19.03.2023 星期日 晚
Paul's Kitchen

今日到演藝中心欣賞完香港話劇團的「不散的筵席」，馬上到尖沙咀吃好西。這間位於重慶大廈的非洲菜的Paul’s Kitchen，小店由非洲籍老公Paul以及香港太太Selina二人合力主理，見最近不少人推介，所以在Open Rice訂枱嚐嚐。


“Our food is a blended taste of Afro-Filipino and Chinese homemade sensation combined.” 簡單來說，融合了非洲和中國風，所以會有Paul非洲美食特色，也混合了太太香港人的口味。


聽到重慶大廈，可能一部分人會很擔心，但當我打電話到餐廳，太太主動話如果怕認路困難，可以到樓下接我們。因為之前見過網上一段影片，教怎樣走到餐廳，非常簡單方便，所以不怕迷路。


來到餐廳還早，小店有兩間相對舖位，雖然不大，但明顯經過悉心裝飾，充滿浪漫溫馨的感覺，完全想不到重慶大廈內有如此漂亮的餐廳。碟子、餐具很精緻，食物看起來特別吸引。


餐牌菜式很豐富，包括有主菜、沙律、前菜、肉類、海鮮、意粉和飯類、飲品和甜品⋯⋯餐牌很仔細，有詳細描述食物內容、配料及醬汁。除了非洲王辣雞煲，還有廚師推介的「非洲香草脆皮乳豬1/4配玉桂蘋果醬」也相當吸引。


留意有些款式需預訂，例如焗海鮮大盤（日本北海道大元貝・細西蘭青口・大沙白，新鮮虎蝦、原條鱸魚・炸魷魚圈）；地中海雜錦海鮮濃湯（日本北海道大元貝，細西蘭青口・大沙白・虎蝦・雜菜龍蝦湯底），這個據老闆娘說是四人份量。


軟殼蟹沙律$178
炸軟殼蟹、雜菜沙律、季節性水果、非洲森林蜂蜜意大利陳醋沙律醬
超香脆和新鮮軟殼蟹、吃起來發出脆卜卜的聲音，超療癒呀。另外，沙律醬叫分上，除了沙律醬，還有非洲森林蜂蜜，跟沙律菜一起食很甜美。


Mrs. Paul'S Braised Ox Tail
店主太太特色炆牛尾 $170
牛尾，牛展，水果・加納人手採摘黒胡椒
牛尾牛展好腍好入味，濃濃的牛香味，黑胡椒味不重，不覺辣。


Oven Baked Whole Sea Bass $258
香草焗原條海鱸魚
本地新鮮海鱸魚、叼草、檸檬、非洲香草
鱸魚很新鮮、出乎意料沒有額外加很多香料，反而可以吃出魚原有的鮮味。



非洲王辣雞煲（$350/半隻、$450/全隻
冰鮮黄油雞、非洲加納香草、非洲加納辣椒醬，加納人手採摘花椒）
辣度分小/中/ 大/非洲辣，對一個平常不吃辣的我，小辣已經相當辣；嗜辣還可挑戰非洲辣。半隻份量不少，結果吃不完帶走。



Garlic Naan $45
蒜香薄餅
薄餅又香又鬆軟，配合雞煲和牛尾很好吃。




Ghana Chocolate
加納朱古力（Hot 熱 $55/ cold冷$65）
加納可可豆展場直送•100%純天然，無添加
不會太甜、但好香濃朱古力味，很好喝




African Special Drink $55
非洲加納特飲（薑、洛神花、非州香料）
辛辣、酸、甜味混合在一起，百般滋味很特別；建議加冰，增加冰凍、減少辣味。


期間見老闆娘問一對情侶來了多少次，他們答已經第三次。之後老闆娘還去送外賣，原來有很多客人都喜歡叫外賣，非洲辣王雞煲還可以免費送到地鐵站交收。


非洲菜比較少見，而且菜式很多，難怪客人再三來幫襯，建議上Open Rice訂位，若晚上早些來會少人些，因為坐到八時已經很多人在等候。下次會再來試其他美食，也推介給大家試試。

香港近幾年嘅港式人氣美食一定包括雞煲、汽鍋蒸海鮮、港式火鍋，但要搵到一間餐廳可以一次過食晒三樣嘢似乎冇乜可能。事實卻往往有驚喜，也反映了香港人識得變通及趕潮流的特性；原來有班後生仔在年半前左右開了間【斗滾】，正正可以一次過滿足三個願望。話明係人氣高企餐廳，提前最少一至兩個星期訂位係必然；如果想要星期五六日嘅話，甚至要提前一個多月訂枱。

位於堅尼地城山道，搭地鐵去到大學站，離開出口後還要行一段小斜路上山，位置有點吊腳。餐廳吊詭地有兩個入口：一個往下走，原來係後勤貨倉，另一個才係餐廳大門。見到第一個招牌後，起初還以為刻意做個細招牌，扮低調、搞神秘，原來只係貨倉入口。定價唔止公道，簡直吸引；雞煲任食；任食自助火鍋就有30款以上配料及10款以上飲品。星期一至四每位$268，星期五、六、日、假期及假期前夕每位$298，小童半價；但就只收現金。西環分店下午五時至晚上12時營業，分兩個用餐時段。如果嫌唔夠豐富，可以額外加單，但就要訂位請提出要求。
😋😋😋
《優惠1》 象拔蚌刺身$438一份；而家為左回饋返客人，$438再做8折
😋😋😋
《優惠2》 龍蝦🦞刺身$398一份
😋😋😋
《優惠3》 升級「足料」佛跳牆養生湯底(另加$198）
😋😋😋
《優惠4》 🐔招牌自家雞醬(原味$38/小辣$48/大辣$48)；喺屋企都食到斗滾雞煲味
😋😋😋餐廳內較為擠迫，加上位於舊樓地舖，樓底很矮，相當喧嘩；整體用餐環境一般。一眾年輕侍應已經盡力招呼客人，但客人實在太多，有時候未能立刻回應客人要求。餐牌只有兩頁，標明《斗滾四式》。跟足次序及方法品嚐就唔會撞板。《第一式：任食雞煲招牌大亂斗》有五種辣度，由完全唔辣到勁辣，雞煲份量按人數調整，食完一煲可以再追加。跟足指示，先冚蓋焗2分鐘；揭蓋炒炒、焗2分鐘；炒4次、共8分鐘，炒第三次時加入隨雞煲奉客的唐芹、芫荽等中式香料；炒完熄爐；起筷食得。每張枱有一個計時器，保證唔會炒過籠。最後一次揭開煲蓋，煙霧彌漫，唐芹、芫荽及招牌自家雞醬混和在一起的香氣撲鼻而來，未食已垂涎三尺。雞皮香口、雞肉嫰滑，實在太惹味，忍唔住食不停口；如果唔係還有蒸海鮮及任食火鍋，淨係食雞煲已非常滿足。雞肉之外，更加不能錯過連同雞肉炒香炒熟的豆卜及秀珍菇，吸收了雞醬濃味及雞汁鮮味，同樣好吃。《第二式：海鮮盛宴》同汽鍋蒸海鮮有異曲同工之妙，雖然唔係逐款海鮮席前即蒸即食，但一大盤蒸海鮮同時端上來也相當震撼。共有六款海鮮，每人一隻：海蝦、鮑魚、扇貝、迷你象拔蚌、花蜆、沙巴龍躉片，還有讚岐烏冬；大大塊新鮮荷葉墊底，一律粉絲蒜蓉蔥花清蒸。平心而論，每款海鮮只係細細隻，勝在新鮮；考慮埋價位，性價比夠高，好難挑剔。《第三式：滋補燉湯》重點係「先飲湯、後火鍋」。不過，二人光顧只有普通火鍋湯底(三選一)，要另加 $38 / 位才可享用滋補湯底；三人同行就免費升級。雖然餐牌上寫有三款滋補湯底：養生燉湯、清湯安格斯牛腩及清湯涼瓜花膠雞，但當晚就只有養生燉湯。牆上掛了大大張照片推介燉湯：湯料有烏雞、雞腳、瘦肉、金華火腿、紅棗、杞子、圓肉、乾本菇等。侍應拿走雞煲後就送上一大煲養生燉湯；燉湯翻滾後，撈起湯料，跟照片一模一樣，果然足料！湯清少油、味鮮、濃淡適中；係真正燉湯，最少要飲兩碗！《第四式：任食火鍋 + 手切牛頸脊》飲完湯，撈起湯料，火鍋開動。採用半自助形式，有齊基本火鍋醬料。任食配料有出前一丁、響鈴、炸魚片及雪櫃內的多款丸類及蔬菜，比較特別的配料有鴨血、牛柏葉、鵝腸及豬皮。任食火鍋，價錢又夠抵，而且火鍋又只是其中一個環節，當然不可以要求有新鮮配料，勝在有一個大賣點：只要全枱在【斗滾】社交平台俾 Like 或者留言，就有任食手切牛頸脊或者黑豚肉！淨係呢個賣點已經夠回本。牛肉顏色鮮血，又有少少脂肪紋，切得夠薄身。未至於係頂級本地牛頸脊，不過，入口仍然嫰滑，亦有少少牛味，估計係美國或澳洲牛肉。食完一板又一板，追加了5～6次。牛肉質素雖然只是一般，但已好過普通薄片美國肥牛；以任食港式火鍋來說，已經幾好。其實還有《第五式》，每人一碗甜品椰汁雪燕。當然冇可能係燕窩。雞煲香濃惹味；蒸海鮮新鮮鮮甜；任食火鍋升級版(滋補燉湯)真材實料，好飲；任食牛頸脊火鍋好味又抵食 ⋯⋯ 原來一次過唔止滿足三個願望，仲有燉湯飲；加上抵食，難怪座無虛席！大力推薦！

