更多
2015-11-21
513 瀏覽
搬家離開藍田區差唔多成年，今次再番黎見到D食肆有成差唔多一半唔同左，而啟田商場既四樓亦由之前傳統酒樓變左近期hit到爆既蒸氣石鍋！酒樓格局為一半小菜一半蒸氣石鍋。是晚適逢「中港大戰」，細心既老闆非常識做，搭正八點全場轉台作現場直播。雖然只係weekdays，但全場幾乎全滿，蒸氣石鍋果邊更加係一張枱都冇，所以想「play safe」食石鍋既朋友記得book定枱先呀！調味醬料非常齊全，有成最少十幾二十款，花生醬、沙嗲醬、 XO醬、甜醬、炸蒜蓉、辣椒、菜甫等等，任君選擇！新鮮排骨粥 (細): 亞姐首先會將生米、排骨同埋南瓜放入最底既鍋。一開始我都覺得奇怪，點解唔洗加水既？原來枱底下面係有水樽既，水會自動喺蒸氣石鍋既中間位置噴出黎，夠晒gimmick！蕃薯蜆 (斤): 店長果然冇介紹錯，蕃薯蜆非常新鮮，一斤約有12隻左右，全部開口之後都真係幾壯觀呀！不論大細，口感一律非常煙韌有嚼勁，殼內亦殘留左美味既肉汁。蜆唔太鹹卻喺入口時有爆水既口感，非常有趣！生猛龍蝦 (隻): $98大元一隻既Special。Size方面雖然唔算係好大隻，但加埋D蒜茸一齊蒸之後令到入口時肉質彈牙不特止，重食到龍蝦既鮮味添
搬家離開藍田區差唔多成年，今次再番黎見到D食肆有成差唔多一半唔同左，而啟田商場既四樓亦由之前傳統酒樓變左近期hit到爆既蒸氣石鍋！酒樓格局為一半小菜一半蒸氣石鍋。是晚適逢「中港大戰」，細心既老闆非常識做，搭正八點全場轉台作現場直播。雖然只係weekdays，但全場幾乎全滿，蒸氣石鍋果邊更加係一張枱都冇，所以想「play safe」食石鍋既朋友記得book定枱先呀！
調味醬料非常齊全，有成最少十幾二十款，花生醬、沙嗲醬、 XO醬、甜醬、炸蒜蓉、辣椒、菜甫等等，任君選擇！
新鮮排骨粥 (細)
$60
43 瀏覽
0 讚好
0 留言
蕃薯蜆 (斤)
$128
35 瀏覽
0 讚好
0 留言
生猛龍蝦 (隻)
$98
22 瀏覽
0 讚好
0 留言
象拔蚌仔
$78
38 瀏覽
0 讚好
0 留言
日本大元貝
44 瀏覽
0 讚好
0 留言
順德蒸污糟雞 (半隻)
$148
29 瀏覽
0 讚好
0 留言
清蒸四寶丸
$98
24 瀏覽
0 讚好
0 留言
蒜茸蒸勝瓜
$78
17 瀏覽
0 讚好
0 留言
唔駛講海鮮粥係當晚既精華所在。經過海鮮、肉丸及雞等等既「試煉」之後，所有精華回流返到鍋底，形成一鍋鮮甜既粥。粥裹面加左南瓜同排骨，令到粥既鮮味更突出，非常之正，連平時唔食粥既我都食左兩大碗！不過，我覺得水既份量好似少咗D，但亞姐話可能因為我地食得太快，如煮最少一個鐘以上會更加好，記住留意呀！
因新張酬賓既關係，是晚全單8折，八點半後更加有七折添！現場所見都有幾多人食小菜果邊，下次有機會一定要試下果個自選孖寶餐先！
張貼
