香料印度餐廳 (已易手) 新餐廳

旺角有咁多好野食，一定唔少得女人街，除左是遊客購物天堂外，更加是一條食街。今次介紹依間是我同朋友成日都會去嘅印度餐廳 - 香料印度餐廳。餐廳由印度人開設，裝修和佈置充滿傳統印度風格，今次我哋order咗素菜咖喱角，免治串燒羊肉，牛尾咖喱，香蒜烤餅及牛油烤餅，而飲品選了椰青。素菜咖喱角外脆內軟，咖啡汁加上素菜的味道非常夾，唔會太辣，很適合做前菜。免治串燒羊肉，平時食羊肉都會怕太韌太硬，但這款免治用羊肉攪碎，再以明火燒烤到剛剛熟，完全唔會有這個問題了，配上咖哩汁，味道非常特別。食印度菜，當然唔少得咖哩，這款牛尾咖哩採用黃咖哩粉，香料香味濃郁，辣味程度剛剛好，咖啡汁可以用來配上免治串燒羊肉及烤餅真係非常適合。香蒜烤餅比牛油烤餅濃味，兩款都非常鬆脆，咬落煙韌，傳統的印度人會配合咖哩汁食用。喜歡印度🇮🇳菜或咖哩的朋友記得嚟試吓😋

太耐無食出街食嘢，想食d 特別菜，就揀咗印度菜。 叫左馬沙文咖喱烤雞配烤餅套餐，另外叫多一份蒜茸烤餅同芒果乳酪。一邊食烤餅，一邊點汁，真係好正！所以再點多一份烤餅食🤭套餐都好多選擇，平均$80-100左右。餐廳好冷清，唔係唔好食，係喺同一條街好多人只係集中某幾間鋪頭，我覺得大家可以試下新野唔好抹殺小店🙏

最近同朋友去旺角食野要搵素食，因為佢齋戒，好辛苦先搵到間印度菜，叫香料印度餐廳。位於旺角女人街，環境非常陳舊好Vintage，好似去左趟印度異國旅行咁。朋友點左雜菌菠菜芝士（好似係咁上下）我點左馬沙拉羊肉份量唔多，好細份，不過食完都夠飽肚嘅。馬沙拉羊肉都幾硬，唔夠腍，dry左少少，但個汁好味，係我喜歡嘅重香料味！菠菜芝士仲少，芝士得幾粒仔。芝士味道咸咸地，個醬都無乜特別味，食落好清淡，但朋友話Ok。唔係食素嘅我真係唔識欣賞。佢可以揀飯/薄餅，我地每樣叫左一份。個餅沾醬汁好味！反正印度米好輕身唔結實唔係我鐘意嘅米種，食完好似一陣風。

大滿足，印度菜小店已經少之又少，難得一見就試試看，叫了一個二人餐，所有餸菜都好味道，特別係薄餅，可惜飲品份量較少，但整體份量很足夠，兩個男人都覺得多，希望可以多啲人喜歡印度小店

夜晚黎食唔洗等位，位置闊落，術生都好好呀～老板識講廣東話，唔洗驚要指手畫腳，另外，價錢唔貴，味道正宗，兩個人三個餸加兩份烤餅先200幾蚊，個人推薦烤嫩羊肉，個汁又好食，個羊好滑！

忽然之間想食印度野，咁岩見到網上對呢間既評價唔錯，咁就去試一試。去到餐廳都唔係好多人，好快可以入座，一坐低侍應已經攞咗Menu俾我。睇完Menu，主要有啲印度小食，唔同嘅咖喱配唔到嘅肉，同埋有啲印度炒飯。今次叫左個印度薄餅，佢同想像嘅薄餅有啲唔同，只有一隻手掌咁大，上面有洋蔥蕃茄芫荽蔥同埋啲印度香料，食落有少少辣，但係作為前菜黎講，味道幾好。另外叫左個印度咖喱雞，食得出裏面有好多香料，色香味俱全，連埋薄餅一齊食，索曬啲醬汁，滋味十足，留意既係個咖喱都有少少辣，唔食得辣既朋友要注意。我仲見到佢有啲印度 Lassi，有咸有甜，下次要試吓。如果想食印度菜但又唔想去重慶，可以選擇旺角依間咖喱餐廳食，地點都幾方便。

話說媽咪上個月有一日好想食印度菜，隨意入咗呢一間，點知最後個碟食到乾乾淨淨，極力向我推薦，今日就去試一試！一入到去，好似入咗去一個印度人咁，好有感覺！Mango Lassi就 佐敦curry leaf 好飲啲，芒果味出啲，新鮮啲，不過呢度嘅乳酪味就重啲呢個小食samosa chaat 真係不得了🔥，薄荷醬帶起左成個靈魂！再加上切碎左嘅雜菜（洋蔥蕃茄芫荽鷹嘴豆等等），清新開胃！🤤🤤Garlic Naan上面一粒粒切碎左嘅蒜頭，再加上應該係蒜油？就咁食都好香，再加上本身嘅麥味，食落都唔錯😛😛麥roti，正常發揮，不過如果你食開係千層嗰種嘅印度薄餅，咁呢隻就唔啱你啦，佢係另一種做法印度菜之中我最愛就係Butter Chicken，雞烤得好香，醬汁帶少許嘅甜味，小朋友食都好岩🥰🥰Masala係印度菜好普遍嘅一個做法，呢一個係羊肉，肉質鬆軟，好入味🙌🏻🥳🥳一定會再返嚟食！哈哈！

食左好幾次，又平又好食。 比起重慶大廈既某d咖哩更出色。 最抵食係印度烤餅同咖哩角，新鮮好脆足料真係必叫。 再加上個薄荷香草汁真係回味無窮。芝士菠菜完全冇草青味仲有濃濃嘅香料味。馬沙拉雞辣到啱啱好怕食辣嘅都可以叫。侍應哥哥識講廣東話叫餸好方便。