自從早前香港放寬通關後，市面及旅遊漸漸回復正常！前往澳門的上環信德中心，自然成為遊客們出發前飲食的好地方， 有見及此！為了避開遊客們，我盡量不留在信德中心堂食早餐；於是，找附近的餐廳！
位於信德中心一天橋之隔的西港城，地下有間 <膠園 Cafe Cool>，以供應花膠為主題，供應早餐至晚餐！超過兩年前，我都有幫襯過店子的早餐及午餐，不過，總覺得當時的早餐質素一般，尤其是幾次食沙嗲牛肉麵，牛肉每次都是挑戰牙力的韌度！
直至幾個月前早上經過，見到早餐餐牌已轉新 Menu， 可以再給機會餐廳，又再試試其質素如何吧？
雖然幾次早上幫襯，樓面只有一位女店員，落單、送餐、收錢...一腳踢，她依然勤快有禮！

近月來說，以上環區港式早餐，繼保持水準的 <明谷> 之外，這間 <膠園> 更好水準！當然，價錢相對貴些少，亦坐得鬆動舒適！
見仁見智嘞！

店內保留西港城其紅磚牆特色，好適合作為打卡背景！ 之前是康樂棋盤背景，現已換上英國倫敦背景，同樣令人放鬆心情！桌上備有餐具、紙巾、白糖、咖啡糖、鹽、胡椒粉等調味料。早餐 8:00~11:30am
A 特色早餐：$45~$55
B 自選兩餸公仔麵早餐：$45
C 黑松露醬炒滑蛋系列早餐：$46
D 多士/麵包/全日早餐：$38~$68
E 三文治早餐：$42~$45A 特色早餐首選次選艇妹家鄉蝦米冬菇鮮肉銀針粉 $50
銀針粉軟硬適中富彈性，帶有嚼感，頭尾尖入口滑溜！而且份量豐足！ 
配料包括：入味柔軟的冬菇、鹹鮮的蝦米、甘筍絲、唐生菜絲、蔥粒、冬菜、肉碎、豬油渣...等，風味滿載，堅足料不欺客，而並非碗大湯多；湯底清而帶鮮味，令人回味無窮！ 也是我的首選！
飽肚感之餘，冬天食感覺更暖胃呢！煎蛋多士
多士香脆並塗上牛油，煎蛋的蛋白煎至金黃色兼熟透凝固，仍帶有蛋漿！
如果早餐不是湯麵類，可以將蛋漿蘸上多士食，濕潤的蛋漿令口感無咁乾；或者可以直接把多士浸入湯中，吸收湯底精華，是另一種我個人較喜歡嘅食法！熱奶茶
色澤對辦，水溫頗熱，香滑而稀薄，已經比以前有進步嘞！紅菜頭鮮茄羅宋湯通粉配煎蛋多士 $45
散發香氣令人開胃，橙紅色的紅菜頭湯底，羅宋湯滿載軟腍吸湯的雜菜，連通粉也份量豐足； 選用長身米通粉，厚度比坊間一般通粉厚身，加上管孔細， 軟硬適中又吸收湯底精華！ 相對是飽肚之選！ 也是用心製作！炒蛋多士
炒蛋好老，完全談不上嫩滑，勝在散發香濃蛋香！櫻花蝦溫泉蛋撈出前一丁 $48
加上九芽菜點綴，賣相增添層次感！ 出前一丁剛好夠熟仍保持攣曲，入口富彈性又夠味，食到尾有點鹹， 份量慷慨的櫻花蝦口感微脆，溫泉蛋火候恰到好處，有豐盈的流心效果，拌勻麻油及溫泉蛋，更有蛋香又香滑濕潤！厚多士
似乎跟一般多士無分別！牛油均勻塗上，香脆度滿意！熱檸檬茶
幸好！茶底不甘苦，加入兩片檸檬，已足夠果酸，亦有解膩作用！

今早在中環覆診睇驗身結果📃，指數全部正常，終於放下心頭大石😌，決定中午去食餐好啲去慶祝一下🤗，行到歌賦街附近，見到一間食OMAKASE 嘅日本餐廳 ---“淡路”，今日一於善待一下自己先🥰。 ~竹~ $980 1️⃣前菜 2️⃣刺身 3️⃣煮物 4️⃣揚物 5️⃣食事 6️⃣吸物 7️⃣甘物 前菜： 白魚苗伴玉子豆腐 這道菜結合咗白魚苗嘅清爽🤗和玉子豆腐嘅滑嫩🥰。這兩種食材的口感結合起來，呈現咗一種獨特的風味😋。 吞拿山藥伴水雲酢 水雲醋酸味清新，口感清爽，能夠有效地平衡山藥嘅黏性🥰，兩者結合，再加上炙過的吞拿魚🐟，呈現出了一種獨特的口感和味道，增進食慾😋，作為前菜非常適合😍。 刺身： 長崎縣鮫魚嘅魚皮略略煎過🔥，上面加咗少少柚子皮🍊，之後師傅教我先榨幾滴青檸汁🍋，之後配上淡路島洋蔥🧅一齊食，口感複雜，非常好味。 鹿兒島鰹魚脂肪含量較少，口感較為爽口清新🥰，蘸上自家調配嘅豉油，味道顯得相輔相成🥰。 伴菜之一嘅淡路島洋蔥🧅，味道甜美唔嗆喉，生食都唔會有一般洋蔥嘅辛辣口感😍。師傅見我咁欣賞啲洋蔥🧅，俾多一小碟淡路島洋蔥俾我食，今次生洋蔥上面加咗土佐醋，完全提起洋蔥嘅鮮美，非常好食😋。 煮物： 味煮穴子 穴子肉質纖細，清甜味鮮😋，配上豆腐皮和日本菜心🥬，十分好食😋。 揚物： 螢光魷魚雜錦天婦羅 螢光魷魚 - 天婦外表酥脆，魷魚🦑肉身多汁煙韌。 牛蒡天婦羅 - 炸成金黃酥脆嘅外皮，一口咬下香味四溢，非常好食😋。 樹菜 - 🥬有獨特嘅苦味和澀味，但營養非常豐富。 淡路島洋蔥 - 洋蔥🧅表面炸得金黃酥脆，但裡面還保留了豐富嘅蔥肉汁🥰，甜味被凝聚封鎖在其中😍。 食事 手握壽司5️⃣貫+海膽杯 1. 兵庫縣手釣池魚 - 魚肉較為結實，味道濃郁😍，上面加了柚子皮🍊和薑🫚，加強了層次和口感🥰。 2. 瀬戶內海魴鮄魚 - 肉質紮實，味道清甜。師傅無添加任何醬油，只用山椒葉來提味，已經十分好食😋。 3. 鰤魚 - 肉質鮮甜、脂膏豐富，上面放了柚子🍊胡椒🧂和燒過的紫菜，呈現了多重口感🥰。 4. 伊佐木 - 即香港叫的雞魚，味道鮮甜彈牙，師傅將魚皮炙燒🔥過，加上少少醬油，再將炒過的洋葱🧅和少量Wasabi放係面，提升了層次感🥰，非常好食😋。 5. 拖羅卷 - 紫菜中間夾住件厚拖羅，上面放上了竹炭盬、日本溫室芽葱和Wasabi莖，食落非常惹味😋。 6. 海膽杯 - 海瞻分別來自北海道口岸、根室和宫城 ，再加了少許柚子皮🍊、醬油和Wasabi，海膽味道甘甜，幾乎入口即溶🤤。 吸物 清湯 - 入面有米通，賣相唔錯🤗，師傅話不用麵豉湯 原因係食完OMAKASE，飲啲清清地嘅嘢可以清下個腸胃🥰。 甘物 静岡縣蜜瓜 - 🍈又甜又多汁，為這餐OMAKASE完美作結😍。 總括而言，食材非常新鮮，服務十分貼心，多謝Simon師傅用心嘅製作和講解，令我有一個難忘的OMAKASE 體驗。另外餐廳有3️⃣間獨立4️⃣人房，必要時仲可以打通變成1️⃣2️⃣人房間添，一班人開Party都得🥰。

