富田和食亭位於藍田啟田商場，位置係商場的角落中，附近都有幾間食店，但富田就比較多人，我今日剛巧到附近工作，放工後就約係附近住既同事去食了，若不是同事帶路，我完全唔知有間日式放題，簡直係隱藏的驚喜。


環境~舒服清潔 店內坐位闊落，也有卡位，放題位置都好重要，啲坐位唔好坐真係會影響食慾。

食品~多選擇

0

單餐紙印得幾靚，整整齊齊的，剔得舒服。
食物種類好多，仲有火鍋，係一人一鍋那種！

刺身~新鮮!三文魚，油甘魚都好鮮甜欣賞佢地逐隻蝦清晒蝦腸的，非常細心巨型加大碼size海膽三文魚手卷~

0

上枱時真係個心離一離，因為真係好大舊，當然三文魚和海膽也是重量級的! 海膽出奇地鮮味，但以放題來說，真係唔敢食晒，怕食唔落其他野!!

壽司~不過不失
風頭已經被巨型海膽手卷蓋過去!炸物~金堆榴槤日式雙皮奶喜歡榴槤的必試，日式雙皮奶就似炸鮮奶，兩款係最特別的! 

蟹粥~甜又有蟹肉蟹粥係我最愛，凍凍地食了刺身後，要食返熱野暖下胃，休息一會係為了繼續食! 蟹粥有粒粒粟米，兜仔細細都有半隻肉蟹，我自己將肉拆絲混入粥內，感覺好溫暖

~海蜆面鼔湯蜆肉很多，豆腐滑，點了這湯我就放棄了清酒煮蜆...

清酒~

清酒任點! 細細瓶的上，香甜可口!甜品~雪櫃內有牛奶公司雪條自取，我就揀了百福豆腐花，迷你size!

環顧四周，很多一家大細三代同堂嚟食，老人家食火鍋，年青人食刺身，很有家庭感覺的小店，食物款式，質素都高，價錢又算抵食，對附近居民來說，真係一個幾好既選擇，慳咗全家人的交通費，食完又可以回家休息。真好!!

香港人興新鮮，普通打邊爐已無新意，最近就來了個蒸汽石鍋潮流。客人點了食材後，就可按預設時間自行蒸熟材料，即時享用，新鮮好味。由於都是蒸品，既不熱氣，也不肥膩，適合講究飲食健康的香港人。食材包羅萬有，有海鮮、肉類、蔬菜和米飯，豐儉由人，任君選擇。潮福蒸氣石鍋是這個蒸氣潮流的先鋒，有不少分店，今天就在籃田啟田商場的潮福試試。潮福在商場四樓，佈置簡潔，地方寬敞，屬一般酒樓格局。坐下點了惠州蒸手剁豬肉丸 ($78/6粒)、清蒸和牛 ($198)、蒜蓉蒸開邊龍蝦 ($98/隻)和雙腸糯米飯($198)。手剁豬肉丸夠大粒，手剁新鮮豬肉混上冬菇、馬蹄、果皮、蔥粒等製成肉丸，肉丸爽口彈牙，十分好味。清蒸和牛 (細)，一碟和牛切片上台，色澤鮮紅，賣相吸引，蒸約三至四分鐘，和牛片剛熟，肉鮮好味。跟上蒜蓉開邊蒸龍蝦 ($98/隻)，跟指示蒸 5 分鐘，充滿蒜香的龍蝦肉相當味鮮，百吃不厭。最後再來一客雙腸糯米飯 ($198)，剛蒸好的糯米飯配上鴛鴦臘腸，鴛鴦臘腸腸油滲透入糯米飯，即時飯香撲鼻，加上鴛鴦臘腸腸肉肥瘦適中，十分開胃。不過要$198一客，價錢稍嫌偏高。

藍田食肆不少，可是用心經營的寥寥無幾。最近，在啟田商場開了一間小店，店的招牌就只有 “盈風閣” 三字，沒有註明主要售那種食品，而裝潢主要是沿用前店的，實而不華。
店內只有六張小桌，每張坐四人其實有點擁擠。店家每天提供六款午市及晚市套餐，價格較實惠，由三十餘圓起至五十多圓。到重點了，其實店家是漁店直營，主要售鮮魚併飯，最近經常訪店，試過的馬友﹑青根﹑藍倉等均很新鮮，最出色的是魚湯飯，不含味精，說是魚湯飯專門店也不為過。支持小店，希望店家努力。

