影片
電話號碼
31882829
營業時間
今日營業
07:00 - 21:00
星期一至日
07:00 - 21:00
公眾假期
07:00 - 21:00
公眾假期前夕
07:00 - 21:00
以上資料只供參考, 請與餐廳確認詳情
荃灣有好多間米線店，前排見到呢間新開嘅一於去試吓🤩 湯底有清湯/酸辣同新疆 3個選擇~ 我哋就試左酸辣同清湯加辣，建議揀酸辣味，酸同辣嘅比例岩岩好而且湯底幾濃，酸味突出，小辣都係舒服嘅辣度😉 碗米線一嚟到大碗到有啲嚇親，米線岩岩好唔會過冧/過硬🤓 自選料方面推介腩肉，好入味，偏瘦啲但幾冧身😗 墨魚🦑頭都幾鮮甜有咬口😛 另外試左魚肉春卷同餃子就普通啲~小食方面叫左炸雞同麻辣豬耳，炸雞望落金黃色如果再多啲肉汁同濃味啲就更好；豬耳調味幾特別帶啲薄荷嘅清新味道，食落好爽脆😛 奶茶好夠味幾有水準😙
繼續閱讀
放假同屋企人去咗試整體覺得份量超多同埋比較重口味所以會岩佬去食👨🏻🧔🏻♂️👨🏻🦱👨🏻🦲我地分唔嗌咗3碗唔同味嘅自選小窩米線👨🏻🍳🤳🏻🧂清湯肉碎辣米線配雞翼尖豬大腸 +奶茶 +香脆豬頸肉小食 $109🌶️酸辣肉碎辣米線豬潤 + 奶茶 $70👅新疆孜然湯底肉碎辣米線配腩肉 +凍利賓納 $51佢都幾多配料可以揀 佢嘅雞翼尖係原隻雞翼😂 米線嘅份量真係好多，可以揀硬/腍👍🏻個肉碎幾香，味道鹹鹹辣辣😋我試咗新疆孜然湯底 !! 完全就係你想像到嘅孜然香，算係重口味之選但的確會想一啖接一啖😂 腩肉雖然細細塊但係又係超級多，煮得好腍香脆豬頸肉個脆邊好好食，仲有個甜酸醬😚每塊都有啲肥肉，鍾意半肥瘦口感就岩曬🤩
繼續閱讀
中午時候去到荃灣絕對唔擔心冇嘢好食。荃灣係一個美食嘅天堂，你諗到想食乜都一定搵得到。今日冇乜胃口，諗住食吓啲濕濕地嘅嘢，就決定咗去食米線。經過呢間米線舖頭已經傳出陣陣嘅香味，中午時間都幾多人。睇到Menu已經花多眼亂，好多野都好想食。首先揀左米線先，小鍋米線已經有一定既配料如果唔要辣記住要走肉碎呀。我呢就全部都要既~今次叫左炸醬，腩肉同菜肉餃子酸辣湯底。炸醬香辣，腩肉半肥瘦超級香口，而餃子大大隻又唔會煮得過龍而爛晒。重點黎啦，呢碗米線真係好大碗，足足夠晒2個人食，而且米線係非常彈牙吸晒湯入面既酸辣味道好正。食唔停口。咁當然一場黎到梗係叫啲小食配米線啦，我最鍾意涼拌青瓜之後諗諗吓又想食埋豬頸肉，就一齊叫埋啦。涼拌青瓜係清新口味，唔係死喊死酸咁。越食越開胃。而豬頸肉係好脆口同多汁。最特別既係今日試左一款叫左螺旋藻，酸酸甜甜幾好食，好似涼拌海帶咁樣。兩個人一碗麵兩個小食都已經非常之足夠。好滿足既一餐。
繼續閱讀
見到咁多好評 膽粗粗試新野一入鋪頭 地下好冼 小心翼翼揾左個位坐低滿心期待試一試大家推介嘅新疆孜然湯底兩碗配料分別揀咗🐷豬軟骨 (食落係豬硬骨，完全咬唔到)、螺旋藻、墨魚頭🌟第一啖一定試過湯底先，係幾特別嘅，孜然加麻香味，唔係好多地方食到👌🏻好可惜，米線完全夾唔起，因為煮得太腍，最出奇係，當你訂餐嘅時候，佢可以俾你揀米線煮腍啲，冇得揀硬啲 ，但原來正常程度已經係碎上，好好好失望😞其餘配料就正正常常，冇咩特別🌟麻辣雙拼小食(麻辣豬耳、麻辣豬肚)麻辣味幾香，豬耳爽脆，豬肚就口感一般雖然餐廳職員服務友善，不過食物同環境衛生都一般….
繼續閱讀
米線好似洗面盆咁大碗，而且配料俾得一D都唔孤寒，嗌少米線都食得好飽好飽🤭🤭🤭🌼自選小鍋米線 ($55)揀左新疆湯底少辣，好香孜然味。食得辣嘅朋友可以叫中辣。米線轉咗做薯粉，薯粉彈牙唔會煮到淋曬，一啖薯粉配一啖新疆湯超正👍🏼配料揀咗豬潤+豬耳；豬潤厚切而且煮到熟曬，豬耳口感爽脆🌼自選小鍋米線 ($62)米線爽口，清湯底唔會太咸；岩清淡人士。配料揀咗金菇+螺旋藻+墨魚頭；墨魚頭大大隻，新鮮爽脆有咬口，金菇同螺旋藻就不過不失。🌼豆卜釀豬肉 ($28)呢款小食都係第一次見，梗係要嗌黎試試一大碟豆卜炸到脆卜卜好有驚喜，入口唔油，入面嘅豬肉完美地保持肉汁夠juicy，蘸埋泰式辣醬好夾🌼 涼拌青瓜 （$23）份量足夠兩個人開心share😋青瓜🥒拍到爽脆，拌上麻辣醬好惹味另加凍檸茶$8 / 枝裝飲品$12⚠️⚠️利申沒有用餐優惠
繼續閱讀