平時想別印度菜第一時間必定想起重慶大廈，但在旺角上班，又突然很想吃印度薄餅Naan，搜索一番發現旺角也有印度餐廳，便一探究竟，心想大不了踩踩雷，也可以幫大家掃雷。豈料！有驚喜！午市套餐只要$35起，大部分都在$50以下，包小吃一份、餐湯、咖哩跟飯或Naan。-🍛瑪莎拉羊肉超好吃！必須點的一道！香料味超濃厚，配上Naan簡直一絕，裡面的肉很非常充料，有5大塊羊肉，羊肉不會太腥羶，愛了愛了。.🍛原味咖啡汁羊肉合格的一道，其實也挺好吃的，但比起瑪莎拉就有點遜色了，相對地稀一點，沒有那麼濃稠，但羊肉的份量還是很大方的，而且相較瑪莎拉羊肉，羊味會更突出哦。.🍛原味咖啡汁雞肉雞肉反而跟瑪莎拉羊肉的味道比較像，濃稠度也很像，只是沒了羊味，怕羊羶味的朋友推薦這一道哦。.🍛印度薄餅Naan是我心心念念的Naan，好吃且份量大，一個人一盤四大塊，我吃了兩塊就吃不下了。.🍛Papadoms烤脆薄餅很香口的小食，套餐附送的，跟著片有點像，喜歡！.🍛餐湯看上去像像忌廉湯，豈料喝上去是印度風味滿滿的香料湯，相對比較辣，不能吃辣的要小心哦。-🍹Mango LassiLassi是印度的特色飲料，就是芒果汁加乳酪的飲料

中意試新野既我，今次飲左杯印度香料奶茶，但係顧住飲 唔記得影相😋😂😂🤣雖然都係中意港式奶茶，但老闆好nice好有笑容，加分加分，我覺得呢樣係服務性行業最值錢既地方👍🏻👍🏻👍🏻

今晚路過旺角入貨，順便在附近晚餐。誰知咖哩癮發作，又剛好收到街頭咖哩傳單。註明是印度的香料，所以來到這家咖哩店。由於是平日晚上，客人不多，無需搭枱，可自成一角。下單後，慢慢等咖哩來到。 Palak Paneer    自己食開印度咖哩，原全明白餐牌中文所講的＜香燒芝士磨菠菜＞，就是菠菜咖哩。菠菜蓉加上不同香料煮出來的綠色咖哩。所以向職員下單時，直接說出：Palak Paneer with Naan。　最重要，職員一定會明白的！　　顏色鮮艷的菠菜咖哩表面有薑絲，車厘茄。再細看，印度芝士只得几件，但不見原粒的香料，也許是粒粒密度較底吧！　有辣味，來自薑絲，而其他香料的味道不明顯。如何烹調，心照！　不過，也可慰藉對＜真Palak Paneer＞的相思之苦呀！　Naan　印度米及烤餅都是咖哩的好朋友。而烤得香脆及煙韌兼備的Naan更是我的至愛。　把Naan撕成小塊，沾上青BB咖哩。硬，脆，煙韌與杰撻撻的咖哩，一起品嚐。慢慢地將Palak Paneer消滅。連碟內的咖哩都不放過！不浪費，超乾淨，相信洗碗員工會歡迎這個做法。  然後來一杯Masala  Tea作為完美的句號。

好平又好食，好易搵，佢係女人街平時個埋餐廳個個條街個印度烤餅暖暖地又淋侍應識講廣東話同埋服服態度好好喔我地叫左：1）咖喱雞2）香料牛附送雞湯同埋脆片叫左薑茶，唔辣會再幫襯呀，支持小店

同媽媽喺旺角行完街，都唔知食咩好，太耐無去旺角行街都唔知食咩好😂又想快食🙈 本身走左刺身飯條街，但又太多人，咁岩見到個印度咖哩嘅易拉架，就去左試下呢間咖喱👳🏾‍♂️ 三個人叫左個二人餐再加左份garlic naan！個餐有兩款咖哩，一個羊，一個蔬菜咖哩，不過其實次次食咖哩都淨係食汁唔食餸😂😂😂 平時中意食啲印度薄脆但呢間麻麻地，naan好少少但都唔算太好食🙈 但mango lassi好飲嘅，唯一唔夠凍！

今日出開旺角～知道女人街多嘢食....於是就搵到呢一間香料印度餐廳啦 🍛見到佢門口貼住張Menu有芒果乳酪🥭同埋薄餅🌮就決定入去食啦Lunch set Menu大約$50一份我地二人點了兩個set 1）咖喱雞配薄餅一份➕芒果乳酪🥭 咖喱汁好香唔會太辣配薄餅一流～薄餅仲有兩大塊2）菠菜芝士配白飯青檸梳打🍋佢哋嘅白飯係用印度米，配埋個菠菜醬OK印度餐廳嘅芒果乳酪很喜歡！如果餐廳有的話都一定飲配套餐加$15附送餐湯

朋友想食印度菜就黎左呢間鋪食本身對印度菜麻麻地點知呢間完完全全顛覆左的對印度菜既刻本印象本身間鋪既環境同design都唔錯 好有印度風 好道地 亦都有播歌坐低就叫左三份lunch set同薄餅有湯附上 超好飲！叫左分別係牛 雞 羊三份lunch set 都好好食另外叫左d薄餅 份量好大 用黎點醬剛剛好呢杯好似係特飲 唔記得左係芒果咩咩咩唯一麻麻地既係杯野飲唔夠凍 如果凍d會好飲好多食物味道非常好店員服務一級棒十分推薦大家去