先前與朋友們吃過西灣河分店的潮福後一同叫好，及後惠顧了幾間蒸氣石鍋餐廳，但發現一般蒸氣石鍋，如要吃海鮮，亦稱不上豪食的話，每間的價錢其實相差不太多，基本上每位大約$300~$350。而試過潮福後覺得其水準真的不錯。最近得知藍田開了新店，由於地點比較就腳，是夜就決定近近地就帶家人一起再戰。餐廳在啟田商場，港鐵站沿電梯一直上就是了，非常便捷。甫入店，氣氛像酒樓一樣，除了蒸氣石鍋，亦可以叫小菜，望望周圍也是一家人大伙兒來到吃小菜。安排到一張大圓枱就坐，中間設有像草帽的蒸氣石鍋。餐牌價目表清晰，8時半前入座，蒸氣石鍋的食物全單打8折。只是望餐牌，睹不如還是親自到海鮮區選海鮮會更好。近門口位置，海鮮選擇琳瑯滿目，除了有貝類、生蠔、象拔蚌等，亦設有魚缸，內有多款生猛海鮮，點選後即揀即撈。記得印象最深刻及最美味的是日本大元貝皇及鑽石蜆，今次來到當然要Encore，只可惜鑽石蜆經已售罄，最後點了番薯蜆。「食唔食蟹? 今日好新鮮喎。」侍應即撈起一隻大大隻的紅蟹/$38兩。不過家人說對蟹一般，最後也沒點。小妹與弟弟最感興趣反而是鮮魷，望落大大條及新鮮，價錢亦實惠，只是$78一條。是日生劏大龍躉做特價，亦點一條試試吧。磅一磅，大龍躉重14兩，5人吃也應該足夠。點選過海鮮後，返回座位等食。由於有點餓，Baba就先點了一份化皮燒腩仔醫醫肚。化皮燒腩仔/$58，來到時微熱，外皮不算稱得上非常脆，但燒腩肉不算不太鹹，而且肥膏均勻，味道中等。這裡的服務不俗，全程侍應會自動自覺幫忙，不論將食物放進鍋內，或是分食物，也是做足全套。侍應首先處理新鮮排骨粥，將日本珍珠米、排骨及南瓜倒入石鍋的最底層，然後放上蒸爐架，待到最後才吃。首先是蒸番薯蜆/$128 (16兩)，大約有12隻，每人2~3隻亦綽綽有餘。番薯蜆肉大大粒，不過坦白說鮮甜度不及上次吃的鑽石蜆，但勝在有咬口及微彈牙。而番薯蜆外殼硬身，起初因未自動開殼，誤以為未熟，但奇怪已蒸了一段時間，最後發現原來部份已熟，是要自己打開。

至於鮮魷/$78條，切粒清蒸後鮮味十足，加上肉質彈牙，1條足夠5人分，非常美味且抵食。最期待的還是日本大元貝皇/$48隻，一人一隻，大約蒸4分鐘。日本大元貝皇絕不遜色，蒸過後貝肉白哲厚厚，依舊鮮甜，啖啖肉，加上加入生蒜及炸蒜一併蒸，令底會的粉絲更吸味，大力推介。14兩的大龍躉，厚切片後，剛好每人舊，加入薑一併蒸能癖魚腥味，大概蒸約6分鐘。蒸過後龍躉肉呈光澤，咬落軟腍，並散發少量薑的香味，最美味的莫過於近皮的位置，特別嫩滑加上肉質較為肥美及帶韌口，真的不錯。如手掌般大的美國石蠔，與元貝同價，同樣$48隻，不僅只是殼大，連蠔肉也是，大得一叉起幾乎滑出來，亦同時可見滲出大量精華。而蒸過後仍保持水份，食落肥美多汁，但鮮甜度較淡。蟲草花蒸新鮮雞/$148，蟲草花貴為中草藥，營養價值高，雖然味道比較淡，不過爽口，而一併蒸令鮮雞更鮮美可口。清蒸什菜/$78，以一籠奉上，內有菜心、芥蘭、金菇、娃娃菜，新鮮度大讚，且水份十足，蒸過後亦不會太老及變黃。最後來個新鮮排骨粥（細）/$60，全程蒸了逾1小時，雖然可見水份比較多，但仍不會太稀，口感綿滑，而排骨粥吸收了之前各海鮮味，味道帶微鹹及更入味。埋單前來個免費奉送的西瓜，有點起沙，非常甜，飯後吃最不錯。

