要吃法式牛扒餐，除了La Vache和 Le Relais 兩所由外國人引進香港的店，必提的還有「混血兒」路線的W's Entrecote，是港人老闆在九十年代開的，他更是那年代首位港人拿到法國藍帶資格。這家比前兩者還要早在香港立足，當年跟Amigo 和Gaddi's 一樣，進這種餐廳有一定的dress code，來過用餐是一種身分象徵、一種豪氣霸氣的呈現。現在比這裡用餐貴的地方多的是，不過二百多吃一個牛扒餐仍算是中等偏高的價位。可惜，有錢一樣未必再吃得到，這店要在四月中結業了。告別前來支持一下，職員說還未有重開的決定，將來還是一個未知之數，好比光榮謝幕、未知去向的薯片叔叔。港人班底炮製的法式牛扒，至少比那家法國過江龍好吃得多。本土貨色，不一定遜於來佬的。港式獨有的味道，不在於和暖木色的氛圍，而是多元化的餐牌；除了牛扒，還有其他肉類和海鮮可選。港人就是要新鮮感和多選擇，還記得看過報導說兩個台灣人來港開店，只賣捲餅和三文治，結果生意淡泊，最後變成一家全面的台式小吃店才生存得到，或許我們給縱壞了。前菜是沙律或湯，其實選湯是比較划算。青雜菜沙律的份量不多，只是幾塊菜葉撐起不實在的小山丘，真的只是兩三口就吃得完。跟的是「W's 洋醋汁」和合桃，汁的酸甜度不錯，但灑得不多，亦難掛在菜葉上作提味之效。沙律的實力上，遜於其他法式牛扒店。不加錢也有湯品，但加$10 的龍蝦湯就相對更值。 忌廉沒有雅緻的打個勾形，但帶出恰如其分的柔滑口感。龍蝦湯的鮮味突出而不浮華、不過鹹。配以香脆的麵包吃著喝著，那鼓遂咽喉而下的鮮甜暖流，是僅多付$10的享受。馳名炭燒肉眼扒 (4oz)四安士的牛扒，相信未能令牛魔王滿足，不過對比晚市（雖較大份量但是貴得多），還是午市划算的，就當貴精不貴多的小享受。不夠滿足，可以添薯條，但有心加薯條的話記得預留些少醬汁屆時蘸著吃。空口吃不是問題，但蘸這個獨一無二的神秘醬汁更是一絕。煎得完美、肥瘦適中、微帶脂香的牛扒，合乎所要求的medium rare；棕色的表面呈現著網格狀的焦紋，全熟的表面僅是一兩毫米之厚，之下便是胭紅但無血水滲出的鮮嫩肉質。如果跟La Vache 比，友人說La Vache 的焦香和醬汁做得較好，不過牛扒肉質卻比不上；我平心而論的說，焦香和醬汁不是好吃牛扒的全部或是最重要的取決因素，還是牛扒有麝自然香來得重要。順帶一提，牛扒雖不是以燭台烘著的銀盤呈上，但碟還是溫熱的，能有一定程度的保溫，但當然不及銀盤的效力。沒有公開配方的神秘醬汁，帶著香草和牛油的韻味。本身已是牛味甚濃的牛扒，蘸著醬汁吃是有點睛之效。寧不吃快餐店的，但必吃這裡的薯條。炸得不油膩固然好，但這裡的特別之處是用上偏甜的新薯。粉感不高，偏甜的特質令油膩的口感大大減低。最後以一件不用加錢的藍莓慕絲蛋糕和餐茶作結。餐廳都快結業了，食評不就是沒參考價值了嗎？自己喜歡便好，我一小時的寫，店家卻是廿四年的堅持，相對這樣皮毛的撰文時間，就當時給餐廳打氣（和集氣？）。職員笑著所答的去向未明，好比薯片叔叔的敗選台詞，撇下瀟灑的一句，有緣江湖再見。

