雲南老巷

營業中

休息中

朋友想食特別米線，我即係諗到呢間野，因為有撈米線食，好正架，麻辣味好足又足料，米線份量對女仔食係太飽，但適合男仔食嘅份量加大有特創小食，番薯波、魚皮涼拌、口水雞等，今次太飽冇試食，下次會點左小食先，再點主食呢間野難忘的米線小店，來長沙灣鼓勵試一試👍🏻

經朋友介紹光臨雲南老巷，店舖本身早收，是打電話通知會遲D到，老闆亦好好人做埋我地生意，店外內裝修古色古香仿似小漁村麵店的感覺，店內提供雲南米線、肉燥麵、煲仔飯等款式選擇，點了以下食物：1. 酸菜魚雲南米線加配生根、菜肉餃 & 酸菜魚雲南米線加配貢丸、豬肝：除了有基本配料腐皮、韮菜銀芽外，遠有黑木耳，採用較幼米線令口感唔錯，比連鎖店還要好，魚片份量唔小，湯底味道恰到好處，豬肝熟嘅程度剛好，貢丸、生根、菜肉餃沒什麼特別。餐飲是凍朱古力 & 凍檸蜜：味道夠，幾好飲。2. 豬耳竹笙腩肉撈紅薯粉：基本配料有蔥段、花生、豬耳幾厚 & 份量多，朋友都食唔曬。3. 雞脾肉燥飯：滷水雞脾好大隻，飯亦都多，都係食唔曬。店舖有一位廚師及一位收銀，但上菜速度快，煲仔飯等15分鐘就能上菜，而且態度有善親切，多次詢問有冇漏單，讚讚讚!!!

天陰陰，周圍逛去搵食。路過呢間不起眼的小店。 從街上看進店內，真的像一條小巷子，暗暗的，內有一牌子寫著「冷氣開放」，不其然便被吸引入去。老實說，進店後我真有小時候回家鄉那些小店感覺。全店約可以容納二十多人，很古舊， 仍有很多木製裝修。 由於天雨關係，再加上店中多是木製家具，確實是有點霉味。 但我個人仍接受到，這些街坊老店，就是這懷舊氣息才有味道吧🤪看到餐牌，價錢便宜，選擇也多。 隨意點了酸辣米線，再加了豬紅、秘制魚丸及牛𦟌。由於不太嗜辣，只點了微辣。 此米線份量頗大，豬紅及牛𦟌好味。但秘制魚丸就一般般了. 因我比較喜歡爽口彈牙的丸子。這款有些像福丸，但丸是比較淋身的。小店只有兩位姨姨工作，服務也可以。 街坊鄰里感覺。 我會再光顧。如行過路過，也值得試試。 香港真的不多此類小店。當然，如你衛生要求高的，此店未必合乎理想吧。

長沙灣評價極端雲南米線 網上見到勁多好評 去左試試 點知伏伏地 留返深夜時間先出.今次呢間位置隱蔽 店面唔太起眼呢次叫咗⭐️秘製醬汁撈紅薯粉$27 腩肉$8一碟撈麵只係$27 個撈麵碟超級大 可以用盤去形容上面有大量重口味肉醬 個醬汁甜甜鹹鹹比較深色 好似海鮮醬feel😅加埋叫左小辣 其實撈起上嚟幾惹味👌🏻腩肉 正常水平 👌🏻寛薯粉都滑.但重點係 店面環境比較陰暗🤮店內有一浸明顯異味 體驗超差 🤮就好似坑渠/螺絲粉麵店咁濃烈嘅味🤮平時接受大排檔環境嘅我都搞唔掂可想而知環境衛生有幾差 普通米線店先會有呢種味.食物ok 但環境好似店名咁 真係有老巷feel見到網上竟然冇咩人講 我就一定唔會回頭成功因為環境進入以身試伏系列.#hkfunfoodrecord窮遊香港#hkfunfoodrecord_長沙灣#hkfunfoodrecord以身試伏 .#雲南老巷 (長沙灣)地址： 長沙灣元州街473號地舖.⭐️評分：味道：3.8/5環境：0/5 冷氣幾舒服 但環境真臭服務：3/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.‼️想睇更多資