全家亦飽得捧著肚子離開，吃了8款食物，加$12茶芥，每人只約$245，以蒸爐價錢而言，可算非常抵食。

食物的烹調手法五花八門，其中蒸煮係一個保留食物原味的最佳煮法之一！今晚就喺一間食店展開了這個原味之旅食店位於藍田啟田商場內，位置係十分方便，在藍田地鐵站上蓋，真係落雨都唔使擔遮果隻！門口都係一般海鮮酒家的格局，不同種類的海鮮像魚市場般排列在一起，食店地方還算寬敞，有一半的枱，中間都放著一個好似啲漁民戴的三角竹帽般的東西，這個就是今晚我們要試的主角，蒸氣石鍋蒸氣石鍋的食法，首先在鍋底放入珍珠米和水，亦可再加入一些材料，這晚我們選擇了排骨！之後就在上面通窿的盤上放入其他食材，喺蒸熟每一道食材之同時，過程中食物流出的味道亦會盡數被烹煮中的粥所吸收，最後煲起的那碗粥，就好像為你這個石鍋來一個總結！
喺點菜時，可能這種食法對很多人都比較陌生 (老實我今晚都係第一次試) 職員都會比一些小小的提議, 好像今晚，部長哥哥就提議兩個人，不能點太多款式的情況下，可以偏重多一點海鮮，原因係海鮮喺蒸的時候，水份會出得比較多，咁個粥就會較快入味！當上菜時，職員都會幫你把食材放人蒸鍋，然後鍋旁邊有一個計時器，因應不同食物較好須要的時間，客人們全程都不用擔心食物會否過熟，只須專心享用每一道食物的味道就可以了！
每一餐的第一道菜，係非常影響你整餐飯的觀感，在我來說，第一道菜好味，呢餐飯通常都會吃得開懷！今晚第一道菜，蟲草花蒸雞，是一個perfect start. 當雞蒸熟後，夾一舊，不沾任何汁醬，鮮味和肉汁完全保留到，仲有啲蟲草花同紅棗吸左啲肉味，我好少連配菜都清埋的。第二道蝴蝶蚌，我之前喺朋友屋企食過，肉質爽而鮮味，令我印象深刻。今次再食，第一舊如常不沾任何醬汁，鮮味依舊，個有點偏韌，因為之前太專注品賞道蒸雞，冇留意waitress 姐姐set 左蒸幾耐，一問之下，原來蒸了8分鐘，佢話呢個係公司set 下蒸蝴蝶蚌的時間，但實物驗證下，其實蒸6分鐘應足夠有餘！第三道，生蠔，我都係覺得蒸得偏熟，同蝴蝶蚌一樣，鮮味仍在，但肉質又有點偏韌！但其實都明白的，貝殼類喺食店角度係要小心點，一陣因未全熟而令食客出事，呢樣真係博唔過，比我係食店都寧願蒸多一兩分鐘買個安心！跟著的一道龍躉，是今晚繼蒸雞後另一令我非常滿意的菜，蒸起的魚非常爽口，亦很有鮮味，又是一道不用沾任何調味已滿足非常的美食！最後一道是和牛，可能之前那幾道菜都令我很滿意，相比之下，這個和牛就有點平凡，只能用不過不失來形容。經過咁多道菜，鍋底的排骨粥亦都煲好了，在蒸煮時食物的精華流入粥裡，呢鍋粥可說為整餐飯來一個總結！首先，可能蒸雞和牛的關係，粥面有蓋著一層油，想清淡點的可先撇走那層油，粥的味道很有鮮味，對我來說，不用加鹽已能吃到三大碗！今晚好多道菜我都沒有加任何調味醬，有時清清地去體味食物的原來味道都不錯！

