影片
開飯介紹
環境整潔舒適，以多款上海菜式作招徠，保持正宗上海風味。
繼續閱讀
營業時間
星期一至日
11:30 - 01:30
以上資料只供參考, 請與餐廳確認詳情
招牌菜
之前約左個舊同事出黎行街食飯大家之前都係上海菜餐廳做既掛住小籠包既我地梗係搵個食上海菜既地方啦我同朋友見到呢間野咁多人心諗應該唔差既兩個人入到去個侍應安排左個冷氣位比我地坐個冷氣又大wo= =不過好彩佢地都比我地轉位我地先點左個雞絲粉皮來黎一個雞燴麵仲有一籠小籠包兩條小黃魚先黎既係雞絲粉皮我地以為上面既係麻醬(因為我地以前做個間係用麻醬)點知原來係花生醬食落都OK既但係硬係覺得佢乾左D囉可能係用花生醬既關係?跟住係雞燴麵呢個似我自己係屋企煮既麵囉普普通通無咩特別D雞真係好少好細舊XD我覺得小籠包先係最唔掂既D皮太厚…而且唔夠juicy最後係小黃魚成餐最好都莫過於呢樣因為朋友話太掛住小籠包最終都係叫多一籠但D皮依然好厚埋單每人85左右但係呢個質素我就覺得麻麻地無以後
繼續閱讀
可能我和男朋友太晚去吃飯差不多9時多才去, 不過收工還收工, 都應盡廚房, 侍應責任吧?一入去就點我地去老遠, 叫我地一直入, 又冇人帶我地, 搞到我地企左係度好似傻仔咁個侍應見到我地叫我地是但坐坐左15分鐘, 都冇杯水, 冇menu, 唔通依度叫乜有乜?最後我地點左一份糖醋魚塊, 小籠包, 上海炒年糕和肴肉先說小籠包塊皮真係厚到.......離晒譜, 睇電視有教, 好的小籠包應該有30摺我有數過...得19摺, 不過依d technique問題就算啦但係冇諗過塊皮可以厚成咁...仲厚過腸粉呀大佬內裡肉汗都算豐富...糖醋魚塊係一個餐, 有送埋飯不過呀侍應哥哥唔知係咪冇乜常識成隻手"cup"住個飯咁拎黎, 急急的來, 個飯好似丟都丟唔切咁佢可能真係唔知用隻手cup住個飯d熱氣會蒸住手板, 手板d細菌會直接落飯再者, 咁樣拎個飯都好冇禮貌啦?講埋個魚, 我都未見過我男朋友食野會一放入口5秒會吐番出黎所謂糖醋, 但係就做到咕嚕魚塊咁個d都唔知係唔係魚肉, 放入口食係一"pat"膠咁, 好似食用生粉煮個d"衍"咁上海炒年糕我唔怪佢冇鑊氣, 不過都唔好同我玩濕炒年糕丫個碗裝左2-3匙老抽呀又炒得唔均勻不過我慶幸佢入面d野都係熟晒....最後係個凍肴肉除左用冰同梅黎形容之外我都唔知可以用咩黎講佢依間野...真係食一次就夠, 俾錢買難受見到對面有對情侶諗住叫個侍應個呀姐竟然扮睇唔到, 聽唔到, 我真係服左佢....依間餐廳好似係度養懶人咁, 個個侍應都係度吹水圍埋2-3個係度傾, 係度笑俾間餐廳, 真係請我去都唔會再去呀
繼續閱讀
今日下午到旺角，但天氣不好，故隨意找一間不用等位的餐館用午膳，抬頭一看，就見到上海坊，就故且一試，進入餐館，感覺是新淨，比舊式茶餐廳好，打開餐牌，價錢比較貴少少，一個下午套餐約$50，包一杯飲品。見它是拉麵館，就叫了a)排骨擔擔拉麵，b)五香牛肉拉麵 和c)葱油餅。先上來的是五香牛肉拉麵，牛肉片得很薄，只得數片，先喝一口湯，咦，非常有牛肉味，大跌眼鏡，喝多幾口湯後才食麵，但拉麵就不是心中所祈望的拉麵，因為太腍，太軟，沒有彈牙感覺。跟著下來的是排骨擔擔拉麵，排骨就非常Okay，擔擔麵的味道都不錯，可算及格有餘，如果不是以這價錢來計的話。最後就是我心中再祈待的葱油餅，可能是寶物沉歸底，最後上的勁的，新鮮熱棘出爐，一口咬下，D葱油味可以說是湧出來，(很多時的葱油餅都是葱油不夠多，令到酥餅過厚，很不好吃，加上一早做好，就更加可以不理。)雖然肚了己飽，但仍然食到。回來打算寫食評，オ發覺其平均分數不高，說真的，如我事前看了其他食評，多數我不會試這間，但幸好事前我沒看見，否則我就失去一個食到我心目中的葱油餅。