麵食跟熱飲******************************🥢秘製醬汁撈紅薯粉條(小小辣) $27同朋友嗌嘅麵底一樣一次過講😗秘製醬汁好惹味🤤揀左少少辣對唔食得辣嘅我黎講啱啱好🤭麵底本身跟好多配料有肉醬，芽菜，蔥，芫茜，花生&蠶豆有跟芫茜好驚喜覺得中和左膩感😙而且有蠶豆覺得好特別多數都淨係跟花生😗蠶豆同花生都好香脆 正🤤***🥢加配 腩肉 $8 十三香雞肉 $8🥢加配 豬頸肉 $10 滷蛋 $5兩碗撈薯粉各自加左兩款餸😗腩肉係我鐘意嘅層次分明肥腩肉😍好掛醬汁好好味😋十三香雞肉係有醃醬嘅無骨雞肉夠軟淋味道不錯不過我麻麻地呢種雞肉😗本身以為係手撕雞質感先嗌🤣豬頸肉係比較淋嗰種口感同滷蛋一樣唔係好夠味略嫌有啲淡四款配餸我嘅排名係腩肉>十三香雞肉>豬頸肉>滷蛋😝

今日嚟到以前中學成日會去嘅呢條街食嘢，咁多年冇返嚟已經變咗好多，我以前我食開嗰間譚仔雲南米線，而家已經開到周街都係，但就俾我搵到呢一間雲南老巷嘅特色小窩過橋米線，算係一間幾有仿古特色嘅小店！我叫咗個秘製醬汁炸醬湯撈紅薯，配腩肉同埋秘製御苑，腩肉方面都有幾多，而且佢個碗麵本身比較大碗，而秘製魚丸方面，我就唔覺得有咩咁特別，因為我鍾意食啲丸類都係比較彈牙爽口嘅，而佢呢一隻手打魚丸可能個肉質方面就比較軟身，咬落去林啤啤，但入邊就有啲餡料，都算特別嘅！最後因為佢嗰個秘製湯底嘅炸醬都有少少辣，雖然我已經叫咗老闆娘唔好俾咁難，但我都要叫返支豆漿中和一下，豆漿冇乜特別，但係下次會想試吓佢嘅撈麵同埋小窩米線同譚仔嗰啲有咩唔同呀？期待下一次再幫襯！

晚飯時間去呢間有時候經過會聞到煲仔飯味既餐廳 入到去坐位唔多 有些少逼夾 以為主要食煲仔飯 原來佢仲有辣粉麵選擇入到去坐低左 店員冇比餐牌 要自己問隔籬枱借黎睇一心黎食煲仔飯 就叫左個排骨潤腸煲仔飯等左10分鐘左右就到喇 賣相好吸引 好香煲仔飯嘅炭爐味道 另外跟埋一碗鼓油 一打開蓋見到好多餸 熱辣辣 面頭有啲菜心排骨同潤腸正常水準 勝在份量多飯有炭爐味道 不過啲飯就好淋似係本身煮熟左嘅飯再拎去煲 質感唔好食本身抱住食煲仔飯心態去會有點失望

店名叫雲南老巷，主打四川辣菜及米線。但其實，店內有不少客點他們的煲仔飯。$60一煲。我每次想吃煲仔飯，都去他們的店。 性價比高，陣陣飯焦香，餸菜好質素。豉汁白鱔都非常足料抵食。很多時點他們的土魷肉餅飯，喜歡他們沒有放太多肥肉，啱曬怕肥但又想享受煲仔飯的我。

門口裝修幾老店感覺， 店舖細小， 但有賣煲仔飯同埋川味湯粉今次試左： 酸辣炸醬米線 配雞翼 魚皮餃 蘿蔔豬骨濃湯底 味唔太突出雞翼魚皮餃冇乜特別蘿蔔唔錯，夠腍冇筋， 入味份量大碗，性價比唔錯

