影片
港鐵太子站 D 出口, 步行約3分鐘
繼續閱讀
電話號碼
67682966
營業時間
今日營業
11:30 - 23:45
00:00 - 00:30
星期一至日
11:30 - 23:45
00:00 - 00:30
公眾假期
11:30 - 23:45
00:00 - 00:30
公眾假期前夕
11:30 - 23:45
00:00 - 00:30
以上資料只供參考, 請與餐廳確認詳情
餐廳：金記小食酸辣粉地點：太子汝州街19-25號英來大廈地舖（太子站D出口約100米）菜式：川式外賣店餐牌：酸辣粉，多款小食招牌酸辣粉 $27招牌酸辣粉價錢$27，可以逐樣餸逐樣餸加，豐儉由人。個粉係薯粉，極度煙韌滑溜，可轉米綫可加菜。配有香脆花生，榨菜，芫荽同肉碎。可選辣度，我叫左小辣，食到我出左身汗，兩行鼻涕都出晒黎。麻辣燙 麻辣燙可以加$10加薯粉，米綫或者麵。配有芫荽。味道都頗麻同辣。其他料我加左：木耳 $8 爽脆海帶 $8 爽脆娃娃菜 $9 一大條，都好嫩口魚蛋 $11 有三粒，較爲實墨魚丸 $11 有三粒，都係較實碗仔翅 $22呢個係小碗，係一隻正常外賣飯碗。個翅夠杰身，味道唔錯。中間仲飲到醋味。好足料，食到唔少冬菇同雞絲。最佳搭配 $30呢個都係小碗。最佳搭配其實包括白蘿蔔，豬紅，韭菜同大腸。豬紅有5件左右，好爽脆。韭菜非常香嫩，好味道。大腸有8件左右，好淋。白蘿蔔墊底有三大件。呢個小食就唔算太辣啦。食物即叫即整，唔洗等好耐就有。平日午餐時份都有唔少客仔叫酸辣粉。
繼續閱讀
金記小食酸辣粉早幾日經開太子又去咗掃街，不過今次唔係食燒賣魚蛋，係食酸辣粉，佢哋酸辣粉好似車仔麵咁可以加餸，每樣餸大約$5至$13不等！1.招牌酸辣粉$25+$8+$8（9/10）配菜：海帶、豆卜、榨菜、炸花生、肉碎、薯粉呢碗酸辣粉揀咗中辣，麵揀咗薯粉，亦可轉米線，本身已經有榨菜、炸花生同肉碎，我就加咗海帶同豆卜，豆卜吸哂酸辣湯底嘅汁，越食越惹味，薯粉好煙韌彈牙，整體唔錯好食！2.麻辣燙$25+$10+$8+$8+$8+$8+$9+$10+$10（10/10）配菜：海帶、豆卜、芝士丸、蘿蔔、香菇貢丸、墨魚丸、魚蛋、薯粉呢碗麻辣燙揀咗小辣，同樣揀咗薯粉，唯一唔同 就係無酸辣湯咁濃味，呢個帶少少麻味，仲加咗好多配料，好飽肚好滿足！3.最佳搭配（小）$28（10/10）配料：蘿蔔、豬紅、韭菜、豬腸呢碗最佳搭配真係無改錯名，果4樣配料真係好夾，份量又多，蘿蔔好甜無渣，豬紅彈牙，韭菜好香，豬腸乾淨夠肥，超好味！4.泡椒雞尖$20（10/10）最後點埋呢個雞翼尖，辣辣地，一共有10隻！2人總共價錢$185個人口味總評分：9.75/10@lwq54888693地址：太子汝州街21號英來大廈地下C號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#金記小食酸辣粉 #太子 #太子好去處 #太子美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
過嚟太子交收完覺得有啲肚餓，搵到呢間有好多掃街小食嘅小店。見到個酸辣粉又幾吸引，怕唔夠飽仲點埋個碗仔翅。招牌酸辣粉個粉本身已經有大量配菜，包括：芫荽、榨菜、炸花生、肉碎。第一次食我揀咗BB辣，薯粉口感煙韌彈牙。我加咗幾個餸：豬紅、魚蛋、牛丸、蟹籽丸同白蘿蔔。全部餸都索晒湯底啲汁，食落好夠味之餘又幾開胃🤤，下次可以叫小辣試下。兩溝碗仔翅熱辣辣好足料，由木耳絲、冬菇絲、雞肉絲所組成。掃街最鍾意點嘅嘢食之一，加埋醋同胡椒粉就更惹味啦😋。
繼續閱讀
香港嘅特色小食？點可以冇魚蛋燒賣、碗仔翅、酸辣粉⋯？諗起都流口水🤤呢間仲要開到凌晨12點！✨魚肉碗仔翅配料好足，有冬菇/木耳絲/雞絲，手打魚肉份量又多又彈牙，加埋醋、麻油糊椒粉同辣菜譜，不得了🤩✨麻辣燙5種辣度可以選用，我小辣已經好夠。配料今次揀海帶/芝士腸/木耳/香菇貢丸/牛丸咁多餸都係$50左右，已經夠哂飽。✨酸辣粉薯粉好煙韌彈牙，配有大量肉碎、榨菜同花生。配料我揀咗兩款魚蛋，陳皮魚蛋比較香口、大魚蛋比較彈牙，兩款都好食。✨韮菜豬紅大腸大腸好香口唔會太肥，配埋韭菜豬紅，好好味。
繼續閱讀
原本友人話帶我去太子食古法芝麻糊，但係冇理由未食晏就先食甜品，諗緊點樣算，就見到佢隔離有間小食酸辣粉。見佢仲有位置可以放好碗粉企喺度食我哋點咗佢大大隻介紹嘅麻辣燙同埋酸辣粉，再點咗個雙拼水餃同小碗最佳搭配來分享碗酸辣粉好似細細碗咁但其實成碗都係料，有肉碎，花生，榨菜同埋芫荽，我怕叫咗BB辣，酸酸地好惹味，啱晒夏天食。另外朋友仔嘅麻辣燙就點咗小辣多麻，湯底食落好過癮，加上魚蛋，牛丸、雲耳、芝士腸同薯粉，非常豐富。估唔到佢哋嘅水餃咁大隻，大過隻匙羹，唔係出邊雪藏嗰啲咁，佢仲有少見嘅芫荽餃，好香。個最佳搭配其實係蘿蔔、韭菜、豬紅、大腸，都係碗細細其實入邊滿一滿，有好多件大腸同豬紅佢即叫即整，等待嘅期間見到好多外賣送餐，記住現場係一定要俾現金嘅，好彩有錢起身
繼續閱讀
您可能會有興趣的...