第一次黎呢間來佬餐廳，入到去環境算唔錯，職員服務態度良好，仲同我地介紹佢地新推出既齋菜系列。我同朋友二人心諗呢排巴西肉咁hit，一於就點左佢地既素豬扒飯同素乾炒牛河。大概5-10分鐘食物就到，豬扒飯食落同真肉都幾似，尤其個蕃茄汁好好味，焗得亦幾好，而個牛河職員就話用甜豉油代替原本既肉汁，味道不錯，d素牛肉都ok！份量適中，lunch跟咖啡或茶，埋單大概一人一百蚊，中環lunch算係咁啦。
期待下次試吓佢地其他非齋菜式，好玩在佢地有真肉豬扒飯同牛河，想比較吓，可以覆桌！😁

之前睇飲x男女介紹過。响附近做完野去試。

抱著雜誌介紹唔會雷得去邊，一試無妨。

去到泊車要泊兩條街街尾。不知道係咪星期五?因為話好方便d客得登駕車入去食。

星期五夜晚諗著一定多人又雜誌介紹過，可能要等，吖又唔洗。得二張枱有人。諗著早但已經八點多。

我同fd兩個人淨係叫咗煲仔飯，報導介紹過的生炒骨同乳鴿。個伙計係女仔嚟超串好無禮貌:[三樣餸咋?]好不悅的眼光。仲行𨍭半同其他伙計講xx三樣餸就唔入嚟食啦。有d不過可能好食。d伙計服務差
先講煲仔飯少飲焦同超乾水同d飯唔軟熟雞唔嫩。同廟街比差天共地冬菇亭仲好過佢囉。到招牌生炒骨⋯⋯汁濕濕地唔結身又唔脆口屋邨洒樓水凖。到乳鴿係超級乾好乾。

我同我d同事傾我地有個foodie group chat 個個話中伏。中環來佬乳鴿都係收八十幾咋ma。賭王仔，阿王都去幫襯。唉，雜誌的介紹依家越嚟越公關技術。我唔會再去亦share俾人知。依間野就算食物質素其次，服務態度真係好差咁樣serve 人。唔怪知得無客

