影片
港鐵太子站 C2 出口, 步行約5分鐘
繼續閱讀
電話號碼
56903290
開飯介紹
Bauhaus風格扒房，裝潢帶點復古氣息，打卡一流。用餐區劃分為不同區域，適合約會、閨密聚餐及派對活動。
繼續閱讀
營業時間
今日營業
12:30 - 22:00
星期一至日
12:30 - 22:00
以上資料只供參考, 請與餐廳確認詳情
有關獎賞計劃
位於太子的小店，平日晚上都有很多客人，裝修型格特別。黑毛豬鞍架 配火腿脆片及紅酒蘋果檸檬鹹蛋黃不單止擺盤吸引，口味還好獨特。蘋果片是紅酒的顏色，味道清香很濃酒味。黑毛豬成熟程度剛好，脂肪的邊緣煎簽得很朝香，配合鹹蛋黃酸酸鹹鹹，層次感豐富。鐵板油泡黑安格斯封門柳扒120z配酸種麵包有專人鐵板煎牛扒炸炸聲好治癒，份量大得驚人，5成熟嫩粉色既厚切封門柳同酸種面包最後淋上橄欖油，即刻「靚仔晒」。麵包熱辣辣脆卜卜，沾上橄欖油更邪惡，肉質好嫩滑，雖然生熟程度不高，但係完全無靭口，啖啖肉牛味濃，食肉獸之選！滿滿蜆肉蝴蝶粉蜆肉份量非常多，多過蝴蝶粉。蜆肉粒粒都飽滿鮮味，最欣賞就係芝士白汁底非常濃郁，辣辣甜甜的很惹味！香草羊架 （3支骨） 配脆薄荷葉愛吃羊的朋友，尤其是喜歡羊臊味的非常推介。看似粉紅顏色，好像生的一樣，但不是血淋淋的，冇腥味而是有微微的羊臊味，肉質鮮嫩。特別喜歡他的薄荷葉和醬，偏甜少少不會過分薄荷而搶去羊嘅味道，剛好能減少油膩感。西班牙油炸鬼在別的餐廳吃過這甜品，對比steakhaus的，steahhaus做的是更出色。油炸鬼新鮮炸起，有好濃郁嘅黑糖和玉桂味。甜而不膩，點上有一點忌廉芝士味的雪糕，冷熱交融，外脆內軟，甜味過後還湧現一點油炸鬼的鹹味，味蕾多層次享受，值得一試。百利甜黑糖奶大大杯bailey cocktail , 奶味好濃相對酒味不是太出，非常適合平時不太喝酒的朋友，底部還有黑糖非常特別。幸福滿滿，飽到上心口抵食又好味既一餐，推介❤️
繼續閱讀
打工仔係七月同八月特別慘, 基本上完全冇紅日,諗起鬼都有個鬼節休息一個月, 但打工仔就完全冇,心都灰埋,所以星期一就梗係約朋友出街食飯, 排解下心情入面既裝修有D似九十年代既感覺, 成個感覺唔錯, 令人幾放鬆, 幾岩傾計Blue Monday Steak-$158一坐底就比個餐牌, 睇到一個主打BLUE MONDAY既牛扒, 真係好切合到我既心情。但叫左之後, 發現D個牛扒又真係性價比好高, 牛扒牛味幾濃, 外脆內軟, 而且配菜係薯條, 唔錯無花果火腿PIZZA-$128無花果與火腿交織出迷人的甜鹹綜合,Pizza 餅底薄脆可口,料多實在,完美平衡各種口感,整體而言是一款非常美味的 Pizza 佳作。啖啖蟹膏蟹餅-$78蟹膏爽滑鮮甜,蟹餅外酥內嫩,入口即化，配料豐富多様，每一口都飽富蟹肉鮮味，極盡奢華海鮮之美。提拉米蘇-$58提拉米蘇層次豐富,餅底濕潤綿密,奶油香醇滑順,咖啡香氣迷人,甜度適中,層次感強,堪稱經典意式甜品無疑。朱古力(熱)-$38濃郁朱古力香氣撲鼻而來,入口即化的絲滑質感,溫度恰到好處,暖暖的口感格外舒適怡人,堪稱冬日最佳暖心飲品。百利甜黑糖奶-$78Baileys香醇濃郁,黑糖帶來溫潤甜香,奶味濃郁細膩,酒精度適中,回甘持久總結, The Steakhaus性價比幾高, 服務都唔錯, 係幾適合同朋友一齊去解壓既地方!
