影片
開飯介紹
2008年9月正式營業, 大廚葉師傅為越南人有四十年主理越菜經驗, 曾於火車頭,金牛苑,樂師同樂會意蘆等越南餐室任大廚, 菜式所用香料均為越南直接進口, 不含味精和任何添加濟, 既正宗又符合香港人口味。
繼續閱讀
以上資料只供參考, 請與餐廳確認詳情
招牌菜
相關文章
21-05-09 紅跑車越南餐室 Dinner四人晚餐, 點了E1 特別紅跑車招牌湯河 $58C1 紅跑車越式拼盤 $68C22 法式蒜茸包 $20C24 黑芝麻海蝦卷 $45C20 越南稔肉 $28Total $219 + $10% = $240.9E1 特別紅跑車招牌湯河: 河粉是很幼滑的, 容易入口, 牛腩很腍. 但味道來說, 還是跟一般粉麵當的牛腩牛柏葉河粉不相伯仲, 為什麼要收$58 元??C1 紅跑車越式拼盤: 當中的蝦肉春卷的確很美味, 裡面有些芝麻, 很香的. 另外亦有西柚沙律, 把胃口都開了C22 法式蒜茸包: 雖然叫做蒜茸包, 但竟然連一點味道也沒有, 就算沾了其他菜的醬汁湯汁也不能把蒜頭味帶出.C24 黑芝麻海蝦卷: 這個是推介, 外面是一層脆皮和黑芝麻, 裡面是海蝦, 十分香脆和很有鮮味C20 越南稔肉: 外表看來很像臘腸, 凍吃的, 伴着薑和辣椒, 有少許腥味. 味道......很難吃的, 不知怎樣形容, 一問老闆娘之下, 才發覺原來是生豬肉. 老闆娘說因為生豬肉用葱蒜腌了, 不怕有細菌. 雖然如此, 還是吃了一口便沒有吃了.老闆娘行為很怪異, 叫她下單也好像不在和我們說話似的, 問她什麼好吃又答非所問. 又靜悄悄地說給我們着數, 給她的手機我們看, 裡面有個藍貝特價的短訊, 說惠顧藍貝送紅豆沙, 我們當然沒有上當.這裡地方非常淺窄, 坐得一點也不舒服, 和對面坐的友人距離非常近.要是選擇吃越南菜, 還是選擇小巴黎好得多了.
繼續閱讀
男友想食越南菜，我一向在荃灣區嘅心水都係"小巴黎"，佢係openrice睇到呢間的食評都ok, 所以為了"食好d"，話同我去試下。七點去到見到唔多人都覺得有d唔對路，我地被安排坐卡位，但個位都好迫下。個menu的相ok, 我地點了大蝦西柚沙律、藍貝、香茅雞翼、招牌清湯越南濛、三色冰。全都出事！大蝦西柚沙律都算正常，但只有兩隻蝦，蝦新鮮，不算大隻，西柚兩三粒，其他都是生椰菜絲、紅蘿蔔絲，收五十幾蚊，唔係好抵。藍貝係menu個樣同上枱的分別好大，佢用水白洽完，用少少蔥、蒜炒，好唔得，藍貝肉超細粒，縮到好似五毫子咁大，無味，只係白水洽的味，藍貝離殼好唔新鮮，我食到有一隻臭咗，立即吐出來，好核突，即刻退返比佢地。個女待應知道，問都無問即刻退返入去，好似都唔係咁surprise。香茅雞翼好普通，好似茶餐廳的水準，無香茅味！沙嗲王同小巴黎都好食好多，又唔會咁貴。招牌什麼清湯越南粉，d牛腩都幾好味，但d粉太熟太稔，一pat pat，唔多好，六十幾蚊唔值囉。最後三色冰，最差係d冰，因為佢地用碎冰，但唔知點解d碎冰係結成一塊，成o舊放係我杯三色冰上面，好怪。最後埋單，就算無計個藍貝都要一百七十幾蚊，以咁嘅食物水準，超唔抵！我一定唔會再幫襯。
繼續閱讀
由於幾個朋友都係住荃灣既關係所以大部分食店都幫襯過見到紅跑車咁多好評又未試過所以就決定今晚係度開餐7點左右到左可能未到食晚飯時間 所以人都唔算多越南檬要(蚧)入面有一整隻奄仔蟹，多膏！好味~蕃茄湯底跟蟹的味道都好夾蟹肉仲好新鮮(金邊粉份量好像較檬粉如果怕份量不夠 可以轉叫金邊粉 會比較飽肚)豉椒蟶子因為怕椰汁味所以轉叫豉椒蟶子肥美 且份量多唯有不足係加左金不換作香料(同行朋友指出)故味道有少少牙膏味(不過尚可接受)如果大家不怕椰汁味 揀另一種煮法應該更美味！！藍貝老闆娘極力推介+半價優惠雖然已經好飽仍再加單藍貝亦都好新鮮！即使胃口細細的友人都忍唔住一食再食~服務態度亦都幾滿意老闆娘差不多每張枱都照顧到會關心食物水準
繼續閱讀