餐廳名稱：意八餐廳
地點：藍田啟田商場2樓235號鋪
菜式：西式歐陸早餐
評分：9／10
份量：超出預計之內!
味道：深海魚柳夠香脆入味，配上獨特沙律醬汁實在美味。早餐配上煎蛋，香腸，茄汁豆，翠肉瓜，粟米及牛油厚多士，的確相當吸引。
價錢：$30連熱飲
評價：實屬意料之外，沒想過這樣的價錢有相當高的水準及份量，絕對夠飽。意八餐廳主打平價西餐，早餐價錢約$25～35左右，下午茶價錢大約由$20～$35左右，晚餐大約由$40～70左右。
平日一至五人流較少，星期六日假期的話等待時間大約10至25分鐘。

我認為海中之鮮的最佳吃法，莫過於清蒸，煎炒煮炸固然令其有不同風味，偶而轉轉口味無妨，但要嚐原味，簡單就是最好。

但說時容易蒸時難，時間要掌得準繩，否則浪費材料，今年初潮流帶來九層海鮮塔的吃法，我完全提不起好奇心去試，雖然理論由上層吃起，快熟耐蒸的時間可以調節，但又怎可以控制到不同客人進食的時間呢？反而，潮福首創的清蒸石鍋，不同海鮮個別蒸，客人可以自行控制時間，而且可以即蒸即吃，合理得多。 跟我意見相同的朋友可不少，潮福在這年，分店開了一家又一家，我這個聰明的消費者，知道藍田新店剛開有優惠，多走幾個地鐡站又何妨呢！8點半前光顧有八折，8點半後更有七折。 位於啟田商場的店，面積及裝潢皆如我們常見的酒樓，尤其如果沒有蒸爐的話，就是一般大集團的海鮮酒樓格局。踏入飯店，首先見到當然是海鮮魚缸，品種豐富，本地入口的亦有，大部分明碼實價，有特惠，亦有貴價的，視乎客人喜好。 也許知道客人喜歡搞搞陣，又或者了解某些客人嫌清蒸食品味道比較清淡，潮福備以多款醬油配料，如火鍋店般人客可以自己調醬，但體貼是有代價的，名茶醬油，每位$12。 原來食肆有卡位，而且靠近落地窗，可眺望商場，感覺開揚；長桌中央放了一個石鍋爐，類似滕織的三角形尖頂蓋子非常觸目；桌房有鋼架，可方便擺放碗碟食物；可容四人，我們二人坐得舒適。看餐牌，魚蝦蟹貝類海鮮選擇自不會少，原來肉類及小菜亦可以蒸；例如雞、排骨、糯米飯、勝瓜、雜菌等等。

吃清蒸石鍋另一特色是個粥底，可聚海鮮之精粹，只有三款粥底選擇，我們選了南瓜排骨粥。 大餐開始，服務員先送上粥底材料，然後落米又南瓜排骨，完全不需要加水，就蓋上一層蒸盆，而我們點選的海鮮就放在蒸盆上煮。 先吃番薯蜆，一斤十一只，建議清蒸時間5分鐘，其實自己無需動手，服務員全代勞，當然自己想話事亦可以。番薯蜆肥美大只，完全不用醃味，肉質鮮甜有彈性，最重要是熱辣辣，不會因為傳菜久候而誤了最佳品嚐時間，就是我們相機先吃也不弄涼餸菜，我真欣賞這款吃法。我自調的辣辣混醬味道不錯，醮少許味道更豐富。因為預先訂座，送2隻石蠔，並非十分大只，但肥胖脹卜，加了一些薑蔥同蒸有助僻腥，口感肥美。繼而是龍蝦，一只開邊二人分享，調之蒜蓉蒸之，更香甜惹味。花竹蝦一大只重八両 ($45x8)，我們今晚最奢侈的上品，果然肉厚鮮甜，有少許膏，啖啖滿足。 象拔蚌仔是晚優惠，才$68/只，兩人分享亦可，以蒜蓉粉絲蒸，肉質鮮嫩爽甜，回甘韻味不俗。最後來一道肉，蟲草花新鮮雞半只，想不到放在蒸盆上亦可以，蒸煮肉類的時間較長，建議九分鐘，看著等亦不無聊，閒談一回已經又有得食，雞肉嫩滑，雞不過肥，也許肥油已被蒸氣溶化。結尾當然就是這個粥，別以為顏色黃黃的是剛才雞油，其實是木瓜才對，這個粥味道比想像中清淡，並非火鍋湯底般肥膩濃郁，可能大部分材料皆是海鮮之故，吃真些，又真有一些鮮甜。八折後每人才$400元左右，吃海鮮吃到飽，幾合理，環境服務恰到好處，值得找個節日跟家人來聚聚。