XO仔每年牛一都會慶祝成個月，今年仲誇，因契妹下週將離港返鄉，未能出席生日派對，週三晚就提前成個幾月為小肥契哥預祝壽辰，地點就揀喺其住所側旁新開不久o既「Locanda dell' Angelo」。只做晚市o既小店於跑馬地一條橫巷尾閃著燈火，不難找到。店子並無花巧o既裝潢，除咗牆上掛出幾幅畫品之外，就只有落地玻璃身後o既洋酒及鮮紅色o既火腿機點綴。店內只有二十多個座位，前方一列四人方形枱。中間以幾張二人枱分隔。後方位置則擺出可合併成多人枱o既長餐桌。據悉，主廚Angelo Agliano先生對出品要求極高，所有意大利粉及意大利飯菜式均由其親自烹調。為求可同時跟食客近距離接觸，其廚房工作坊就專登以雲石綑邊，砌出光鮮開掦o既大舞台。師傅用上多國入口o既鮮材，以確保菜式水準高企，其煮食理念為貴精不貴多，故皮套餐牌內亦只有簡短兩頁。兩口子被安排入座開放式廚房後方o既一張小圓枱。契妹為小肥契哥慶生，埋位即開咗樽汽酒「乾一杯乾一杯恭祝友誼」。。。點好菜，身穿西裝o既哥哥先送上竹籐麵包籃。籃內共有三款包品，由面至底分別為蕃茄包、燕麥包及水欖包。麵包暖手軟熟，清香輕巧。接著，晚餐就由免費贈送o既餐前開胃菜「蘭度豆湯」作序。質感柔滑o既「蘭度豆湯」極之暖胃，撈入埋球煙三文魚碎飲用更為鮮潤醒神。Carpaccio di Manzo classico con Rucola e Parmigiano, salsa leggera alla mostarda - Beef Carpaccio with Arugula & Parmigiano, light Mustard sauce（$178）：底層鮮紅色o既生牛肉片切得好夠薄身，而且質感潤澤，連同芝士及火箭菜食又能增添爽脆惹味，可謂色香味俱全！La Ricotta speziata al forno con verdurine e Balsamico invecchiato – Baked Ricotta with five Spices, Vegetables and Aged Balsamic 20 year（$188）：契妹大讚芝士濃而不俗，連配菜都鮮美過人，仲話食得出係來佬貨添！Spaghetti “Mancini” all Aglio, Olio, Peperoni Secchi e Bottarga di Branzino di Lenza – Spahgetti “Mancini” with Garlic, Oil, dry Bell pepper and Seabass Bottarga （$248）：二人應經理哥哥推介，叫咗一客醃鱸魚魚籽意大利粉及一客海膽意大利飯黎分。前者意粉麵條煙韌彈牙，混入醃鱸魚魚籽煮製意外地咸香豐腴得黎一啲都唔腥。Risotto mantecato con I Ricci di Hokkaido, Wasabi fresco e Erba Cipollina - Hokkaido Sea Urchin risotto with fresh Wasabi and Chives（$328）：金黃色o既意大利飯肥潤有嚼口，飯面o既北海道海膽更加係幼嫩滑溜，鮮香甜美。雖則話內含山葵，但完全唔辣唔攻鼻，推介時哥哥形容此道意大利飯菜式為「宇宙最強」，當真絕無誇張！Vovo Barzotto con Funghi Misti, Scalogno e Tartufo nero – Soft Egg with Mixed Mushroom and Black Truffle（$348）：上枱時已見碟面舖滿黑松露薄片，震撼非常！切開中間隻流心蛋，鮮黃色o既蛋黃即流進菇菜中。主菜用上BB菠菜墊底，香嫩而不嚡脷，將流心蛋混入香軟o既雜菌及脆巧o既黑松露一齊食，口感又脆又滑，口腔更溢滿芳香，松露迷真係咪走雞哦！Carre d’Agnello cotta all aglio e timo con Spinacini saltati e Polenta al Taleggio – Roasted Baby Lamb chop from New Zealand with Spinach sautéed and Polenta（$388）：三成熟o既BB羊架色澤紅潤，厚而鬆軟，加上毫無羶味，不需多點醬汁已夠美妙可口。Macedonia di Frutti freschi con sorbetto ai Lamponi - Fresh Fruit salad with Raspberries Sorbet（$88）：比小肥更講求健康o既契妹揀食生果作甜品。Tiramisu servito nel bicchiere al Caffe ghiacciato – Tiramisu served in tumbler glass with Coffee Ice（$118）：每日最少飲三杯咖啡o既XO仔身體可以話係流著咖啡血，甜品唔洗多諗即選「提拉米蘇」配「咖啡冰」。以透明圓杯承載o既「提拉米蘇」極其幼滑軟綿，微甜且不溜滯。小杯中o既「咖啡冰」則清新又清涼，比起食雪糕可以話係輕盈健美得多！飯後再黎杯醇美o既特濃咖啡，腸胃也特別滿足！為怕餐廳奉送o既美點雙輝內含果仁，細佬決定留俾契妹一人獨享。藏於跑馬地巷尾o既「Locanda dell' Angelo」由西西里名廚Angelo Agliano先生主理。只做晚市o既小店於世界多國選購食材，菜式質高味美，名菜北海道海膽意大利飯更屬超水準之作，難怪新店開業數月，身邊已有多位親友陸續推介，小宇宙之強，實不容忽視！

