影片
電話號碼
60109941
營業時間
今日營業
11:30 - 20:30
星期一至二
11:30 - 20:30
星期三
全日休息
星期四至日
11:30 - 20:30
以上資料只供參考, 請與餐廳確認詳情
係置樂嘅轉角落位竟然發現到有一間賣牛肉麵嘅舖頭，估唔到味道認真唔錯😍 附近都係民居，做嘅大多數都係街坊生意，人情味極濃厚😆 不能係坐低食或者拎外賣都好方便，老闆仲要好好人好nice好啱傾添😚1️⃣ 三橋慢煮麻辣牛肉湯麵🐂果然係麻辣湯麵，湯底又麻又辣，夠晒惹味🤣如果覺得唔夠辣仲可以試吓舖頭特製嘅麻辣醬添，食辣之人有口福啦🤪而且仲有配料酸菜同蔥，加埋一齊好正😍呢碗麵用咗半斤半腩，牛筋爽口又嚼勁🤪牛腩大大件超厚肉，食完極滿足😆2️⃣ 酥炸黃金鹽香雞乾拌麵🐔原本以為拌麵會好乾身，但係加埋有肉燥，撈埋一齊就濕濕潤潤啱啱好✌🏻～呢到將雞扒炸到外脆內juicy，唔會好柴😌 另外炸粉唔會好厚😋3️⃣ 蒜香脆炸金豬扒🐷揀咗微辣嘅口味～ 估唔到呢到嘅豬扒係帶骨豬扒，帶骨炸豬扒係好食啲😋 仲用咗生菜墊底，抵讚😚4️⃣ 冰綠茶🧊係一杯味道較淡嘅茶👅 飲落有陣陣嘅茶香味🤏🏻 飲落清清哋都唔錯～ 不過👦🏻就話味道太淡了🙈 咁似椰青水嘅feel🤣
繼續閱讀
早排屋企樓下開咗間新嘅牛肉麵店，朋友推薦都幾好食，今次決定買個外賣試吓。我就叫咗個鹽酥雞刀削麵，首先個鹽酥雞份量十足，絕對對得住個價錢，肉質鮮嫩Juicy另外刀削麵嘅湯底叫咗紅燒牛肉湯，味道好夠，但係唔係死鹹嗰種湯底，刀削麵夠煙靭，下次會再買來食，推薦！
繼續閱讀
母親節帶完小朋友上堂，就同小朋友入咗屯門食牛肉麵~呢間餐廳位於屯門，店鋪面積200尺內，連堂食都要坐响行人路，不過雖然係咁，都無損我地食野既心XD雖然得老闆一個煮野食，但佢地既野食選擇一d都唔算少，而且價格仲好親民，我地叫到一枱野食先至226蚊XD真係好抵!三橋慢煮紅燒牛肉麵呢碗牛肉麵分別有兩大舊牛肉同牛筋，淨係牛肉量已經好多，加上佢煮得好淋好入味，連埋麵一齊食好滿足!酥炸黃金鹽香雞拌麵佢地既鹽酥雞比坊間既大舊，不過因為咁，先至更易控制火喉，一咬開仲見到有少少肉汁流出，真係好正!佢地既拌麵加咗大量肉燥，好味不過都好快飽麻辣滋味鴨血鍋呢個鴨血鍋適合唔太食辣既朋友仔!佢唔會一味死辣，而係新得黎帶有香料味~鴨血量好多，足足有七塊仲要每塊都有差唔多兩隻手指咁厚，真係食得好爽呀!烤台灣腸一貫台灣腸味XD不過蒜量真心多，唔驚唔夠蒜!肉燥生菜肉燥加入燙生菜剛剛好，唔會好咸好油~黑糖珍珠牛奶及紅棗茶雖然主打牛肉麵，但其實佢地d野飲都唔錯~好似黑糖珍珠鮮奶，黑糖珍珠夠煙韌又唔會太甜，而紅棗茶都好足料，值得一讚!呢間餐廳雖然位置有D遠又係戶外，但其實一直都見到有客人外賣同堂食，可見佢地既味道係幾受本區人歡迎!值得一提既係佢地係一間好有人情味既鋪頭，老闆會主動走出黎同你傾計，了解下食物質素，而當日更因為母親節而送咗枝玫瑰花!真係好surprised好開心!希望呢類小店長做長有啦~
