影片
港鐵尖沙咀/尖東站 B2 出口, 步行約4分鐘
繼續閱讀
電話號碼
34883288
開飯介紹
裝潢簡約時尚的串燒店，設有VIP榻榻米房間；主打的日式燒鳥供應不同部位，香口惹味，適合和好友把酒暢聚。
繼續閱讀
營業時間
今日營業
12:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
18:00 - 23:00
公眾假期
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
今晚黎左呢一間位於藍馬商業大廈10樓的日式串燒店到食晚飯。打開Menu串燒有好多唔同選擇，啤酒夜晚6點-9點半仲做緊Subtory $78兩杯，Sapporo $68兩杯，真係好抵，所以就叫左兩杯Sapporo，因為食串燒一定要飲啤酒🥰🥰唐揚魷魚圈有六個魷魚圈，炸到好香脆，送啤酒真係一流。燒雞皮蝦呢樣係我第一次食嘅嘢，燒到有啲脆身的雞皮，包住爽口彈牙的蝦黎燒，冇諗過係好夾。日本黑豚腩肉半肥瘦，入口個油脂感好正。雞肉棒（汁燒）入口爽爽食，點埋個撈左蛋汁的Sauce黎食，好正🙌🏻美國牛肋條呢個又係幾有驚喜，燒到外面有點脆得黎，咬入口好多肉汁，肥瘦均勻。牛舌芯串好爽口，一啲都唔韌，調味做得好好。西班牙豬肋肉豬肉味道香濃秋葵翠玉瓜燒完都唔會乾，入面仲係好水潤😍😍鰻魚炒飯好大碟，炒飯粒粒分明，甜甜的鰻魚汁令到個飯更加好食。呢度座位與座位之間唔會迫，空間感夠，食物質素高又唔算貴，店員服務態度好好，真係好適合中意食串燒的朋友黎食。
繼續閱讀
Fafafoodblog為食花太郎 其匠燒厚福街藍馬商業大廈10樓 🍴雞皮蝦 x2 每隻48 蚊🦐雞皮包住蝦 出面好香脆 入面蝦肉彈牙新鮮 正🍴鵝肝多士x2 每件78 蚊🍞多士好香脆 鵝肝好彈牙 d醬好香甜 好有口感 🍴原條太陽蛋蒜蓉茄子68 蚊🍆太陽蛋生撈埋燒茄子 茄子蒜蓉好足好香濃 茄子燒得軟林 🍴和牛稻庭烏冬88 蚊🐂和牛牛味濃 個湯底好香濃牛味 烏冬好爽口 正#串燒 #茄子 #鵝肝 #多士 #烏冬 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#其匠燒尖沙咀厚福街12 至12a藍馬商業大廈10 樓~~~~~~~~~~~~~~#fafafoodblog #為食花太郎 #fafafoodblog尖沙咀====================
繼續閱讀
喺尖沙咀覓食，發現一間幾有驚喜嘅串燒專門店！整體食物質素相當唔錯，食得出師傅嘅心思同對火候嘅掌控。最強推介：燒雞皮蝦全晚亮點必定係佢哋嘅招牌 「燒雞皮蝦」！呢個配搭真係神來之筆。薄身嘅雞皮燒得極其酥脆，咬落「索索」聲，焦香四溢，但完全唔會過火變苦。裏面包住嘅大蝦依然保持爽彈鮮甜，兩種截然不同嘅口感同濃淡味道碰撞一齊——雞皮嘅濃郁脂香完美襯托出蝦肉嘅鮮味，層次豐富得嚟又出奇地夾，絕對係令人食過返尋味嘅必點之作！誠意推薦！可避之選：南蠻炸雞相比之下，當晚嘅 「南蠻炸雞」 就稍為失色，未算推介。炸衣略厚，口感未夠鬆脆輕身，醬汁嘅酸甜平衡同雞肉嘅嫩滑度都未算突出，同其他出色嘅串燒比，顯得較為普通。如果係為咗串燒而來，不妨留肚試其他款式。貼心服務與用心滋味值得一讚係店員嘅服務貼心周到。最特別嘅體驗，莫過於廚師會親自將即燒起、熱辣辣嘅串燒送到你枱上預熱嘅 石板！呢個做法非常聰明，石板能持續為串燒保溫，確保你由第一啖到最後一啖都係最佳溫度，尤其係啲要趁熱食嘅雞皮、油脂豐腴嘅部位，效果更顯著。每串燒物都燒得恰到好處，調味克制，食得到食材原味同炭火香，感受到店家嘅 「有心做」。整體而言，呢間串燒店食物有質素，招牌「燒雞皮蝦」絕對值得專程一試，加上貼心嘅石板保溫服務，係尖沙咀區想食用心串燒嘅好選擇！
繼續閱讀
喺尖沙咀嘅一間樓上小店。汁燒雞肉棒燒得啱啱好，外層微焦但唔乾，咬落去仲有食到脆脆哋嘅雞軟骨，完全係串燒界嘅comfort food。鹽燒雞腿肉完全係靠雞腿肉本身嘅油香同嫩滑取勝，皮燒得脆脆地，肉質juicy又有彈性，咬落去啖啖肉。一口牛舌芯串好厚切，咬落去有啲煙韌但唔會韌口，仲有啲牛脂香味滲出嚟。汁燒豚肉秋葵燒得唔會太腍，仲保持到秋葵少少爽口感，配埋豚肉一齊食，口感豐富。燒汁甜甜地，令豚肉更加惹味，唔會太油膩。
繼續閱讀
其匠燒尖沙咀｜牛舌控必試！厚切彈牙爆肉汁！講真，去其匠燒食燒肉，唔點佢哋嘅厚切牛舌，真係等於白嚟！呢度嘅牛舌，絕對係我食過咁多間之中，數一數二嘅推介，真心正到爆燈！首先，佢哋揀嘅部位靚，係厚切「舌芯」位，上碟粉嫩嫩，望落已經知新鮮。師傅刀工好，每片切得夠晒厚度，唔會薄切到燒兩燒就乾晒，食落先有口感嘛！落爐燒啦，記住唔好燒太耐！兩面輕輕烤到微焦，帶少少金黃色就最 perfect。一咬落去... 哇！外層香脆帶炭火香，入面嘅肉質呢？超。級。彈。牙！ 好似喺口入面跳舞咁，但又完全唔韌，咬多兩啖，啲濃郁嘅牛脂香同肉汁就「噗」一聲爆出嚟，滿口都係鮮味，真係邪惡到極點！點少少佢哋提供嘅檸檬汁或者蔥鹽，更加吊到個鮮味出嚟，完全唔會腥。個種油脂同微酸/鹹香嘅平衡，真係食極都唔厭。就算唔點醬，齋食原味，嗰種純粹嘅牛舌甘香都已經夠晒殺食！老實講，雖然價錢唔算最平，但以呢個質素同厚度，絕對值回票價！食完一片，你會忍唔住即刻想 order 多份！ 如果你係牛舌愛好者，嚟到尖沙咀其匠燒，真係千祈唔好 miss 咗佢哋嘅招牌厚切牛舌，包你食過返尋味！強烈推介！
繼續閱讀