聽朋友介紹潮福喺藍田開新分店有折扣優惠. 蒸氣石鍋八點半前入座八折, 八點半後入座就七折. 既然可以平食蒸氣石鍋, 就擇日豪食海鮮盛宴.

喺藍田地鐵站A出口不停搭扶手電梯直上到啟田商場四樓就見到酒樓. 由於入到酒樓剛剛八點, 可享八折優惠. 自問數口唔精, 叫海鮮都係叫明碼實價果啲, 冇叫斷斤或斷兩嘅海鮮.落單時侍應提示每位送一隻美國石蠔. 有免費海鮮當然欣然接受.

食蒸物前可先自己混醬, 我自己就揀咗蒜蓉芫茜青蔥加豉油, 太重調味會搶咗海鮮鮮味.

先上紐西蘭蟶子王, 叫得蟶子王件頭都有番咁上吓. 由於自己蒸嘅關係, 唔會好似一般酒樓咁臨上枱前淋啲熟油上面, 所以啲蒜蓉粉絲冇咁油膩. 蟶子肉質鮮甜爽口.南非鮮鮑魚味道同平時食開九孔鮑唔同, 鮮味略遜但件頭大隻, 肉質比較彈牙林滑. 蟲草花裝飾居多, 食唔到咩味.紐西蘭元貝又係好大隻, 個殼有手掌咁大, 肉質鮮甜美味, 食到一絲絲元貝肉.龍蝦特價98蚊一隻, 每人限叫半隻. 龍蝦雖然比較細隻, 但肉質都鮮甜彈牙, 唔錯.美國石蠔除叫咗兩隻另加送兩隻, 美國石蠔肉厚比較creamy, 啱怕食海水味重生蠔嘅我.平時食蒸氣石鍋最後通常都係南瓜排骨粥, 今次見到有蒜蓉肉蟹蒸糯米飯, 二話不說立即叫嚟試吓. 肉蟹同糯米飯份量都好大, 兩個人食有啲多. 肉蟹肉多鮮甜美味, 糯米飯因為有蒜蓉同蟹汁嘅關係, 咩調味都唔落已經好夠味.海鮮盛宴最後由清甜西瓜完結.

今日下午我們去咗藍田啟田商場嘅「海港酒家」飲下午茶！我們叫咗鮑汁鳳爪、肉崧蛋煎米鷄、XO醬炒蘿蔔糕、蠔皇叉燒包、翡翠筍蝦餃皇、水晶潮州粉果、養生棉花鷄同蟹籽燒賣皇！鮑汁鳳爪嘅鳳爪炆得好腍好入味，鮑汁嘅味道好濃郁！肉崧蛋煎米鷄嘅糯米煎得好香脆，口感好煙韌，餡料相當豐富！XO醬炒蘿蔔糕嘅糕面煎得好香脆，味道好惹味！翡翠筍蝦餃皇嘅蝦好爽脆彈牙！養生棉花鷄嘅魚肚炆得好腍同入味，鷄肉嘅肉質相當嫩滑！蟹籽燒賣皇嘅肉質好爽滑，味道亦好鮮甜！

餐廳名稱：意八餐廳
地點：藍田啟田商場2樓235號鋪
菜式：意式番茄芝士焗豬扒飯
評分：8／10
份量：適中，下午茶份量來說算是足夠及飽肚
味道：配料份量足夠，焗後芝士濃郁口感十足，豬扒厚度適中，肉汁口感不錯。番茄和飯配合得宜，值得一試。
價錢：$34連熱飲
評價：意八餐廳主打平價西餐，下午茶價錢大約由$20～$35左右，晚餐大約由$40～70左右。
平日一至五人流較少，星期六日假期的話等待時間大約10至25分鐘。

