影片
港鐵鰂魚涌站 A 出口, 步行約3分鐘
繼續閱讀
開飯介紹
鰂魚涌米線小店，米線彈牙，小鍋米線有八個程度的辣度選擇，不吃辣可選鮮茄肉碎濃湯。配料方面推薦招牌豬軟骨及豬頸肉。
繼續閱讀
營業時間
星期一至日
08:00 - 21:30
以上資料只供參考, 請與餐廳確認詳情
食家推介
招牌菜
外賣自取兩個米線 一個三餸一個一餸其中一個免費加料隨機附送曱甴同蚊螆一隻即刻打電話落去鋪頭又冇人聽只好上黎警下世有邊位食家想補充下蛋白質都可以考慮吓免費加餸諗得過我就不了
繼續閱讀
已經食過幾次，米線都ok今日開開心心係openrice叫咗外賣自取，之前都成功過，結果今次等咗半個鐘，準備落嚟攞先發現餐廳無接單⋯午餐時間明白會忙，冇辦法啦咁我自己黎買。結果係門口企咗3個字，都無人出黎無辦法行入去廚房搵人，問佢係咪唔做外賣？佢話冇接就係做唔切，仲叫我等唔到耐就走。其實大家都知米線係多人，就係平快之選。今日雖然舖頭係滿，但出面都只係三四個等外賣，之前見過更多人都好地地接單。個黑衫阿嬸係咪同老細有仇？真係未見過咁嘅態度
繼續閱讀
今日中午去食薯粉58元，食食下發現薯粉入面有一細條洗碗用的鋼擦線，我都係細細聲跟職員講想提醒佢地廚房要改善，但是佢竟然愛理不理唔好意思，會改善都冇句，睇態度就知唔會改變，真係冇下次。
繼續閱讀
小弟因為實習關係黎到鰂魚涌附近覓食，鰂魚涌到太古坊附近既餐廳多不勝數。google推介下先食黃店，今次話既呢間我呢果兩次，我會翻兜既原因有兩個1.容易有位2.樂林豬軟骨同蘿蔔。唔好既我放起最後講，先比我描述下我既麵食係點樣。我習慣飲淡湯先，我叫係最普通既湯底（本人唔太食辣），湯口偏酸帶辣（唔知係唔係加左樂林豬軟骨有帶茄味，所以叫豬軟骨唔洗叫鮮茄底）佢既份量以我米八高95kg重既肥仔，普通一碗都夠，第一次去食以為唔夠食叫左加底食唔曬，罪惡感MAX(´;︵;`)講下配料因為佢係車仔麵，我分別講下配料如何：蘿蔔（7.3/10）（必點），甜，它既甜唔係本身自帶果種，後煮果陣加，係超正。佢好適合配重口味既野食（加樂林成碗麵都係重口）；樂林豬軟骨（7.3/10）（必點,試一次先，唔岩就算），近乎必點，味道上面酸中帶鹹再帶微甜，入口軟嫩唔柴口，食得出有用番茄煮，但係佢會影響曬你既湯底，我食落去係似帶辣既番茄湯，番茄既酸加湯底本身既酸，唔係好誇張，算係我接受到既範圍，刺激下味蕾；柱候牛筋（6.9/10），合格既牛筋，都係少鹹帶微甜，係好軟綿，相比我過去係觀塘食過車仔麵，牛筋係爽口到咬唔斷，所以樂林既牛筋係有質素。柱候牛腩（6.2/10）有質素，有時食柴身口質。自製魚腐（6.2~6.3/10），好似食豆腐既魚腐，軟綿口感，咬開一半見裡面全部都係魚肉。唔錯但個人唔太識欣賞。唔太好既地方ಠಗಠ都有目前主要有兩個（質素，服務）一間以米線為主打餐廳，米線係碎曬（我見到心都碎埋ಥ‿ಥ）雖然我第一次食係冇咁既情況，但第二次去發生左。可見麵既質素一般，睇運氣。好有趣既係餐廳收銀係做埋水吧又做埋樓面。我舉個真實例子：我同大叔A坐埋一齊，大叔A錫好紙要落單，見有侍應嘅時候佢就揚一揚張紙示意要落單，我見佢揚足大約三分鐘都冇人理（當然佢唔係舉足三分鐘，佢舉下又放下），果陣我仲諗緊食咩好。到我諗好，諗住叫，就見樓面又拎野食出黎又收銀，可見佢哋好忙。我習慣餐廳係平民D我就叫侍應唔係揚紙（習慣）同埋見大叔揚左五分鍾，都冇人理。我就講「靚女，唔該，落單啦~」我講完可以相信呢間餐廳落單係要「聲控」（埋單都要企起收銀係等唔到，因為會同外賣既人企埋一齊，佢哋唔知）。***最後有一點要留意食完撈一撈湯底，你可能會搵返你既半粒蛋(｡•̀ᴗ-)✧。整體而言，係唔錯既一間餐廳服務：5.5/10（態度好，但佢哋好忙第一次去有漏單情況出現等左30分鐘，所以請追單）食物：7.2/10（好食，如其他評論講既差唔多，比較酸既湯麵，睇你自己既接受程度）坐位：5.5/10（有時多，唯有同其他人坐埋一齊，介意？叫外賣啦）價錢：6.0/10（太古坊就係隔離平極都有限，50up算正常，佢好似冇最低消費，你可以試下只叫麵，叫完同我講下阿姐態度如何(◠‿◕)）
繼續閱讀
兩個人平日食晚飯，成間餐廳得4枱客 2-3單外賣。一共叫咗2個飯：$46叉燒蛋飯同$46沙茶雞扒飯（包飯品）一等就等咗10分鐘，個阿姐先同我地講：電飯煲跳制，要再等耐啲。 心諗：電飯煲跳制使唔使咁耐先知😡😡😡好喇個飯到咗，精彩啦！第一次見叉燒蛋飯得4舊叉燒，仲要好細舊！🤬🤬🤬仲有杯檸檬水，用白色杯裝，睇到有明顯污漬，叫佢換個杯啦，跟住要黑色杯裝，冇其他人用黑色杯，做咩要特登比黑色杯我？ 真係唔使錢都唔會入去食！
繼續閱讀