CoCo壹番屋 (皇室堡)

營業中

休息中

野菌忌廉咖哩蛋包飯，一道令人驚艷的美食享受。這道菜結合了野菌的獨特鮮美和忌廉咖哩的香辣口感，更以蛋包飯的形式呈現，增加了食品之間的層次感。蛋皮的軟嫩與野菌和忌廉咖哩的配搭，使得每一口都能品味到不同的滋味。總之，野菌忌廉咖哩蛋包飯是一道令人難以忘懷的美食佳餚。

Coco應該係我喺香港食過最多次嘅咖喱飯專門店🤣 咁多年嘅水準一直都有保持住雖然價錢上有調整🤫但係份量都係足夠！吉列豬扒飯大家應該食得多，喺呢度推薦另外兩款俾大家😚😋1. 漢堡扒奄列咖喱飯好香濃既肉味，juicy得黎又唔會好咸，唔好覺得2塊漢堡唔夠食，完全係可以撈哂成個飯😋個人覺得有奄列會再好食啲😬2.炆雞肉咖喱飯呢款係健康之選！雞肉輕輕調過味但完全唔會好嚡，加埋咖喱一齊食真係非常不錯👍🏻

今日去銅鑼灣皇室堡買嘢，買完嘢想搵個舒服啲嘅地方食嘢，今日好想食飯，見到呢間coco 咖喱都幾多分店，但係一次都未試過，就揀咗佢啦，過咗lunch hour，餐廳冇乜人，空間感都大，坐得都幾舒服，坐咗窗邊卡位，個境好好，天氣好好，餐飯都食咗幾舒服😄我叫咗個吉列豬扒奄列咖喱飯，正常水平，日式咖喱，甜甜地，唔辣嘅，吉列豬扒正常啦，冇特別。叫咗杯凍奶茶走冰，好飲嘅，係滑嘅😆朋友叫咗個咖喱吉列雞扒菠菜飯，冇影到相添，質素都正常啦，冇特別驚喜。個餐仲有個雪糕，對住呢個景，個雪糕都特別好味😆

-因為趕住要7:30pm 在皇室堡睇戲, 放工已經6:30pm, 實在是太趕啦。於是就求其搵啲餐廳食下。戲院個一層其實都有啲野食，我就選擇左呢個coco curry.-食物：coco curry 主要係食日式咖哩飯, 真係由細細個已經開始食佢。咖啡有辣度選擇，我選左5分辣，食落係比一般咖哩辣少少。如果唔食得辣，建議選擇3 分辣。炸豬排香脆，但肉質乾身啲，唔juicy。反而漢堡排係juicy，夾埋咖哩黎食十分搭配。重口味人士可以再加芝士。 環境：店面大，裝修十年如一日，卡位十分寬敞。 總結：埋單計每人大約$100，食物質素算okay，勝在近戲院，方便大家趕時間去食. ⚡️

朋友唔食得辣， 但又想同一班食得辣嘅朋友一齊食， 揀coco就實無錯啦😃 辣度有7級，不辣， 辣度標準，同辣度1-5。星期六去食， 無人排隊， 等一陣就有得入， 座位舒適闊落。以前好鐘意食自家製辣菜脯， 有2款，有辣有唔辣， 太耐無食， 而家得返唔辣， 味道還可以。♡蜆肉蕃茄奄列咖喱飯 $79我揀左辣度3， 個人認為咖哩要辣先好食， 可以選擇加飯同加配料， 我覺得唔加正常份量已經夠飽。♡紅酒燴牛肉奄列飯 $80朋友揀辣度1， 但呢款唔係咖哩， 有酒香味， 牛肉片正常。♡流心芝士吉列豬扒咖喱飯$90加$8 可以轉奄列飯， 但睇落唔加隻蛋飯量好似多d😂 豬扒有食到流心芝士， 外皮炸得夠脆，可以！♡酥炸籃$49有薯角， 雞全翼，魷魚鬚。小食選擇不多， 唔想諗就嗌左個拼盤， 味道正常， 不過凍左魷魚鬚好油。♡加套餐四選三 $26我地揀左飲品， 湯同雪糕。 ♡湯得一款，紫菜麵豉湯，味道一般， 我地比較想飲西式湯襯咖哩。 ♡汽水冰同可樂分開上， 罐裝可樂自己倒。♡雲呢拿雪糕超好食， 有餅碎同格仔早餐， 幾豐富， 可以加$5 轉士多啤梨味，或抹茶味。，但我地無試😂我地埋單唔記得左雪糕要另嗌後上， 好

