萬發海鮮菜館

營業中

休息中

深水埗小炒，萬發真心唔係差吖！琴晚去本身要排三張枱，佢哋都即刻開埋對面鋪即刻入座，要開酒瓶器又無黑面。叫了雞，整得啱啱好，雞胸都滑～再蒸埋斑頭腩，無蒸過龍，魚皮都係滑～再上埋豉椒炒蟶子，地道肥美聖子。叫三様都無伏，所以或者改進咗，大家俾多次機會佢地啦！香港飲食業已經捱得好辛苦了！三五知己又飲又食我仍會選擇萬發

這間被喻為天花板大排檔的小菜館，今年光顧了4次，每次所叫的小菜都從不讓我們失望😋只是店員服務態度一直被批評，不知道是我們幸運？還是我們在非繁忙時間去開餐呢🤔店員姨姨都是有禮貌的，可能只有一、兩個姨姨笑容欠奉吧，又或年長些，溝通上要花少少🤏時間，以免下錯單而已，但總不能用惡劣來形容她們服務態度，這純粹個人感覺⋯其實以茶餐廳格局、茶餐廳收費下，這服務我認為是不錯了😌反正大家是奔鑊氣小炒而來😜食物如何就不太詳細說明了，總之我就覺得保持水準，鑊氣足，調味拿捏到剛剛好、若果像我們不愛濃味又怕過鹹的，有些小菜可以落單時說明少鹹😌

今日下午5點16分，打電話去叫外賣自取，個啊姐听電話，態度勁差，已經話無下午茶，明明佢哋自己寫下午茶時間到五點半，都唔係做生意嘅。咁就唔好寫到五點半喇！仲有十幾分鐘。先到五點半！

晚黑想食地度港式小菜，近近地去左深水埗福華街萬發。呢間比九江街果間小啲人，可能相對格攝啲。今餐就清清地叫左兩味小菜送兩支清啤，第一味薯仔蜜椒牛柳粒一如以往鑊氣十足，薯仔炒到外脆內甜，牛柳粒一粒粒都係濃香厚實。第二味椒鹽鮮魷就略嫌炸粉嗰度稍為失色，不過送酒菜呢講就不過失啦。加埋兩支清啤埋單300有找。

3年前幫襯過這間餐廳,當時覺得幾好食,食物份量大又夠鑊氣,服務都OK,但3年後的今天再次幫襯,哇,所有野都退步咗好多! 我們點了一碟風沙雞,但同以前好唔同,以前D雞就啖啖肉,但現在D雞竟然冇乜肉,而且又多肥膏,我哋主要都係食骨及肥膏,好鬼油咁都算啦,但最大問題係我哋發現雞竟然有血請見圖,我唯有把有血或者不夠熟的部位咬走佢啦~我們也點了一碟豉椒炒蜆,由於我們都不吃辣的,所以落單時我們也有要求走辣,侍應也說OK的,而且也有寫低,點知上菜後我地食咗第一隻蜆後,竟然係辣的! 仲要唔係少少辣,而係幾辣!而且有沙! 於是我地心平氣和及有禮貌地反映返俾個戴眼鏡、短髮的女職員(我估佢係老闆娘或者經理之類)聽,點知果位女職員就即刻好大聲咁同我地講:「這已是今晚最後一碟的蜆,沒有其他㗎啦!你要就要,唔要的話我就直接同你取消咗去!」我地真係O咗咀,因為佢個態度就好似係我哋欠佢債咁,真係有禮貌到呢…..冇辦法啦,唯有取消啦,因為真係比較辣呀,其實如果真係做唔到走辣的話,當初落單時,係咪唔應該應承幫我地走辣呢? 我地都有點其他餸菜,但全部食物都好油! 總括而言,所有嘢都大不如前,所以我已經把這間餐廳blackl

👆🏻《 含Youtube食評》帶連登鬼仔食大排檔😎勁標準廣東話🫶🏻今天我就會同一位 Youtuber做一個featuring合作的所以今天就會帶他來吃點地道的我們叫打冷啊就是大排檔喔雖然脆漿有一點厚身但是吧咬下去是 索索聲啦炸粉是可以接受的不算說太厚的魷魚我覺得是鮮吧因為平時我吃椒鹽呢會鹹了一點兒了這個我覺得OK有時吃到一些魷魚呢魷魚鬚尤其是會粘牙的嘛這個暫時沒有粘牙感覺我剛剛食了一塊就韌了一點 一會呢會再試雞翼啊 食雞髀位剛剛吃了兩塊雞呢已經有好勁的蔥味咯即系已經好好好掂嘅為什麼帶 Brandan 來吃吧就是這裡的很有名的薯仔牛肉粒啊薯仔很腍有焦糖味喜歡他炸得很出色啊有點黑椒味喜歡他很腍牛肉又是很入味的味道吧當然是跟薯仔的味道是一樣吧好腍 好 Juicy 的炒得熱辣辣

