影片
附加資料
營業時間：星期一至五11:00am-11:00pm ; 星期六及日9:30am-11:00pm\r\n\r\n
以上資料只供參考, 請與餐廳確認詳情
食評 (9)
146 瀏覽
有朋友來港開會住係黃金海岸。當晚係佢生日，所以就入左去屯門同佢食個晚餐。因為自己對屯門都唔係好熟識，又唔係好想係酒店比人gurr，所以上網睇下附近有乜野商場，再係Open Rice到睇下商場入面有乜野好食。因為朋友係西人，所以唔係好想同佢食西餐，其實佢都比較鍾意食中餐，點知大部份既食評都話商場中菜認真麻麻。最終係我搭左個半鐘頭入到去屯門，同朋友一齊行到去商場後，先決定試下黃金一品香。我地大家都抱住一個麻麻地好食既期望入去。因為朋友生日，一去到我地就叫左啤酒飲。先叫兩樣餸睇下好唔好食先繼續叫。我地就叫咗個上海炒年糕同青椒毛豆炒干絲。唔知點解一諗起上海菜我就會覺得一定會好油，不過今日好滿意。首先個炒年糕一D都唔油而且個汁唔會一pat pat，個年糕少得好好，完全唔覺得佢chi lup lup，個味道都唔錯，我同朋友都覺得好食。我個人其實想試下佢用雪菜肉絲炒年糕（menu上有，但係我地今次試左個上海式）。青椒毛豆炒干絲好食，因為夠乾身，而且唔油膩，個味教到啱啱好，一D都唔咸，又唔會覺得淡。我地食到一半，我朋友有兩位朋友就入左黎餐廳join我地。男友人叫左個上素餃子，蔥油餅，菜肉包同東坡肉。頭三樣都好清，味道無乜點。東坡肉（sorry，當我記得影相時，男友人已經食左四份一）雖然有層肥糕，不過係東坡肉都有，而且無或者係怕肥就不如唔好食食落真係唔覺得太肥膩，味道重幾好食添。
繼續閱讀
上星期日一早，同亞仔去睇完早場；返去接埋老媽子等大家姐嚟接我地，佢個大女話同我地去黃金海岸玩同食喎！去到已差不多一點半，好在無落雨。行左個圈搵嘢食；肥家姐話食上海嘢，OK，上！入到去，嘩！駛唔駛咁慳呀？烏燈黑火，似足十幾年前番上大陸D酒樓咁，淨用天然光；但佢地可能唔記得個日全程陰天兼時有陣雨！算啦！或者D嘢好食咪得囉！我地五個人order左：砂鍋雲吞雞、三絲炒年糕、四川擔擔麵、毛豆唐菜炒百頁、雞絲粉皮、京式賽螃蟹。砂鍋雲吞雞同三絲炒年糕 - 一般水準，邊度都食到啦！四川擔擔麵 - 好似我以前有個姊妹嘅口頭禪話齋：水鬼尿咁，花生碎好少、花生醬味都無D！唯一係D麵幾爽口，但爽口就不是正宗上海麵啦(唔通四川出呢D麵？)！依家D上海舖為左容易、好做D，都轉左用一隻好似鹼水、蛋麵咁嘅麵質；完全失去了上海麵應有的軟、糯、滑感，失敗！:毛豆唐菜炒百頁 - OK，百頁唔算"鞋"口，皆因大部份上海舖D百頁都係粗過鞋底)，呢處係中上！雞絲粉皮 - 好味........，但青瓜絲都無條！極之忠於名稱！只得雞絲同粉皮京式賽螃蟹 - 哎呀，佢無嚟到喎！依家寫食評先記得添，唔係我埋單，無check單添，都唔知有無計到錢！越食就越熱，食到成身汗！可能我地去得遲，D人客都走哂就唔開冷氣，後來又來了一家人，都係食大汗疊細汗！因為外面都好悶熱(成28、9度)。我地已經坐到對正個大門口，有風都OK，佢D伙記都企哂係門口乘涼(變相擋住哂吹入嚟嘅風)﹐，個經理見我攞把扇出嚟起勢"潑"，先去開冷氣，但開左冷氣又唔關門，叫先去關左一邊，吹脹！因為我地有個BB係度搞搞震、嘈嘈閉，搞到我都無心機影相，所以照片欠奉。總結： 可以不試，無損失！
繼續閱讀
由於食之前上過openrice睇過食評，所以沒有懷住任何期望諗住求其食個下午茶就算。下午茶餐一般都係30 - 40元，但係絕對係lunch既份量，都算係抵食夹大件。a la carte menu 價格一般、服務、環境、賣相都輸比前後左右既店舖。不過值得一提的係個擔擔麵的確唔錯。好食在個麵質本身既幼身又彈牙，確係一大驚喜。小籠包都唔錯餐店設有室內及戶外雅座，外面環境還可。不過天熱就辛苦少少。服務員質素就麻麻地...講幾次都唔明，建議落單後記慬要求服務員復一次單，以免入錯單，計錯數。
繼續閱讀
一行8人玩咗成日.....到晚飯時候都累到死......咁就求其入咗一間中菜館度食晚飯.....估唔到又幾ok wor叫咗8個餸其中有幾個都幾好食既小籠飽 : 皮薄多汁....不過食個陣要小心....都幾熱.....我唔小心燙到個嘴黃金蝦球: d 蛋黃汁無蓋過蝦既鮮美...正片皮鴨: 少少油 ....但沾埋d 醬ok wor高力豆沙: 如果多d 紅豆沙就好la.....淡咗d全體既晚餐...都ok 既
繼續閱讀
I went there 2 days ago, and I thought it wasnt as bad as how those comments mentioned, I personally think they taste quite nice, especially the peaking duck, i think it tasted very very good. And I heard that Fat manager has gone for more than half year already. And I think all the waiters were having quite nice attitude. not bad not bad!!
繼續閱讀