每年的3月份是一年一度的香港藝術月，城中會舉辦多個本地及國際藝術活動，藝術氣氛特濃。不少餐廳亦會趁這段期間推出與藝術相關的餐飲活動/優惠，而其中一個最吸引我的，就是蘭桂坊的「Savouring Art」。Savouring Art來到2017年已經第二屆了。這年的主題是「Colour of Ingredients」，有12間位於蘭桂坊及加州大廈內的餐廳參加，當中有西班牙菜、中菜、意大利菜、日本菜、韓國菜等等。各家餐廳都特別為Savouring Art 2017推出只限經FeedMe Guru肥美達人網頁或手機app預約訂座的特別menu。4或5道菜的菜單定價由每位$380至$698。這晚我們便上網預訂了大官廳，Savouring Art四道菜連一杯雞尾酒的嚐味套餐 (每位$698)。沿著鏞記，經過來佬餐廳，在快要到達石板街前便會遇上大官廳。地舖是高樓底酒吧（目前正有全日買一送一優惠），而樓上的2層都是中菜館。大官廳裝修清雅簡約。空間感與樓底雖然不及地鋪酒吧，但好在枱與枱之間空間不算太逼，用餐氣氛頗為輕鬆自在。Savouring Art嚐味套餐的第一道菜是一客4款涼菜小食的「一品頂戴頭拼」。視覺效果最wow的，就是這煙霧瀰漫的川味迷你八爪魚，大家立即忙著先讓相機食先 這迷你八爪魚與青芥末紅海蜇頭，前者麻辣軟嫩、後者爽口兼帶嗆鼻的芥末香，都很醒胃醒神。而蒜泥黑豚白玉卷和日本黑鑽蒜香溫室小青瓜，2款蒜香涼拌開胃清香。第二道菜是鮮茄藏素珍。大番茄內釀了素菜，再浸在青瓜絲清湯，無論賣相與味道都清雅，味道清淡而不寡。接著就是彷如新版懷舊菜金錢雞的大官烤雞卷，以一層薄薄青瓜片卷著甘香的烤雞卷。吃起來多份清新、少份邪惡感。第四道菜是金腿瑤柱蛋白炒養生米。飯粒炒得香噴噴、粒粒分明，而且加入了紅菜頭汁。賣相與味道都很美的炒飯。這嚐味套餐還有包括一杯藝術同音的雞尾酒YISHU。入口酒精濃度適中，青瓜、番茄香平衡，清香易飲，甜度適中。這夜各道菜都以天然健康食材為主，加上少油少肉，大家吃完都飽得舒服，感覺良好～

入到馬灣就搵食為先

落車見到呢間隱藏民居既cafe

見餐單幾吸引就入去試下有好多homemade麵包同muffin可以賣仲有好多外國黎既產品

好似果醬，裝飾品

最吸引係朱古力

老闆娘介紹係Godiva既前原廠出品

之後先再加以改良變成而家既Godiva美式肉餅蛋法國奶油麵包($45)

中間層厚肉係土耳其空運到港

勁厚之餘仲唔乾

煎到油份出哂黎加上蛋汁

食完一啖又一啖蜜汁火腿芝士飛碟($25)

香脆既外層加上超濃芝士全店只有3個bar枱位

小店就係可以同老闆傾下計

介紹下馬灣隱藏既一面好風景店名: Tablis Cafe

地址: 馬灣珀林路47號地舖

中西合璧嘅lunch set永遠都令我三心兩意，唔知揀邊樣好⋯所以最好都係叫多啲人一齊嚟，就咩都可以叫哂嚟試啦！安格斯牛肉漢堡配薯菜$128，漢堡賣相討好，麵包夠新鮮同漢堡飽滿有厚度。漢堡juicy，有牛肉味，配上即炸薯條同沙律菜，唔錯！香煎鯛魚伴串燒牛柳$138，份量好足，鯛魚柳厚第啖啖肉，醬汁惹味，牛柳很腍，沒有燒得過熟自選點心3款每款兩件配梅菜肉餅蒸飯$128。黑松露上素餃，松露味突出，皮薄，有滿滿的什菌餡料。燒賣和蝦餃真材實料，豬肉爽口，蝦肉彈牙。梅菜扣肉飯，很大盎，肉餅很厚調味不算濃。來佬午市價格偏貴，但食物質素有保證，約埋friend或同事來個happy Friday lunch 都係個唔錯嘅選擇

