職人壽司

營業中

休息中

早前同老闆曾幫襯過呢間壽司店，當時氣氛同環境都唔錯，最吸引既係師傅整壽司既功藝，當時叫廚師發辦，師傅好有心機講解每種魚既口感，點樣食先好食，好感受到師傅果種‘‘職人精神’’，當然會再幫襯啦～但今日到店時，發覺似轉左手，不過唔緊要都一於去試。老闆Order左個海膽丼飯套餐，自己就叫左鰻魚飯套餐。之後套餐上枱，發覺茶碗蒸唔夠熱，得微溫，而且食食下有頭髮係入邊，對比早一兩次黎食果陣，已經好大分別。

這間日式小店我經過很多次，但一直沒試過。這次午餐決定來這裡用餐。小店雖然座位有限，但環境整潔，店員也非常有禮貌。食物則使用新鮮食材。🍣角切魚生丼，魚生非常新鮮，色澤鮮豔，肉質嫩滑。調味過的醋飯粒粒分明，帶有微微的酸甜味道。🍱浦燒鰻魚丼帶有醋酸味的米飯佈滿了蛋絲和木魚絲。鰻魚肉質柔嫩，搭配微微焦脆的表皮，口感極佳。 鰻魚的醬汁甜鹹適中，令鰻魚丼更加美味。🥢茶碗蒸的口感滑順，底層加入了蜆肉，讓茶碗蒸增添了海鮮的鮮味。

成日到元朗穩食，職人壽司一直在我bookmark內，因元朗林林總總餐廳眾多，攪到我差啲遺忘咗呢間出色嘅壽司餐廳。🥢 炙燒左口魚邊海膽丼 🥢 職人魚生丼呢兩個都係套餐嚟，基本上有蟹籽沙律、味噌麵豉湯、蟹肉蒸蛋及日本蜜瓜。 其實我一直麵唔喜歡飲麵豉湯，普遍地覺得佢好咸，但呢間做到有味之餘亦都唔會好咸，岩的。 蒸蛋落左蟹肉，蛋滑而鮮；而主菜個丼，啲魚生/ 刺身明顯好新鮮，飯落左色水，估計豉油，有味而不咸，搭配上來不俗。食完一個餐再吃飯後果，滿足😌。另外想講，老闆好友善，會同你傾計又會知你打卡而幫你收碟擺碟。

第一次食，店舖小小枱不算多，要去食最好就係一早book定，刺身及壽司都很新鮮，雖然餐牌食物不多，但質量是好的👍🏻👍🏻👍🏻，下次會再去食，因為見隔離枱食的丼很吸引

冇咩胃口想食下刺食，見呢間元朗小店好受歡迎，一於試吓佢！嗌咗個火炙刺身丼，入面有兩片灸燒三文魚、兩片赤蝦、同兩片左口魚，仲有好多配料，有菇、姜同埋黃瓜。刺身新鮮好味道，平時對蝦麻麻嘅我都覺得幾好味。終於搵到刺身飯，係由醬油醋味嘅，就算唔使點樣再落醬油已經覺得好味！個人覺得係好食高質嘅，不過份量有啲偏細份，食完都仲係有啲肚餓😂

 一直放喺想去List好耐，週六中午就去左食，入面唔算太多位置，繁忙時間可能需要稍稍等位！午市套餐仲包左麵豉湯、飯後水果，幾抵食。🍣角切魚生丼 $108★★★★☆刺身略略唔夠凍，但勝在份量足，夠豐盛，有三文魚、蝦、魷魚、吞拿魚等各種刺身粒，加上新鮮有口感，食落超正！呢個價位黎講好抵食！🍣炙燒丼 $98★★★☆☆炙燒都唔錯有左加魚、原隻蝦、魚、三文魚，新鮮嘅，但唔算好肥美。個人覺得佢唔夠炙燒，冇個種焦香感同埋D魚油燒到逼出黎。但整體黎講都係唔錯嘅！醋飯都夠味，但可以再軟燸啲！🌟總括：元朗少見呢種級數嘅日本小店，味道中上，用料新鮮，價錢抵，會再去幫襯！ 

一入到去小店嘅感覺氛圍好好，服務態度都好好，店員好主動幫你添茶，用QR CODE落單，佢用嘅食材都食得出好新鮮，睇到出壽司師傅對食材係有要求，我咁啱遇到點嘅食物無晒，壽司師傅會主動建議你食咩或者由佢幫你揀，出壽司時師傅都會同你介紹轉咗咩款，食完又會問你啱唔啱食，再同你介紹同平時出面食嘅有啲咩唔一樣，喺等待同食緊嘅過程中，你會感受到師傳對自己嘅食材十分有信心。雖然佢唔係低價位嘅壽司，但佢食材質素同埋服務態度，絕對係一間值得一試嘅壽司小店。

