星星 Pho Cha

營業中

休息中

從來未食過咁難食嘅韓國餐廳 嬲到要寫食評啲食評都唔知係咪買返嚟 啲白飯又淋又水 懷疑係隔夜飯再加水叮翻熱啲嘢食個樣display出嚟好似OK咁 但味道真係超級難食！！個海鮮湯又酸又臭 點解可以整得咁難食？🤮🤮炸雞又係好似整咗好耐隔夜咁 舊雞鞋都算 食落去好似擺咗隔夜咁。個粉絲係非常油，黐埋一嚿嚿。剩係得啲前菜叫做正常味道覺得好食嘅人係咪冇食過其他餐廳？ 呢間餐廳啲嘢食真心難食！ 其實啲連鎖韓國餐廳做得好過佢10倍試一次都嫌多永遠不會再食，因為真係實在太難食，而且衛生非常差！

食過幾次 當想食韓國菜 又唔想比貴價錢試伏 就會諗起呢間🤣今次係宵夜去食 簡單叫左2個餸作為下酒菜燒酒原本$68一支 正常價錢 但酒類買2送一 幾抵飲🍻 小菜份量種類好多辣味鳳爪+飛魚子飯團$198雞腳已去骨 食落方便 辣得好惹味 飯團好煙韌 再點辣汁食就更加正但唔食開辣嘅朋友就未必食到辣炒八爪魚 $188 味道唔錯 不過八爪魚份量少 總結：幾正宗韓國味道 已回頭幾次 味道都唔會有伏 menu好多選擇 想再食試埋其他 但店面細 坐位比較逼

星星係佐敦區韓國料理的小店平日午餐時間簡直係一位難求！嘗試了牛肉紫菜飯卷，同埋石鍋拌飯牛肉與紫菜飯卷好夾 唔會太油，每一口都是韓式美味的體現。餐盤價錢已包括韓式特色配菜，如芽菜、菠菜、粉絲和腌製泡菜另外配一碗胡椒湯，有紫菜和肉碎，湯頭濃郁而不膩。總括而言 價錢合理而且份量十足，員工都係外國人，如果心思思想食韓國嘢 呢間真係幾正宗

前幾日睇到個frd去食醬油蟹, 為左解個醬油蟹心癮, 男朋友就帶左我去食啦🥺平日既lunch time都幾多人, 我地去到已經無位要坐出面, 有d熱但係問每侍應可唔可以有位轉返入面. 佢話依家無呀, 我: 我知呀, 如果有. 佢應承左但後尾有既時候, 又比左其他人入去(雖然我地已經就食完)... 服務真係好一般般...醬油蟹🦀價錢係香港黎講都算幾平, 唔洗200有埋紫菜飯. 黎到既時候, 肉仲有d結冰未溶哂雪, 不過醃得夠味. 蟹膏雖然唔算多, 但都好香, 撈飯好好味呀! 撈撈下已經食哂個飯haha海鮮豆腐辣湯+星星炸雞🫕🍗男朋友就叫左個lunch set, 超大份足料. 海鮮豆腐辣湯好好味, 辣得黎又有海鮮既鮮味, 豆腐都吸哂鮮味. 星星炸雞就不錯啦, 無咩特別~🥢總結: 食物味道都唔錯, 性價比算高. 但服務態度同上菜速度就可以改善下. 

-星星炸雞盤⭐️（$94）呢個主要都係諗住樣樣有，原味炸雞（好乾身普通嘢），前菜盤（正常操作，最後就會變咗個飯呢就冇嘢撈就淨飯就好似嘥咗，都有嘗試撈落個湯度嘅，但係就比較辣同鹹）-烤牛肉紫菜包飯（$99）口感豐富，比出面嘅包飯係多料。個牛都OK-醬油蟹（$218）賣相幾企理，都幾好食，但係個員工漏單等到食晒所有嘢提佢先嚟。已經食飽咗。-一番啤酒（$42）最後就啤一啤佢如果喺旺角油麻地特登走落嚟佐敦食，我就真係唔會啦。加上佢勁迫啲位，咁啱隔籬枱加多個貼住食