就嚟到新年啦，我哋一班女同事想搵個好地方慢慢享受一個美好嘅lunch，上網見到來佬餐廳價錢係中上，而且價錢唔係話特別貴，坐得又舒服又可以傾吓計，我哋一行就有九個女仔。

因為之前上左OR睇日本餐廳, 再加上冇幾耐之前無記又介紹工廈食品, 有D興趣走去工廈試下係咪真係甘特別, 之後就打去和藏BOOK個時間就沖上去食啦, 仲要個價錢唔係幾貴, 用既野差不多都係來佬貨(日本進口)

果日7點半就拿拿林衝上去, 免得遲到比人CANCEL左個BOOKING~

個門面真係幾令架, 似去左日本既餐廳其實我一早係OR睇左個餐牌, 提早就落左ORDER

C餐 $388/位

清酒煮南非六頭鮑魚

芝士焗波士頓龍蝦

北海道洋蔥煎小牛排(60G)

北海道3.6鮮奶蛋白燉燕窩

(加上每位半自助餐形式)

我當時又係果句, 衝出去睇下有咩食

不過太多人我唔係幾好意思影人食相, 哈哈, 我只係影左當中少少既食物, 因為都唔係主菜~當我拎好野食番位冇幾耐之後, 主菜竟然出場, 仲快了吧!!!

竟然連埋個爐一齊上, OMG我都有少少嚇親, 因為多數都係整起比客人, 反而非常有新鮮感!!

開爐冇幾耐D牛就開始熟啦, 當然自己要出手去炒炒佢,免得濃哂!!

第一口牛肉, D牛脂肪會肥但係一D都唔感覺到膩, 係好滑同爽口, 加上蒜既醬汁, 醒神!

北海道洋蔥煎小牛排(60G)當然食過唔同既鮑魚煮法, 最清最爽口一定係清酒煮

大家唔好以為佢清酒煮就會好濃酒味, 佢有少少既清酒味, 清醇唔會醉! 加上鮑魚爽口彈牙又唔"奀",加上少少豉油已經帶出到鮑魚本身既鮮味

清酒煮南非六頭鮑魚之後就黎我最愛, 就係芝士焗大大隻龍蝦!!, 我雖然冇尺, 但我用手量過隻龍蝦, 真係有手掌上大隻, 芝士曬哂係誌蝦面上, 逛落賣相已經夠哂吸引~ 加上香濃既芝士香味&龍蝦鮮味, 一入口龍蝦肉鮮, 又多肉又彈牙, 唔似死左一段時間既龍蝦有陣"梅"味, 加上重芝士味!!

芝士焗波士頓龍蝦咪住先, 係咪差唔多上齊哂野? 你諗少左啦,哈哈

佢仲附送左

你以為係三文魚鰭就會好小肉? 真係估你唔到, 三文魚肉超多, 仲要好滑又鮮甜 , 真係啖啖肉!

燒三文魚鰭仲有仲有

我竟然一開始唔知呢舊係咩黎, 之後比朋友點醒左係面包,哈哈

外面真係脆到爆一芝士仲要熱辣辣, 可以拉到絲, 興奮到爆, 再加上煙肉既香口, 配合埋一齊又唔覺得煙肉會油, 真係好食!!

