影片
電話號碼
26626822
付款方式
其他資料
電話訂座
以上資料只供參考, 請與餐廳確認詳情
自從上次同朋友嚟食呢間力天冰室之後，真係擴闊我眼界，今次又來再食一次估唔到除咗鐵板餐之外，晚飯小菜都係咁好食❤️❤️❤️❤️港式羅宋湯港式羅宋湯，童年回憶之選。加入豬肉骨頭、雞肉、馬鈴薯、洋蔥、胡蘿蔔，搭配番茄湯底煮熟。湯底酸甜可口，濃郁的番茄味道與其他配料的結合使湯品更加豐富味美。Wasabi奇妙蝦球Wasabi加卡夫奇妙醬天衣都無妨，以蝦球為主要食材。蝦球先經過調味處理後，再沾上麵粉或麵包糠，然後油炸至金黃酥脆。這道菜的特點是蝦球外脆內嫩，並伴隨著Wasabi芥末醬的辣味。芥末醬提供了獨特的風味，與蝦球的鮮甜味道形成了美味的組合。金湯酸菜魚是日晚餐金湯酸菜魚。魚肉選用新鮮魚，酸菜一同煮熟。湯底則以高湯為基礎，加入酸菜和其他調味料，使湯品味道鮮美。這道菜的特點是酸菜的酸味與魚肉的鮮嫩結合，湯底清爽可口，是一道受歡迎的川式湯品。玫瑰醉鴨舌再次點番呢個小食，證明食過翻尋味啦😆鴨舌處理得爽彈，玫瑰酒調得清香冇苦澀味，浸泡時間剛剛好👍推介大家嚟到一定要試試
繼續閱讀
【黃大仙區】【力天冰室】我一向要寫黃大仙區嘅時候，都習慣性咁殺落新蒲崗搵嘢食。之前同大家提及過，喺 Mikiki 商場對面嘅嗰堆食肆其實我都食到八八九九，因此，我都要向另一邊埋手。行到去見到都有幾間餐廳，第一間就係呢間，就用你啦。入到去就叫咗個 $58 嘅常餐，主食係「生滾鮮牛肉豬潤雙拼公仔麵」，本身鮮牛肉同豬潤我都想食，諗唔到叫邊款好，點知佢整個雙併，我即刻投降。味道上都可以啦，熱辣辣一碗麵囉，同埋兩款料都正正常常，一次食晒就好。而配菜嘅「煙腩片炒滑蛋」同埋「練乳丹麥酥」都係幾特別嘅選擇，同一般常餐有所不同，食落就算味道只係 okay 都贏個新鮮感。嘢飲我都係一如以往咁飲具香港特色嘅「熱奶茶」，佢哋都沖得唔錯，茶餐廳嚟講屬於中上。食多份 $44 嘅開心下午茶「特厚花生醬西多士」，大家都知我好多時食茶記都會食埋西多。佢呢份都算厚身，花生醬又夠，只係糖漿用散裝嘅有啲美中不足。餐飲我飲「熱杏仁霜」都唔錯，夾埋食咗我 $102，食兩個餐差唔多啦。。。（地址：新蒲崗崇齡街 65-89 號崇齡大廈地下 08-09 號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #啟德 #新蒲崗 #力天冰室 #常餐 #生滾鮮牛肉豬潤雙拼公仔麵 #煙腩片炒滑蛋 #練乳丹麥酥 #熱奶茶 #開心下午茶 #特厚花生醬西多士 #熱杏仁霜 #1am1303 #1ambackup
繼續閱讀
傳統嘅冰室，係飲嘢、食冰、食蛋糕……無飯食嘅，要食飯，食炒嘢，係要去#茶餐廳 ，咁有飯食嘅冰室，行茶餐廳之實嘅，肯定係近年新開。呢啲需要，特登去試下去咩質素啦！ 睇下餐牌先 鐵板黑椒牛柳絲炒麵 $78門口話自己鐵板專家，應該係講緊鐵板扒，不過今日唔係太想食扒，所以試下呢個。鐵板一上，好多醬汁炸炸聲，仲有好多煙，非常夠熱。不過麵無完全俾黑椒汁浸腍，大部分都仲係脆嘅。牛肉、青紅椒同洋蔥份量好多，食完麵，都有少少牛肉剩。呢度用嘅係傳統茶記黑椒汁，黑椒落得相當重手，好辣但開胃，所以食完需要飲多啲水。 酥炸香脆大雞髀$38睇佢又唔算大得誇張，不過賣相幾好，外皮炸得乾身。正當我擔心乾身成咁，裡面都會柴嘅時候，用刀切出好多肉汁。咬落去，呢啲紅色嘅肉汁唔係血水，而係南乳，又係一個傳統嘅茶記特色。 凍檸茶🍋 ＋$3叫左少甜，茶味同檸檬一樣配合，但唔會太澀。有下次 總計 $119
繼續閱讀
新蒲崗最近開咗一間新嘅力天冰室佔地比起平時茶餐廳大，屬於新式嘅茶餐廳。力天冰室提供非常多種類嘅菜式，由鐵板，咖喱，焗飯到常餐下午茶咩都有，睇到人眼花撩亂。我同朋友叫咗黑椒薯仔牛柳粒配白飯及湯另外叫了兩個下午茶一個是厚切花生醬西多士及魚柳拼秘製鮮果沙律。黑椒薯仔牛柳粒醃得非常入味配上黑椒蜜糖亦唔會太甜，仲配埋白飯及中湯或紅湯&飲品。西多士餐廳用上厚切方式配上海量花生醬，比起坊間唔會太多有油膩感。炸魚柳拼沙律，魚柳十分慷慨，比起手掌還要長，非常抵食另外配上鮮果沙律裏面仲有腰豆，喜歡食腰豆嘅我，平時只可以喺聖誕節時候先會有得食。飲品方面我哋叫咗兩杯特飲一杯係青檸雜果冰另外一杯係薄荷濃咖啡，咖啡非常香濃，好似食緊Dryers雪糕嘅薄荷味，行過想食下午茶餐可以一試。
繼續閱讀
是夜母親節，怕了周圍人迫人和部份餐廳的開天殺價，反高潮去間街坊茶記有驚喜。力天餐牌選擇多多，侍應精神抖擻，熱情招呼，真正香港精神。先來套餐的港式羅宋湯，菜莖餚至軟稔，湯底微辣蕃香十足，喝下開胃。茶記都有pasta?簡單以蒜油炒香，有海鮮粒，三色椒和蘑菇，健康豐富。經典小菜西蘭花炒帶子，爽脆嫩綠，帶子彈牙，飯粒乾爽分明。小食椒鹽粟米乾爽香脆不過油，椒鹽惹味，份量十足。套餐還有餐飲，一熱一凍，完全作結。
繼續閱讀