陽光普照、氣候暖和的星期日，最佳娛樂之一係踏單車、吹吹海風，然後在開揚環境下嘆個午餐。早一天網上訂枱，揀了【Picnic Casual Eatery】。很喜歡這個商場的餐廳，每一間都有開揚風景及半室外露天座位，甚有歐洲大城小鎮的餐廳風情。一直好想光顧【Picnic Casual Eatery】，被她的地中海希臘風格門面吸引；但每次 walk-in 都冇位，今次就刻意提前訂枱。室內裝潢雖然簡單，但同樣帶有濃厚希臘小島氣息。純白色的牆身襯以藍色木製窗框作為裝飾品，加上希臘小島街角風景壁畫 ⋯⋯ 小白屋加上藍天白雲，活脫就像身處 Santorini！不禁想起那一年在希臘小島的兩個星期浪漫假期！另一邊牆身的風景畫，則以希臘小島的地中海風景為主題，加上標誌性風車，一望就知是參照 Mykonos 的美景。餐牌上的多款菜式，由前菜、沙律、小食以至薄餅，所選用的材料及烹調口味，同樣充滿地中海風情，細心看清楚，似乎欠缺了以羊奶芝士及橄欖為主要材料嘅菜式。原來老闆及大部份員工是土耳其人，所以餐廳雖然以地中海菜式為主，但就偏向土耳其口味；採用希臘小島風格為裝修主題，只是為了吸引客人。頭盤的三小片乾麵包無論賣相及味道俱很粗糙，入口很乾硬、唔鬆軟、又沒有麥香；係非常典型嘅地中海平民百姓的麵包主食。亮點在於配搭麵包的醃青橄欖及橄欖油浸蕃茄仔，味道濃酸，作為開胃前菜非常合適。當然，是否適合個人口味就見仁見智，但肯定係非常典型嘅地中海菜頭盤小吃。見到大廚現場製作薄餅(Pide)，冇理由唔試！ Pide 譯成薄餅其實又唔係好正確，較合適應該係土耳其扁麵包。羊肉薄餅 Lamb Pide ($168) 餡料有免治羊肉、青椒、蕃茄、洋蔥、香草及芝士，同意大利薄餅及美式薄餅差不多，最大分別在於外型。Pizza 係圓形，餡料全部鋪在表面；Pide 就將圓形批底兩邊摺起，而且批底較為厚身，焗完的效果有點似表面鋪了餡料的薄麵包。Pide 的表面有層麵粉脆皮，內裡的麵包鬆軟熱辣辣；餡料味道吸引，尤其免治羊肉，味道濃郁。地中海菜式不能缺少烤肉，叫了一份雜錦燒烤拼盤(2人前) Mixed Grill (2 persons) ($488)，份量驚人，三個人分享也綽綽有餘。烤肉包括兩支羊架、兩塊煎免治羊肉餅、兩串烤雞胸肉及兩串烤羊仔肉，每串烤肉又配搭了甜辣椒及迷你蕃茄，另外還有半個大洋蔥、半個大蕃茄及兩條辣椒。烤雞胸肉及烤羊仔肉大大塊，烤羊架同樣係大號，啖啖肉絕對滿足食肉獸要求；味道方面就一般而已。配合地中海風格，烤肉加入很多香料醃製，香味濃郁、但稍為偏淡；烹調方式亦比較粗糙，全部肉類十成熟，流失肉汁之外，肉質亦變得粗嚡，咬下去偏乾硬、唔鬆軟。煎免治羊肉餅有驚喜，雖然貌不驚人、甚至有點醜陋，勝在肉汁豐膄、香料味道濃郁，好食過烤肉拼盤的其他三款肉類。烤肉配搭三款迷你小吃 / 主食雖然簡單，但也值得一試；尤其地中海沙律及土耳其米飯的口感及香味（加入了少許香料煮飯），在香港甚少餐廳可以品嚐。烤肉味道一般，勝在份量超級多，夠抵食。地中海式薄餅的風格，同意大利薄餅及美式薄餅有明顯分別，同樣值得品嚐。講味道只係一般，但綜合其他條件：員工服務、用餐環境及菜式特色，值得一試。

大隻仔今次覓食嘅店舖就係
💥 江南味 💥

大隻仔喺OpenRice見呢間餐廳0負評已經想食好耐，上次嚟餐廳休息，今日睇完戲專登過嚟食晚飯。
不負所望，餐廳價錢平，質素高，尤其是蘿蔔絲酥餅超高水準，值得推介。👍👍

⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差

味道 ⭐️⭐️⭐️⭐️
抵食 ⭐️⭐️⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯

🔥 特色豬扒肉燥飯+豆漿 $55
炸豬扒有少少肥膏，肉唔死實，炸漿夠薄身，炸出嚟嘅豬扒外脆內軟，而且豬扒夠入味，至少用調味醃過一日。如果要挑剔嘅話，就係逼油功夫一般，炸豬扒有少少油膩。
肉燥菜飯味道好好，撈飯一流。
豆漿偏甜，唔太夠冰凍。


🔥 江南鎮江排骨菜飯+豆漿 $50
鎮江排骨冇雪味，肉夠腍，紅燒汁夠多，甜甜地，好好味，撈飯一流。😋😋


🔥 +2件 江南春卷 $10
一條長春卷切開2件，炸春卷皮好脆但比較油膩，逼油功夫麻麻地。
春卷餡內蔬菜夠新鮮。


🔥 +4件 上海小籠包 $25
小籠包賣相精緻，用上四方木蒸盒裝住。
外皮超級薄但比較乾身，薄到可以見到入面湯汁，係高質嘅小籠包。
要挑剔嘅地方係雖然小籠包餡料調味好好但食得出係用冰鮮絞肉，而且附送嘅鎮江醋，薑絲切得太粗了。


🔥 3件 蘿蔔絲酥餅 $40
超級厲害既蘿蔔絲酥餅，光睇酥餅外層，好似藝術品一樣，一層層整整齊齊，製作技巧十分之高。
咬一啖蘿蔔絲酥餅十分鬆脆，外皮夠薄，入面蘿蔔絲夠多，調味好好又冇生蘿蔔澀味。
蘿蔔絲酥餅唔油膩，逼油功夫一流，不過所用嘅炸油有咁上下歷史，炸出嚟嘅食物比較深色。
大隻仔超級推薦蘿蔔絲酥餅。


🔥 4件 古法生煎菜肉包 $35
古法生煎包做法係用菜肉包煎香兩面至金黃色，餡料好重酒味蓋過豬肉味。


食後評語：
每樣食物醃製時間夠長，都好入味，調味唔馬虎。
小店形式，地方比較狹窄，服務周到，仲提供紙巾。
呢個價錢，又高質素，絕對超值。

也是在網上看到其他人推介，見價錢不貴就不妨一試。午餐選擇了這個$588 八貫壽司set試水溫。除了壽司套餐，這家店還有幾款廚師發板套餐選擇，價錢更高，但今天是試水溫，所以就淺嘗這個夠了。前菜很快就送上來了，一共有三款，分別是沙律、豆腐及赤貝裙邊。冰菜沙律
第一款是冰菜沙律，冰菜獨特的口感爽脆，有點毛絨絨的菜葉在口中有奇怪的感覺，我是喜歡的，另外調味是柚子醋，蘆薈啫喱提供水果的香氣及口感，畫龍點睛。
評分：8/10胡麻雞絲豆腐
第二款是烏麻雞絲豆腐，是三款中唯一一款熱的，很細心地加熱了，連碟子也是熱的，可惜醬汁太杰，也沉在底，在沒有吃到醬汁得地方其實是淡而無味的，雞肉也沒什麼味道，要都醬汁才吃到芝麻香氣，若果把醬汁淋在上面就好了。
評分：6/10赤貝裙邊沙律
這款赤背裙邊沙律我不喜歡，自己覺得味道太酸，鮮味也不足，加上貝肉很老，難以咀嚼，真的要形容就像是吃咀嚼不難的酸的即食零食吧。
評分：5.5/10結果三款前菜中只有冰菜沙律我是喜歡的，其他兩款個人覺得麻麻地。