車打芝士培根脆件黎埋個甜品啦, 最後我都唔係幾想食太濃味既甜品, 因為都幾飽下, 幸好鮮奶蛋白燉燕窩唔會太重口味, 配合到我當時既想法, 最簡單既奶味同淡淡蛋味, 已經好滿足~

北海道3.6鮮奶蛋白燉燕窩

十年前睇信報, 已經讀到唯靈先生介紹這間富豪開的私家飯店, 今天終於第一次親臨, 門口外觀平平無奇, 裝飾十分低調, 除了一張全頁餐牌外, 牆上掛了一幅黑板, 推介三款菜色, 其中一款是"古法羊腩煲", 啱晒轉冷中的天氣.入內, 面積不大, 但有非常高的樓底, 空間感十足, 高高的天花側牆掛滿了賽車的海報, 聽聞此店老闆是愛車之人, 有儲車習慣, 又據聞... 所儲之汽車的數量, 超過百架..., 咁犀利... 我上網找了又找, 但都搵唔到有關資料..., 如果有人知道詳情, 麻煩提供比我呢個八公... 香煎鵝肝薄餅 $198, 曾經睇信報唯靈專欄, 介紹過一款"鵝肝墨西哥夾餅", 不知是否改了名稱的同一菜色,  但墨西哥餅, 應該是類似土耳其"卡巴"那種薄身無油薄片的品種, 但今天這款薄餅 , 是類似印度的千層餅, 油份重, 煎香後, 十分鬆脆,  夾鵝肝來吃, 正是一脆一軟, 絕配.一開四, 每人一份三角片, 份量不多, 正好作前菜之食, 入口, 甘腴香脆, 正是鵝肝香滑, 薄餅鬆化, 送酒最一流, 可惜今晚不酒, 唯有送茶...., 都一流... 哈哈哈... 懷舊錦鹵雲吞 $35, 依家無咩人知"錦鹵雲吞"的由來, 這款平價食品, 在七八十年代, 是喜慶筵席常有菜色, 原名是"錦繡良緣", 炸雲吞用竹昇皮製, 蘸糖醋做的醬汁, 特色是雲吞皮大塊 而雲吞餡細少, 另上一兜糖醋醬汁, 內加入鮮蝦、魷魚、雞肝和叉燒烹調, 就算食晒炸雲吞, 此兜酸甜汁, 送白飯都超正. 稱為“錦”鹵, 是雜錦的意思, 紅、橙、黃、綠、金黃都有,  有說是"紅男綠女”, 所以又稱為”錦繡良緣”, 雲吞皮炸得脆酥, 熱騰騰的醬汁, 色澤鮮豔, 蘸汁入口, 香脆酥化, 酸甜可口, 十分醒胃.西餐有用玫瑰花入菜, 中餐則用菊花, 而中菜之中, 有花又有葉的, 相信只有蛇羹此味, 既用到菊花的瓣, 也用切成絲狀的檸檬葉. 