170
0
0
| 餐廳: | 鮨石 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 N2 出口, 步行約3分鐘; （入口於赫德道）
繼續閱讀
電話號碼
37058980
95404323 (WhatsApp)
付款方式
其他資料
網上訂座
酒精飲品
加一服務費
當面支付
以上資料只供參考, 請與餐廳確認詳情
有關獎賞計劃
優惠
| 餐廳: | 鮨石 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
水雲：服務員建議一口喝掉，感覺酸酸滑滑，幾開胃。無花果：新鮮清爽鯖魚：甚少食到鯖魚嘅刺身，有少少炙燒係面頭，香香地，鮮味都夠。蠔：小蒸兩分鐘，建議可把湯喝掉。蠔味濃厚，湯都有香甜味。油坊主：薄刺石班刺身，油脂有40%以上先叫油坊主。味道偏淡，但有油脂香得嚟口感幾爽。煙燻鰹魚：外層魚皮幾香，同時魚肉鮮美爽甜。勢子蟹：師傅介紹上面有外子同內子，已將所有蟹肉混和，可直接一併吃掉。蟹肉好幼滑，蟹子好新鮮，有蟹膏香氣。蒸真鯛魚：配合甘筍鹽漬昆布以及五毛青煮成，師傅指出係比較舊式嘅菜色，其他地方比較難食到。下層魚肉有啲似中式蒸魚，上面嘅配料令佢口感更加爽滑。鮮帶子配烏魚子鰹魚湯，配合春天主題，以冬瓜做基底。烏魚子令帶子嘅味道多一個層次，有種脆脆地嘅口感。帶子都夠新鮮，鰹魚湯底清甜，都幾夾。目光魚：以一夜乾方式處理，好夠咸香同烤煎香味，如果送酒應該唔錯。伊豆半島地金目鯛：表皮有炙燒嘅香，魚肉都幾鮮美。黑北寄：爽口鮮甜，配咗少少醬汁，幾有層次。拖羅配海藻鹽：鹽味份量啱啱好，惹味得嚟唔會令拖羅原本嘅味道冇咗，依然係新鮮同肥美！醬油漬赤身：口感相對較滑，醬油幾香，十分相配。極上鰤魚：都係屬於油甘魚嘅一種但比較高級，一樣有炙燒嘅香味，而且油脂香都好充足。喜知次：油脂感充溢之餘有柚子汁嘅調和，整體口感同埋味道都好完美。海膽手捲：海膽味超濃郁，又香又甜。薩摩雞湯：雞肉爽滑，完全唔韌，湯又夠入味，相當唔錯。法式焦糖布甸配熊本縣士多啤梨：士多啤梨非常之甜，焦糖布甸比較結實，味道十分香濃。
繼續閱讀
星期日同老公終於去到尖沙咀鮨石食Omakase啦。神石$1680+1，用上高級既食材，配多元化的烹調方式，呈現與別不同既廚師發辦。無花果清甜、鯖魚鮮甜肥美，水雲清清地。日本蠔蒸左兩分鐘，食得出好新鮮。油坊主屬於石斑，脂肪超40%既就叫油坊主，口感偏爽個邊。鰹魚用左杜草煙燻，令到魚皮邊變脆左，好特別。勢子蟹有外籽同內籽，而且同蟹肉已經撈埋一齊，好高級。用蒸既方法烹調真鯛，鋪左由五毛青(即係日本白蘿蔔)、甘筍、昆布整成既野，令到味道豐富左，食到腩位同背位，好食。北海道帶子鋪滿烏魚子，食落好似鹹蛋黃甘，下面有冬瓜，個湯仲可以飲添。目光魚以一夜干整成，好鮮又無骨，好味。伊豆半島金目鯛壽司壽司已經搽左芥末，非常肥美。黑北寄壽司爽口又鮮美。拖羅壽司加左海藻鹽，鹹鹹地，拖羅油脂十足。醬油漬赤身壽司用左醬油，味道鹹香左。極上鰤魚壽司真係做到入口即溶，正。喜知次壽司加左柚子，變得清爽又有少少甜甜地。海膽手卷來自北海道既海膽，非常濃郁，十分鮮甜肥美，超正。薩摩雞湯雞好滑，雞湯清甜好飲。法式焦糖燉蛋配熊本縣士多啤梨焦糖燉蛋好濃雞蛋味，夠滑軟身，甜度岩岩好，美味可口。