週末有帶狗狗出街，來到佐敦渡船街嘅韓國小店，門口有兩張餐枱，可以帶寵物。今次叫個新菜式，玫瑰醬燉雞，不是真正有玫瑰味，只是醬汁用蕃茄醬和其他配料再加奶變成少少粉色，所以叫Rose，醬汁香濃，配雞塊味道一流👍還有海鮮豆腐辣湯（送白飯）超好飲，推薦

Never take orders, and food never serves unless being chased. When I complain, the attitude of waitresses are like “not my business”. I waited Gamja-tang for over 30mins, and asked for cancel, and finally she rush into the kitchen to check. But worst thing come next. She asked me back what did you order?I was like “…”No more next time.

兄弟姊妹，揼嚟睇吓我嘅韓國食堂探險啦！行過佐敦，肚仔餓餓地，揀咗間《星星》韓國餐廳填肚。最正係佢哋個芝士年糕！🧀 就係嗰啲厚厚嘅芝士牽絲，攪拌落去年糕同麵之間，簡直係層次感滿分！芝士味超級夠晒腥香，年糕就軟糯得嚟又吮指原味，啖啖芝士，諗起都過癮！至於雙拼（原味同酸辣）就咁啦，原味嘅醬汁欠啲濃郁，干哋哋嘅，夾唔住食癮；酸辣貨真價實，但偏甜唔夠辣，有得改善。食紫菜包飯，如果加多幾滴麻油，就搶晒鏡咁！總括黎講，畀食指得啦，特別畀心機嗰碟炒年糕。要食韓國菜，又唔使出國，佐敦嘅《星星》夠哂貼心。下次仲會返嚟探班，希望將來更加勁！🍲🤤🍙

呢間save 左好耐嘅韓國菜，今次係附近就黎試下～ 食物選擇好多，湯品、燒烤、炸雞都有🤩▫️海鮮葱餅 $108個煎餅同平時食開嘅有啲唔同，粉漿多啲，反而有少少似中式酒樓嘅薄罉😛 煎得脆脆地，食落qq軟軟☺️ 不過都係鐘意平時嘅韓式煎餅多啲～▪️芝士豬肉餅 $138芝士豬肉餅超邪惡！😈😈 鋪滿晒芝士so crazy😂 肉餅有別於漢堡扒，似係自家製，份量又多好抵食，俾細佬清曬🧡▫️星星酸辣味炸雞 $88炸雞正正常常，甜辣醬沾好沾滿😆 有5-6舊都不錯，突然想食炸雞都可以一試⭐️整體而言係一間唔會中伏嘅餐廳，係附近可以一試😌 見其他枱嗌嘅野食賣相都幾吸引～

星星Pho Cha最近好想食醬油蟹，上網見到呢間嘅韓國嘢食價錢都幾平，就約咗朋友去食。星期日晏晝去到唔算好多人，大概坐到2/3滿，但上菜既速度十分之慢，落左單之後大概10分鐘先有小菜，再過多20-25分鐘先再上炸雞同醬油蟹。前菜有泡菜、菠菜、豆芽、海苔同埋韓式粉絲。種類算多，泡菜偏鹹，但係菠菜同海苔味道仲鹹，一食完要即刻飲水，韓式粉絲就痴到一嚿嚿根本夾唔開，得啲豆芽算係正常啲。醬油蟹 $383/2隻就咁睇相其實就見到佢啲佢啲醬汁好濁，同以前食過嘅醬油蟹好唔同，就算睇其他foodie 既圖啲汁都唔係咁濁。就咁試下啲蟹肉先，點知佢超級鹹，要係咁飲水，咬咗一啖頂唔順要將佢撈飯。而且兩隻蟹唔算好多膏，有一隻個殼幾乎係無膏，好在佢個飯個紫菜唔會好鹹，仲有少少麻油味，撈左啲蟹肉同蟹膏就襯托到個飯好食啲。個醬油蟹一定要配飯先食得落口，整體嚟講都幾失望，變左比三百幾蚊去食飯多過食蟹。星星酸辣味炸雞 $88上枱嗰下係幾震撼，因為佢嗰啲tray好大而且啲汁都好多，令人覺得份量好多。但係一食落口就覺得佢炸皮好厚，咬落雖然好脆身，但係至少咬第二啖先咬到肉。醬汁都幾好食，而肉質就正常，未到好juicy，但亦都唔