尋日(10-5-2009 Sun)同男友起來,因想趁母親節,去一去拜媽媽,咁要落荃灣搭車.就順勢o係荃灣食早餐啦.男友原先話去翠華食脆脆豬仔包,我話貴.咁行經呢間佢成日話想試o既紅跑車,(其實尋晚我有提議過o黎呢間食晚飯,佢話唔好)見佢o既早餐好似都唔錯,而且平啲,而o係問口o既侍應仔話有卡位(真係識拉客),咁我就掹o左男友入去試.我o地坐尾二o個張四人卡位,都幾迫,不過算啦,呢間舖位係咁細.早晨都幾多選擇,男友想食清淡啲但又想食煎蛋,佢睇到$18.00o既F餐係健康粟米燕麥片配吞拿魚麥包多士但冇煎蛋,佢就指住餐牌問亞姐,呢個餐可唔可以加錢加一隻煎蛋?點知亞姐語氣好差咁話:’除o左D餐外,個個都有煎蛋.’我o地再睇清楚啲,唔係喎,真係冇煎蛋個喎.咁我要個有煎蛋o既餐,畀隻蛋男友食啦,反正我呢排食得太多,唔係咁好.就咁決定,我要$22.00o既B餐,沙嗲牛柳絲出前一丁,配腸仔煎蛋+鮮牛油厚多士,飲熱奶茶,男友要熱檸茶.不久,男友o既熱檸茶同麥片到o黎,我就先影相,然後我o既熱奶茶o黎到,我冇為意係邊個侍應擺低,但佢就好好咁擺埋一邊,因為見我影o緊相.然後係我o既腸仔煎蛋牛油厚多士到o黎,咁我又影,此時,沙嗲牛柳絲出前一丁都到,我冇縮手,但侍應冇出聲係咁塞到我面前,我即刻拎起相機繩,望一望,原來係頭先個亞姐拎o黎.喂,有冇攪錯呀?你唔可以開聲講唔好意思咁話我知有食物到o黎o既咩?整污糟我相機繩事少,但整污糟o野食咁點?你叫我食唔食好?唔通我叫你換過?如果唔畀影相,你咪出聲囉,唔使咁呀?好,我影好相,所有o野都到齊就開餐喇.我o既出前一丁o既原包麻油係另上唔落,等客人自己落o既.整好晒,發覺男友o既早餐好似少o左樣o野咁o既?我睇睇,啊,原來係吞拿魚麥包多士,不久,呢個亞姐放低一碟煎蛋多士.我又影相,但又再睇餐牌,唔係喎,應該係吞拿魚麥包多士,我問個後生男侍應呢碟係咩o黎?佢答煎雙蛋鮮牛油多士,我指住我o既order紙問係咪跟F餐?佢就答唔係,係A餐o既,攪錯o左,唔好意思我幫你換過.咁佢就o係後面出菜o個o度check,同亞姐講冷靜啲,呢個係唔知幾多號枱o既A餐.咁佢就畀返o岩o既我o地.得就delete o左呢張多士相.呢位亞姐,唔該你睇清楚你公司o既餐牌,D同F至I o既餐,都冇蛋,唔係好似你所講,淨係D冇囉.之後我同男友都好留意呢個短曲髮肥亞姐o既表現,覺得佢係呢o度o既senior,應該係比兩個後生仔資歷耐啲,因佢多數企o係出菜位指人o個兩個男仔攞o野,都唔關我事,問題係身為一個senior,態度其差夾冇準,比起更有禮貌更準確o既後生仔,你慚唔慚愧?講返食,出前一丁麵唔太腍,牛柳夠腍但好似唔夠沙嗲味,煎蛋畀o左我男友,腸仔正常,而厚多士卻係腍o左唔脆.男友o既多士就脆.奶茶就都係唔多夠茶味啦.男侍應一見你個碟冇o野,就即刻講唔好意思,重要唔要咁收o野.最後我唔小心整跌張order紙,想自己執返,咁o岩個男仔拎o野行過,我梗係會等佢過o左至執,但佢都會叫我小心.佢行過o左,另一個又係曲髮但長長到過o左頸o既亞姐行過,佢話佢幫我執,呢個都幾好,唔該晒.總括o黎講,呢o度食物一般OK.有兩後生男侍應,兩中女侍應,一個兼顧收銀o既.三個都好好禮貌,得一個極差,係極差,真係可以用極差o黎形容.呢個女人簡直係枯枝,其他三個努力用心待客,卻被佢一個大力破壞累全家.服務分我可以畀其他三個畀5分,但呢個就真係0甚至負分.就係咁,我畀2分.3分我真係畀唔落手,真係可惜.OK面都絕對冇呢個亞姐份.
繼續閱讀
今日過荃灣搵家姐食飯, 但又唔知去邊度食好,於是就上openrice度睇下有咩好介紹,結果就選擇左呢間紅跑車越南餐室,略嫌餐室迫了點,老闆娘很熱情啊, 一入去就比晒折扣我地,但這裡的確能找到新發現, 越南矇要, 完隻蟹上的湯矇, 湯底係蕃茄湯加上蟹的鮮味, 正...而且仲好多膏添, 黑芝麻炸蝦卷, 入口香脆, 陣陣鮮蝦既味道加上淡淡都是蝦肉正, 豬頸肉越式炒飯, 炒得不夠乾身, 但很足料, 味道尚可,時令的藍青口, 味道淡了一點, 但也很鮮味啊一行4人都是$330, ok抵食啊
繼續閱讀