繼續閱讀
今次第一次寫食評，動力就係呢間嘢差得可憐... 由呢間嘢劣評如潮可見，openrice 既食客門舌頭都是靈巧的，眼睛都是雪亮的!!!是日星期日，8pm 去到呢間嘢唔駛等位，真係神奇~ 原來係惡夢既開始 首先係佢杯茶: 用D 大排檔既大膠杯，仲要係藍綠色嗰隻，用黎洗餐具嗎??? 但其他碗碟係正常ga wor... 跟住叫咗3 樣嘢:1) 雞絲粉皮： 嘩!!! 好大碟呀!!! 但唔好食囉~sorry~ 粉皮同醬真係勁多!!! 雞絲青瓜少到個冷氣大風D 都吹咗去， 食食下就好似擺咗一樽麻醬入口咁，粉皮口感都還可以 (其實我對食要求好低ga ja )。 見到隔離枱都有叫，淨咗大半係度，突然覺得自己對待食物很厚道。2) 小籠包： 個樣好正常，但當你以為可以鬆一口氣既時候就中伏鳥!!!! 湯，無乜味，而且食真D個味真係好麻麻； 皮， 上半部仲厚過我既面皮，但下半部勁易穿，由個頂吸完啖湯，諗住夾佢上黎咬，點知皮夾起咗，肉逃跑了 (本人拿筷子手勢絕對正確，所以才憤怒鳥)，而且那肉很粗糙。3) 紅油炒手： 三道菜中，最令人嘆為觀止既莫過於此。 本人見識淺薄，從未見過紅油炒手入面既餃可以係白色既，而且紅油少得可憐，唯有奮力咁係唔整爛隻餃既情況下撈暈D。食落去隻餃係包裝雲吞味，汁完全唔覺有味；成道菜咪就係將急凍雲吞用滾水陸熟，然後係上面加幾滴疑似辣油但無味既紅色汁液上去，就係咁多!!!!除了三道菜以外，待應還是另外一絕，不能不見識見識。話說隔離張枱埋單，兩張枱之間都好近，待應攞咗張單俾隔離埋，係等緊客人拎錢同check 單既時候，個待應一隻手咁禁落我張椅既椅背度 (可能腿有點攰，要借力幫輕下) ，我向後旭咗一下，心諗係咪咁攰呀你，不如入後場休息下啦。最精彩既係，如果係因為跣腳用黎扶一扶都人之常情，但個待應係禁住無旭過，我忍唔住令轉身怒視佢，諗住佢會識趣縮返開隻手，點知我真係太天真啦!!!!!! 佢見我令轉頭望住佢，佢仲繼續禁住我張椅問我： 小姐，係咪有嘢幫到你? 嗰下，我真的輸了，還是徹徹底底的輸了。 大家，正所謂沒有經歷過差就不知道甚麼是好。還未有經歷過既朋友，機會來了，就在此處，還不快快把握?!
繼續閱讀
八點多才四處找東西吃但係呢區搵上海店係有d 難度!!雖然早一星期前吃過一間好難食既上海店但仍不損小妹對上海野食既好感原來呢度dinner 分每個時段有唔同既promotion時值7-9pm 既係以$48 (原價$78) 點砂鍋雲吞雞!!呢個promotion 簡直好吸引的耶~環顧四周差唔多每檯都有叫!!我當然唔會輸蝕呢愛這道菜莫過於愛它濃厚花生醬這裡做得挺不錯的呀超厚身既花生醬配上帶點厚度既粉皮煙軔也~接著出場就是小籠包既不juicy 且豬肉鞋口絕不討好雖然做緊promotion 但絕不欺場雲吞有六粒之多!!我地好好彩仲要係雞脾~~~不過雞湯並不濃郁, 食左好耐都食唔出那股略帶奇怪既味道是何方神聖?!?!似是雞既內臟淆出黎既味道, 但怎也說不出來…好想食甜點作結小食炸饅頭成為我既囊中物只愛略點練奶調味, 食的只為了饅頭本身既甜但可惜, 饅頭炸得挺硬身, 內裡並不軟熟, 還不及之前係某上海店做得如此出神入化
繼續閱讀