傷心鵝掌門麻辣火鍋 (已結業)

本來我們一班喜愛吃麻辣的人.. 對傷心酸辣粉的評價也不錯..今次傷心酸辣粉..另開火鍋店.. 我們也覺得即使湯底如酸辣粉的湯也不太差吧.. 誰不是.. 這次浪費我們的QUOTA!!!先來一個前菜.. 味道還可以.. 誰不知. 已是該餐最好吃的一個餸... 湯底配鵝掌 這個湯底.. 絕對是我們惡夢的開始... 全部都是油... 任我們怎樣隔.. 都是除了油.. 還是油.. 天啊!!! 這是甚麼的湯底呀??!!!! 鵝掌... 本來不是難食... 但158的湯底, 加這幾隻鵝掌... 未免有點搵笨吧.. 多麼的「多」的餐肉為何一個好好的黑栢葉.. 本身爽口的黑栢葉.... 變成這種切法.. 變得一點爽口都沒有... 錯晒...血鱔片..望上其實都OK 的.. 但因為個湯實在太差.根本試唔到味...墨魚丸一口一個的墨魚丸... 份量.. 何其「多」普普通通的枝竹...本來.. 我覺得.. 做食物的.. 都是用心吧.. 而且. 我們看飲食雜誌.. 都對這間食肆有很好的評價... 或者是我們來得不合時吧... 我真的覺得是徹底失望.......... 沒下次吧!!!

呢度開左冇耐已經黎過一次，當時都冇乜試到個辣鍋所以再來一次今次同我一齊食嘅係一班自稱食得辣嘅舊同學今次比上次抵食，因為佢地做緊七五折，我地叫到成枱野食都係每人110可能有人話去食任食火鍋仲好啦，但係呢度衛生企理，野食呢D野太多無謂，足夠就可以了 (唔好製造廚餘嘛)服務又好，好似樓下個POST講，班伙記都好醒目不時過黎加湯，經理又會主動介紹小食: 我唔知咩名堂，係細細隻嘅炸蝦，好香口，有個朋友起勢咁食，席上兩碟俾佢清晒。飲品: 至愛竹蔗水，清甜可口，打邊爐絕配 點左麻辣子母鍋之後我地前前後後叫左十幾樣野，排晒0係餐車等我地逐樣食。(由於上一次食完有朋友覺得太油腸胃有D頂唔順, 今次我提議叫少油)推介麻辣魚丸: 好鍾意咬開係辣豬肉碎，用佢黎開胃真係一流，不過食時要小心彈到塊面或者衫褲...滑雞片: 真係又新鮮又好滑，有幾塊滾左好耐至記得撈起都好好食海蝦: 鮮甜駝烏肉: 新發現，不嬲唔食ga，不過原來似滑版牛肉魚皮餃: 足料又唔易散，配麻辣較佳肥牛芝士腸生筋金菇鯇魚片呢d hotpot 必叫嘅都合格唯一要彈嘅係個雞件，淡而無味本身想試埋肥牛粒，可惜已經非常飽喇臨走佢會每人送一碗冰粉，由於今次

之前想食好耐～～但因為唔係個個frd都食得辣～所以一直都無去終於等到有2位朋友可以一齊試～～有樣野一定要讚既係佢地既服務態度～！！真係超好～有個（應該係經理？）會提點下我地點食先至最好食～員工又定時定候來幫你執碟／加湯咁樣～唔會好似其他地方叫極都無人理你～～仲要個個都好好禮貌～！真係超讚！野食方面～其實整體來講都唔錯！係d蝦有少少唔夠新鮮～個煱好香呀～！同埋仲有得自己揀去加香料落去d醬油到～超好味！最後埋單～全單有75折～每人＄150左右～我諗多d人去食既話會抵d！！下次會再來食！！

麻辣湯底一流, 酸酸辣辣, 十足十傷心酸辣粉一樣。如果有朋友覺得唔夠辣的話, 仲可以額外加一碗辣調味料, 加入湯底又得, 加入自己碗豉油又得, 辣到無朋友。可惜食材尚有改善空間, 食物唔夠新鮮。

