影片
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
沙田圍開左間放題, 我諗都有大半年至一年, 由見佢好多人食變為無咩人食, 當晚又落雨, 近近地又比出面D放題平, 甘就試下食啦, 行到門口, 見入面都有幾張吉枱 (20:00), 最搞笑係門口有2個職員用蚊拍拍飛蟻, 都無所謂啦, 入去食啦。飲品任飲, 自取, 頭個轉都叫左刺身, 壽司, 串燒, 小食..... 刺身一到, 嘩嘩聲呀, 三文魚希靈魚唔夠新鮮, 白烏貝碎得驚人, 一開4, 榮螺都算同出面差唔多size, 又無冰墊底, 卷物加州卷軟殼蟹卷szie就大, 但唔好食, 串燒都ok, 不過szie都比較孤寒, 1串墨魚丸得1粒 (半粒半粒串), 天婦羅南瓜蕃薯都係細件, 味道都ok, 反而我覺得炒野好食d, 炒雜菇, 牛柳粒, 豬軟骨就唔錯, 真係一分錢一分貨 (野食都算快到), 埋單每位$150。個度只收csah, 唔收咭。
繼續閱讀
剛搬嚟沙田不久，見到屋企附近開咗間日本料理，剛好朋友話要嚟參觀我嘅新居，老公便提議去試試，未食之前都有嚟 open rice 睇睇食評，發現大部份彈多過讚，而且有啲誇張，而我偏愛日式食品，所以決定姑且一試，本來無諗過寫食評，但親身食過後發覺並唔係食評所講到咁差，一文不值，所以想同大家分享我嘅經曆。 因為大多日式放題都要訂位，所以食之前早兩晚已經訂位，訂咗 7：30 ，我哋一行十人準時到，去到時已有大概四五十人食緊，店內環境不錯，設有電視，座位之間也不太迫窄，雖然燈光暗暗但大部份日式料理店都係咁，感覺頗舒適，侍應服務也很好，經常過嚟收碟及加茶。因新開張，所以全張單有八五折優惠，另外持有長者咭只係百零蚊，價錢也相當吸引！一開始我們先點了些刺身，種類有三文魚，八爪魚，馬刀貝，魷魚，希靈魚，甜蝦...等等，另外還有軍艦，壽司，燒物，炸物，小吃，料理，手卷，特式小炒，沙律，鍋物，烏冬拉麵，天婦羅...等等，款式應該大概有接近百款選擇，而且汽水任飲，曾經聽街坊講過食物選擇少，老實講，這個價錢已算𣎴錯了，個人口味唔同，唔啱食唔等如人哋款式少！！喺等候刺身期間，發現午巿套餐餐牌，$ 26 起，有大約十個八個餐選擇，喺呢區已經好少有這些經濟午餐了！刺身頗新鮮，三文魚刺身竟然有我至愛嘅魚腩，另外還點了串燒，小炒，手卷，小吃，天婦羅，軍艦等等，味道 ok ，略嫌熟食要稍等。 食了大概個半鐘已經飽了，總數折咗平均每人百七蚊，相當抵食！老實講，呢個價錢，呢度不失為一個不錯嘅地方了！
繼續閱讀
屋企附近新開了日式放題，任飲任食2小時，成人$168，小童$98，看見新張話全單85折，故入去試試。大約晚上七點零鐘，兩大一細，一入門口waitress問有冇訂位，我話唔知要訂位，我心諗"真係咁堅，唔訂位冇得食 "，最後都安排到一張枱比我地。坐低見到有幾張顏色紙，有刺身、壽司、燒物....，同埋見到玻璃窗向內，貼住張紙有十幾款沽清既食物，大部份都係原本想點既食物，心諗冇都冇辦法啦。開始剔紙仔，點野食，看見紙仔下方話每人限叫三樣，第一張單就剔左9件壽司，等左15-20分鐘，黎得4-5件小形壽司，我諗可能漏左單者，就開始落多一、兩張單，又係剔左8-9件野(壽司+刺身)，又係等左15-20分鐘，壽司黎得3、4件，刺身得2-3塊，心諗攪咩呀?第三張單叫左4-5款熟食，今次等左10-15分鐘，黎左一、兩碟BB size既熟食，其他又係冇晒影，食左成個鐘，等仲多過食，開始食到慶慶地 。去到餘下既1個鐘都係一路落單，一路追單，最不知所謂既係諗住追單啦，佢話張單冇左，叫你剔過另一張即刻整比你，但你補剔既野食都係唔會比齊你。食野要食到咁辛苦，埋單約三百七十蚊，當買個教訓。返到屋企樓下，同個管理員講返有咁既經歷，原來好多住客都係同樣既經歷。坦白講，見到百零蚊一個人，仲要85折，未入去食之前，都係諗住一試既心態，唔求有咩驚喜。剔8、9樣野每次黎得2、3樣，唔知你係賣晒定係漏單，攪到唔知再落唔落單。任食2個鐘，大部份時間都係等，最簡單飽肚既感覺都冇。
繼續閱讀
今天中午途經這沙田日式餐廳，裡面環境較黑，心想環境不重要，最緊要食物質數，餐牌內可選擇的不多，最貴是日式雜錦刺生魚生飯，標價HK$46一份，我們一行三人都點選這雜錦刺生魚生飯，怎料到來的雜錦刺生魚生飯裡頭只有一隻蝦，兩片三文魚，三片類似魚的東西，十粒粟米，和兩件類似加州卷放在頗酸的涼飯上。真是聞名不如見面，雜錦刺生魚生飯裡竟然有兩件類似加州卷，真恐怖啊！我食了一半已放棄了，飯很涼，很酸。如果您有朋友想絕交，不妨介紹他們去試試！
繼續閱讀