今日去左觀塘果邊做野，夜晚就坐地鐵去隔離藍田啟田商場既潮福。地鐵站A出口直行上三條電梯就到啟田商場。潮福系四樓，地方好大，真系唔怕冇位坐。夜晚主打都系食蒸氣海鮮，所以每張枱都有個大草帽蒸爐。可以出去門口果邊揀海鮮，即場秤埋幾重，任意揀選最合心水既游水海鮮。醬油區可自選醬油配料；由於之前食過，所以都攞定芫茜，蔥，蒜蓉同大頭菜粒最後加落排骨粥一齊食。花竹蝦$45/兩，好彩有八折我先食，如果唔系就真系太貴。魚缸入面果D隻隻都有成4-5兩重，我唯有夾硬叫佢秤啲細隻d，5兩/2隻花竹蝦。花竹蝦鮮甜，肉質爽口彈牙，而且蝦頭先系精華，金黃色既蝦膏甜而不澀，相當甜美。花螺要點半斤起，花螺隻隻新鮮，螺肉爽口；58蚊既大連鮑魚比起68蚊既南非鮑魚細隻少少，肉質仲冇甘嫩滑同厚肉；相反南非鮑魚更有口感同更好食。大閘蟹只系68蚊一隻咋，但要蒸成10幾分鐘，等候既時間比較耐。大閘蟹好多膏，一打開蟹蓋仲整到成隻手都系，蟹膏非常非常鮮甜，蟹肉亦是，真系幾正，68蚊一啲都唔貴，但食果時比較曬時間。之前食過美國石蠔要48蚊隻，覺得特別鮮甜好食，今次28蚊隻，諗住甘抵食多隻啦。點知原來甘細隻，兩隻先等於之前食既一隻。雖然味道都系差唔多，但就唔抵lo真系。蟲草花蒸雞差唔多每一枱都會點架喇，系必食甘濟，148蚊半隻，兩個人食其實都有啲多，最後我地仲擺左啲去煲排骨粥。雞肉好滑好有雞味，而且有好香既紅棗甜，就甘食已經唔錯。排骨粥都系必點既一樣野，因為系蒸海鮮果時滴落煲底既海鮮肉汁會令成個粥更加甜，但記得最後落埋芫茜，蔥，蒜蓉同大頭菜粒落個煲到，會令成煲粥更加香，更好食。新張期內食海鮮仲有八折，兩個人先系800蚊，冇八折既話就真系會肉赤。呢度既海鮮質素都算優質。

今晚約了小璋吃海鮮，他慶高彩烈地對我說蓝田的啟田商場又開了一間潮福，他剛加了人工，當然第一時間和我這個彩虹為食妹去吃海鮮!海鮮真的很新鮮，我們叫了龍蝦，元貝，大蜆，南非飽魚，蒜蓉勝瓜，蕃薯蜆，肉蟹蒸糯米飯，惠州蒸手剁豬肉丸!我覺得超級有趣，是自己猶如一個小廚可自由調教時間，而且單子中例明每一項的蒸爐時間龍蝦新鮮好味，有蒜香很鮮！惠州蒸手剁豬肉丸，好有口感因為全人手剁，感覺不錯！蒜蓉蒸蜆要了一斤，份量很夠，也很鮮甜，一下子我們也吃光光了！左蟲早花蒸鮑魚，很大，也很有口感！蒜蓉勝瓜超級清而且有蒜香，是吃海鮮中最佳的伴菜，清新且健康，我真的很喜歡！最後的花蟹糯米飯恰到好處，新鮮而且膏很紅，勁鮮甜，小璋把一個蟹蓋送到我面前，真乖，下次要到我請他再吃海鮮了！

 