刺身三點蜜柑鯛
現在很流行的蜜柑鯛，幾乎每一間鮨店都會用上，有三片薄切的魚肉，顏色呈半透明透明狀，魚肉柔軟，但沒什麼突出之處。
評分：7/10大溝貝
第二款的大溝貝實在是切得太細了，明明可以兩片切好，卻偏偏切成五六件，切太細的壞處是本來貝類味道已經比較清淡，在切得那麼細的話其實吃不出味道，我要兩至三片放在一起吃才品嚐得出。
評分：7/10梳子魚/太刀魚
最後的是灸燒梳子魚，味道是不錯的，可惜的是因為提前準備好，所以溫度已經冷了，只能算是室溫，炙後油香的味道已經減淡，過了最佳品嚐時機。
評分：7/10茶碗蒸有蟹肉、蝦、帶子
這個盤茶碗蒸一打開就看見很大一塊蟹肉，下面還有其他海鮮包括蝦、帶子等等，熱騰騰的茶碗蒸吃下去暖着腸胃，水準是一般鮨店之上。
評分：8.5/10溫物
炸白子天婦羅剛剛新鮮炸起的白子天婦羅，可惜仍然與其他店一樣，只有炸麵衣及醬汁的味道，白子雖然creamy 但沒有味道，熱騰騰但我吃不出什麼味道。
到目前為止吃過那麼多店，我只有在一家店能夠吃到真正美味的白子，看來這個食材要做得好實在是有難度。
評分：6.5/10壽司8貫
接下來是壽司環節，師傅已經準備好壽司碟及前菜，有牛蒡、薑粒及黃蘿蔔。

北海道鮮帆立貝
第一件是北海道鮮帆立貝，這件帆立貝味道不錯，口感甜糯柔軟，但因為柔軟欠缺彈性，比我以前吃過的新鮮帆立貝口感不同，我覺得像是市面上買的冷凍的刺身質素，而不像新鮮的游水飛機貨。
若果師傅沒有說是新鮮的，但我覺得很正常，但說了新鮮的我就有些許懷疑了…
評分：7.5/10金線鯛
第二件是金線鯛，魚肉肥厚，有清清淡淡的甜味，味道不錯，敗筆之處仍然是因為這件也是炙燒過，但是預先處理好的，所以吃的時候溫度已經太低，失去了魚肉油脂的香氣。
我明白店家預先處理好食材來節省時間及更妥善安排膳食，可惜若果要以犧牲食材味道來達到的話，那就失去了原意。
評分：6.5/10深海池魚
下一件深海池魚夠肥美，質素不錯，越咀嚼越鮮味，證明食材的原材料夠新鮮，好吃。
評分：8/10香箱蟹 蟹子 蛋黃醋
接下來的這件香箱蟹應該是這家店的招牌之一，這件壽司充滿了鮮味無窮的蟹肉，然後在上面放上蟹子，這是正宗的蟹子而不是一般坊間用飛魚子扮成的蟹子。蟹肉用蛋黃醋調了味，更能突出蟹肉的甜美，這件壽司很鮮很甜，是出色之作。
評分：9/10鯖魚 昆布
這件昆布鯖魚上枱時師傅說了是其拿手好戲，這件關西鯖魚味道非常鮮味，可惜不在其最刺激狀態，略嫌有少許腥味。但這裏昆布發揮了出色的作用，用糖醋煮過的昆布不但成功壓倒腥味，更為鯖魚添上甜味，混在一起吃非常鮮甜，好吃。
評分：8.5/10中拖羅
簡單但食材本身已經夠美味，不需要任何添加的技巧，吞拿魚的魚肉鮮味，在口中咀嚼的時候滿口都是甜美的肉汁，肥美程度剛剛好。美中不足是吃到最後的時候可以咀嚼到有少少筋。
評分：8/10銀鱈魚松露醬
這件銀鱈魚本來已經非常油潤，配上松露醬，有着濃烈的泥土氣息，味道非常濃郁。兩者配合相得益彰，是特別的組合但我喜歡。
評分：8.5/10100%蛋壽司蝦
師傅特別介紹的蛋壽司，雖然說是壽司但只有雞蛋，師傅介紹說加入了蝦湯及蝦肉熬製，沒有用任何麵粉的純雞蛋壽司。口感非常鬆軟，要比一般的蛋糕更加鬆軟好吃，有一種入口即化的感覺，非常好吃，
評分：9.5/10
吃到這裏連上雞蛋一共八件，因為手卷是另外寫的應該不算在八件壽司內，這樣我覺得有點取巧，若果第八件是雞蛋的話雖然味道是好吃的，但一般鮨店都不將雞蛋計算在內的。白海膽手卷
今天的手卷是白海膽手卷，這個海膽質素很好，真的超級好吃，入口一鼓奶油的香氣，非常creamy，甜美滑溜，入口即溶，滿口都是海膽的甜味，冰冰涼涼的在口腔中慢慢溶化，很舒服。硬是要挑毛病的話，我覺得紫菜的質素能夠再好一點就更好了，現在稍為有少許太厚。
評分：9.5/10食事
鮑魚肝 清酒最後的食事是鮑魚乾配壽司飯。鮑魚是溫熱的，十分鮮美，鮑魚肝墨綠色的醬汁配合壽司飯同吃，味道香濃，滿滿都是鮑魚的精華，這款嘅鮑魚肝師傅說用了清酒烹調，有少許酒香味，不錯。
評分：8.5/10吸物湯品是魚片清湯，味道清甜鮮味，熱騰騰的我十分喜歡，吃完以上那麼多道以後有一個暖胃的菜色作為結尾不錯。
評分：8/10甜品
海鹽雪糕甜品的海鹽雪糕奶味香濃，可惜的是雪糕不夠軟滑，粒子太粗，可以隱約吃到冰粒，是介乎雪糕與雪葩之間的口感。
評分：7/10總括來說每一道菜的水準並不平均，有些菜式馬虎，有些不錯，若果能夠更細心處理一些細節會更加好。
總評分：7.5/10

題外話：這天隔着兩個吉位是一對內地遊客，師傅介紹菜式的時候他們聽不懂，想請師傅用英文講，師傅因為不會國語及英語，所以叫餐廳經理代為介紹。
可是餐廳經理顯得冷漠，一句＂我也不知道＂就走了，完全無視客人，留下師傅和客人你眼望着我眼，很是尷尬…
我覺得師傅是有心想介紹可惜有語言障礙，但餐廳經理的做法實在會令客人覺得有歧視之嫌，試問每一位千五（因為他們吃廚師發板），得到這種服務態度如何能愉快？
將心比己，若果我們自己作為遊客在外地遭受如此待遇，肯定也會不愉快，希望餐廳經理以後能改善其服務態度。

終於找到日子去這新開的cafe！

事前請貓貓🐱老婆騙豬豬🐷老婆去應援餐廳拿應援，成功騙了壽星出來，然後我和管理員👩🏻就在cafe給🐷一個surprise～（最後竟然被🐷猜到有奇怪！驚喜不足喔）

聽說星期天很多人，就提早了半小時去等位，還好時間尚早，在前面等候的就2個女生～15分鐘左右就能入座～坐下沒多久，外面就排了好幾個客人了！還好是早了那麼一點點！不然計劃也許就不成功了！（裝修是滿漂亮的木系，近門口有小凳給下一枱客人等候，其餘客人都在外面等）

點餐是出counter點的，看食評，點餐 飲品可減$20，但壽星未到，所以就先不點，然後可能是星期天，最後發現是沒優惠的🤣

🍱All day breakfast ($128) - （本來想點洋蔥捲的，發現all day裡有，就點all day！）很豐富，有三文魚🐟、風琴焗薯🥔、牛油果沙律🥑🥗、炒菇、黑松露炒蛋🍳、洋蔥捲🌯、豬肉腸，能一次過滿足多個願望！三文魚有2,3片，捲成花朵那樣。本來很期待的風琴焗薯🥔，以為會是脆脆的，原來整個很腍，而且沒什麼味道。牛油果沙律🥑🥗卻是超級好吃，沙律菜不算多，但是爽脆，上面的牛油果🥑茸加了檸檬汁，拌菜吃好fresh好好吃！炒菇正常味，是有一顆有點苦。黑松露炒蛋🍳也是很“石油氣”很滑很好吃！（就是個人偏好再生一點的蛋😆）豬肉腸是普通的豬肉腸，但吃下去很raw的豬肉味（很難形容的質感，不是攪得很爛味道很重的那種），就像吃肉碎的腸那樣！洋蔥捲🌯也是本來很期待的！吃下去酥酥脆脆，以為是酥皮，其實是麵包，真特別！裡面捲了炒洋蔥絲🧅，洋蔥已經炒至焦糖化，這應該是酒店的做法吧？可惜我本來期待能吃到洋蔥的甜，現在個人覺得是有點過火候了（純粹個人不太喜歡焦糖化的洋蔥）

🍅🧆蕃茄羅勒薯丸子($78) - 超級有驚喜的一道！蕃茄羅勒有蕃茄茸和車厘茄，吃到有很重其他香草的味道，就是羅勒的味道不夠（喜勸羅勒），酸酸甜甜的香草味很是開胃！（最後是連醬汁都吃得乾乾淨淨！）薯丸子煙韌像芋圓（不像湯圓煙韌）。吃下去沒有薯仔味或薯仔質感，不說是薯仔🥔丸子，會覺得只是粉搓成的，而且可能薯丸子密度高，裡面都沒味道，要靠外面沾上醬汁的味道呢！