朋友知道我是麻辣迷, 特登請我到這裡打邊爐...這裡比較"隔涉", 我跟朋友迷失大角咀, 花了差不多1小時才找到此店@@抵達後才得知原來每枱可以claim 2張的士收據(上限$30), 早知這樣就一早搭的士, 不用找得這麼辛苦啦...叫了麻辣鵝掌鍋...很辣...我邊吃邊流眼淚, 真的是名乎其實的"傷心"...不過我嫌沒有麻味, 待應說可以加麻, 可惜其他朋友反對, 所以只好作罷 下次一定要試試加麻後是怎樣的味道!叫了很多配料, 如手切牛肉, 雪花肥牛, 醉雞, 午餐肉, 墨魚滑, 帶子片, 珊瑚片, 支竹, 豆付, 著粉...叫了十多碟, 我都記不清楚了...因為我們3個女仔, 眼看四周圍的男仕也沒有叫這麼多, 他們紛紛向我們投以奇怪的眼神, 很搞笑!所有配料也很新鮮, 最正是那手切牛肉, 很滑很好吃!待應們還送我們魔芉及海帶, 我是第一次吃魔芉, 口感很特別...我們還點了小菜火焰蝦, 這個真的麻麻 差不多吃完的時候, 附送每人一客的紅糖冰粉...雖然沒有味道, 但解辣一流, 吃下去很舒服...這個不是很多地方有得吃的, 在香港這裡是我吃過的第2間...還叫了一打Asahi Bee

一行4人麻辣組睇左報紙後又去搵麻辣野食!!睇報紙話這間係正宗麻辣..點可以唔試呀!!!要左個麻辣火鍋+4鵝掌見到成鍋野黑蚊蚊咁...以為...係以為會好辣點知開始食...個鍋中間的白湯就滾到瀉..但係側邊的麻辣湯就滾都唔滾...以為係因為油所以唔滾.但其實成餐飯煲湯真係冇滾過lor~~~成個鍋的設計好有問題我地叫左佢寫住推介的食物..最好食的應該只有午餐肉和本地手切肥牛肥牛真係值得一讚，好嫩好滑..正不過..o個d咩牛面青,黃喉,血鱔,豬紅,豬潤.....真係唔多得講下咩係牛面青....見到佢個樣都真係唔知係咩...似牛展乾...而且比牛展硬十倍..唔好食!!!黃喉更加唔知係乜...冇味..口感似香口膠..唔爽唔脆唔煙韌..都唔知食左乜落肚!!!!最最最大問題係...鍋野好油好油好油..同埋唔辣已經叫左加辣..都係唔辣最恐怖係d油...好似加左豬油同萬年油咁油到成個咀都黏住..計個碗同筷子唔食擺係度一陣已經黏實左台面上的油蹟...乾左之後竟然會有層蠟面..平時d油蹟邊會咁架!!!仲唔係加左豬油!!!真係好難想像入左肚o個d會係點!!!如果食極都唔肥或者想增肥的人可以去試下食咁多油的火鍋

第一次食, 真係, 叫左個138的象拔蚌+黃骨魚SET, D 象拔蚌一D鮮味都沒...黃骨魚真係只有骨.肥牛, OK, 不過不失.麻辣湯底好差, 好油, 麻辣味唔夠香, 因為太油搞到食完返屋企肚痛, 老實講個人認為寧記做得好過佢.總結: 真係沒下次!

