影片
港鐵屯門站 D 出口, 港鐵屯門站 E 出口, 港鐵屯門站 F1 出口
繼續閱讀
營業時間
星期一至日
10:30 - 21:00
公眾假期
10:30 - 21:00
公眾假期前夕
10:30 - 21:00
以上資料只供參考, 請與餐廳確認詳情
在2023年7月27日前往晚餐,叫了一個手工豬肉漢堡包、一個朱古力布朗尼甜品、一杯熱既朱古力同一個炸薯條來食。豬肉漢堡包-豬肉漢堡有肉汁(好味),麵包鬆軟,配料新鮮,已經合我要求的漢堡包水平。朱古力布朗尼甜品-我對布朗尼唔太熟悉,但食這甜品不會過份甜,所以都不錯。熱朱古力-味道、甜味適中,仲有個拉花在朱古力面,值得一讚。炸薯條-如果對比連鎖食店係好食,如果對比好食食店就比較一般。整體這食店是值得這個價錢,而在現場也有好多人叫餐。
繼續閱讀
住屯門嘅我，見過依一間餐廳好多次。終於忍唔住要試下。同朋友一齊叫咗四個嘢食，兩杯嘢飲。北海道帶子意大利粉啲帶子煎到啱啱好，又香又嫩又大隻，易啲意粉亦都配合得好好，整體食落都好夠味，而且又唔會覺得好單調。至尊漢堡呢個漢堡包好足料，個扒好厚肉，亦都好多肉汁，仲有溶溶地嘅芝士，蕃茄生菜做配菜，再加上佢嗰個醬汁，食落去真係好有層次同好滋味，係會想一食再食，佢啲汁多到張紙都有，我係覺得好味到啲汁啜埋嚟肉🙈兩款小食椒鹽炒雜菇佢嘅菇嘅類別有好多款，用咗蒜頭一齊炒，好入味，亦唔會有覺得好油嘅感覺。炸薯條正常嘅粗薯條味道，啱啱炸出嚟所以都好脆，我覺得$18嚟講個份量都幾多，所以都算幾抵食😋飲品我哋叫咗兩杯都係朱古力，佢面嗰層有朱古力粉，味道都好濃郁。就算啲冰慢慢溶咗，都唔會無味，所以真係好好飲👍🏻整體我都覺得好好味，性價比都好高，值得一試👍🏻😋
繼續閱讀
—幸好返到香港 仲見到天魔有營業咁啱搭車又撞到友人 於是嗌埋一齊食至尊漢堡($58+$15跟餐)擘大個口先勉強咬到整個包麵包很鬆軟 滿佈芝麻香氣有焦糖化嘅洋蔥很加分7:3牛肉混豬肉漢堡 富彈性薯條脆身香口 熱朱古力吸引意大利千層麵($68)卡邦尼意粉($68)忌廉蘑菇意粉($62)Fb見到話做到31/7仲未食過三文治 希望再有快閃———————————————————天魔屯門鄉事會路83號V City地下G05號舖
繼續閱讀
放假入屯門玩，雖然睇唔到牛牛，但係都決定食埋個lunch先走冇行開呢頭，咁啱行開一田見到呢間，睇完餐牌覺得都唔錯，就決定食埋嘢先走。見到餐牌多數都係西餐，burger薯條，但係竟然有威靈頓牛扒二人餐，同埋千層麵！仲要人均百幾蚊，真係幾抵食。不過lunch就唔食咁飽，所以淨係叫咗burger薯條同埋千層麵，加小食同嘢飲。薯條單叫$18，如果叫咗主食跟餐就會平啲，$15有嘢飲同薯條。其實都幾大兜，仲要係粗切薯條，啱啱炸起好脆口呢個真係超推介，味道啱啱好，唔會話好鹹。另外仲叫咗杯Dirty同埋Latte,咖啡冇特別加糖，飲落去會係先苦後回甘，咖啡嘅香味都好明顯，同埋奶香濃厚，如果鍾意飲咖啡嘅可以試吓個burger係即叫即整，超級足料，講緊係大過一個成年男士嘅手（拎起都好重手）比起某間M字頭Burger，真係講緊差唔多兩至三倍嘅餡料，食落去係好傳統嘅burger味，加咗芝士同茄汁，肉扒好Juice，咬落去都會有汁水流出，唔會好乾，成個burger口感豐富，啖啖肉千層麵都係即叫即焗，等咗15至20分鐘，上到嚟個賣相都好吸引，側邊有好多薯蓉同埋芝士，味道都好好食，酸甜中帶有超級拉絲嘅芝士，千層麵皮都好煙韌，唔會話好淋冇口感，呢個價錢嚟講真係超級推介，性價比極高最後仲試埋個朱古力Brownie，朱古力味超級之濃，唔係平時食開代可可脂味嗰種feel，反而係黑朱古力嘅感覺，入口即溶估唔到一田入邊都會有一間性價比極高嘅平民西餐小店，如果再有機會，一定會再食，Staff態度好好，又坐得舒服，仲要價錢都唔貴，真係好值得一試
繼續閱讀
放假去屯門行街，經過一田原來裏面有間小餐廳，餐牌都係食西餐為主，有漢堡包、三文治、咖啡等等雖然店仔細細，但係有一個專門沖咖啡嘅地方我揀咗個厚厚豬肋骨配薯蓉，賣相唔錯，豬肋骨啖啖肉，配上香草同炸蒜好有風味，烤得好香，豬肋骨唔會太肥，加上好滑嘅薯蓉朋友就揀咗個至尊漢堡，裡面原來係手工漢堡扒，牛味豐富，肉質唔會太實，配上蕃茄、芝士、生菜、洋蔥等等，口感豐富，值得一試另外揀咗兩個小食，炸蠔好香脆，粉漿唔會太厚，裏面keep到 Juicy嘅感覺蔗蝦亦都炸得剛剛好，蝦肉夠爽口，配上泰式甜酸醬夠夾天氣太熱嘅關係，朋友揀咗一杯coffee tonic,咖啡味濃郁，而且梳打水好夠氣，夏天飲係一流我就揀咗一杯cream brûlée 特色咖啡,上邊有一層燒過嘅焦糖，配上咖啡，甜苦之間取得平衡，值得一試餐廳仲有威靈頓牛柳可以試，下次都要支持下呢間小店
繼續閱讀