🍝卡邦尼意粉($88) - 看上去很迷你的一碟！煙肉份量算多，先煎香了才煮，所以意粉都充滿油香！煙肉大概用了兩款（？），一些切成了粒，一些切成條，兩款都不會很硬，咬下去很有口感！條的比較瘦，粒的比較肥，咬下去會有油層，還好煎香了沒一口油的感覺。餐牌說卡邦尼用上日本蛋，意粉是黃色的，硬度剛好，不是用忌廉煮的，醬汁掛汁力強，全裹在意粉上，一口吃下滿滿的蛋香和芝士味，做得很出色！就是份量少，幾口就沒了～

🍛露荀濃蝦汁意大利飯 ($108) - 是濃蝦汁不是龍蝦汁！吃得到濃濃的蝦味，似是用蝦殼煮出來的那樣，味濃而不鹹！意大利飯做得非常好，也“香港地道化”了，9成是正常飯粒，但也會每一口咬到“生米”，“生米”的程度也不會是硬到咬不開，是讓你知道有“生米”、在吃意大利飯的程度（有些餐廳會做得太正宗，結果咬得很痛苦，吃完還會胃痛），所以非常好入口！意大利飯內拌有露荀粒和蝦粒同煮，意大利飯上也有3隻蝦和露荀，但飯上的蝦和露荀感覺都是烚完放在飯上，雖然蝦夠大隻也爽口、露荀爽脆鮮甜，但只有食材本身的味道而沒沾上濃濃的蝦味是有點可惜。

🍵手工粟米湯 ($12) - 小小的一碗，上面加了欖油（沒覺得加了有什麼特別效果或味道，可能加點cream會比欖油更滑）很滑，清甜的粟米味，吃得出來是用粟米打成的！

🍹飲品：
☕️Flat white ($38) - 拉花很漂亮！看到咖啡師是用Meiji牛奶沖的😆但放不太久，細緻的泡泡就開始消成大泡泡，沒能喝到底還有拉花，不過朋友說味道正常～

🍵Matcha latte (左，$41) - 在杯中先加奶和冰，在另一杯子開抹茶粉，再過篩倒入杯中，攪勻了才給客人，如果不攪就能看到2個顏色，會更漂亮呢！味道是完全沒甜味的！有抹茶的澀，但奶也中和了一點，算是特別的（感覺有一點甜會比較好喝），可惜沒有抹茶的aftertaste～

🍹Yuzu espresso tonic (右，$48) - 很特別的一杯！最下面是柚子蜜，上面梳打水，最後是espresso，也是拌好了才給客人。雖說是梳打，但是完全沒氣泡～因為有柚子蜜還是梳打的關係？喝下去咖啡的酸是很突出，我個人比較喜歡咖啡低酸度，所以覺得不太好喝，但貓老婆覺得酸酸的倒是很開胃。

在counter點餐後，店員都會把餐送到客人的枱，然後餐具和水都是在counter旁自己拿的，要拿碟子分 還要向店員拿呢！（店面不算大，當天就3名店員1位咖啡師！[廚房不知多少人？出菜速度都算滿快的] 店員都很友善禮貌）

吃完就上蛋糕🎂！可能很少客人會帶蛋糕在店吃（？），又或是是自助cafe的關係，感覺店員都沒特別另外招呼（也沒關係，我們都直接叉就是😆）蛋糕是紫薯黑豆！好吃！

Cafe應該是沒限時，就看你臉皮夠不夠厚，在有客人等位時還佔人家位子！
最後可惜當天陰天沒陽光，沒辦法拍出漂亮的樹影～而且帶了蛋糕就試不到他們有名的巴斯克蛋糕🍰，改天再來試蛋糕好了！

鬧市中的寧靜🌴｜懷舊輕奢風🍹🍶 🌸秋香🌸 難得假日，一於同豬仔嚟到屯門好出名既fusion日式居酒屋，充滿着日式懷舊風🏮入到嚟遠離繁囂，恍如置身時光隧道🤗牆身以粉紅色配上粉藍色嘅瓷磚，遠處望過去別樹一格，好獨特🥰餐廳有室內及室外位置，好寫意🌴 一入到餐廳已經見到一句香港人好熟悉嘅台詞「別人笑我太瘋癲我笑他人看不穿」既毛筆字，充滿玩味嘅感覺🤣裝修風格較復古，打卡一流🤩哩家餐廳嘅煲仔飯好出名，一於試吓佢😋 🌴午餐時段，餐廳提供「CHILL住食套餐」包括前菜、餐湯及汽水，特飲+$15 前菜係微辣鱈魚卵子，一咬下去好脆好彈口，「啪卜啪卜」聲在口腔內爆發，好有趣又好味🤣味道咸咸海水味又帶微微辣度，仲有好鮮鱈魚卵味，好開胃😆 餐湯係粟米蓉忌廉湯，粟米味道好濃郁，好綿密既口感，賣相仲好靚🤗 ✨鹽燒白鱔煲仔飯 $238 招牌菜式嚟啦！一上枱香氣撲鼻😋白鱔外皮烤得金香焦脆，魚肉好鮮嫩保持住肉汁😍 另外，份量毫不吝嗇，有五大舊白鱔😍煲仔飯以日本珍珠米、加上秘製醬油、日本流心蛋黃、蝦米、香蔥😋味道簡直無懈可擊💥💥💥蛋香味配上香濃醬油味既白鱔，又鮮又香甜👍🏻飯焦更係恰到好處🥰大家一定要試吓！ 必點指數✨✨✨✨✨ ✨薄燒日本豚肉煲仔飯 $158 哩度既豚肉煲仔飯都好出名，豚肉薄切，外皮烤得金黃香脆，配上香蔥、洋蔥、秘製醬油、日本流心蛋黃、日本珍珠米，好惹味‼️豚肉既油脂在口中散發，油脂味好香，配上蛋香味😍飯既秘製醬油甜甜地又咸咸地，一個字！簡直完美🤤 必點指數✨✨✨✨ ✨橙汁 （跟餐免費） 鮮榨橙汁，有一絲絲果肉，好清新香甜🍹 ✨熱香橙肉桂薑伯爵茶 +$15 茶味香濃，橙味配上肉桂香氣，淡淡薑味在口中散發，味道帶點微苦，糖度低，但橙味清新，散發健康既感覺🥰 餐廳從內而外都有多個打卡位，各位朋友歡迎一齊嚟朝聖🤗餐廳水準好高，無論食物質素、環境、員工服務態度都好好🥰 🏠 秋香 (康景花園) (屯門) 屯門青善街38號康景花園地下26-27號舖