今次係網上叫外賣，叫咗一個肥牛雞翼酸辣薯粉，口痕再叫多一個泡椒鳳爪。湯底同埋薯粉分開擺放👍🏻可惜湯底實在太油膩，肥牛比較破散，兩隻雞翼嘅味道其實就還可以。但係同想像中嘅酸辣薯粉有啲出入另外係我最期待嘅泡椒鳳爪⋯⋯平平哋三十幾四十蚊，一打開份量少，見到啲鳳爪嘅腳趾甲😭😭😭😭其實好多食肆而家基本上都會剪走佢，因為真係好影響食慾。其次，諗住佢嘅味道可能OK，不過試完之後就覺得冇下次。泡椒嘅味道唔係好出，醬汁都係偏油膩。

經朋友介紹得知此店米線值得一試店舖比較細, 所以本次選擇買外賣自取酸辣米線(中)+大腸+墨魚丸可能外帶自取關係米線偏淋身,但湯汁已沈入米線, 若果你喜歡辣道較高味濃是十分適合, 不會令你感覺味道只包在米線之外湯底我比較驚喜, 辣度味道近似雲XX, 本店味道更偏地道川菜辣, 烹調時間味道夠濃郁,配料足這種熱辣辣的配搭, 真愛吃辣的朋友,是推薦一試外觀：👍👍👍味道：👍👍👍👍環境：👍👍👍*滿分=5👍#我是吃貨組長 #Nicky的味道 #吃貨的態度 #美食 #雲南老巷 #米線 #川菜 #中式 #foodieleader #foodie #foodiehk #blogger #長沙灣 #cheungshawan #香港 #hongkong

嗰日咁啱喺附近番工 就是但搵間餐廳食野 環境就真係唔算乾淨都舒服🙈但佢絕對係一個街坊食堂😍嗌左碗撈薯粉 唔洗三十蚊 仲抵食過譚仔喎😂配料仲有勁多款選擇 份量又夠多 經過嘅可以試吓😋

用網上外賣平台嗌咗兩碗酸辣炸醬豬軟骨腩肉米線，麵同湯係分開。講咗個湯先，勁多油，唔知嘅以為係食緊油浸湯。個麵同餸，一打開個蓋已經聞到一浸臭豬騷味，夾起舊豬軟骨即刻飄出陣陣豬騷味，連碗湯咁濃都冚唔到嗰陣味！腩肉、米線成碗野都比豬軟骨浸味傳染埋，勁臭成兜嘢，完全食唔落！都唔明點解網上外賣平台同呢度咁多好評，真係未食過一碗咁臭嘅米線，以後唔會再食呢間，真係好恐怖！！！！！！！！！！！！！！！

尋晚買外賣自取，賣六餸河粉，拎到返屋企先發現佢俾咗個完全冇餸嘅白飯我 行返落去5分鐘左右已經閂咗門到今日打返去佢都承認琴日係撈亂咗兩個餐，一句唔好意思都冇，跟住佢話而家出返同一個餐比我拎咗返嚟見到嘅六個餸入面佢只比左兩個餸，其餘四個餸都冇！！！打返落去又係一句唔好意思都冇 就咁話因為啱啱你打黎嘅時候做緊其他嘢所以打漏晒啲單！呢間嘢之前都比錯過，所以真係冇下次！！！

係網上見到有人推介呢間既米線，咁岩路過一於試下，但真係好失望。同朋友兩個人去食，叫左酸菜魚米線同撈米線+滷水雞腎，小食叫左一份麻辣牛柏葉，仲有兩杯凍飲。酸菜魚米線有4舊魚肉，都嫩滑無骨，唔錯既，但湯底係比較重胡椒味既雞湯，味精都好重，食完會好口渴。另外明明叫撈米線但就俾左拉麵，食落味道幾香，但雞腎好乾好硬。但最伏都係麻辣牛柏葉，作為一個涼拌小食，竟然係熱既、又完全唔辣，呢個真係好失望。而且環境好迫，坐得好唔舒服，成日都同枱離檯碰撞到。