食用菊花與花店鮮菊不同, 一般鮮菊花, 味道澀苦, 而食用菊花, 絕無苦澀, 還帶一點甘甜芳香, 食用菊花, 通常兩種, 浙江杭白菊或廣東蟹爪菊, 此款屬於甚麼種?? 要問問專家先....花膠燴蛇羹 - $138, 秋風起, 只想起兩樣菜, 其中一樣, 必定係"蛇羹", 店員告之, 師傅手拆蛇肉成絲, 再用蛇骨, 放金華火腿和老雞燉煮, 最後埋芡, 做成羹狀, 加入冬菇絲和雞絲, 還有陳皮, 所以味道帶一陣回甘香味, 當然最重點的是, 加入了花膠, 滋補養顏, 洒上菊瓣、檸檬葉、薄脆配料, 蛇羹芳郁有份量, 口感豐潤.豉汁帶子蒸豆腐 $128, 此味的主角, 不單是帶子和豆腐, 而是鹹香的豆豉醬汁, 而蒜蓉略為輕手, 還有一陣陳皮香.古法羊腩煲 - $298, 先前講起...秋風起, 只想起兩樣菜, 其中一樣係蛇羹, 第二樣..., 當然係"羊腩煲", 呢個世界有"和牛", 也有日本或歐洲的"黑毛豬", 但應該沒有"和羊"或"安格斯羊"吧, 否則中式羊腩煲都會標榜用此等高級來佬貨...,  可惜, 怎知..., 羊腩煲與煎羊架不同, 煎西洋羊架, 要半生熟, 但羊腩煲則要不斷燜煮, 所以別無牠選, 必定要用黑草羊, 黑草羊出名鮮味但不羶, 皮厚肉偏瘦且煙靭, 就算長時間煮, 肉質也不乾不韌. 全身長著黑短毛的黑草羊, 皮雖厚, 但軟身又彈牙, 肉質偏瘦, 縱使不斷燜煮, 羊肉也軟綿有彈牙質感, 配上必用的調味腐乳醬汁, 可提鮮及辟羶, So...., 羊肉酥軟, 而辟羶呢家嘢...., 女士啱, 但我就是愛羊腩那種羶味.....  大良鮮蝦蒸牛奶 $128, 又係睇信報唯靈專欄, 之前好似出過一款"生拆蟹肉炒大良奶", 價格都係$128, 好似係用忌廉代替鮮奶來炒, 今天這味蒸牛奶, 相信應該沒有落忌廉, 質地比一般的燉奶較為稀和軟, 但入口感覺仍非常滑溜.順德煎釀鯪魚 $168, 煎釀鯪魚是順德名菜,  新鮮鯪魚, 特別鮮美, 肉質比其他河魚更為嫩滑, 但缺點多骨, 小朋友怕怕...., 把牠做成鯪魚肉就最好了, 將魚骨都剁到爛, 加入臘肉、冬菇和蝦米, 最後再釀翻入魚身內, 復完魚狀, 然後再煎香. 鯪魚肉打成魚膠, 味鮮而質感爽韌彈牙, 外皮微微香脆但不焦黑, 名副其實的手工菜, 非常繁複的工序, 我一口就攪掂它了...