今年既生日飯選擇係四季酒店既Caprice慶祝🥳 提早一個月就訂好位。無論係環境﹑服務﹑食物質素都係水準之上，不愧為連續多年獲米芝蓮星級既餐廳，仲要係3星⭐️⭐️⭐️ 令人回味悠長！Caprice門面設計相當低調，穿過走廊會見到無盡既落地玻璃窗，空間感十足，將維港對岸景色盡收眼簾😍 餐廳內樓底高挑，歐陸風裝潢﹑水晶吊燈，流露出非凡氣派。Set lunch價錢頗親民，人均$1,098已經食到5-courses，比起4-courses $988多一道魚，抵食好多✅！當中有d特別菜式或加魚子醬需要額外收費，豐儉由人。🥖𝑩𝒓𝒆𝒂𝒅
點好菜後，店員端上一籃子每日新鮮焗製既麵包，可以根據自己喜好揀口感偏軟或硬既麵包。值得一讚既係麵包都係暖暖地既，保持溫熱口感。我試左兩款軟身麵包都覺得好鬆軟，真係唔錯！另外店員會送上兩款牛油，原味同鹹味，搽落麵包到更加滋味。🍽𝑨𝒎𝒖𝒔𝒆-𝑩𝒐𝒖𝒄𝒉𝒆
法國菜精髓，開始用餐前先試一道由廚師發辦既餐前點心。今次係一道紅菜頭帶子莎莎，加以魚子醬點綴。大廚用紅菜頭整成兩片好薄既皮，中間夾住帶子莎莎，口感豐富，頗為醒胃既一道餐前小食。𝑨𝒑𝒑𝒆𝒕𝒊𝒛𝒆𝒓
♢ 🦞𝑳𝒐𝒃𝒔𝒕𝒆𝒓 𝒘𝒊𝒕𝒉 𝑴𝒖𝒔𝒉𝒓𝒐𝒐𝒎 𝑩𝒂𝒗𝒂𝒓𝒐𝒊𝒔 𝒂𝒏𝒅 𝑨𝒏𝒊𝒔𝒆 𝑭𝒍𝒂𝒗𝒐𝒓
龍蝦伴蘑菇奶凍及八角 ‧ 龍蝦已經切成片狀，擺放到好似一朵花咁，非常精緻。試過原味後，可以試下點蘑菇同八角整成既奶凍，香氣濃郁。♢ 🦀𝑨𝒍𝒂𝒔𝒌𝒂 𝑲𝒊𝒏𝒈 𝑪𝒓𝒂𝒃, 𝑪𝒓𝒖𝒔𝒕𝒂𝒄𝒆𝒂𝒏 𝑱𝒆𝒍𝒍𝒚, 𝑮𝒊𝒍𝒍𝒂𝒓𝒅𝒆𝒂𝒖 𝑶𝒚𝒔𝒕𝒆𝒓 𝒂𝒏𝒅 𝑶𝒔𝒄𝒊𝒆𝒕𝒓𝒆 𝑷𝒓𝒆𝒔𝒕𝒊𝒈𝒆 𝑪𝒂𝒗𝒊𝒂𝒓 (+$𝟔𝟓𝟎)
阿拉斯加蟹肉伴海鮮啫喱及法國生蠔配特級魚子醬 ‧ 餐廳招牌之一，加錢都值得！首先擺盤已經好吸睛，用左螃蟹造型既碗裝住美食，好有心思。海量魚子醬底下係蟹肉絲﹑金箔，同埋整成啫哩狀既生蠔，鮮味十足，呢個搭配毫無違和感，每口都好滿足！𝑺𝒐𝒖𝒑
♢ 🦆𝑫𝒖𝒄𝒌 𝑪𝒐𝒏𝒔𝒐𝒎𝒎𝒆 𝑾𝒊𝒕𝒉 𝑭𝒐𝒊𝒆 𝑮𝒓𝒂𝒔 𝑹𝒂𝒗𝒊𝒐𝒍𝒊
鴨肉清湯配鴨肝雲吞 ‧ 店員即席倒湯，保持溫熱，儀式感滿分。或者係過於真材實料，鴨湯整體味道比較重，過於濃郁，不過鴨香十足，喜歡重口味既人或者會鍾意呢個湯。碗中仲有3件鴨肝雲吞，皮薄餡靚，入口係濃郁軟腍既鴨肝味道，十分滋味。𝑭𝒊𝒔𝒉
♢ 🎣𝑫𝒂𝒊𝒍𝒚 𝑾𝒊𝒍𝒅 𝑪𝒂𝒖𝒈𝒉𝒕 𝑭𝒊𝒔𝒉 𝑴𝒊𝒍𝒍𝒆𝒇𝒆𝒖𝒊𝒍𝒍𝒆 𝑾𝒊𝒕𝒉 𝑳𝒆𝒆𝒌 𝑨𝒏𝒅 𝑷𝒐𝒕𝒂𝒕𝒐, 𝑴𝒊𝒙 𝑯𝒆𝒓𝒃𝒔 𝑺𝒂𝒖𝒄𝒆
時令鮮魚伴千層大蔥馬鈴薯配香草汁 ‧ 成個presentation好似一件cake咁靚，賞心悅目。當日用左多寶魚，魚肉滑嫩，配上薯仔片﹑韭葱同香草汁，味道剛好，唔會蓋過魚肉既鮮嫩味道。♢ 🍾𝑭𝒊𝒔𝒉 𝑸𝒖𝒆𝒏𝒆𝒍𝒍𝒆𝒔 𝑾𝒊𝒕𝒉 𝑺𝒉𝒆𝒍𝒍𝒇𝒊𝒔𝒉 𝑨𝒏𝒅 𝑪𝒉𝒂𝒎𝒑𝒂𝒈𝒏𝒆 𝑺𝒂𝒖𝒄𝒆
法式魚肉慕絲伴海鮮配香檳汁 ‧ 魚肉慕絲整成橢圓形，size剛好可以一啖放落口~ 質感好柔軟，魚味濃郁得黎又唔會有腥味，而且唔會覺得太膩。最正係個香檳汁，為慕絲增添酒香，啖啖都係滿足感。𝑴𝒆𝒂𝒕
♢ 🐓𝑺𝒍𝒐𝒘 𝑪𝒐𝒐𝒌𝒆𝒅 𝒀𝒆𝒍𝒍𝒐𝒘 𝑪𝒉𝒊𝒄𝒌𝒆𝒏 𝑹𝒐𝒍𝒍 𝑾𝒊𝒕𝒉 𝑪𝒆𝒍𝒆𝒓𝒊𝒂𝒄, 𝑨𝒍𝒃𝒖𝒇𝒆𝒓𝒂 𝑺𝒂𝒖𝒄𝒆
慢煮黃油雞卷伴芹菜配奶油汁 ‧ 大廚好用心咁將雞切成片狀，然後包成圓形，賣相有驚喜~ 黃油雞出名肉質香甜，入口好滑嫩，而奶油汁香氣十足，芳香濃郁。♢ 🥩𝑩𝒆𝒆𝒇 𝑪𝒉𝒆𝒆𝒌 𝑾𝒊𝒕𝒉 𝑴𝒖𝒔𝒉𝒓𝒐𝒐𝒎 𝑨𝒏𝒅 𝑷𝒐𝒕𝒂𝒕𝒐 𝑷𝒂𝒏𝒊𝒔𝒔𝒆
牛臉頰伴蘑菇及香脆薯塊配紅酒肉汁 ‧ 好耐都無食過肉質咁軟腍既牛臉頰肉，彷彿入口即溶咁，完全唔洗費勁去咬，點埋紅酒汁更加香，非常出色！配菜蘑菇同樣好味，碟邊仲整左一粒粒既蘑菇醬，別緻又用心。𝑫𝒆𝒔𝒔𝒆𝒓𝒕𝒔
♢ 🧁𝑴𝒐𝒏𝒕 𝑩𝒍𝒂𝒏𝒄 𝒂𝒏𝒅 𝑴𝒂𝒏𝒅𝒂𝒓𝒊𝒏, 𝑽𝒂𝒏𝒊𝒍𝒍𝒂 𝑰𝒄𝒆 𝑪𝒓𝒆𝒂𝒎
法式栗子蛋糕伴橘子配雲呢嗱雪糕 ‧ 男朋友準備既生日驚喜，碟邊既英文字寫得好靚！店員大推呢個甜品，栗子蓉質感好綿滑，入面有橘子粒粒，可以中和栗子既膩，口感更清新。♢ 🍫𝑪𝒉𝒐𝒄𝒐𝒍𝒂𝒕𝒆 𝑺𝒐𝒖𝒇𝒇𝒍é, 𝑽𝒂𝒏𝒊𝒍𝒍𝒂 𝑰𝒄𝒆 𝑪𝒓𝒆𝒂𝒎 (+$𝟏𝟓𝟎)
朱古力梳乎厘 ‧ 男朋友形容為非常出色既梳乎厘！店員教我地係梳乎厘上面開個窿，然後放雪糕入去，將梳乎厘同雪糕一齊食，冷熱交融口感非常正~ 而且梳乎厘夠鬆軟，充滿空氣感，朱古力味非常濃郁，每啖都好滋味！🍬𝑭𝒓𝒆𝒆 𝑺𝒏𝒂𝒄𝒌
♢ 𝑷𝒆𝒕𝒊𝒕 𝑭𝒐𝒖𝒓
食左咁多野，估唔到最後仲有甜品送~ 3款精美甜點擺放係皮盒上，優雅高貴。建議由梨撻食起，味道酸甜，清新怡人。中間係牛奶朱古力，仲印上Caprice招牌，別具特色。最後係棉花糖朱古力脆脆，棉花糖上有燒焦香味，軟腍腍口感加上朱古力脆脆，好有層次感！☕️𝑻𝒆𝒂 𝑶𝒓 𝑪𝒐𝒇𝒇𝒆𝒆
♢ 𝑪𝒐𝒇𝒇𝒆𝒆 ‧ 可以按喜好自己加奶同糖，味道正常。
♢ 𝑭𝒐𝒖𝒓 𝑺𝒆𝒂𝒔𝒐𝒏 𝑯𝒐𝒖𝒔𝒆 𝑻𝒆𝒂 ‧ 帶茉莉花加薰衣草香氣，散發芳香，茶味唔會過濃，幾有驚喜！店員仲會過黎續杯添~🥂𝑫𝒓𝒊𝒏𝒌𝒔
♢ 𝑹𝒐𝒔𝒆 $𝟏𝟓𝟖
ɢʀᴀᴘᴇꜰʀᴜɪᴛ | ʀᴏꜱᴇ | ʟɪᴍᴇ
店員推薦呢杯cocktail，粉紅色賣相好岩打卡。面層灑上玫瑰粉，入口係清新西柚同酸橙味道，唔會過酸。

