一個快餐都要等20分鐘、我好在叫個簡單、如果我叫個扒餐、咪等多成個鐘

放工食個下午茶，兩個人約$70都算係抵食。鄰近沙田站商場，食完可以去shopping。下午茶時段比想像中多人等食，但等左5分鐘已經有位。作為一間連鎖餐廳，要保持食物質素一D都唔易。簡簡單單一個西多士已經可以試出真偽。配合炸雞髀同凍綠茶，同朋友小聚都算唔錯。雖然位處商場，但舖位稍為隔涉，所以其實都算安靜，但都唔難搵。店舖環境不過不失，座位算舒適。

放LUNCH黎到大家樂，唔知食乜好，就是咪叫左個餐，呢個係蠔皇豬扒餐，呢個只係平價既SET LUNCH，所以整體黎講都叫做PASS既。首先蠔皇既汁都叫濃味，汁量都好多，撈埋飯食都足夠。D豬扒就冇乜味，真係靠哂D蠔皇汁增加味道，而且豬扒肉質都唔算好好，普通既豬肉質素。飯量就好多，如果係體力勞動既人士，一定夠飽。反面我要讚下呢間大家樂既凍檸檬茶，我一直飲開走甜既茶，所以茶底係好重要，呢個茶底一D都唔苦，加埋檸真係好好入口。

大家樂呢個名相信係香港土生土長嘅香港人都有聽過呢個名同食唔少！我也不例外！由於我間中會在沙田工作，所以都會食下大家樂，平日有時俾錯野都算，因為想快點食完繼續工作。最近我又一次選擇食大家樂，在手機app看見這個豬扒飯配肉燥仲有蛋好似唔差，價錢又平，自從畢業後都無咩試過有咁抵既飯，就一於揀呢個啦！下單後隔了10分鐘，我就過去取餐，然後很快回到公司，當打開後發現咦～塊豬扒呢，無左！於是我又重返大家樂，公司過去都要行10分鐘嫁，我就到外賣櫃面向店員講唔該，個飯無左塊豬扒呀～點知佢望一望我，再望下個飯答我，係呀，星期日無豬扒價錢一樣嫁！我話下，但我落到單，無你地又唔講聲既？佢話 ，你自己手機下單呀嘛！我話，咁我黎拎都應該講聲呀！之後因為我趕時間仲要食完飯工作，就無再爭論，然後我就到大家樂顧客服務俾意見，講述經過及這樣屬欺騙消費者，但遲遲沒有回覆，所以我決定公開一下，最好不了！

女人日日都口講減肥，但面對邪惡美食真係好難忍㗎嗎～難得到咗open day，得一日乜都食得過份少少叫隻炸髀慰勞下自己先啦！由細食到大嘅下午茶餐由廿蚊食到依家三十幾蚊好在size都唔會縮水太多即叫即炸要等陣不過都值得嘅大大隻夠脆皮😱😻💋粉唔會過厚醃得入味咬落仲好juicy，有肉汁彈出嚟㗎🥰跟餐半份西多士可以揀鍊奶/糖漿夠貼心即磨咖啡幾滑身唔會太苦，一杯都唔少夠飲啦三十幾蚊依家物價嚟講，算係咁啦👍👍👍

新城市呢間大家樂如果以價錢嚟講我會形容為新城市嘅清泉😂點解咁講。因為大家都知新城市食個午餐閒閒地都七八十蚊起跳。雖然大家樂唔算平。但無比較就無傷害😂😂今日叫左個魚香茄子飯。飯同茄子係分開上嘅。飯嘅數量對我嚟講都算多。會食唔晒。而且都有飯香味。但兜魚香茄子完全令我失望。汁多到好似湯咁。而且茄子份量少。而且得勁少肉碎。雖然而家係所有成本係增加。但都唔好咁樣hea啲食客😅最後飲埋杯檸茶。飽係飽嘅。但飯質飽嘅比重佔好高🥲