this place is almost like a dai pai dong but everything indoor.ive been back for over 10 times now!beef and potatoes are STILL SO GOODsalt and pepper will not disappointchicken is always tender (whole chicken dishes)i always take my friends who are visiting hong kong wanted something authentic and local.THIS IS THE PLACE!!

疫情以來一直想去深水埗吃小炒，不過之前怕人多 不敢去。現在疫情差不多過了，於是約埋一班朋友去 深水埗萬發，福華街嘅一間店比較多位，所以去這一間。星期日晚好在訂了位不否則都幾難搵到枱。我哋八個人叫咗八個小菜。當中黑椒薯仔牛柳粒仍然係最好食，小炒王，雞蛋焗魚腸和大蝦粉絲煲保持水準，薑蔥魚鮫有驚喜，大家都覺得好食，雪裏紅芥蘭窩比較鹹，潮式炸豆腐就冇乜特別。我個人覺得乾炒牛河畀酒樓嘅做得好。我哋叫咗黑可樂係樽裝好細支，反而正常可樂係罐裝，一樣價錢就覺得好唔抵。唯一覺得美中不足係坐得太迫，亦因為樓底矮所以好嘈，就算我哋成班大男人大大聲都未必聽得到對方講嘢。埋單每人都係$160非常抵食。

話說夜晚10點幾，全家6個人就去食萬發，入去嘅時候，就話有得食….坐底落單，佢地就話要等至少半個中先可以，話成班員工一齊食飯，食飯大過天，咁你一開波就講清楚啦！個伙記仲要串我地話揀佢食飯嘅時候先黎，態度差到令人想打佢

門口個女人由叫我Scan安心出行嗰刻態度已經唔好，唔係朋友已經坐咗入去我實轉頭走！坐低食，嘢食味道都係咁啦，大把餐廳好食過佢。唯一食咗會嘩一聲嘅，就係嗰碟「薯仔牛柳粒」喇！薯仔同牛柳粒個比例都差幾遠，改名做「牛柳薯仔粒」會啱數啲！我哋人多，嗌咗8、9個餸，又飯又啤酒，食完咁濟時想話加餸， 叫我Scan安心出行嗰個女人已經走嚟用好差嘅語氣問我哋食完未，我都已經嗱住張菜單，我咪同佢講：「我依家唔夠食想加餸，得唔得？」， 佢又問返我想加乜，咁我咪同佢講俾我諗多一陣，跟住佢就行開咗。我等到佢返嚟，我就同佢講加乜餸啦， 佢就用鬧交嘅語氣同態度同我講：「唔比加呀！出面好多人等緊呀！」，佢用鬧交嘅Tone 嚟同我講嘢， 我都準備拍枱起身X佢， 但即刻比朋友拉住咗......啲咁嘅垃圾餐廳， 嘢食又唔係食咗識飛，入去食飯根本係貼錢買難受！

最近返工真係好忙，正宗香港機械打工仔，朝九晚6半，真係好攰，收工都係想食餐好，今晚去約左兩個fd,一行三人去左食「萬發海鮮菜館」，去到見到好多間萬發，我諗係同一個老細掛…8點去到，都多人要排隊呀，排左20分鐘左右，叫左4樣野「椒鹽九肚魚」$108 ，外脆內弱，正「豉汁蒸白鱔」$148 ，今次係網上睇到衝住依碟野過黎，鐘意食鱔既又真係好正，脆滑新鮮，，個fd 叫左碟「C 奄」，我第一次試C奄，以前無咩特別會點依樣野，今次試一試，原來好鮮甜，唔係血水味，值得試wo , 「蒜蓉粉絲蒸聖子」大大隻果款$68 /隻，一人一隻，粉絲都入味，聖子都好新鮮。今餐整體款款都好好。係要排隊，我前兩枱仲要搭檯食。味道：環境：衛生：回頭：價錢：雖然唔係咁好，但我又覺得黎得依d地方係預左，所以我覺得ok,呢啲地方食物最緊要😂😂