♢ 𝑪𝒂𝒇𝒆 𝑪𝒂𝒍𝒗𝒂 $𝟐𝟓𝟎
ᴛʀɪᴇᴅ & ᴛʀᴜᴇ ᴠᴏᴅᴋᴀ ɪɴꜰᴜꜱᴇᴅ ᴠᴀɴɪʟʟᴀ | ᴛᴏɴᴋᴀ | ᴍʀ ʙʟᴀɴᴋ | ᴄᴀʟᴠᴀᴅᴏꜱ ᴍɪᴄʜᴇʟ ʜᴜᴀʀᴅ 20 ʏᴇᴀʀꜱ
男朋友點左呢杯mocktail，杯上有塊好薄既朱古力，幾脆口。飲品帶有濃烈既Vodka加咖啡香味，幾有特色。店員服務好細心，仔細介紹每一道菜式，不過我同其他食過caprice既朋友都覺得佢地講野太官腔，有D似錄音機咁對答，如果表現更加自然會更好。另外店員都好熱心幫我們影相，識搵角度，加分💯


整體黎講，環境同食物都好滿意，每道菜式既配菜﹑醬汁都絕不馬虎，盡顯大廚創意同心思👍🏻 人均唔洗2千就食到米芝蓮3星法國fine dining，絕對物超所值✅

人總是那麼犯賤，總是要失去了，或者快將失去了，才會特別珍惜即將失去的，人也是，食店也如是。我說的是「富記粥品」，這間在旺角花園街經營多年的老店，屹立九龍鬧市數十載，是童年時在這附近居住的我，家人偶爾會和我去吃東西的地方。長大後，雖然仍然經常在旺角區內出沒，但早已成家立室的我，就鮮少再來這裡幫襯了。近日偶爾知道這間有名老店將會在三月底結束營業，不禁讓我大感驚訝。雖然自從肺炎疫情肆虐香港，香港飲食業度過了一個長達三年的寒冬，不少有名食店都先後宣佈結業，但「富記」這間在區內屹立多年不倒的老店，竟然也會有這麼一天，實在令我大感可惜。畢竟，這是我的童年回憶之一，昔日的「煊記」沒有了；「五月花」沒有了；「神燈」雖仍在，，現在就連「富記」......也沒有了。這一夜，晚上七時多才來到「富記」的我，赫然見到佔據左右兩個舖位的「富記」門外分別排了兩條一長一短的人龍，長的大約有十數人，短的也有六七個人，比未有結業消息傳出來之前生意明顯好了，我想，好像我一樣聞風而至的客人相信不在少數。也不是等得太久，大概等了十分鐘左右吧，我已被安排入座，看著全場滿座的店舖，老女老幼在簡樸但懷舊的環境下用膳，我心想，為甚麼好端端的一間老字號，曾與香港人一起度過了不少風風雨雨，高高低低，怎麼竟會在這個艱難時刻被打倒了呢！也罷，縱使這一刻被風雨打倒，只要有心，總有一天，一定可以東山再起的。本想叫個燒鵝例牌，配一碟「乾炒牛河」（$58）做晚餐，原來這夜我來得不夠早，燒鵝已經沽清，見對面搭檯的男人叫了一碟「時菜炒及第」，忽然想到也好，就來一碟「時菜炒及第」（$85）伴牛河，做我的晚餐好了。「乾炒牛河」是這裡的招牌菜之一，當然要回味一番，要另加兩元另上的橙黃色太極圖芥辣也是吃乾牛河必備之物，要是沒有了它，就如畫龍沒有點睛，砌圖缺了一塊一樣，肯定是一個遺憾。「乾炒牛河」比「時菜炒及第」先行送上，這牛河滿有鑊氣，牛肉份量甚多，河粉也幾乎全部都均勻地沾上了醬油，加上少許的芽菜仔，味道的確不錯，也許這河粉稍為油了一點，炒得不算非常乾身，間中有一兩片牛肉有丁點兒梳打粉的味道，但瑕不掩瑜，這碟「乾炒牛河」仍能讓我感到滿意。特別是蘸上少許芥辣在河粉上之後，味道更好。「時菜炒及第」的時菜其實是正氣的菜心，份量極多，把這菜式的罪惡感減輕不少。這道菜的罪惡感當然是從及第而來，切得細碎的豬膶、豬腰、豬肚與豬粉腸，混雜在泛著油光的嫩綠菜心中，是我久沒嚐過的風味。及第粥吃得多，炒及第卻絕無僅有地不知多少年才吃一遭，當然特別讓我覺得珍貴，即使豬膶只是薄切，經爆炒後會較乾，最矜貴的豬腰也較少，我仍然覺得這道邪惡得來又不算十分邪惡的小炒沒有叫錯，值得回味。這夜幫襯，只得我一個人，吃得當然不多，好些我想吃的東西，好像「燒鵝粥」、「薑蔥魚腩」、「白灼腰膶」以至簡單的湯飯，我都沒吃。現在才三月初，這裡還會經營到三月底，希望到時候這裡不會人潮不斷，一位難求吧！那麼我還可以多來一兩趟，還可以回憶一下昔日的美味吧！

星期六下午到了W香港酒店享用侘寂之美下午茶，$728及加一服務費，兩位用 。侘寂的大致意思是簡陋樸素的優雅之美。

在等待食物期間，先欣賞這裡的環境。餐廳裝修有型格，位於角位，可享180度開揚的西九及維港景色，視野廣闊，光線充足。





不一會兒，下午茶送來了。


鹹甜點包括：
日式磯煮鮑魚配昆布啫喱
鮑魚泛起光澤，質感爽口，昆布啫喱滑溜很有趣。

蟹肉銀杏冷茶碗蒸
一梳梳的蟹肉🦀，充滿鮮味，觸動味蕾，蒸蛋滑不溜口。

豆腐皮卷海膽醬蝦肉沙律
豆腐皮卷爽脆，內裡海膽醬充滿鹹香，蝦肉軟腍。

紫蘇燒雞絲沙律甜包 麵包🥯呈粉紅色，賣相迷人，雞肉切成一絲絲，很有香氣。

鮟魚康魚肝慕絲批配蜜餞柚子
魚肝味散發陣陣濃郁的魚油香，同時混了清甜的柚子，兩種味道互相交融，十分特別。

焙茶果仁慕絲蛋糕🍰
表面輕放了一小片金箔，令賣相更名貴。焙茶味香醇，帶點芳香，果仁慕絲綿滑可口，加上鬆脆的餅底，我十分欣賞這個甜品。

北海道黃豆奶凍
味道有點像豆腐，濃郁之餘亦感到清新，面層的木槺碎增添了口感。

甜薯芝士蛋糕🍰
整件甜品呈紫色，應該吸引不少女生。它散發甜美的紫薯味，芝士不算太飽滯。

摩卡提拉米蘇
有很香濃的Mocca咖啡味，忌廉細嫰軟滑，撻身牛油味香濃。

英式鬆餅配自家製櫻花🌸白桃果醬
鬆餅有濃濃的牛油鹽香，口感軟綿亦稍為黏口，切開亦不會有太多餅碎，內裡有一粒粒提子乾🍇，是十分傳統的做法。除了香滑的奶油外，還有首次吃鬆餅時遇見的白桃果醬，甜美而感覺新鮮。