今日中午12:30入座，不用等位，地方寬敞乾淨，用QR Code落單。今次食咗吉列豬扒蛋包飯$82（冇記錯係standard咗200g飯），加咗飲品（紅茶，甜度和冰都可自選），沙律，湯（昆布湯）同埋雪糕（雲尼拿，其他味要加$5），加4樣野total加$31。$82+31=113， 再加一就總共$124.3。百多元一個午餐，味道份量嚟講，性價比唔高。今日食嘅豬扒好蘇（豬蘇味），之前食過第二間分店唔覺，今日呢塊特別差，湯得一半滿。

日日番工帶飯食到悶悶到，突然想食d惹味ge野。所以就黎到公司附近食CoCo🤣次次都係例牌食呢個炸蠔咖哩飯，d蠔炸得好脆口又唔會好老，食上去啖啖肉好juicy😋d 咖哩又唔會好辣，岩哂我呢d中意食咖哩又唔食辣ge人❤️❤️炸蠔咖哩飯 $99😋另加沙津同百事（+$21）分量岩岩好，細食ge女仔都食得哂❤️❤️見佢豬扒飯個樣都唔錯🤣下次試下佢😜仲有各種調味料同配料可以加🤣🤣認真唔錯，以連鎖店黎講真心幾正❤️❤️

一直都想食咖哩蛋包飯，諗起皇室堡呢間連鎖店。一如既往有好多唔同口味蛋包飯可以揀，仲可以有得自己揀幾成辣/ 走辣，同埋可以減飯 (平$5)。我嗌咗個忌廉蘑菇蛋包飯 (聽講好好食)，加咗 $21 有個set (包餐湯同一杯普通凍飲) 好食指數 : 7/10CP值 : 6/10回頭率 : 7/10價錢 : 6/10

家人想吃咖哩，趕在截單前取票（21:23）。然而，等了十多分鐘，看着店內的空位置和不斷埋單的客人，愈想愈不對勁。等前枱職員處理好其他客人埋單後，我問職員：「為何哪麼多客人埋單，但你卻仍然不讓我入座呢？」（21:35）職員：「哎呀！不好意思，我們截單了！」當下因為她的態度不差，所以我也是保持禮貌的與她繼續溝的。我：「但我是截單前取的票啊。」隨後，她一直保持的態度就是，很抱歉啊，我們已經截單了，然後不斷的重複。由於我家人真的餓了，而我又知道他們的飯也倒了，所以我也沒有再糾纏。我在此發佈這文章不是要怪責他們態度有什麼問題，而是責任感的問題！當我問她為何不讓我進內的時候，她表示上一手收銀同事忘了處理那些叫號。就因為上一手職員的忘記，讓我們白白的等待，最後走到很遠才找到家人想吃且還沒截單的食店。希望店舖可以處理一下這問題！

今日又去皇室堡食飯，見呢間唔使排隊就去試吓，餐廳內部比想像中大好多，座位密密麻麻。餐點選擇非常多，有蛋包飯、烏冬、麵包、漢堡排等，我作為吉列豬扒fans就即刻揀咗份「吉列豬扒蔬菜咖哩飯」🥰結果超級失望，豬扒比較薄身，炸衣都唔脆，而咖哩汁就偏水，另外加咗$21配一份雪糕（好好食）&一杯橙汁，埋單$125（連加一）📍CoCo壹番屋(皇室堡) 賣相❇️份量❇️❇️❇️❇️味道❇️服務❇️❇️❇️❇️❇️環境❇️❇️❇️❇️

