影片
以上資料只供參考, 請與餐廳確認詳情
依間喺廣源街市入面嘅聞心記，聽講因為領展加租嘅關係做唔到落去，我由佢最後50日營業，睇住而家剩返兩個禮拜，真係有啲唔捨得。其實佢個舖位喺巴士站一落街市嘅門口位置，啱啱喺成個街市食肆街嘅第一個舖位，所以都幾吸晴，不過我都係因為佢嘅食物而幫襯佢，而唔係因為地理位置。呢兩個月大大話話我都幫襯左10幾次，基本上是暈晒佢舖頭嘅所有食物，除咗佢王牌雞湯撈粉同埋湯飯之外，嗰啲餃子啊，可以配嘅小食呀，同埋咖喱牛肋骨飯啦，我都差唔多試勻晒架喇。持續幫襯佢哋，除咗係因為佢啲料都算新鮮同埋幾好味個雞湯之外，仲有佢哋老闆娘同老闆兩個人都幾好咁，希望遲啲開返會話我知再去幫襯佢哋啦！
繼續閱讀
到黃泥頭探望朋友，臨走時有啲餓就走入廣源市場，即刻見到近門口呢間小店—聞心記，食物都幾啱個人口味，就決定試下～🥰🐥嫩雞胸濃雞湯飯$40門面大大隻字寫住「濃雞湯」，食過就知確係貨真價實👍🏻首先份量冇得輸，一碗足夠兩人分享，滿滿飯粒唔會太軟，泡於湯中口感依然保持有咬身🍚。配料方面有菜有鹹蛋，重點係嫩滑雞胸，簡單用黑椒醃製過，單食都有肉汁，雞味仲好出。最值得一讚係個湯頭，估唔到完全唔鹹零味精味。雞味簡單得來相當濃郁且新鮮，另外有種油香混和係當中，就算唔係撈飯，伴菜亦十分滋味😋絕對可以係健身、減肥、老幼人士之選！🐂炆牛肋肉（淨食）味道方面好特別，有種獨特香料嘅味，相對雞食有層次，比較適合喜歡濃味嘅人👍🏻。牛肋肉肉質軟腍，份量亦不少，有適當嘅脂肪而唔會過膩。最正係肉汁豐富，撈粉麵都好夾，會帶俾人一種滿足感。另外小食都挑選咗兩樣，性價比不錯🌟先係碗仔翅，大大碗好夠香滑，配料唔算太多但經已有齊，例如：木耳絲、粉絲、腐皮絲等。食落感覺同坊間唔同，了解過先知原來用上雞湯製作，果真用心，用料亦好上乘💯壓軸出場係腐皮春捲，外面好少見，決定一試。佢利用咗腐皮包住啲魚肉，手勢都唔錯捲得幾實中間冇鬆開，唔會見到有通窿。魚肉方面食得出鮮味十足，味道係最濃最鹹，好夠惹味，送酒就最正！🍻
繼續閱讀
前幾日去咗沙田廣源邨探朋友，順便係樓下買啲外賣上去一齊食。翻新咗既廣源市場新開咗好多小店，見到呢間聞心記有我最愛既雞湯！仲標榜無味精，絕對係健康滋補之選～嫩雞胸雞湯菜雞湯係每日人手新鮮熬製，完全冇落味精同雞粉，飲落特別香濃鮮味，招牌雞胸肉口感超嫩滑，配埋新鮮香甜既娃娃菜，健康又好味！！炆牛肋肉肉質鮮嫩，炆得軟腍入味，口感極佳。燒汁豬頸肉入口軟滑爽彈，醬汁香濃惹味，拌飯一流。炸麻辣單骨雞翼單骨雞翼方便又易咬，炸得香脆又JUICY，味道夠香辣～雞湯底粥加配菜脯、咸蛋碎粥底好棉滑，配以韌脆菜脯同咸蛋碎，超惹味。
繼續閱讀
鍾意四圍搵食嘅我，今次去開廣源邨就試左聞心記 💕地方乾淨企理，但疫情關係，我都係外賣番屋企食😂😂😂💕雞湯配鹹蛋醉飯標榜完全無味精，雞湯好香好濃，鮮味十足唔會好咸😱😱😱雞胸肉出奇地非常嫩，完全食唔出係胸肉，健康同時又好味，大驚喜，配埋鹹蛋碎😍鮮得黎有陣鹹蛋既香，好惹味，連平時唔食湯飯嘅我都食晒，而且都幾大碗，材料充足，推介推介👍🏻💕秘製豬頸肉滷汁飯（$35）本來想叫個牛肋肉飯，但去到已經無晒啦，就試下呢個見到秘製豬頸肉滷汁飯，豬頸肉好入味，而且好嫩口，而且飯都入晒味，以為會好咸，但我覺得剛剛好，同樣材料好多，值得一試🙆🏻♀️💕炸麻辣，腐乳單骨雞翼雞翼好香口，唔算太辣，細細隻好易入口，腐乳雞翼都幾好食😋❣️可以加3️⃣蚊可以換紙包飲品/芫荽水
繼續閱讀
早排隻手條筋發炎，睇完痛症就有d餓，落左去就近既屋村街市入面，食d野醫下肚✌️🥰佢哋街市翻新咗，入面有好多小店，全部都好有特色👍👍有一間幾吸引我既小店係每日以鮮雞🐣熬出濃湯❌不加味精及雞粉調味，除可以配飯/米粉外，仲有湯腸粉選擇🤤🔸濃雞湯腸粉 （+咸蛋碎 $3）$39出面少有食到湯腸粉，腸粉粒好滑溜連埋左咸蛋碎既🐥雞湯一齊食令味道層次更豐富😋🔸麻辣🌶/腐乳炸一字骨雞翼出面好少店鋪食到腐乳炸雞翼，兩款都炸到外皮香脆，食落口又juicy💦✌️好食到可以encore🔸秘製牛腩肉炆得好入味，牛腩肉完全唔un，嚟做餸或者送飯一流😍😍👍👍
繼續閱讀
您可能會有興趣的...