影片
電話號碼
46886620
開飯介紹
這壽司店採用日式簡約裝潢，環境舒適。廚師發辦由經驗豐富的師傅主理，並選用多款日本空運到港的時令食材，鮮味十足，價錢親民。
繼續閱讀
營業時間
今日營業
12:00 - 15:30
18:00 - 22:30
星期一至日
12:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
幫襯左三次 每次啲魚生都係好新鮮美味 住左喺元朗咁多年 呢間算係好好味 而且睇得出 老闆好用心去做 無論環境 食物 員工 連杯茶都飲得出好有heart 壽司就唔洗講 最正係佢個甜品 係超甜嘅日本蜜瓜 壽司set 158有咁嘅package 真係超讚 頭兩次都係sushi set 今次食左個角切丼都好好食 除左有鮮甜肥美嘅toro粒 仲有三文魚 海蝦 仲有啲其他魚類 最特別仲加左啲油漬左嘅冬菇粒 加埋一齊食 有唔同口感同味道 配合得好好最後同樣地有蜜瓜作結 同行朋友都話正 佢話仲好味過佢上次喺東京食過嘅omakase set總之 推!
繼續閱讀
今次我去咗間日本料理店，心情興奮到爆煲！開始我地就點咗枝豆，啱啱好嘅咸味啖啖嘅爽口，絕對係打邊爐嘅恩物啊！然後係日式漬物，真係將我嘅胃口吊到好高——口感爽脆，加上小小酸香，正💯！跟住我地叫咗海鰻卷和唐揚，兩樣都處理到啱咁滴水，海鰻又滑又香，個唐揚外皮金黃崩脆，入口即溶，雞肉超嫩滑，好吃到停唔到口啊！接著就係重頭戲——職人漁師八貫同本鮪盛，成八款靚靚刺身，新鮮程度真係無得輸，每一啖嘅細嫩感覺喺口中散開，完全係味覺嘅盛宴。尤其係拖羅，肉質鮮美得黎有油光光㗎，真係新鮮過癮！至於麵豉燒吞拿魚鮫，又香又脆嘅皮，喺嗜嘴力道中揭示住每一口魚嘅嫩滑，超級滿足！抱住「我要口感我要鮮味」嘅心態，每一樣菜式都惹味得嚟，每一口都令我好過癮，食得好開心、好滿足！簡直係食得意忘形，心情大好emoji都來不及貼呀！🍣🥢🎉
繼續閱讀
呢間小店係朋友介紹，話值得一試，抱住試下無妨既心態就入左去元朗。去到發現舖頭雖然細，但都有分Bar枱同普通枱，我地今次係坐bar枱望住師傅整壽司比我地。雖然唔係食Omakase，但師傅係逐件壽司上比我地，呢一點幾好，壽司飯放得耐會硬左，而師傅咁樣處理就可以避開呢點。同朋友叫左啲刺身同小食share，所有刺身都好新鮮，叫左粒貝，赤貝，新鮮鯖魚唔同坊間用醋處理過，一啲醋味都冇，將魚皮燒一燒，一啲都唔腥仲好好味！仲有原隻海膽，即開即食 新鮮好味😋小食大推脆炸川海老(炸白蝦)👍🏻👍🏻👍🏻👍🏻 呢個真係唔係周圍都有，白蝦連殼炸到好脆，送酒一流。牡丹蝦壽司 - 呢到會將蝦膏燒左再放係蝦面比客人食埋👍🏻👍🏻👍🏻燒過既蝦膏好香，令到成件牡丹蝦壽司口感更好更香。最後仲有燒吞拿魚魚鮫，魚鮫個調味好好，配埋烘過既麵包同日本蕃茄切成蓉一齊食簡直係絕配。日本蕃茄蓉好甜同埋麵包減輕左魚鮫既油膩感。雖然好邪惡，但下次都會再食😂整體用餐非常愉快，係一個同朋友聚會既好地方
繼續閱讀
同同事趁住中午黎呢度試下，呢度都有啲日本風既裝修，幾有特色。我叫佐極上拖羅丼，一個丼飯有齊大拖羅，中拖羅同埋赤身，每一樣都好新鮮，好鮮甜，一啲都唔會腥，再加埋紫菜碎，醃蘿蔔同埋菇片去做配料，啲飯仲有調味添，一個好豐富嘅丼飯！同事就叫佐職人壽司盛，有三文魚，鰤魚，文甲魷魚，赤蝦，火炙三文魚腩邊，吞拿魚蓉，軍艦2貫同小卷3件，非常之多，淨係三文魚都已經好肥美，魷魚又夠晒煙靭爽口，其他好似鰤魚呢啲特別啲嘅壽司都好好食，魚肉好鮮味好爽甜，真係日本新鮮直送！我地仲加埋午餐追加小食，叫佐香蔥吞拿魚蓉海苔卷同埋蟹膏蟹肉海苔卷，我好鍾意佢嘅飯全部都係有調味，唔使再點其他豉油，蟹膏蟹肉嘅海苔卷就真係充滿濃香嘅蟹膏，亦都有好鮮甜嘅蟹肉，用海苔包住嚟食超好食！
繼續閱讀
心心念念日本美食，奈何公司無晒假放，又周身唔得閒，唯有走轉元朗，一解單思美食之苦😩今次去呢間日式店喺位於元朗嘅，餐廳喺廚師發辦，由經驗豐富的師傅主理，並選用多款日本空運到港的時令食材，鮮味十足🤩❤️❤️❤️吞拿魚大拖羅❤️❤️❤️應該喺最肥美的部份，因為見到拖羅佈滿精緻的魚油花紋，油分充足，口感入口即溶又油香四溢而又鮮味無比，大推🤤❤️❤️❤️海鰻卷❤️❤️❤️口感較腍，而且魚味較清淡，配合醬汁同芝麻剛好味道唔濃唔淡，魚肉清甜，都唔錯🤭❤️❤️❤️梅子蟹膏小卷❤️❤️❤️呢個小卷努特別，首先系食到梅子酸甜酸甜嘅味道，然後蟹膏喺回味過後先至有香味湧出，Good😙❤️❤️❤️干漂小卷❤️❤️❤️有好香嘅醬油香氣，鹹甜鹹甜，可以令人胃口大開，食完精神飽滿😆❤️❤️❤️海膽魷魚❤️❤️❤️海膽魷魚可以一次過滿足味蕾渴求，蟹肉鮮甜味配合海膽軟綿質感，入口鮮味爆發，加上惹味的魷魚，味道一流😎❤️❤️❤️生芥辣八爪魚❤️❤️❤️混合咗鮮味八爪魚刺身同濃郁芥末，味道鮮味獨特，開胃醒神，而且八爪魚刺身爽口有彈性，真係好正😋
繼續閱讀
您可能會有興趣的...