今日四條友行完獅子山，大約8:00pm食飯時間，朋友介紹打的去附近深水埗萬發。有經驗食過嘅朋友一坐底就已經發板叫左薯仔牛肉粒，椒鹽鮮魷，蜜餞欖香一字骨呢三樣，我地只不過是旦叫多個炒豆苗同小炒王。四個人，五個小菜，分量啱啱好！薯仔牛肉粒果然名不虛傳，係好好好味！第一次覺得薯仔原來係可以咁好味！！！牛肉粒當然都好味，但好味嘅牛，有好多地方都食到，但好味嘅薯仔🥔，唔係到到食到，薯仔因為用蜜糖焗過，表層好香蜜味而且好脆，裡面texture亦好有咬口，完全明白點解每一枱都order呢碟小菜椒鹽鮮魷，魷魚彈牙，食得出係新鮮魷魚🦑，個表面粉漿粉量都適中，夾啤酒一流🍺！蜜餞欖香一字骨味道有少少似薯仔牛肉粒，但因為係一字骨，炒得好香口，美中不足係條骨真係比較大條，肉比較少，如果可以多d肉就更正！另外小炒王同炒豆苗亦都唔錯，但比之前三個小菜搶左風頭，但齋食肉有d heavy, 所以都係必須要order. 小炒王同炒豆苗同一般大排檔差唔多，唔會失望，亦唔會有太大驚喜。Overall黎講，每碟小菜都好食，薯仔牛肉粒更係必食嘅招牌菜，值得一試！

成日都聽人讚佢嘅薯仔牛柳粒 今晚終於到我試食小炒一定要配可樂基本上乜小菜都有😂款款都幾大份 同埋好吸引薯仔牛柳粒 $138不愧咁多人盛讚真係好好好好好食🥔薯仔炸一炸過 外面脆口 而入面就好淋薯味好香好重🥹再加埋蜜糖係面 甜甜哋口感同味道都好正但完全唔覺得濟/膩 係咁食係咁食🦦牛柳粒係配角嚟 中規中矩啦沙爹粉絲牛肉煲 $118沙爹好濃郁 粉絲又入晒味超級多牛肉 都算淋同入味不過如果係肥牛就更加正椒鹽鮮魷 $138炸得好香脆 椒鹽又夠惹味黄金豆腐 $88最失望係依個炸得唔算好香脆 仲要係…無味嘅🥲埋單每人百幾蚊環境同服務都無乜 但無想像中咁惡劣

8人一枱食飯就可以叫多幾樣餸😎當然要叫佢地既招牌薯仔牛肉粒🤩1. 薯仔牛肉粒x2 ⭐️⭐️⭐️⭐️⭐️薯仔牛肉粒既薯仔係呢碟餸既靈魂 就算我唔食牛肉都必定會食佢哋嘅薯仔🫰🏼煮得夠淋夠入味識 值得五星2. 菜圃蛋⭐️⭐️⭐️菜圃蛋就好一般 唔算特別 可以唔試 留肚食其他3.黃金豆腐⭐️俾個名欺騙左我地既感情 完全係鹹蛋味 普通椒鹽豆腐 但係又唔夠鹹4. 金銀蛋莧菜⭐️⭐️⭐️⭐️基本大排檔都唔會煮得差既一味餸 合格5. 啫啫煲通菜⭐️⭐️⭐️本身諗住叫呢樣餸係以為佢只係素菜 點知佢就落啲細嘅豬肉碎 令到食素菜嘅朋友完全食唔到6. 炸子雞⭐️⭐️⭐️⭐️正 大牌檔必食7 . 豬大腸我無食到 所以唔評分 不過眼見朋友們食剩好多8. 紅燒豆腐⭐️⭐️⭐️一般 無特別除翻一人大約$150 合格 一枝大Asahi $25環境夠大 有冷氣可以打電話預約訂枱唔收蛋糕費

招牌菜唔似招牌菜，全部餸都非常有份量，質量就唔知去咗邊。招牌菜嘅薯仔牛柳粒，係外硬內軟，真係好有口感；蒜蓉蒸勝瓜，食咗咁多次都冇一次試過呢碟餸可以加薑都算，啲蒜蓉重要完全冇味完全係食到勝瓜嘅瓜味，加埋啲薑可以再淡化啲味道，真心健康；另一碟咕嚕肉就完全唔同，加咗勁多糖，舊菠蘿食倒甜嘅，成碟都用油浸過，真係平衡返個勝瓜嘅味道，出色嘅鋪排！