成日聽到來佬餐廳今次都係第一次試， 雖然冇話特別好好食但係服務質素十分好

牛扒熟成程度做到要求，牛味亦有，但未算很重，而且肉質亦不會過un，鐵板上熱度夠，配菜亦十分新鮮， 汁的濃鹹程度也做得剛剛好

好耐無黎來佬，水準依舊
最鐘情來佬嘅喇沙，係香港周圍都有喇沙食，但嗯係開粉太咸太淡口， 就啲冰鮮海鮮好腥,來佬嘅喇沙味道接近正仲口味，仲有實在嘅椰汁味，最正就係有大蝦又有大大隻嘅凡立貝！其他必食更系焗蟹蓋啦！一匙不落去，成匙都係蟹肉！真財實料！好邪惡嘅芝士蟹肉，食完好有罪疚感都一定要食！哩道嘅豬扒飯就一向出名～當然無大XX甘大份量又無甘平民，但就係好好食，D豬肉絕對吾係快餐店個啲好假嘅 質地，個飯底都絕對晤會乾。最後一定要食大個你塊面嘅SOUFFLE，吾食甜野都要叫比相機食先啦！

戴著電影《2046》拍攝場地的光環，有導演王家衛加持，加上餐廳本身屹立銅鑼灣近半世紀，這些銜頭也足以令未曾光顧的食客到此一試。

本人未到訪過裝修前的“金雀”，但從報章得知食店面積比以往少得多，相信星期六晚上八時光顧要等位。

一推門見所有卡位滿座，幸好店內中間的餐枱亦感細緻舒服，過了幾分鐘尚未點餐，眼明手快的侍應即向我們說卡位客人結了帳有空位，歡迎我們調位，確是貼心醒目的安排。

點了兩份晚市套餐，友人跟我一式一樣。

1. 餐包及羅宋湯，餐包普通，羅宋湯中的蕃茄與牛肉配料充足，上枱時仍“熱辣辣”，絕非溫溫吞吞貨色。

2. 白汁魚柳：白汁香濃，魚肉香稔且沒有腥味雪藏味，沒考究新鮮程度，但屬一般茶記質素之上。

3. 鴛鴦扒配燒汁：牛扒入口鬆軟沒有筋肉黏牙，豬扒煎得剛好亦不油膩，薯條乾身脆口，可見烹飪處理甚有經驗。

4. 什果杯及餐飲：別對什果杯抱期望，屬罐頭貨；餐飲則不過不失。

餐牌上其他菜式價錢稍高，當時有食客單點，賣相不俗，有機會可以一試。

相比本人光顧過的"來佬餐廳(中環)"與"哥登堡(土瓜灣)"，前者高檔，後者親民；論環境、食物及服務，“金雀”介乎兩者之間，而且傳統之中有細緻，怪不得多年深受熟客愛戴。本人首次幫襯，總算見識了"2046"的金雀！

中環附近冇咩餐廳開得太夜，要醫肚就黎左呢度試下。
好耐之前已經睇過一個電視節目介紹。果然，呢度有宵夜套餐提供，啱晒少食多餐成日肚餓既我。
套餐包括三款點心配一款主食。點心揀左來佬菠菜餃，蝦子燒賣王同上海小籠包。主食就揀左銀芽肉絲炒麵。
點心全部都熱辣辣，除左菠菜餃有三件之外，其餘兩款點心全部都有四件呢！
菠菜餃係真正既皮薄餡靚，小籠包入邊有好多汁，燒賣又大大粒，總括黎講點心質素不錯。
至於銀芽肉絲炒麵，麵底係煎過既，好香脆。面頭淋上銀芽肉絲既汁，口感好豐富。

江妮姐帶小弟出城見識見識，第一次品嚐瑞士菜啊，感激萬分。

七點我兩已坐定定等開飯，時間尚早彷如包場一樣，一個客都未有呢。全場外藉職員，貌似菲律賓及印度，全程要講英文呢。

order 完就靜靜地等開飯。好別緻又古式古鄉既布枱墊，而且內籠裝潢以木材為主，非常瑞士小鎮風呢，感覺舒服溫暖。

Apple cinder，來佬貨喎當然要試試，甜甜地幾好飲，可選擇有酒精或無酒精兩款。我飲有酒精成份既，甜味多過酒味，當汽水飲，都幾好。果糖？堅甜喎。

butter with trade mark，印有商標既牛油，幾得意。不過好似份量太多，兩個人用本五份一已足夠。剩餘既會唔會返用呢？掉左又好浪費喎。幼滑到不得了，比一般牛油淡，不過好香，早知大大劈隊落舊麵包度啦！

龍蝦仔忌廉薯仔湯，味道一般，質感太厚，鞋鞋地，可能薯蓉關係，又可能落多了麵粉，幼滑欠奉。特別就幾特別，都係傳統龍蝦湯較為好飲。

生黃猄肉配芝士蒺藜油及酸磨菇，非常瑞士農家菜 feel，如果每樣食材單獨食既味道單調又古怪，但捲埋一齊食就完全唔同晒！

配搭特別，薄切黃猄肉刺生本身沒什麼味道，夾上淡味硬芝士，淋上帶甘苦辛味香草油，帶出清新肉香肉甜，好神奇。層次質感複雜多變，好好既一道前菜，醒神好開胃。

瑞士白汁牛仔肉配薯餅，又一道非常熟悉、非常傳統既牛仔肉菜色。牛仔肉鮮嫰滑滑，不乏肉汁夠濕潤，牛味突出濃濃。

薯餅香脆，外層金黃鬆化，裡面薯絲半脆半粉好過癮，薯仔味鮮甜香醇。正宗煎薯餅，唔係麥當勞硬實死實快餐炸薯餅。

鬆脆外層索一索忌廉牛肉汁再夾著牛仔肉同吃，別具特色，更加美味！伴碟蔬菜七彩繽紛，種類繁多，新鮮爽嫩，味道可口又多汁，滿意。