夏日炎熱胃口通常不佳 會想吃壽司冷麵等食物 最近終於到了元朗西菁街富達廣場下面的 #職人壽司 食晚餐.這家店位於有點隱蔽角落 雖然不大 但進門後的氛圍卻令人感到溫馨和舒適 讓人一踏入就有種置身於日本街頭小店的感覺 建議可先訂座 晚上有晚市定食可選擇 主要是刺身丼飯或自選壽司 但最後我們決定了散叫壽司 送上來的是一盤精緻的握壽司，色澤吸引令人有食慾 魚生的新鮮 口感柔嫩 完全沒有腥味。米飯亦是先經過調味 調味也恰到好處 既不會過於酸甜 也不會掩蓋魚生的鮮味除了握壽司，我還點了 香蔥吞拿魚、火炙左口魚邊、蟹肉蟹膏海苔卷 海苔卷的材料豐富 搭配得當 嚐到不同的層次感 個人最喜愛火炙左口魚邊 左口魚邊經火炙後魚油滲入壽司飯 滿足了味蕾總括來說 職人壽司是一間值得推薦的壽司小店

#乜乜飲食日記🔺1-4人🔺高質壽司刺身小店———————————————一直比店名同裝修吸引，今晚終於試到，果然無失望😌 餐牌仲有廚師發版壽司，10貫壽司+小食前菜甜品等等四百幾蚊加一～🍊職人魚生丼定食 $188》魚生新鮮不在講、種類好新鮮，有三文魚、赤蝦同幾款魚生，醬油飯做底，菇都好入味👍🍊蔥盛炙燒左口魚丼定食 $188》成碗都係炙燒左口魚堅開心☺️都係醬油飯🍊追加：炸池魚+$38 》好脆口，唔厚粉👏🏻🍊追加：芝士蟹籽三文魚卷+$48》正常~可以再實淨啲晚市定食隨左特別嘅麵豉湯，仲有哈蜜瓜做甜品🍈🤩回頭率：🍊🍊🍊🍊/5是次消費：～$250@🔺乜乜有感：丼飯無疑比壽司CP值高，不過壽司可以更顯師傅功架，下次要試☺️成日覺得壽司郎CP值高，食飽飽都係二百幾蚊位。不過諗深一層，差唔多價錢，食少啲、食精啲，會唔會有另一種滿足？***************************職人壽司元朗西菁街23號富達廣場地下1號舖***************************#mug4fun #乜乜吉吉

幫襯左三次 每次啲魚生都係好新鮮美味 住左喺元朗咁多年 呢間算係好好味 而且睇得出 老闆好用心去做 無論環境 食物 員工 連杯茶都飲得出好有heart 壽司就唔洗講 最正係佢個甜品 係超甜嘅日本蜜瓜 壽司set 158有咁嘅package 真係超讚 頭兩次都係sushi set 今次食左個角切丼都好好食 除左有鮮甜肥美嘅toro粒 仲有三文魚 海蝦 仲有啲其他魚類 最特別仲加左啲油漬左嘅冬菇粒 加埋一齊食 有唔同口感同味道 配合得好好最後同樣地有蜜瓜作結 同行朋友都話正 佢話仲好味過佢上次喺東京食過嘅omakase set總之 推!

今次我去咗間日本料理店，心情興奮到爆煲！開始我地就點咗枝豆，啱啱好嘅咸味啖啖嘅爽口，絕對係打邊爐嘅恩物啊！然後係日式漬物，真係將我嘅胃口吊到好高——口感爽脆，加上小小酸香，正💯！跟住我地叫咗海鰻卷和唐揚，兩樣都處理到啱咁滴水，海鰻又滑又香，個唐揚外皮金黃崩脆，入口即溶，雞肉超嫩滑，好吃到停唔到口啊！接著就係重頭戲——職人漁師八貫同本鮪盛，成八款靚靚刺身，新鮮程度真係無得輸，每一啖嘅細嫩感覺喺口中散開，完全係味覺嘅盛宴。尤其係拖羅，肉質鮮美得黎有油光光㗎，真係新鮮過癮！至於麵豉燒吞拿魚鮫，又香又脆嘅皮，喺嗜嘴力道中揭示住每一口魚嘅嫩滑，超級滿足！抱住「我要口感我要鮮味」嘅心態，每一樣菜式都惹味得嚟，每一口都令我好過癮，食得好開心、好滿足！簡直係食得意忘形，心情大好emoji都來不及貼呀！🍣🥢🎉

