樂林小鍋米線 (已結業)

外賣自取兩個米線 一個三餸一個一餸其中一個免費加料隨機附送曱甴同蚊螆一隻即刻打電話落去鋪頭又冇人聽只好上黎警下世有邊位食家想補充下蛋白質都可以考慮吓免費加餸諗得過我就不了

已經食過幾次，米線都ok今日開開心心係openrice叫咗外賣自取，之前都成功過，結果今次等咗半個鐘，準備落嚟攞先發現餐廳無接單⋯午餐時間明白會忙，冇辦法啦咁我自己黎買。結果係門口企咗3個字，都無人出黎無辦法行入去廚房搵人，問佢係咪唔做外賣？佢話冇接就係做唔切，仲叫我等唔到耐就走。其實大家都知米線係多人，就係平快之選。今日雖然舖頭係滿，但出面都只係三四個等外賣，之前見過更多人都好地地接單。個黑衫阿嬸係咪同老細有仇？真係未見過咁嘅態度

今日中午去食薯粉58元，食食下發現薯粉入面有一細條洗碗用的鋼擦線，我都係細細聲跟職員講想提醒佢地廚房要改善，但是佢竟然愛理不理唔好意思，會改善都冇句，睇態度就知唔會改變，真係冇下次。

小弟因為實習關係黎到鰂魚涌附近覓食，鰂魚涌到太古坊附近既餐廳多不勝數。google推介下先食黃店，今次話既呢間我呢果兩次，我會翻兜既原因有兩個1.容易有位2.樂林豬軟骨同蘿蔔。唔好既我放起最後講，先比我描述下我既麵食係點樣。我習慣飲淡湯先，我叫係最普通既湯底（本人唔太食辣），湯口偏酸帶辣（唔知係唔係加左樂林豬軟骨有帶茄味，所以叫豬軟骨唔洗叫鮮茄底）佢既份量以我米八高95kg重既肥仔，普通一碗都夠，第一次去食以為唔夠食叫左加底食唔曬，罪惡感MAX(´;︵;`)講下配料因為佢係車仔麵，我分別講下配料如何：蘿蔔（7.3/10）（必點），甜，它既甜唔係本身自帶果種，後煮果陣加，係超正。佢好適合配重口味既野食（加樂林成碗麵都係重口）；樂林豬軟骨（7.3/10）（必點,試一次先，唔岩就算），近乎必點，味道上面酸中帶鹹再帶微甜，入口軟嫩唔柴口，食得出有用番茄煮，但係佢會影響曬你既湯底，我食落去係似帶辣既番茄湯，番茄既酸加湯底本身既酸，唔係好誇張，算係我接受到既範圍，刺激下味蕾；柱候牛筋（6.9/10），合格既牛筋，都係少鹹帶微甜，係好軟綿，相比我過去係觀塘食過車仔麵，牛筋係爽口到咬唔斷，所以樂林既牛

兩個人平日食晚飯，成間餐廳得4枱客 2-3單外賣。一共叫咗2個飯：$46叉燒蛋飯同$46沙茶雞扒飯（包飯品）一等就等咗10分鐘，個阿姐先同我地講：電飯煲跳制，要再等耐啲。 心諗：電飯煲跳制使唔使咁耐先知😡😡😡好喇個飯到咗，精彩啦！第一次見叉燒蛋飯得4舊叉燒，仲要好細舊！🤬🤬🤬仲有杯檸檬水，用白色杯裝，睇到有明顯污漬，叫佢換個杯啦，跟住要黑色杯裝，冇其他人用黑色杯，做咩要特登比黑色杯我？ 真係唔使錢都唔會入去食！

勁辣湯底太重辣味，令酸味被蓋過。另外，幾乎每個人來到都會點上「樂林豬軟骨」，以鎮江醋熬煮的豬軟骨酸甜開胃，軟骨未炆煮至軟爛。整體來說，食物質素不錯！💓💓💓

回頭指數： ⭐️⭐️⭐️🌟3.5/5我都係一個米線控，鍾意食米線多個鋸扒，咁啱經過鰂魚涌就去試吓呢一間米線。我點左小辣加麻辣，餸菜就有魚腐、豬頸肉、雲吞。想點冬菇，不過賣晒。平時譚仔食二小辣，呢一到嘅小辣加麻辣就真係唔辣，我估有機會要點中辣先夠。酸味就比較重。不得不讚佢個米線好滑，滑過平時喺街食嗰隻。豬軟骨係入口即溶嘅軟骨，我好鍾意呢種口感，所以覺得好驚喜，不過佢嘅口味就唔係滷水味，而係偏酸味，咁就唔係我杯茶啦。鍾意食酸嘅朋友應該會覺得吸引。魚腐係佢哋自家製，大大嚿而且幾有魚味，不過佢就唔係彈牙嗰隻，我覺得幾有住家飯嘅感覺。雲吞就中規中矩啦。茶走做到茶餐廳嘅效果，茶味同奶味都好平衡，入口都好滑，不過偏甜。

如果無被冠上十大好食米線，可能食後感唔會咁不如理想。我order既係酸辣(小辣)薯粉，第一啖入口，心聲就(唔係ma)只有酸味，完全無辣味？以為撈唔均碗湯，再撈，再食。食完後，只有一個字，好酸。。。酸。酸。酸。餸就叫左蘿蔔，夠霖同甜。豬軟骨夠林身，入味，但偏酸，唔知係咪成碗嘢太酸，搞到啲餸都好酸。值得讚既係佢本身個肉醬好多。味道似，雲吞麵店個款中式炸醬。不會有想翻食既感覺。如果100分係滿分💯，我只能俾65分。以上個人感覺。只屬分享，始終個人口味各有不同。