上星期與友人放工後到藍田探望長輩後, 回程經過啟田商場時, 看到宣傳海報, 原來潮福石鍋店剛在這商埸開新店, 新張還有折扣和免費帶子送, 於是我們便決定在此吃過晚飯才回家.晚飯時段, 可能是新張關係, 食客不多, 只有約三分一滿. 石鍋店分開兩邊, 一邊是普通酒樓晚飯, 另一邊則是吃蒸氣石鍋, 明顯酒樓晚飯的枱子較蒸氣石鍋的多. 
我們安坐於卡位後, 侍應便上前招呼開茶, 並提醒我們可以海鮮格去挑選海鮮. 當晚的海鮮種類也多, 一般的元貝、蠔、鮑魚、蝦、魚、蜆、蟹等等都有, 還有好幾種沒有見過的貝殼類! 
友人與我都是海鮮迷, 所以點的都是海產, 另加細排骨粥.紐西蘭蟶子 ($48/隻)
蟶子以粉絲托底, 配蒜茸蒸.  蟶子肉爽口又味鮮;  加上蒜茸香味, 當然好吃. 日本元貝 (免費贈送): 雖然是餐廳贈送的日本元貝, 但也"見得人". 元貝頗大隻, 肉質鮮甜, 絕對是抵食. 美國石蠔 ($48/隻): 自從吃過美國石蠔後, 一試鍾情, 以後凡吃蒸海鮮, 它都是必點食物!  蠔身飽滿大隻, 肉質嫩滑多汁, 味道鮮甜又不腥.龍蝦($98/隻): 友人愛吃龍蝦, 不過每人限叫半隻. 加了蒜茸的龍蝦比之前吃的細小得多, 只是比大蝦大一點, 而且龍蝦味道較淡. 幸好龍蝦肉質彈牙, 啖啖肉, 也頗新鮮.蝴蝶蜆 ($94/半斤): 被它特別的外型吸引, 而且侍應說可以只點半斤 (不少店必須要點一斤或以上), 即管點來試試. 它的肉質爽身而彈牙, 鮮甜味尚可, 不過價錢較貴.南非鮑魚 ($68/隻): 鮑魚不算大隻, 但肉質鮮甜而不韌, 吃起來還有點溏心感覺, 意外地好吃!!!薑汁酒蒸花膠筒 ($128): 花膠筒份量多, 不過吃起來沒有薑汁味, 也沒有酒味, 反而味道有點腥, 是全晚最失望的一道.新鮮排骨粥($60/細): 跟之前吃過的排骨粥一樣, 煮出來的粥底偏杰, 像潮州粥. 這個粥一點也不油膩, 排骨不算肥, 但海鮮味仍舊吃不出來.

食物水準平均不俗, 很新鮮. 這裡的員工服務態度也不錯, 會主動收碟和幫忙蒸食物. 埋單還有八折, 很抵吃呢!

搬家離開藍田區差唔多成年，今次再番黎見到D食肆有成差唔多一半唔同左，而啟田商場既四樓亦由之前傳統酒樓變左近期hit到爆既蒸氣石鍋！

酒樓格局為一半小菜一半蒸氣石鍋。是晚適逢「中港大戰」，細心既老闆非常識做，搭正八點全場轉台作現場直播。雖然只係weekdays，但全場幾乎全滿，蒸氣石鍋果邊更加係一張枱都冇，所以想「play safe」食石鍋既朋友記得book定枱先呀！調味醬料非常齊全，有成最少十幾二十款，花生醬、沙嗲醬、 XO醬、甜醬、炸蒜蓉、辣椒、菜甫等等，任君選擇！新鮮排骨粥 (細): 亞姐首先會將生米、排骨同埋南瓜放入最底既鍋。一開始我都覺得奇怪，點解唔洗加水既？原來枱底下面係有水樽既，水會自動喺蒸氣石鍋既中間位置噴出黎，夠晒gimmick！蕃薯蜆 (斤): 店長果然冇介紹錯，蕃薯蜆非常新鮮，一斤約有12隻左右，全部開口之後都真係幾壯觀呀！不論大細，口感一律非常煙韌有嚼勁，殼內亦殘留左美味既肉汁。蜆唔太鹹卻喺入口時有爆水既口感，非常有趣！生猛龍蝦 (隻): $98大元一隻既Special。Size方面雖然唔算係好大隻，但加埋D蒜茸一齊蒸之後令到入口時肉質彈牙不特止，重食到龍蝦既鮮味添，其中一雙仲有橙色嘅蝦膏添啊！象拔蚌仔: 雖然D肉細咗少少，但肉質尚算煙靭軟腍同富彈牙，整體感覺唔錯，而海水味亦係眾多海鮮中最濃，令我更加其待果煲粥底！日本大元貝: 免費既大元貝放喺蒸氣鍋上面蒸熟後十分有睇頭。因為有殻既保護，大元貝既肉汁蒸完後仍得以保存。除了肉質鮮嫩之外，元貝殼上既汁撈埋D粉絲真係鮮甜到「無與倫比」！順德蒸污糟雞 (半隻): 污糟雞既size約為一口雞咁上下，但每粒加埋都有成半隻雞咁多。雞肉醃得很入味，九分鐘呢個時間set到啱啱好，能夠做到雞皮微黃不油膩但肉汁卻可鎖在雞肉中，非常嫩滑。清蒸四寶丸: 四寶分別係蝦丸、牛丸、魚滑同墨魚滑。因為每樣只得兩粒，但我地有3個人而又想每樣都試D，所以我地唯有逐粒切開。店員見到就跑去攞較剪幫我哋剪，非常細心值得抵讚！蒜茸蒸勝瓜: 鋪滿晒成個蒸籠既勝瓜多得非常誇張！蒜蓉加勝瓜呢個組合令整體感覺非常鮮甜，作為當晚既wrap up真係非常完美！唔駛講海鮮粥係當晚既精華所在。經過海鮮、肉丸及雞等等既「試煉」之後，所有精華回流返到鍋底，形成一鍋鮮甜既粥。粥裹面加左南瓜同排骨，令到粥既鮮味更突出，非常之正，連平時唔食粥既我都食左兩大碗！不過，我覺得水既份量好似少咗D，但亞姐話可能因為我地食得太快，如煮最少一個鐘以上會更加好，記住留意呀！因新張酬賓既關係，是晚全單8折，八點半後更加有七折添！現場所見都有幾多人食小菜果邊，下次有機會一定要試下果個自選孖寶餐先！