繼續閱讀
預約咗鮨石好耐，一早已聽聞呢間omakase嘅師傅十分和藹可親，然後親身去體驗當然同樣感受到❤️今次食呢款同過往食嘅形式稍微吾同，即系每間omakase師傅style都吾同，覺得呢間喺前菜方面會較著重，包括刺身。前菜賣相十分精美✨而且系春季前菜，有螢光魷魚、西蘭花豆腐、和歌山無花果、魚子醬、日本菜芯、炸魚天婦羅，調味料系蛋黃醋。西蘭花豆腐好滑🥦💚無花果清甜，有魚子醬更突顯高級🖤炸魚天婦羅香脆可口。接着就到刺身，系天然真鯛，淡刺身豉油使用，加上天然魚皮，魚味重 。春季鰹魚，下一季就叫初鰹。經過稻草煙燻，被煙燻過嘅味道十分明顯🔥淡身洋蔥🧅比起一般洋蔥冇咁刺穿鼻。赤貝，配以岩鹽同熱情果汁中和，赤貝十分新鮮，師傅比我地睇仲識郁㗎😳🤩加埋熱情果汁好開胃，呢個配搭做得十分好👍🏼接着到揚物，鷹鯛加日本毛青、日本甘筍、日本漬物，醬汁系醬油醬汁，魚肉十分滑溜🐟採用各種日本食材使得菜式更有風味。一夜干太刀魚，本身味道較重，同時亦多汁。京煮八爪，聽個名就系會辣辣哋？🔥醬汁果然系有好少辣不過吾明顯，日式醬汁味道甜又濃郁🤎八爪魚非常軟稔🐙蘿蔔口感結實但勝在冇渣。跟住就到壽司喇🍣率先呈上嘅系縞蝦，呢個我同師傅都講真系好好味😋味道非常新鮮清甜，佢話連同表面嘅蝦籽食會好味好多🦐北寄貝都食得招積過人🤭同赤貝刺身一樣識郁㗎勁新鮮🤩同時充滿嚼勁🐚金目鯛向來顏色鮮明❤️雖然喺omakase黎講間吾中會見到，都系高級食材嚟。極上鰤魚喺出面少食到，魚肉結實，魚味香濃。黑鯥同樣喺出面少食到，油脂豐富。海膽手卷入口即溶🧡
繼續閱讀
上個月去咗日本食廚師發辦，返到香港成日心掛掛，最後搵咗一間位於尖沙咀既鮨石，試吓搵唔搵到係日本既感覺🤤第一道菜係一個前菜拼盤，有酒盜明蝦，無花果胡麻醬，蓮藕有機物加醋。酒盜係醃漬的海鮮內臟，平常係居酒屋會配芝士，今次配蝦，口味會冇咁濃，作為開胃小食一流。第二道菜係九洲伊佐木魚，另外仲跟咗個花。刺身可以就咁食用，亦都可以配上花冧，夾住嚟食。師傅教我哋可以用手先拍打一下花冧，釋放一下佢嘅香氣，除咗味覺之外，嗅覺亦有另一種享受。第三道菜係北海道粒貝，肉質纖細柔嫩，有咬口，味道爽口清甜，慢慢細味之下，會感受到淡淡的海水味。第四道菜係鰤魚，配以醬油漬過既蛋黃。師傅話呢個係佢自己設計出嚟嘅食法，食用之前，先攪拌蛋黃，再用刺身沾滿蛋液。刺身食落淡淡甘甜。魚油香氣，蛋黃嘅味道更加令整個口感更加豐富味道更加濃郁。第五道菜係鮟鱇魚肝，平時食鮟鱇魚肝，好易覺得好膩，師傅特意加咗一塊醃漬過的奈良西瓜，無論口感上同埋味道上都多咗一個層次。第六道菜係昆布燒白子，昆布取其味道，唔食得嘅。白子好新鮮，冇腥味，非常鮮甜！再嚟幾道炸物，京都菜之花 北海道八爪魚 青森山藥之後呢個我相信喺其他地方嘅廚師發辦唔會食得到，俄羅斯魚子醬蟹肉燒賣。入邊有好多嘅蟹肉同埋蟹膏，非常香口！帆立貝加咗少少既竹炭鹽，調出個鮮甜味野生關鯖魚，今次呢一條魚非常新鮮，非常脆口！