繼續閱讀
兩個人叫左個三橋慢煮紅燒牛肉麵(半筋半腩)、龍式香煎雞扒便當，跟餐要杯冰綠茶同埋甜蜜紅豆奶茶，總共$118。真心呢個價錢唔貴，相信係因為主力做街坊生意；食物質素方面亦都交到功課。落單嗰陣問老闆有無介紹，佢就話多數人會揀個牛肉麵，至於其他都好平均。好彩我有揀到牛肉麵，因為事後先知原來係限量50份。咁點解話好彩？因為：香！一送到黎已經聞到個湯好香，結果飲完杯奶茶之後，我仲飲左大半碗湯，直到飲唔落。當歸本身係苦澀，但係佢份量控制得相當好，你唔會感到佢澀，藥材味恰到好處，你只會覺得佢清香。講完湯，到主角牛肉。應該係佢嘅煮法，令到佢嘅牛腩都係咁香。不過我可以食得比較重口味少少，我會鍾意啲牛腩再濃味啲；又咁講，味道無咁重，又更凸顯浸牛味。至於牛筋就做到淋滑嘅效果，相當好食。個麵亦都爽滑彈牙，滿意。個便當主要唔係我食，不過畫面見到嘅每一樣野我都有試勻。個黑木耳同藕片相當清爽開胃，我尤其鍾意個藕片，佢帶有柚子味，味道相當夾。個肉燥飯好食嘅，不過太基本，唔多講。個煎雞扒要講喇，塊雞肉仍然好嫩，但係外皮爽脆。依家寫返出黎我都想食個煎雞扒，坦白講呢個係頭先寫咁多樣食物入面最念念不忘（雖然人地主要做牛肉麵😂；當然，牛肉麵都好食嘅）。最後就係兩杯跟餐飲品，冰綠茶同甜蜜紅豆奶茶。兩樣飲品嘅甜度對我黎講都係合適嘅，唔太甜，適合食完個餐解膩；就咁飲就可能唔夠甜，唔夠過癮。總體來講，食得出製作用心，用料亦都唔錯。缺點係佢堂食位置係露天，位亦唔多，落雨就麻煩嘞。建議街坊考慮外賣。
繼續閱讀
午餐帶埋老公來到屯門置樂花園內一間隱世小店，《三橋臺灣牛肉麵館》，店主懷抱著一伙熱血的心， 誓要煮一碗比台灣更好吃的台灣麵，等我們來試試，一試便知龍與鳳😏即刻點番個慢煮紅燒牛肉麵試下先，紅燒湯底藥材味重，當歸味顯著，零味精，真材實料，好味到湯都清埋，牛肉半筋半腩，牛筋配搭半淋半爽，讓口感更有層次，牛腩份量很大，經過慢煮，非常入味，而且肉質軟嫩Q彈，套餐價53元還配埋杯冰綠茶，再加多個小食《柚香脆絲藕片》，藕片薄身爽脆，也非常清新，好吃到停不了口😋黎得食台灣野，點可小得我最愛吃既肉燥呢！😉點選了《真·古早肉燥糖鹵蛋便當》套餐，帶了兩款冷盤，香蒜伴雲耳爽及柚香脆絲藕片，還帶有甜品紅豆燒仙草。香味四溢的鹵肉燥，確實是下飯高手，瞬間便把整個便當清光😋突然傳來一陣酥脆飄香味，讓我們最後再追加多個小食《酥炸黃金鹽香雞》，肉質軟嫩、鹹香撲鼻，讓人愛不釋手😍
繼續閱讀
您可能會有興趣的...