藍田啟田商場海港酒家. 我地都經常會去飲茶及晚飯. 一向都覺得這間酒樓不過不失的. 但他們現在有新嘗試. 就係蒸氣石鍋. 適薘大老爺生日. 就去試吓啦! 去到發現跟另外的酒樓有不同. 就係個石鍋. 有大部份酒樓都是用藤蓋的. 但海港酒家就用一個透明玻璃蓋. 見到之後就已經覺得今餐會出問題啦!點解我會咁講. 因為透明玻璃蓋是會有倒汗水流返落去個粥底. 而另到成個粥變希. 但如果是用藤蓋的話. 就會把蒸氣的倒汗水吸收. 如果有去食過其他酒樓的蒸氣石鍋就會明白我講的意思. 仲有一個問題就係, 大部份職員都未能熟識操作爐具. 每款海鮮需要蒸多少分鐘...真係....唉...

波士頓龍蝦, 正常嚟講係一開二的. 但他們就將龍蝦碎上. 買相真係唔得. 好彩有鮮味攞分. ($108一隻, 蒸5分鐘)安格斯肥牛, 真係好搵笨. 只有10片左右, 每片都只有半張身份証大. 而且沒有牛肉味 ($88一份. 蒸2分鍾)鮮甜沙白蜆. 話就話一斤, 但肯定冇一斤. 大概只有半斤多少少. ($78一份. 蒸三分鐘)泰國肉蟹, 不是太大隻, 但都可以接受, 同樣都係斬到碎晒. ($78一隻. 蒸四分鐘)金銀蒜蒸鮮元貝, 中size. ($88四隻. 蒸4分鐘)南非十頭鮑. 這款要大讚. 因為大大隻. 而且好有鮮味. 又彈牙. ($38一隻. 蒸5分鐘)鮮排骨粥. 這個粥有小插曲. 話說一開始就已經放了米/南瓜/鮮淮山/白果在鍋裡面. 但到我們跟職員講. 叫他們把蒸架拿起, 我們食粥. 點知有位高級經理攞住一碗生米二話不說就倒咗落去一鍋原本已經食得嘅粥. 叫都叫唔切. 最後當然要再白等45分鐘個粥先食得啦. 不過錯有錯箸. 就係因為沒有用藤蓋. 所以倒汗水入晒鍋粥而變希. 好彩個高級經理送錯米. 所以令到鍋粥非常美味及正. 紅棗糕. 係高級經理為咗要我地呆等45分鐘而送比我地食的. (不過都係我地要求先有. 原本要求要馬拉糕. 但沒有, 所以變咗紅棗糕.