師傳話就好似食脆肉鯇咁。我覺得形容得十分貼切。長筒魷魚，師傅已經起咗魷魚中間比較嫩既部份，好容易咬！師傅自家醃漬蘿蔔， 已經無哂蘿蔔既青味，酸味剛剛好!黑松露北海道銀雪魚，師傅係銀雪魚上面係你面前新鮮刨幾片黑松露，有少少食西餐既感覺。去到呢個位置，師傅仲可以比到客人新既驚喜，可見師傅既用心。北寄貝，十分新鮮，仲係你面前會動。大拖羅，師傅已經處理好筋，呢件拖羅脂肪剛剛好，唔會過多，大約介於大拖羅與中拖羅之間。中間仲有赤身、海膽杯、湯師傅到最後整多咗個卷物比我地，成個卷都無飯，啖啖都係魚肉，唔同既魚肉，加上唔同調味，每一口都有好多層次，呢件卷我好鐘意！最後有豆腐雪糕好滿足🤣
繼續閱讀
踏入這家店時，感受到它是溫馨的小店，店內以淡雅的木質裝潢為主，營造出一種寧靜和諧的氛圍，燈光柔和，音樂輕聲播放，讓人感到放鬆和舒適。店內只有九個座位，客人和師傅距離很近，師傅詳細介紹每道菜和味道特色，讓客人能有更深感受，感受到師傅的專業和熱情的服務。神石$1680前菜日本 明蝦 鮮甜 吞拿他他 連偶有機物 筍菜 靜崗果茄 淡雪鹽前菜有幾項小食，都很適合我的口味，吞拿他他拌了少許醬汁和海膽，加上少許牛油果，配上薄脆撻皮，味道豐富，每一口都是享受，另外還有鮮甜的明蝦，香甜多汁的靜崗果茄及蓮藕有機物—荀菜。薄切刺身鳥取 伊佐木 肉質爽 魚香鮮味 魚透 鮮味突出接下來的薄切刺身鳥取縣伊佐木刺身，配上紫蘇的花瓣增添香氣，它的魚香鮮味突出，魚肉通透，肉質爽口。三款刺身先上來北海道赤貝和帶子皇刺身，帶子有著一絲絲的口感，非常鮮甜，可配少許橘子汁食，而赤貝切成了一串的模樣，十分特別，喜歡赤貝的鮮甜和獨有的香氣。本來對白子不是太喜好，但這北海道銀鱈魚白子特別新鮮，它口感豐腴，帶有淡淡鮮甜，可拌底下的酸汁海帶吃，有減膩的作用，白子有養顏的功效，女士必要補補。冷盤鮟康魚肝的食法和平常有點不同，以薄片的醃漬西瓜bb取代酸汁，更能嘗到鮟康魚肝的原味肝香。慢煮八爪魚有兩件，一件較爽口，另一件較軟腍。揚物伊勢海老(龍蝦)手打成丸子，咬下去有非常濃郁龍蝦香氣，口感軟彈多汁，味道新鮮，一試難忘，是今晚的最愛。燒物香箱蟹春卷，春卷皮薄脆，包著啖啖手拆香箱蟹蟹肉和蟹膏，沾少少醋汁，更能提升鮮味。七貫壽司剝皮魚壽司，配上它的生肝，感覺很特別，剝皮魚油份香，生肝給它一點香濃的味道。牡丹蝦壽司，半晶瑩的狀態，把米飯緊緊包圍，味道鮮甜。黑睦魚壽司，吃到魚油的香味，肉質爽滑，炙燒過魚皮帶來香味。鰤魚壽司，鰤魚是北海道野生，色澤紅嫩，三片疊在一起，應是令口感無筋，魚香頗濃。梳子魚壽司，上菜前火炙過，帶出魚油香，肉質軟潤。拖羅壽司，棄醬油而用海鹽調味，鮮味更突出，嚐到吞拿魚安基酸的獨特酸性味道。馬糞海膽壽司，色澤金黃，配上少少醬油和芥末，帶出它的鮮甜味。湯龍蝦麵豉湯，比較特別的湯品，充滿蝦香味，吃過冷的壽司後，喝一杯熱湯感覺舒服。甜品香蕉朱古力雪糕 配布朗尼最後，甜品的香蕉朱古力雪糕配布朗尼作為完美的結尾。布朗尼蛋糕濃郁的朱古力味和香蕉朱古力雪糕的甜香交織在一起，口味很夾，份量剛好。
繼續閱讀