泰昌餅家 (德福廣場) (已結業)

每逢路經泰昌都會買幾個蛋撻返屋企孝敬兩老，今日嚟到德福，又買番半打蛋撻返屋企。依家嘅泰昌漸漸換上了Tiffany Blue 嘅顏色，換上新設計嘅餅盒，增添咗點點追上潮流嘅感覺。每次食泰昌蛋撻一定會諗起肥彭個為食樣，因為新鮮出爐熱辣辣嘅蛋撻係幾好食嘅而我就買咗酥皮同曲奇皮，可以迎合各人口味。雖然依家嘅蛋撻要$7.5/個，但食物質素確係比一般餅店優越。返到屋企時蛋撻已經凍咗，但撻皮仍可以保持香脆，真係唔係咁多餅店做得到。收銀姨姨仲介紹了白糖糕，試食價$3/件，出面好多白糖糕都會加上醋，呢個就冇酸味，我個人就幾喜歡。

#小秘書 早幾日一心諗住去 3️⃣ 換電話，點知個銷售員呢樣又話唔包、果樣又話要加😤 完完全全同 #電話銷售員 同我講嘅條款唔一樣，咁我梗係唔會屈服啦😑 寧願出去自己買！一肚氣出到嚟，見有啲肚餓，順路去隔離泰昌餅店買個 #蛋撻 醫吓肚。食米唔知米貴，$7.5一個蛋撻對小秘書嚟講真係有啲貴，不過見佢新鮮出爐... 是但啦！味道似乎唔夠以前好，蛋漿唔夠滑，不過勝在夠熱就算佢啦🤗 之後仲外買左啲俾兩老夜晚做 #宵夜... #小秘書 孝順到吖❤️

今日因為要去銀行入數，所以要出去走一趟，去完銀行，橫掂都出左黎，就一於買啲野返去公司食啦。行行下，見到泰昌，就走左一去睇下有咩食，點知俾我發現原來泰昌有飯食賣果喎。價錢仲唔係好貴添，睇下睇下，就買左一個蕃茄豬扒飯返去公司食。蕃茄豬扒飯份量唔少，入面仲有幾塊豬扒添，蕃茄同醬汁都好豐富，買返去公司都仲好熱，豬扒只係用上薄豬扒，可能因為這樣，所以豬扒有點鞋，但都可以接受，蕃茄好新鮮，仲有點咬口，唔會平時果啲整到好腍，醬汁豐富，用黎送飯真係好唔錯，味道仲幾好添。成個飯都係廿五元，其實真係好抵。佢除左蕃茄豬扒飯，仲有其他飯選擇，下次可以試過另一款！

泰昌餅家已經是開業六十多年的老餅店了， 偶然發現泰昌原來是隸屬稻香的。九龍灣德福廣場的分店，門面光鮮，門外大櫃擺放著蛋撻，雞批和蘑菇批等， 甚是搶眼，每當有新鮮出爐的麵包，香氣更是遠遠都能聞得到。 泰昌雖然是大集團旗下的老餅店，但也價錢實惠，麵包在店內新鮮 製造，絕對是新鮮美味的保證。今日來到買了我最喜愛的雞批，貪食買了4 隻。 食一隻已經可以令人飽肚，因為餡料充足。雞批有厚厚的油酥皮， 雖然是非常的香酥鬆脆，但油份也是非常的多， 適合喜歡香口，酥皮的人士， 卻不適合崇尚健康和 需要減肥的女士。食4 隻雞批，應該要跑足一星期的步才能消耗掉

泰昌蛋撻因為末代港督彭定康而出名，但而家被稻香收購後質素大不如前。不過不得不說，放工後買麵包係好抵，個裝麵包全部$20四個。佢d麵包如果$5個都抵食，吞拿魚包好足料，蕃茄賓果都ok，不過香料味太重。

約左朋友係對面mcl睇戲，非常肚餓之際見到對面泰昌，即刻去左買。食在個煙肉芝士蘑菇批，食落暖暖的，不太熱， tart有好香牛油味，裏面有好多蘑菇，都算足料。仲有影左其他tart，下次可試下

我食過蛋撻唔多，泰昌D蛋撻特別好食嗎？絕對講唔上，好多麵包店賣嘅蛋撻都好高質素，今次主要唔係講蛋撻，講雞批！雞批，我講唔上專家，但我中情雞批，每一次入麵包店，第一樣留意嘅出品就係雞批！11蚊一個雞批，絕對係貴，美心都只係賣十蚊個。論size，比美心嘅雞批稍大，外層有曲奇口感，餡料質素唔差無放入雞皮而且足夠，但餡料味道頗淡，失望.另外有一款煙肉磨菇批，同價11蚊一個，煙肉味差D食唔出，又係餡料偏淡！唔通我有病？兩個失望嘅打擊，唉..... 叫我點再幫襯？

