聞心記 (已結業)

依間喺廣源街市入面嘅聞心記，聽講因為領展加租嘅關係做唔到落去，我由佢最後50日營業，睇住而家剩返兩個禮拜，真係有啲唔捨得。其實佢個舖位喺巴士站一落街市嘅門口位置，啱啱喺成個街市食肆街嘅第一個舖位，所以都幾吸晴，不過我都係因為佢嘅食物而幫襯佢，而唔係因為地理位置。呢兩個月大大話話我都幫襯左10幾次，基本上是暈晒佢舖頭嘅所有食物，除咗佢王牌雞湯撈粉同埋湯飯之外，嗰啲餃子啊，可以配嘅小食呀，同埋咖喱牛肋骨飯啦，我都差唔多試勻晒架喇。持續幫襯佢哋，除咗係因為佢啲料都算新鮮同埋幾好味個雞湯之外，仲有佢哋老闆娘同老闆兩個人都幾好咁，希望遲啲開返會話我知再去幫襯佢哋啦！