嗰日嘅食飯時間非常緊迫😮‍💨所以就是但喺附近搵咗間餐廳，朋友話想食咖喱多啲就決定食呢間🤣銅鑼灣分店幾大，環境都算唔錯🤔唔使等位，直接用QR code落單，原本都覺得幾好，點知人手唔係好夠🥲等個庵列咖喱飯竟然等咗差唔多20分鐘🤯我哋兩個飯都加咗錢轉set，跟餐可以自選飲品/沙律/餐湯/雪糕，我哋就揀咗飲品同餐湯💁🏻‍♀️餐湯就係麵豉湯，普普通通~=====================🍛漢堡庵列咖喱飯 $84就係等呢個飯等咗勁耐😢友人就食完都未到，要催單過咗陣先有！都明白庵列處理嘅時間可能會耐啲😮‍💨但希望下次可以同客人講聲…講返食物先，其實個庵列整得幾好，好滑，應該係用咗日本雞蛋💁🏻‍♀️漢堡就麻麻地，太結實，冇乜肉味🥲咖喱就係日式咖喱，建議可以叫辣少少🤏🏻🍛燒牛肉溫泉蛋咖喱飯 $88呢個同樣係辣度唔夠，小辣真係好少辣🥺同樣都係傳統日式咖哩味～燒牛肉就正常發揮，唔算好好食，呢個價錢差不多😂隻蛋就冇乜味，唔建議大家試🤣=====================總體嚟講，個人覺得味道一般般啦😮‍💨呢個質素又唔太值呢個價～不過食物款式都幾多，唔使驚冇嘢啱食，但個人覺得$100可以有更好嘅選擇😆

如果一間餐廳可以制作出一D令人食完會成日都記起既野食..咁佢真係好成功…😂同朋友仔係銅鑼灣行街..忽然心血來潮..記起尼個咖哩蛋包飯..即刻上網搵到原來皇室堡就有啦..我就叫左個忌廉菇既咖哩蛋包飯..朋友仔叫左個係炸雞既咖哩蛋包飯..最鍾意佢個咖哩有忌廉..個口感好滑..味道瞬間提升😋😋😋朋友仔本身唔好忌廉..就唔係太鍾意我個款佢個款既炸雞雖然得幾舊..但係整得外脆內軟..連埋蛋包飯同咖哩一齊食都係非常美味既😋可以加二十幾蚊要埋沙律湯或飲品甜品..不過我地就無叫啦☺️

作為銅鑼灣家長，係當區食晏都係平常生活。平日小主們最鍾意去Coco, 原因不離此三點：乾淨企理、搵位容易同埋食物質素穩定。由於佢哋只有a la carte供應，係午市期間消費相對較高，但係以上原因絕對可以抵銷其消費問題。今次食咗漢堡奄列飯同麻婆豆腐飯。另外加咗四款嘅combo.之前食過一次麻婆豆腐飯，照舊叫咗3辣，醒唔起麻婆豆腐本身已經係好辣，終於辣到要狂飲水。今次無加辣，終於辣度食得好開心，加埋佢嘅菜脯真係一絕。另外漢堡扒煎得外脆內嫩，配埋奄列蛋同咖哩汁絕對係絕配。甜品嘅雪糕，裝雪糕隻鐵杯係特意雪凍咗嘅，呢種細心顯示出日本飲食文化對整體招待嘅堅持✊加上服務貼心，侍應經常留意客人情況。斟水清碟頻密。即使見你已用餐完畢，亦會不斷同你斟水，等你有完善用餐經驗。基於以上種種，相信一家人會繼續支持！

今日好開心終於可以嚟到銅鑼灣食呢度嘅兒童餐～因為呢度嘅兒童非常豐富！而且亦都夠晒飽肚，食完仲有玩具送💕真係好適合一家大細嚟㗎！今日星期日都比較多人要排隊！不過我自己嘅小朋友真係好開心😃每次都10分興奮

好耐冇食日式咖喱啦～雖然而家有好多地方都有得食但費事排隊所以入咗CoCo過過癮🤣最鍾意佢可以自由搭配唔同嘅辣到同埋份量辣度有唔辣/標準/1分/2分/3分/4分/5分白飯方面都可以揀200g/標準/400g/500g/600g🦑 炸魷魚蝦扒咖哩飯 $62 + $20套餐水準依然唔錯份量亦都算合理！魷魚同埋蝦扒嘅外皮炸得好脆🙈炸粉超薄，所以食到材料嘅原味🤣咖喱汁濃厚，加埋薯仔紅蘿蔔撈飯好惹味！另外可以加錢要套餐有例湯，迷你沙律，雪糕同飲品$20揀兩款，$25三款，$30四款今次要咗沙律同埋飲品！普普通通冇咩特別～ 但整體而言質素都唔錯！⭐️ CP值：🐘🐘🐘.5⭐️ 打卡able：🐘🐘🐘⭐️ 舒適度：🐘🐘🐘⭐️ 再食指數：🐘🐘🐘.5（5 星為滿分）