兩年前食，覺得所有野食都好好食，新鮮，有驚艷到我點解今日食，個冷麵同豆腐湯可以一啲味都無？啲麵碎得尼又一舊舊，個蛋卷又乾，食得出啲野唔新鮮。成餐得支酒係正常味！唔會再幫襯！！

呢餐飯可以用"難受"去形容未講到食物同服務同環境, 呢餐飯出現左2隻曱甴已經令我好後悔簡左呢間餐廳做慶生飯..(仲要係我力推的)呢個就係唯一食得曬嘅野, 可惜無咩膏, 好細隻滿滿嘅臭油味, 呢個最後食淨左好多打包走, 諗住返屋企煮一煮再試下, 但都拯救唔到佢睇到張相又記起啲炸醬嘅苦味, 加埋啲濕到似「飯糕」嘅飯, 清清淡淡嘅人蔘雞湯...我地真係好努力, 但都係食淨左咁多, 浪費食物。一開始我地一行三人入到餐廳, 佢就想安排我地全張會頂頭+頂背脊嘅出餐位, 其實見仲有3張吉檯, 但佢一黎就話唔可以坐。但我地坐低左之後真係被頂左背幾次(未開始落單), 仲要未滿座都已經坐得咁唔舒服, 就再禮貌問下店員可否調位。佢地就講一大堆野, 又話有限時, 又話我地3個人唔坐得4人檯,  但最後有第二位店員出黎話ok ah你地可以坐第2張檯~ (點知個位仲要有曱甴)其實我都明白餐廳想做大檯客, 我平時都好少要調位, 但係出餐正正喺頭頂, 仲會出熱鍋, 真係唔想食得咁緊張吖估唔到事隔一年黎食嘅味道會差咁遠, 同屋企人都好失望

份量十足嘅韓式料理，兩個人order三樣野已經食到極飽。前菜相當豐富&有誠意。坐位空間偏窄，環境偏嘈雜。感覺冇之前咁好食🙊炸醬面 $88第一次試韓式炸醬面，expect 佢係辣嘅，點知原來唔係。不過不失食得飽人。炸蝦紫菜包飯 $82炸蝦仲係脆嘅，不過咬落紫菜包飯中間有件脆嘅炸蝦，口感好唔夾。味道都ok但下次會試其他款式紫菜包飯。星星炸雞 $78原味炸雞冇乜特色，有碟醬油可以點，但食到入雞肉都係冇乜味。建議order酸辣炸雞可能好味d。

3人黎到食飯一入去位置係比較窄既因為好full既關係我地要坐近侍應既拎菜位置結果佢每次拎菜我朋友都要就佢～野食個人覺得味道係唔錯既叫左海鮮煎餅，炒年糕同埋五花肉紫菜包飯～欣賞個紫菜包飯少米但超多菜但得一塊好薄差啲搵唔到既五花肥膏片...見到comment好多人講個煎餅燶到發黑食唔到好彩今次我呢個煎得唔錯 好食既～不過要留意番就係...間餐廳限時個半鐘但我地既野食係入座後45mins先到第一樣🥲🥲

📍🐈 星星 Pho Cha 🐈‍⬛📍#chowweisik鹹#chowweisik佐敦文英樓附近都好多唔同種類嘅餐廳選擇呢間韓國嘢除咗堂食之外隔離開埋外賣店 有韓式便當Takeaway🍱一🐾 醬油蟹🦀️｜$198有膏有肉 但係未算食過最肥美嘅時候size中等～一隻醬油蟹都會附送紫菜拌飯✨🤩鍾意佢啲醬油剛剛好唔會太鹹撈飯就啱啱好～🍚一🐾 辣海鮮豆腐湯 ｜$98通常都會叫🤭鍾意一匙羹飯，再加埋湯一齊食豆腐再加埋少量嘅海鮮🦐🦑有青口、魷魚、蝦、蜆肉嗰啲個湯都唔算辣～一 🚏 星星 Pho Cha (佐敦)佐敦文英街18號文英樓地下