草莓拿破崙
拿破崙香脆而充滿牛油香，夾雜了忌廉以及甜美的草莓🍓，是一種享受。

我點了熱咖啡☕️作餐飲，心形🧡拉花圖案精緻，不捨得把它弄破呢。

服務方面，店員們熱情有禮，令我們感到賓至如歸。😊

呢間餐廳係我八年來最喜愛嘅餐廳。係一間米之蓮三星高級法國餐廳。基本上每年生日/ 重要節日我哋都會去呢度。今年情人節都唔例外。因為工作關係，我哋將慶祝情人節延遲左一個星期。 餐廳裝修屬於高格調。設有吧枱位置及用餐雅座。吧枱位置可以望入廚房廚師烹調食物嘅過程。我哋比較喜歡坐吧枱用餐。 入座後，餐廳會送上一籃新鮮焗製嘅唔同種類法式小麵包。例如牛角包、法式酸種、芝士麵包、煙肉麵包等等。 今日我哋兩位就點餐廳Signature Menu - 六道菜晚餐。分別點左紅酒同埋一杯bloody orange cocktail 。之後送上主廚精心安排welcome course。 第一道：Le Caviar Imperial de Sologne (Sologne Imperial caviar with fine jelly and cauliflower cream) 底層由法國魚子醬做成啫喱再配上面層係由椰菜花做成忌廉。呢個配搭好新鮮！好多時食魚子醬都偏咸，呢個完全唔會。食到淡淡海水味！魚子啫喱鮮甜唔腥。 第二道：La Langoustine (Langoustine ravioli with lobster coral sauce and green peas)簡單來講就係海螯蝦餛飩配龍蝦珊瑚醬和青豆。海螯蝦屬於其中一種龍蝦品種，又稱小龍蝦。餛飩裡面混有龍蝦肉同帕馬森芝士，而個汁做到好似泡沫咁。食落去好輕盈唔覺得好heavy。 第三道：Le Zéphyr au Fromage (Smooth Emmental cheese soufflé with black truffle coulis）嗱嗱嗱! 呢個好特別呀! 係用Emmental 芝士做成疏乎厘配黑松露汁。平時食疏乎厘都係甜，估唔到放芝士入去疏乎厘都幾好味，質地好似食緊好light 嘅芝士蛋糕。又有濃厚黑松露汁 Emmental 芝士香真係好夾。鍾意食黑松露同芝士朋友一定要試。 第四道：Le Homard Roasted Maine lobster with baby spinach and “béarnaise” sauce 終於到我最鍾意食嘅龍蝦出場，起左成條龍蝦尾上碟配嫩菠菜和蛋黃醬 。龍蝦肉好彈牙爽口，配埋特製蛋黃醬帶出龍蝦肉鮮甜👍🏻 話咁快就食第五道菜，再追加多一杯Cocktail 。食左幾道菜都係海鮮嘅菜式，係時候食返啲肉 第五道: La Caille (Free-range quail and foie gras with seasonal wild mushrooms ) Le Bœuf Wagyu (Grilled A4 Kagoshima Wagyu beef with French beans and mustard sauce) 我哋兩個分別每人點一道。 我嘅主菜就係鵪鶉和鵝肝配時令野生蘑菇，而男朋友就係烤A4鹿兒島和牛四季豆芥末醬。講下鵪鶉同鵝肝，我食鵝肝嘅時候最初以為食緊鵪鶉，係肉嘅感覺。後來經理講解先知道原來係將件鵝肝慢煮再煎，平時食係滑嘅口感，估唔到可以煮到咁特別嘅口感。當然好好味😋 而A4鹿兒島和牛四季豆芥末醬，呢款和牛嘅脂肪分布平均但唔算多。煎到和牛表面少少脆，保留左大量肉汁，口感似返牛扒。平時食開和牛脂肪含量多，食落口好多油咁，我反而幾鍾意呢種和牛，完全唔油膩。 第六道： La Forêt Noire (Mushroom in Black forest style with griottine and chocolate cream flavored with kirsch) 黑森林風格嘅蘑菇配用櫻桃酒調味嘅牛古力奶油。本人非常欣賞呢個甜品，將黑森林蛋糕做成蘑菇形態做得好靚，朱古力配上榛子慕絲，底部有餅乾crumbs 同埋朱古力奶油味道好有層次。 今次Fine Dine體驗一如以往質素，每一道都好有水準，我比足滿分。真係好好味好滿足！三星米之蓮名銜實至名歸，所以每年都要返黎食一次。

香港大學站附近竟然有間埃及菜？都係第一次試😲 有lunch set ($120)，包主菜、麵包/飯、飲品、甜品，主菜選擇十分之多 (多種肉類以及製作方法，素食都有) 望住啲名完全唔識讀，好彩有中英文解釋每道餸係咩嚟 ▶️ Shish Taouk 中東青椒雞肉串 兩條串燒大概有六件雞肉，中間夾雜着啲三色椒🫑、紫洋蔥🧅 旁邊配上沙律菜，同埋自選配菜 🐔雞肉烤得鮮嫩多汁，仲有少少燒焦咗脆卜卜嘅位，微微調咗味 烤三色椒、紫洋蔥食落唔苦唔辣，味道「濃烈」且偏甜，同雞肉作對比 旁邊有醬料，一開始以為係千島醬😂顏色近似，但食落係苦苦地嘅，口感上偏稀同埋有粒粒粉狀嘅物體 問咗侍應先知原來係中東芝麻醬 (tahini sauce)，製作過程將白芝麻粒磨到勁幼細，聽講營養價值好高 (豐富蛋白質同鈣質等)💪🏻 沙律菜係生菜配青瓜片，上面落咗少少沙律醬，味道正正常常🥬 ▶️ Cous cous 古斯米 唔係第一次食，之前起英國寄宿學校有試過，之後都試過返屋企自己煮 今次見餐牌有，頓時有種「情懷」🙈 口感有驚喜😲細細粒沙狀而每粒小米粒粒分明，間唔時有啲會黐埋一舊令口感好得意，比預期中更有質感 味道上鹹鹹地，唔知點解食到啲Parmasen芝士味😂係一種令人一試難忘嘅味道，比起之前食過嘅更好味 (因為之前嗰啲通常無調味，直接煲熟就食) 超推介大家揀呢個做配菜！ ▶️ Hummus 鷹嘴豆泥 (+$40) 鷹嘴豆就食得多，算係豆類偏硬嘅一種 Hummus就係攪拌咗嘅鷹嘴豆，變成糊仔質感 食落已經冇咗鷹嘴豆本身嘅味道，反而食到好香嘅香草/香料味🌿 面頭落左少許橄欖油，令佢冇咁乾 會配埋一塊彼得包 (pita)🫓同naan分別係材料只用上麵粉、水、鹽、酵母，所以口感上比較粗糙偏硬 的確呢個食落完全唔煙韌，厚度好似對接左嘅紙咁，少少脆卜卜，個人唔係特別鍾意 本身冇咩味道，只會食到面頭有啲粉，不過配濃味嘅鷹嘴豆食就OK嘅 ▶️ Dessert 可以揀牛奶米布丁(rice pudding) 或 開心果仁酥 (Baklava with pistachio) 見多數人都係揀米布丁😆記得自己起法國超市有買來食過 (細個幾鍾意) 當然會食到一粒粒米，比起平時食嘅白米飽滿同硬身，非常之有質感🍚 成個布丁好creamy，比起希臘乳酪杰身，同吉士有少許相似 鍾意佢奶味同雲呢拿味好香濃🥛(即刻諗起BB奶粉👶🏻)，布丁同米嘅比例啱啱好，唔會感覺好似食緊碗飯咁或稀到無料👍🏻 唯一係覺得佢偏甜，食食吓會滯，加上佢都幾飽肚吓，但絕對值得試嘅甜品！ ▶️ Iced lemon tea 冇特別要求，但完全冇加糖嘅，所以飲落冇味，好似水咁😀 - 整體食物有質素，肉類調得好入味，雖然第一次試埃及菜，但感覺幾正宗 賣相亦好唔錯，連啲碟都靚過人🍽️ 環境非常有異國風情，牆壁上印有唔少埃及人橡，格調走型格外國風 服務都超好，雖然得一個女侍應做吧同枱，但照顧周到，仍然面帶笑容好好禮貌～ 價錢雖貴啲，連加一大概$150/人，(小妹好耐冇食過呢個價位嘅lunch haha，冇收入嘅學生妹🥲），但絕對絕對值得！

是晚過左黎康怡
廣場門口個幾間都好多人排隊
見到呢間唔洗排隊,而且係新店未試過
再而個裝修真係幾揼本
再再而,個侍應好有禮貌及積極咁俾個MENU 我地睇,話套餐有85折
以上種種,都覺得可以試下

餐廳入面既空間感真係好大
淨係俾人行既空置位都好多
行出行入都好舒服,一點都唔迫

裝修設計以簡約風為主
以石屎灰色調鋪設牆身同地板
再配以一些木系既椅子
格調幾有品味

有部分既位置卡座位既天花係整到半圓形既入口,有點狀似進入洞穴既感覺
入去坐應該別有一番感覺,似與其他食客隔開咁,自成一角
下次我都想試下坐

股務方面,想特別表揚
真係好好禮貌
除左上面提到積極有禮
點餐﹑加水﹑要求更多餐具等等,侍應們既回應都好快
對答好有禮貌,必定有「唔該」﹑「唔洗客氣」等
令食客感到好舒服既一個對應

食物方面,有質素
用料新鮮有誠意
特別喜愛那個凱撒沙律

整體說,配合環境﹑服務,好滿意
價錢有85折後都幾抵食,就算正價都唔貴
一定會再回頭

Dinner set for two $528
(include salad*1 + soup *1 + main *1 +set drinks *2) 
➽蘑菇cappuccino 
夠熱,蘑菇味濃香郁
用杯盛住特別

伴湯有一小塊包
配合著食不錯➽63C 海蝦柚子汁凱撒沙律
有別於一般的凱撒沙律
多了些幾新鮮的海蝦
海蝦爽彈,不腥
而且用既汁係柚子汁
微酸開胃,不會太酸

加上有一隻溫泉蛋係上面
整穿左,配合整體,好好食
比平時出面食既凱撒沙律好食好多
口感豐富了,冇咁悶 
推薦!➽63C溫泉蛋卡邦尼
這個卡邦尼岩岩入口,會覺得味道有點不足
我同朋友都認為可以再濃郁D
不過幸好有溫泉蛋,起了畫龍點睛的效果,加了點分➽慢煮風乾火腿釀雞卷
雞肉不乾,整個卷也不會散,味道不重
一定要伴汁吃才可
整體味道OK