泰昌餅家 (德福廣場) (已結業)

今日因為要去銀行入數，所以要出去走一趟，去完銀行，橫掂都出左黎，就一於買啲野返去公司食啦。行行下，見到泰昌，就走左一去睇下有咩食，點知俾我發現原來泰昌有飯食賣果喎。價錢仲唔係好貴添，睇下睇下，就買左一個蕃茄豬扒飯返去公司食。蕃茄豬扒飯份量唔少，入面仲有幾塊豬扒添，蕃茄同醬汁都好豐富，買返去公司都仲好熱，豬扒只係用上薄豬扒，可能因為這樣，所以豬扒有點鞋，但都可以接受，蕃茄好新鮮，仲有點咬口，唔會平時果啲整到好腍，醬汁豐富，用黎送飯真係好唔錯，味道仲幾好添。成個飯都係廿五元，其實真係好抵。佢除左蕃茄豬扒飯，仲有其他飯選擇，下次可以試過另一款！