本身都鍾意食辣, 見到易拉架廣告.咁O岩天氣開始凍...即刻提意去食..我地一行3人...叫唔到好多野食....睇OPENRICE 食評, 有D 講到好差, 有D講到好好, 一定要試下先知...首先叫左個麻辣鍋+4鵝掌....加左價喇~>.<~~$118...之前OPENRICE係唔記得88定98~~叫左肥牛粒...$78美國肥牛$38再加黑椒牛丸, 鮮枝竹, 薯粉,雞件,魚餃仲有墨魚滑..墨魚滑都好好味, 質地同味道都不錯真係好味道......不過係好多油=.=~~仲叫左2 JAR 鮮橙汁...22@...都OK唔錯~~完全有下次..!!!!!!!老闆出黎指導我地點先鵝掌..^^~~

因為好辣既我, 喜歡周圍試辣野, 今次去到大角咀試試鵝掌麻辣火鍋!!!! 當日五人行叫左好多野, 但首先講講湯底, 叫得四海麻辣鍋, 卻不夠辣不夠濃, 酸味太出~不過麻辣湯底配鵝掌又出奇的好食, 唔錯!!!!!!1.象拔蚌刺身 – 伙計摧介的, 但本人覺得又腥又唔新鮮, 食左兩塊咁大把, 如order象拔蚌會送兩碟細肥牛, 話明送的. 肥牛當然質素麻麻, 又肥又薄身~2.手切本地肥牛 – 都不錯, 好新鮮~但係切得過厚, 食起上黎會太韌~3.薯粉 – 好得,好正, 勁match麻辣湯底, 直頭想知佢d薯粉邊度入貨~4.手打四寶 + 墨魚滑 – 四寶都算好食, 但墨魚滑唔夠彈牙又無鮮味, 唔掂~5.魚餃 + 韮菜餃 – 沒有特別水準, 只屬一般6.鵝腸 – 唔新鮮多肥膏又貴, 食落唔爽無咬口但成為78蚊碟7.豆腐 – 好滑好正!!!!!索晒麻辣湯, 所以比起其他配料都更入味8.牛筋 – 原本好食的, 但切得太大舊, 如果size細舊d, 不但容易入味又易淋~9.豬腰豬潤 – 都算新鮮好食 ,又唔會太粉, ok!!!!!10.美國桶蠔 – 夠新鮮juicy, 又肥又大隻~其實整體野食質素唔

得知佢係傷心酸辣粉嘅姊妹店,滿懷希望的去一嘗麻辣火鍋...一坐低就叫招牌鍋(麻辣鵝掌鍋),一碟細嘅本地手切肥牛...牛白肉...新鮮鵝腸...皇帝菜...半打青島,食物一放低就發覺牛肉立立令,顯然預早切定嘅,鵝腸灰灰黑黑一Ｄ都唔新鮮(仲要收68蚊),心諗一場嚟到都試吓喇.....牛肉冇牛肉味,鵝腸唔爽之餘仲有少少怪味,牛白肉還可以,湯底同佢姊妹店嘅就差得遠了......埋單免加一都$578,真係又貴又唔好食,冇下次囉

今次呢間係其中一個朋友帶我去既, 地點係大角咀, 可以係旺角行過去既, 但係唔識路, 所以搭的士, 原來比返張單鋪頭, 可以claim 喎, 真係第一次聽!!!去到至知, 原來叫"傷心鵝掌門麻辣火鍋", 原來係"傷心酸辣粉" 同一公司, 我同honey 都好鍾意食架!!!下次帶埋佢黎先!!!嘩, 一睇個鍋, 就知道辣啦!!!!中間果個係清湯底, 怕d 人食唔到辣掛!!話明鵝掌門, 梗係要叫鵝掌啦, 呢度其實係4隻黎架咋!!!切開一半都有咁多!!!我地叫左薯粉, 同埋d 辣湯食, 好好食, 其中一個blog 友, 我諗佢可以一個人食一盆!!haha其他d 材料都好新鮮!!我最鍾意食腐皮, 因為係麻辣湯底下, 好惹味!!!不過d 黑柏葉就麻麻地, 唔夠爽!其實仲有幾盆菜未影架........諗住冇乜野特別麻!!最後每人埋單1百蚊到, 都幾底食.....