繼續閱讀
近排係咁食串燒/燒烤/打邊爐，呢日想食「好西」！今次試喺其他Foodie 度見到食物好吸引嘅餐廳！呢間餐廳裝修行懷舊風格，有型嘅橙啡色設計，再加黃色嘅燈光+獨特嘅燈，好型格👍 題外話，我好鍾意啡色皮櫈，屋企嗰張都係咁上下顏色，呢度仲要係卡位🥰 Menu上面好多款都好吸引，但我胃就得一個，用咗好多時間揀食咩🤣 仲有啲揀唔到唯有下次再嚟試❤️呢度係用QR code落單，飲品先上，酒鬼見到最開心😍Otto Athenian Spritz $78好清新，個杯圓碌碌好得意好特別，餐前小酌一杯好開胃Glenelly Glass Collection Merlot (by glass) $78另外叫咗杯紅酒，呢排飲多咗Sake，終於有得飲紅酒🥰#安格斯Prime有骨肉眼 15oz 配沙律 $258 + #焗蒜 $12一上菜就聞到好香牛油味，好大塊，雖然無得揀幾成熟但燒到啱啱好，我哋仲叫咗焗蒜做side dish，個面焗到少少燶，好食❤️#滿滿蜆肉蝴蝶粉 $118超！級！推介呢個！尤其是鍾意食蜆唔好錯過，真係爆～多蜆，未試過食極都仲有，超滿足🫶🏻個汁勁Creamy ，好香有微辣，好惹味，蝴蝶粉索晒啲汁不得了👍👍我哋食晒個意粉同蜆都仲有飲埋啲汁🤣#甜薯條 $38唔係好多地方有甜薯條食，見到呢度即刻點嚟食🤭推介蜆肉蝴蝶粉👍👍 其實我仲想試個羊架，仲有啲side dish都好吸引，可惜食唔落喇😂 揾次再嚟食～
繼續閱讀
最近和朋友聚餐，去依間舖面毫不顯眼的扒房。店內的簡約裝潢卻充滿懷舊感，皮沙發、格子地磚和黃燈照明，讓人感受到七八十年代的電影情懷。美食方面提供的扒類、披薩、意粉以及甜品都相當吸引。牛油果芒果蟹肉他他 $88以清甜的芒果搭配絲絲蟹肉和柔滑的牛油果，味道清新，口感層次豐富。啖啖蟹膏蟹餅 $78蟹餅足料啖啖蟹肉，碟上掃了一層蟹膏，增添鮮味之餘，多了份藝術感。經典卡邦尼披薩 $110長形披薩批底脆薄，上面佈滿芝士，還有煙肉碎和火腿，鹹香美味，抵食。安格斯Prime西冷配烤大蒜 加半隻芝士龍蝦 $196牛扒七成熟肉質軟腍，牛味十足且多汁。少許黑椒調味，有牛油蒜蓉香氣。配菜烤大蒜香口。而半隻覆蓋厚厚芝士的龍蝦，邪惡到不得了，令人芝味滿足。百利甜黑糖奶 $78賣相有趣，結合了甜酒、牛奶和黑糖，香滑的奶味中帶著淡淡的酒香，甜甜的口感非常容易入口。
繼續閱讀
依間餐廳風格好特別🍸🛎係門外面望已經好似走入左80 90年代美式扒房，餐廳亦加入左d新派既裝飾，光影同氣氛都拿捏得好好，眼見有唔少情侶同一班朋友仔來開餐👬食物質素和選擇都令人滿意，出乎意料既係價錢方面相當貼地。🦪 滿滿蜆肉蝴蝶粉 $118呢碟菜式蜆肉蝴蝶粉🦪，真係對得住個菜式名，可以話係蜆味十足！🥢蜆肉鮮香撲鼻，食落鮮嫩，味道濃郁。蝴蝶粉吸咗湯汁，食起來唔會太油膩，反而好清爽。湯底夾雜住蜆肉嘅鮮味，令人每一口都想再嚐多一口。外觀方面，顏色繽紛，蜆肉同蝴蝶粉搭配得好靚，真係一碟好食又好睇嘅菜式🥒🥑🌶️ 青瓜牛油果沙律 $88依款沙律用既食材其實好簡單，但味道卻唔單一。🥑呢碟沙律冇用到傳統沙律菜，反而用青瓜同牛油果，口感同味道配搭相當特別。青瓜清脆，牛油果滑順，兩者之間嘅口感對比非常吸引。加上少少辣味🌶️ 令整體味道豐富。外觀上，綠色系好吸引，食落去真係有一種健康嘅感覺，適合夏天食，清爽又消暑。🥩🔥🍞 鐵板油泡黑安格斯封門柳扒 12oz 配酸種包 $218呢碟鐵板安格斯扒🥩上碟時，侍應會倒入牛油，熱油滋滋炸炸咁彈起，香味十足。牛扒肉質軟滑，咬落去覺得幾軟熟，然後牛肉味慢慢滲出嚟，真係好好味。另外搭配酸種包，色彩對比強烈，食落去冇咩酸酸既感覺，而麵包底部浸住香濃牛油令整體味道更豐富 😋一啖牛扒配一啖酸種包，簡直完美！🐖🍷🍏 黑毛豬鞍架 配火腿脆片及紅酒蘋果 $128依個豬鞍架係一個精緻且富有層次感的菜式，🔍豬扒相當厚切，經過適當嘅烹調，整體肉質保持咗柔嫩與多汁，口感令人滿意。火腿脆片提供咗一個出色的口感對比，令整體味道更加豐富。🍏紅酒蘋果的香甜味道，為豬扒增添咗一個意想不到的風味，除左香濃肉味，亦帶來清新既風味。🍏🍹✨ 青蘋果莫吉托 $78 食左咁多油脂重既食物，依個Mojitos就岩曬！😋飲落去好清新，青蘋果味道酸酸甜甜，仲帶有薄荷嘅清香，真係一啖過癮！🍏外觀青綠色飲品加上薄荷，令我一見就想飲，而且酒精唔重，幾易入口The Steakhaus 🐖🥩🍹太子太子道西91-91A號地舖人均$200 +10%#香港美食 #旺角美食 #扒房 #steak #mongkok #mkfood #bloggertony
繼續閱讀
您可能會有興趣的...