早前晌飯聚中，送上少少心意作為生日賀禮，但友人好有心，趁中秋送上一盒月餅作回禮，實在太客氣喇。月餅禮盒出自「泰昌餅家」，以紫色加暗花，襯上粉藍，再配以金線嘅圓月，印上「盈月」二字，簡單，卻有種雅致，送禮而言，確喺幾好睇。反轉盒底都唔見印住喺咩月餅，但打開就見都喺咩口味嘅月餅，內附有一張以牛油紙製作嘅標籤，名為「四式迷你月餅」，並詳列各月餅嘅成份及其他資料，但有別傳統嘅蓮蓉或奶皇餡，都喺以該口味嘅食料做成內餡。「四式」包括迷你黑芝麻流沙月餅、迷你榴槤芝士月餅、迷你甜蜜紅豆月餅及迷你紫薯月餅。每款只得1個，全以獨立包裝處理，包裝袋更印上月餅口味及食用日期。迷你黑芝麻流沙月餅最易認嘅一款口味，成個都喺「黑媽媽」，由於餅皮及內餡都喺黑色，所以，都唔喺好睇得出餅皮薄唔薄，雖然頗有芝麻香，但口感比較實淨，兼無預期嘅流心。迷你榴槤芝士月餅睇成份招紙時，發覺呢款口味有超多化學成份，感覺唔多好。口感唔似奶皇嗰種奶滑，味道方面，榴槤及芝士味都淡薄，尤其榴槤味，唔講真喺完全唔覺，較為失色。迷你甜蜜紅豆月餅4款月餅中，就以呢個紅豆月餅最正路、紅豆味最清甜，除以豆沙做餡之外，仲有粒粒紅豆混在其中，只喺豆沙餡未及

今朝係九龍灣泰昌買左份餐蛋三文治，1）麵包隔夜硬的，2）雞蛋同餐肉凍冰冰，3）一半嘅三文治裡面無左三分二餐肉，4）成十五蚊份，點賣比客食。食左少少要棄左佢。垃圾一份。

前幾日想D傳統D嘅麵包！！我唸鷄尾包都算係當中嘅表表姐！！本來預備去睇戲！！見到斜對面有間泰昌餅家！！買個大大嘅鷄尾包食先！！嘩！！買個鷄尾包要$9.50, 都幾貴！！通常坊間都係$6-$8到！！雖然鷄尾包都係新鮮出爐無耐！！但係係店舖俾冷氣吹住！！凍左！！番到公司用微波爐叮左30秒！！會好食好多囉！！包包軟棉棉！！有很多椰絲餡料！！所以椰絲味好濃！！食半個巳經飽晒！！其實市面巳經好少食到咁多餡料嘅鷄尾包！！所以真係一分錢一分貨！！另外！！我仲買左蝴蝶酥！！這包$10有十二塊, 又好抵食喎！！不過吾係幾好食囉！！其實佢都香脆！！不過無乜牛油味！！得少少甜味！！好彩佢細細塊！！一啖一塊！！剛剛好！！不會食到周身都係！！哈哈！！

食物蛋達出名，但都不夠xx公司蛋厚滑。其他一般。但買包又做早餐，D姐講一句驳十句，尤其淘汰分店，早上等十分鐘未有外買通粉，問姐快D，趕返學，怎料到不停比佢話， “呢度食嘢冇得吹， 我吹師傅，我畀佢鬧” ，一路做就一路鬧， 我答佢以後唔會幫襯, 隨即佢再駁我，“咁你咪以後唔好幫襯囉 ”。今時今日咁嘅服務態度 , 惡劣， 食物幾好食都唔會再幫襯 ，何況唔係咁好食。

泰昌蛋撻($7).-本身想食個肥肥的椰撻做tea不過附近只有泰昌 食番個蛋撻都唔錯🤤❤️.泰昌蛋撻嘅好係在於經常新鮮出爐新鮮出爐熱辣辣嘅蛋撻真係零舍不同.雖然泰昌嘅牛油撻皮無超群咁厚身但撻皮同樣香脆 牛油味夠曬香濃蛋中心色澤鮮豔 蛋黃味好濃郁🤤最正嘅係新鮮出爐嘅蛋 熱辣辣滑一滑一啜就沖滑左入口 又滑蛋味又足🤤🤘🏿新鮮出爐嘅蛋撻真係一流🤘🏿.不過泰昌嘅蛋撻價錢真係有點兒貴其實街外有啲小店嘅蛋撻都同樣高質價錢亦都平幾蚊得返幾蚊可以食咗一個 哈哈

經過見到做緊優惠,覺得好抵食,所以買兩個食下。同朋友一人一半,可以比較一下2者有咩分別。牛油皮比較鬆軟,而曲奇皮就比較香,我個人嚟講鍾意曲奇多啲。 蛋漿不會很甜, 相當細滑。蛋撻是十分出色的港式小食!

星期日 兩點鐘到 行過九龍灣， 加一蚊 多一個蛋撻 梗係拿拿聲去買啦 一個酥皮一個牛油曲奇皮 兩個新鮮滾熱辣 蛋清甜度啱啱好 酥皮鬆脆 唔會成手油 曲奇皮更加係出色 香脆可口 食完兩個 仲想再食

下晝四點左右經過好香好香好香好香好香買咗三個蛋撻兩個雞批服務態度超差不過三個蛋撻同埋兩個雞批就唔錯下次唔會再去呢間嗰啲收銀同埋售貨員超級冇禮貌仲有好求其你睇下張圖片就見到啲蛋撻