朋友提議嚟呢間四川火鍋店食飯, 順便成班敘一敘。小弟一向唔係食得辣嘅人, 不過聽聞呢間店由四川人掌廚, 個火鍋中間又有個唔辣嘅湯底, 就一於試吓。一行人約咗喺朗豪坊抽象「人像」度等, 經過旺角街市, 過天橋轉右就到, 唔算太僻。四個人叫咗個麻辣湯底, 上火鍋之前每人有一盤調味料, 有芫茜、蔥、蒜蓉、麻油等等, 俾你根據自己口味調味。個辣湯底紅得都幾得人驚, 不過朋友試完竟然話唔辣, 所以唔食得辣嘅我都試下, 果然唔算太辣, 但係幾香幾好味。不過之後個湯底滾咗就真係好鬼辣, 唯有退守到中間個湯底 -- 一樣唔錯! 好足料好味! 隨湯送咗個肥牛, 唔錯。之後又叫咗牛白肉、烏冬、各式肉丸...... 真係咩都有得食, 特色嘅又有、本地口味都有。裝修係典型茶餐廳風格, 不過個廁所幾闊落幾靚, 又打理得幾乾淨 -- 值得一讚。

一行四人去食麻辣火鍋，竟然得一個人係好食得辣一開始嗜辣人話完全唔夠辣，經理就話原來係要滾起左至知個真正辣度不過最後都係加左一擔辣料落去 我好欽佩咁食得辣既人囉!我地其他人就點一點試下，主要都係用返中間個湯底中間個湯底超多芽菜同青紅蘿蔔，如果唔係嫌熱氣可以當湯飲值得推介既係薯粉,肥牛同牛白肉除左肥牛其他兩樣都少食甚至冇食過下次再去唔食烏冬喇成日食, 叫薯粉算其實本來想叫豬頸肉，但雜誌影左牛白肉我諗係佢主打所以叫啦，幾得意竹蔗水好好飲，飲左4杯呀我，朋友仲撩左人地d渣出黎食lol佢話搭的士有30蚊回贈我以為佢超僻其實如果由朗豪坊, 旺角街市過黎就好快不過由火車站搭過黎就arm arm 好ps 好似有3部電視不過如果唔好全部都播晒無線比較好.....特別係摘星0個個時段再ps: 麻辣火鍋都算係男人的浪漫系列，見到好多檯都全男班，藍領白領都有。有一檯全部士成日話要加辣加辣，太勁

之前都有留意到係街口個易拉架廣告, 去到門口個感覺唔係咁好, 因為裡面係用快餐店既黃色, 好似以前既大家獲咁. 同女朋友2個去食, 火鍋料選擇少, 個麻辣湯底一般啦, 到我叫jor 肥牛先見到人地食手切肥牛, 但係menu 又see 唔到, beer 又無價錢, 都算, 最唔滿意係d waitress問我仲要唔要個鍋, 我話唔要哪唔該, 點知拒跟手收埋我地d碗, 同其它野, 得返我仲任緊個杯酒, 咁即係趕客姐, 出面仲要係完全無人位, 仲有大把抬, 有無搞錯呀.

新開張，見話有得開翻的士錢，就坐的士落去試下慳翻20幾的士錢（要羅收據，上限30皮）11點去到，都幾多人，裝修普通，但都幾舒服裝左有線，相信英超時，就難有位麻辣火鍋最重要係個鍋底，呢度個鍋底確幾正宗，D花椒好香（唔食得辣就無野講）重有我相信應該有加牛油的，鍋底有陣牛油味，好香鍋底連4隻鵝掌$98兩公婆唔食得咁多，只叫了九肚魚$38，OK新鮮同叫左唔易食到的牛白肉$38唔錯幾好食，好有油香，但怕肥的就唔易接受到羅送了一小份美國肥牛送的美國肥牛，唔錯，絕唔係普通凍肉料，見$38一碟，即叫，又幾掂喎！見美國肥牛都咁掂，再叫一個細的手切肥牛$88（唔記得影相）呢個手切肥牛最掂，肥美，淋滑，重有咬口，至正！伙計都幾友善，快趣，一個應該係老板的，會出黎問下意見的，記得搵佢……有九折的食物確新鮮，好正，為左個牛肉，牛白肉都值得再幫襯我覺得個鍋 好正，但最麻煩一粒粒的花椒等配料太多，食時一粒粒好麻煩如果可以改進得到就一流喇