因為屋企人有食素，所以我哋都成日周圍搵素食，今日行過地鐵站，見到大家樂新出左素食煲仔飯，即刻同媽咪去試吓💕💕素食煲仔飯基本上係唔覺得自己食梗素，所有口感同味道都基本上同平時食開嘅煲仔飯一樣👍🏼色香味都ok，唔想食肉既話都可以試下💕

呢個咖喱雞髀飯呢其實嗰個咖喱汁真係做得幾好嘅加上呢佢真係原隻雞髀擺上去呢都算係己有口感按足㗎喇當然當然嗰隻雞呢明顯都係雪藏雞可以話係冇乜味道但係勝在個汁呢真係幾好味所以就算過繼冇乜味道淨係食個咖喱都幾好另外一樣野就係個白飯呢我認為都唔錯啦點解呢雖然都係啲普通嘅大陸買但係勝在軟硬適中大大碗勞動階層都可以好滿足食到飽飽再開工最後大家樂嘅招牌東西就係一字美極鮮醬油雖然味道確實怪怪的但係放咗落去飯上面的確好食好多

大愛大家樂嘅紐西蘭深水炸魚柳 炒滑蛋 煎香腸 配蘿蔔糕 熱檸水 早餐嚟講好豐富同樣樣嘢都好鍾意食之前通常配牛油搽麵包 🥯 但都係覺得太dry好鍾意呢個新提供嘅選擇！蘿蔔糕唔會炒到乾晒同硬晒 帶微香 同埋真係食到有蘿蔔喺入面炸魚柳唔會一切就散 唔會成舊粉咁 香脆嘅外皮採用相對薄粉 舊舊真。魚味 腸仔係廚師腸 有啲鹹味又唔會食落質地太霉 加上一切開就有蛋汁滲出嚟 好香 好滑～火喉控制得啱啱好 唔會太熟 係我最愛嘅早餐之選 因為多唔同嘅嘢食 質素好又唔dry😝

以前大學上堂到好夜成日食大家樂🤤貪佢鋸扒平靚正，六十蚊有西冷扒有酥皮周打魚湯👍🏻但畢業之後都冇乜點食過。今日又突然想黎回味下依家鋸扒已經要$80up🥲塊扒雖然唔係乜野高質素牛扒 但平有平食肉都稔 冇乜筋位當然要試埋一哥焗豬扒飯炒飯底粒粒分明焗薯都做得唔錯 雖然得上面三分一有料有味 但成飯焗薯都焗得淋酥皮湯的酥皮脆 但已經唔係以前的周打魚海鮮湯而係變咗雜菜湯🥺失望加$9配埋大大杯紅豆冰總括黎講係抵食 份量多到係食唔哂🥲

As there were many people waiting in line to dine in, we came to Cafe de Coral. With plenty of seats, we noticed a two people dinner set that costs $88. It had a roast spring chicken, baked spaghetti bolognese, two corn on the cob and two ice red bean drink. We ordered and waited a while as everything was prepared.The chicken was delicious! Juicy and moist. So packed with flavor! The corn on the cob didn't have any butter and was just steamed. I didn't mind it so much but boyfriend wanted more f

食大家樂嘅好處係一個人食嘅話都唔會尷尬。因為身邊嘅人同自己一樣都係為求食個快飯醫肚，而唔係話你要享受一個悠閑嘅下午去享受食物。放工已經十二點。又想食啲嘢返屋企休息下。咁唔流諗最方便嘅地方就係大家樂。沙田呢間大家樂雖然位於新城市廣場。但係佢又唔會話十分之多人，基本上等一陣就有位。仲要等係一個人食所以買完都好快有位坐低今日叫左呢個蒸雞飯。雞肉首先唔會話蒸得太老。而且鼓油亦都唔會話十分之咸。整體而言係合格嘅。另外仲送左個湯比得添。以咁嘅價錢嚟講，有餸有飯有湯有嘢飲。可以話非常之抵食。