呢間小店係朋友介紹，話值得一試，抱住試下無妨既心態就入左去元朗。去到發現舖頭雖然細，但都有分Bar枱同普通枱，我地今次係坐bar枱望住師傅整壽司比我地。雖然唔係食Omakase，但師傅係逐件壽司上比我地，呢一點幾好，壽司飯放得耐會硬左，而師傅咁樣處理就可以避開呢點。同朋友叫左啲刺身同小食share，所有刺身都好新鮮，叫左粒貝，赤貝，新鮮鯖魚唔同坊間用醋處理過，一啲醋味都冇，將魚皮燒一燒，一啲都唔腥仲好好味！仲有原隻海膽，即開即食 新鮮好味😋小食大推脆炸川海老(炸白蝦)👍🏻👍🏻👍🏻👍🏻 呢個真係唔係周圍都有，白蝦連殼炸到好脆，送酒一流。牡丹蝦壽司 - 呢到會將蝦膏燒左再放係蝦面比客人食埋👍🏻👍🏻👍🏻燒過既蝦膏好香，令到成件牡丹蝦壽司口感更好更香。最後仲有燒吞拿魚魚鮫，魚鮫個調味好好，配埋烘過既麵包同日本蕃茄切成蓉一齊食簡直係絕配。日本蕃茄蓉好甜同埋麵包減輕左魚鮫既油膩感。雖然好邪惡，但下次都會再食😂整體用餐非常愉快，係一個同朋友聚會既好地方

同同事趁住中午黎呢度試下，呢度都有啲日本風既裝修，幾有特色。我叫佐極上拖羅丼，一個丼飯有齊大拖羅，中拖羅同埋赤身，每一樣都好新鮮，好鮮甜，一啲都唔會腥，再加埋紫菜碎，醃蘿蔔同埋菇片去做配料，啲飯仲有調味添，一個好豐富嘅丼飯！同事就叫佐職人壽司盛，有三文魚，鰤魚，文甲魷魚，赤蝦，火炙三文魚腩邊，吞拿魚蓉，軍艦2貫同小卷3件，非常之多，淨係三文魚都已經好肥美，魷魚又夠晒煙靭爽口，其他好似鰤魚呢啲特別啲嘅壽司都好好食，魚肉好鮮味好爽甜，真係日本新鮮直送！我地仲加埋午餐追加小食，叫佐香蔥吞拿魚蓉海苔卷同埋蟹膏蟹肉海苔卷，我好鍾意佢嘅飯全部都係有調味，唔使再點其他豉油，蟹膏蟹肉嘅海苔卷就真係充滿濃香嘅蟹膏，亦都有好鮮甜嘅蟹肉，用海苔包住嚟食超好食！

心心念念日本美食，奈何公司無晒假放，又周身唔得閒，唯有走轉元朗，一解單思美食之苦😩今次去呢間日式店喺位於元朗嘅，餐廳喺廚師發辦，由經驗豐富的師傅主理，並選用多款日本空運到港的時令食材，鮮味十足🤩❤️❤️❤️吞拿魚大拖羅❤️❤️❤️應該喺最肥美的部份，因為見到拖羅佈滿精緻的魚油花紋，油分充足，口感入口即溶又油香四溢而又鮮味無比，大推🤤❤️❤️❤️海鰻卷❤️❤️❤️口感較腍，而且魚味較清淡，配合醬汁同芝麻剛好味道唔濃唔淡，魚肉清甜，都唔錯🤭❤️❤️❤️梅子蟹膏小卷❤️❤️❤️呢個小卷努特別，首先系食到梅子酸甜酸甜嘅味道，然後蟹膏喺回味過後先至有香味湧出，Good😙❤️❤️❤️干漂小卷❤️❤️❤️有好香嘅醬油香氣，鹹甜鹹甜，可以令人胃口大開，食完精神飽滿😆❤️❤️❤️海膽魷魚❤️❤️❤️海膽魷魚可以一次過滿足味蕾渴求，蟹肉鮮甜味配合海膽軟綿質感，入口鮮味爆發，加上惹味的魷魚，味道一流😎❤️❤️❤️生芥辣八爪魚❤️❤️❤️混合咗鮮味八爪魚刺身同濃郁芥末，味道鮮味獨特，開胃醒神，而且八爪魚刺身爽口有彈性，真係好正😋

去完日本旅行無耐，又想食日本野🙈誠意推介呢間喺元朗嘅職人壽司俾大家，之前疫情無得去日本時我都係靠佢尋回日本嘅味道🤣魚類海產新鮮，小菜炸物整得有心機，食過嘅朋友都大讚❤️先食 安康魚肝 同 白魚薄切 開一開胃🙊魚肝切得好厚，完全無腥味，十分柔軟😌師傅刀功了得，白魚切得透薄平均，欣賞❤️店員推介我哋試吓 牛肉他他，果然無介紹錯😎牛肉選用嘅部位好出色，帶點脂肪又唔會好肥好膩🥰然後係今日嘅重頭戲✨✨本鮪盛✨✨一客有吞拿魚赤身2貫、中拖羅2貫、大拖羅2貫同吞拿魚蓉軍艦2貫，全部都係我最❤️嘅呑拿魚😍醋飯微酸帶甜，加埋品質極好嘅日本呑拿魚簡直係幸福嘅味道🥹