本人不想吃太多碳水化合物，去很多米線店說走米線，出來個碗很四五粒丸兩三條菜浮下浮下，通常不太飽，但叫五六個餸又太貴。今次走米線，店員說可給我菜代替，下午茶叫了三餸送熱飲只係$44，結果大大碗，菜很多雖然味道普通，但抵吃，推

樂林小鍋米線（鰂魚涌）💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•小鍋米線 配 肥牛 香茅豬扒 雞翼 （小辣）加熱檸茶 $48•小鍋米線 配 炸醬 雞扒 鴨胸（小辣）加熱奶茶$48••••••••••••••••••••••••••••••♥️食評：黃嘅米線選擇唔多，今次專誠去鰂魚涌試吓呢間樂林米線！小店好有人情味～除咗米線仲有啲飯/湯飯食，米線味道ok，但可以咁啱去嗰邊先試～haha小鍋米線係酸辣湯湯底，另外仲有撈米線同蕃茄濃湯揀。今次食酸辣小辣，建議大家要叫小辣或以上！因為小辣無乜辣味🤣🤣（平時譚仔食三小！）餸方面，小店係自己剔紙揀餸，食幾多個餸自己揀～每個餸$6-$11，雞扒豬扒都大大塊😳幾抵食！炸醬同平時譚仔食嘅味道好唔同，好重茄汁味🤣我就比較鐘意譚仔嘅～其他餸味道正常！••••••••••••••••••••••••••••••♥️特色：要搵黃嘅米線真係唔多，鐘意食米線嘅大家可以試吓～唔洗次次食譚仔/三哥了！•••••••••••

點餐嘅時候已經註明要走蔥走芽菜，但係結果我嘅外賣入邊都係有蔥有芽菜，咁我寫要走蔥走芽菜有乜用？我係唔食嘅嘢，你畀咗我，我都係掉咗佢，只會浪費食材，平時就咁買埋外賣都湯另上，但係經openrice落單就冇

樂林小鍋米線價錢💲: $26+ $6x4 =$48好味程度😋: 3.7/5服務🍴: 3.3/5環境🗾: 3/5性價比🥢: 4.5/5回頭率😚: 3.3/5 (會想試其他米線店🤫)-樂林小鍋米線係鰂魚涌的小店，有日想去飲nuttea，就誤打誤撞試埋。又唔太差wor，抵食又ok，經開諗唔到食咩可以一試💛-叫左小鍋米線小辣，味道我ok。啱啱好辣，而偏酸，但唔會過分酸，我個唔中意好酸的朋友都話接受到。入面有大量肉碎，葱同小小花生碎，勁惹味。不過食得呢啲都預左會有小小油膩😌 每一啖有湯有麵真係好正。-講下啲餸，係超抵$6-11一款，叫4款有嘢飲。仲要佢大部份其實都只係$6，好多選擇😚 我就叫左蘿蔔，豬大腸，菜肉水餃同最特別的豬俐‼️ 蘿蔔係3大舊，冇渣又清甜，但佢唔會索到好多酸辣湯的似係清湯蘿蔔。豬大腸滷到入晒味，裡面都冇污糟野，但就比較薄冇咩咬口🤨 豬俐有3大舊！好索湯，不過可惜佢偏韌同硬，所以會趙到好攰😂 但一咬落去啲汁會必出來的。最尾就係最唔推薦的菜肉餃，因為皮好厚，厚得來粉，入面都唔係太多餡😫 除咗呢個其他都ok的，如果係個邊返工，就更加要支持下啦！

«918»港島米線小店 $46三餸巨量大碗﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷酸辣小鍋米線 $26▶自製魚腐 $8 豬大腸 $6 蘿蔔 $6▷三餸包熱飲食酸辣米線嘅黃店唔多，除咗出名嘅荃灣同銅鑼灣個兩間之外，呢一間港島小店我都有留意開，有日咁啱經過就去trytry!米線一到已經聞到好大陣酸辣味，未食都流晒口水🤤 作為一個米線fans我覺得個湯good! 酸辣湯夠惹味，加上大量肉碎，而且米線都係腍嘅版本（我鍾意）不過係食到最後覺得油好勁，但米線本身都好fatfat所以唔理咁多😂餸都唔錯！大腸都滷得好入味，唔使點用力咬～ 自家製嘅魚腐索晒啲湯汁，正！蘿蔔雖然唔算好甜，但有成4舊，以量取勝🤗食食下仲發現有半隻蛋，勁飽勁抵食🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣樂林小鍋米線鰂魚涌濱海街11號地舖

呢日放假 買完野搭巴士經過鰂魚涌嗰陣醒起呢間bookmark左好耐既米線就決定中途落車 食個late lunch先返屋企🤤啱啱好2點半過左lunch hour 全間鋪得我一個人😂😂家庭式米線鋪黎講呢度都幾多位 叫左炸醬+豬軟骨酸辣米線 凍檸茶豬軟骨至少有4大舊 仲有d碎肉 勁多送😆炸醬同平時食既唔同 (左上角紅色嗰碗）偏向中式既京都炸醬 但茄味再濃d湯底都係類似既調味 似茄酸味多d未食過呢種酸辣湯底 幾特別 而且唔油辣度偏低 我揀小辣唔夠喉下次揀中辣先😂P.S. 支持環保 走飲管

本身第一次食覺得幾啱胃口仲要係良心店，但前幾日叫熊貓外賣首先已經無俾到豬大腸，本身係為呢個先叫樂林，然後未放落口已經聽到男朋友慘叫有小強，真係好彩未開始食🤢再睇埋openrice嘅食評發現原來咁多人都食到小強，睇嚟衞生真係要改善～